Конспект урока по кабардинской литературе по теме "Бзу" Тхьэмокъуэ Б. (3 класс)

Темэр.  Тхьэмокъуэ Барэсбий «Бзу» Мурадыр. Рассказым гъэхуауэ къеджэфу, гупсысэ нэхъыщхьэр къахутэфу  сабийхэр егъэсэнымкIэ лэжьыгъэм къыпыщэн. ЕджакIуэхэм я бзэм  зегъэужьын. Псэущхьэхэм гулъытэ хуащIу, ахэр щIыуэпсым и Iыхьэ  нэхъыщхьэхэм зэрыщыщыр къагурыIуэрэ ахэр хъумэным хущIэкъуу  къэгъэхъун. Урокым ехьэлIапхъэр. «Бзухэр щIымахуэм» компьютер презентациехэр е  сурэт гъэлъэгъуэныгъэр. I. Унэ лэжьыгъэр къэпщытэжын. 1. «ИлъэсыщIэ» усэр сабийхэм гукIэ жегъэIэжын.  Усэм хуэгъэува упщIэхэм еджакIуэхэм жэуап ирегъэтын. 2. Тетрадым ит лэжьыгъэхэр зэрагъэзэщIам щыгъуазэ зыщIын. 3. «ИлъэсыщIэ» зи фIэщыгъэцIэ тхылъ IэрыщI ящIахэм тегъэпсэлъыхьы­жын, хъуэхъу ятхахэм къегъэджэжын. II. ТемэщIэм елэжьын. 1.   «Къуалэбзухэр   щIымахуэм»  сурэт  гъэлъэгъуэныгъэм   егъэплъын. Бзухэм щIымахуэм я псэукIэм теухуауэ сабийхэр зыщыгъуазэр  жегъэIэн, ямыщIэм щыгъуазэ щIын.  2. Рассказым езыр­езыру къегъэджэн. КъагурымыIуэ псалъэхэр псалъалъэ­хэм къыщегъэгъуэтын. 3. Рассказыр зытеухуар зы псалъэкIэ жегъэIэн. (гуапагъэм, гулъытэм, гущIэ­ гъум, ….) 4. Рассказым и  лIыхъужь нэхъыщхьэр къегъэхутэн. 5. Дадэрэ Аслъэнрэ  сабийхэм къазэрыщыхъум тегъэпсэлъыхьын. 6. Бзу цIыкIур къезыхужьа  шынагъуэр жегъэIэн? 7.   Шхын зылъэгъуа бзу цIыкIум   ищIар къегъэIуэтэжын?   (И закъуэ шхэуэ ежьэжакъым, и ныбжьэгъухэри игъэшхэну къишащ.) 8. Бзу   цIыкIур   зыхуэдэр   къэзыгъэлъагъуэ     псалъэ   щхьэхуэхэр   сабийхэм жегъэIэн.  9. Михаил   Пришвин   жиIэгъащ:    «Я   ведь,  друзья,  пишу   о   природе,  сам   же только   о   людях   и   думаю».   (Сэ   щIыуэпсым   сытотхыхь,   ауэ   сыт   щыгъуи сызэгупсысыр цIыхухэрщ). Фэ дауэ феплърэ, сыт абыкIэ М. Пришвин жиIэну зыхуейр?   III. Унэ лэжьыгъэ. Рассказым сурэт зыбжанэнэ сабийхэм хуегъэщIын.  Рассказым хуэгъэува упщIэхэм жэуап ирегъэтын. Тетрадым ит лэжьыгъэхэр егъэгъэзэщIэжын. «Бзухэр щIымахуэм» IэрыщI тхылъ цIыкIу егъэщIын.