Конспект урока по кабардинской литературе по теме "Фэеплъ" К1уант1э 1э. (3 класс)

Темэр. КIуантIэ Iэзид «Фэеплъ» Мурадхэр.    Сыт   хуэдэ   тхыгъэ   лIэужьыгъуэхэми   езыр­езыру   еджэрэ,   абы щIэныгъэ,   дерс     къыхахыфу   егъэсэнымкIэ,   я   бзэм,   зэхэщIыкIым зегъэужьыныкIэ   лэжьыгъэ   егъэкIуэкIын.   Зэджэ   тхыгъэр   зэджахэм иралъытыфу,   тхыгъэ   зэмылIэужьыгъуэхэм   хэт   лIыхъужьхэм   зэщхьу   фIы яхэлъыр   зэхагъэкIыфу,   абы   щапхъэ   трахыну   хущIэкъуу   гъэсэн.   Iуэхугъуэ мыщхьэпэ   тхыгъэм   хэтхэм   я   щхьэусыгъуэр   зэхагъэкIыфу,   апхуэдэ къэмыхъуным хущIэкъуу гъэсэн.  Тхыгъэм и гупсысэ нэхъыщхьэр къегъэхутэн.  Урокым   къыщыгъэсэбэпын   хуейхэр.  Адыгэ   цейм   и   сурэт   гъэлъэгъуэ­ ныгъэр, кIэIупхъуэ сурэтхэр.   Урокыр зэрекIуэкIынур I. Унэ лэжьыгъэр къэпщытэжын. 1. Усэм удихьэхыу гукIэ къегъэджэн.  2. Усэм сурэт хуащIахэмкIэ тегъэпсэлъыхьыжын. 3. ЦIыхум и Iэм лъэкIым теухуа зэпсэлъэныгъэ егъэкIуэкIын.  II. 1. АфIэунэ Лиуан и «Си IитIым» усэм и едзыгъуэхэм сабийхэр къегъэджэн. ТемэщIэм елэжьын. Угъурлыуэ ди тхьэм  Сэ фыкъызитати! ДэIэпыкъуэгъу пэжу Гъусэ фысхуэхъуат… Лъэпкъыр щыбэгъуэну, Бынхэр щыпсэуну Унэ­лъапсэ тIэкIуи  Фэ тIум схуэвухуат… Фэращ сызыхуапэр, Фэращ сызыгъашхэр, ФызинапэтхьэщIи Фэ, си зиусхьэн!... Адэжь и жьэгу мафIи ЗэхэзмыгъэкIыжу Фэращ схуэзыгъаблэр – Берычэт бесын! Дунейм сытетыхукIи СынывэмыпцIыжу Си адыгэ лъэпкъым Фи хъер езгъэкIынщ… Сыфхуэарэзыуэ Щхьэр фхузогъэлъахъшэ… 2. Усэм хэт лIыхъужьыр хэт зэпсалъэр?  3. Сыт   хуэдэ   художественнэ   Iэмал   авторым   усэм   къыщигъэсэбэпар? (къэгъэпсэуныгъэ). 4. Сыт Iэм лъэкIыр?  5. Iэм сытри лъэкIын папщIэ, сыт ар зыхуэныкъуэр? (Iэр гъэсэн хуейщ, абы щхьэкIэ ерыщу, щхьэх умыщIэу Iуэху щIэным зегъэсапхъэщ) 6. КIуантIэ   Iэзид   и   «Фэеплъ»   рассказым   езыр­езыру   сабийхэм   къегъэджэн. зэчэнджэщыжурэ   я   мыхьэнэр КъагурымыIуэ   псалъэ   хуэзэмэ,   егъэгъэбелджылын. (ЕгъэджакIуэр щадэIэпыкъун хуейр псалъэм и мыхьэнэр къахуэмыгъуэтыххэмэщ).  7. Маритэ сыт хуэдэу къащыхъуами жегъэIэн. Сыт хуэдэ Маритэ и Iэхэр? 8. Сыт   хуэдэ   Маритэ   и   ныбжьэгъухэр?   Фэ  дауэ   феплърэ,  и  ныбжьэгъухэм ящыщхэм къыжраIахэм абы нэхъ и жагъуэ хъуну хэтыр сыт хуэдэ псалъэра? 9. Сыт щIалэ цIыкIухэм дэкIэ щIрагъащIэр? 10. Сыт   хуэдэ   псалъэжькIэ   захуэбгъэзэнт   Маритэ   и   классэгъу гушыIэрейхэм? 11.  Марита хужыпIэ хъуну псалъэжьхэр къэхэфх. (ЗэIусэм псэ хелъхьэ.  IэщIагъэ зиIэ и Iэпэ дыщэ къыпощ). 12. Фызэджа   тхыгъэхэм   хэт   лIыхъужь   гурыхьхэм   хэт   сымэ   щапхъэ зытрахыу къэфлъытэр? Хэт ахэр IуэхущIэным хуезыгъасэр?    III. Унэ лэжьыгъэ.  1. Рассказым   хуэгъэувауэ   тхылъым   ит   упщIэхэм   я   жэуап   егъэгъэхьэ­ зырын. 2. Рассказым теухуауэ тетрадым ит лэжьыгъэхэр гъэзэщIэн.