Конспект урока по кабардинской литературе по теме "Гъатхэ махуэ"Хьэкъун И. (3 класс)

Темэр. Хьэкъун Исуф «Гъатхэ махуэ» (нап.II5). Мурадыр. Усэм гъэхуауэ къеджэнымкIэ яIэ есэныгъэхэр егъэфIэкIуэн;  еджакIуэхэм гуащIэдэкI лэжьыгъэ хьэлэлым пщIэ хуащIу къэгъэхъун; я бзэм  зегъэужьын. Къэгъэсэбэпыпхъэхэр. Гъатхэ лэжьыгъэхэр щекIуэкI губгъуэ, хадэ сурэтхэр  (экранымрэ ноутбукымрэ къэбгъэлъагъуэ хъунущ); «Адыгэ псалъалъэр»  (2000гъэ), сабийхэм гъатхэм хуащIа сурэтхэр. Урокыр зэрекIуэкIынур. 1. Унэ лэжьыгъэр  къэпщытэжын .  2. Гъатхэ лэжьыгъэхэр щекIуэкI губгъуэ, хадэ а) сурэтхэр доскам (экраным)  фIэлъщи, абыхэм жьэрыIуатэу сочиненэ зэхалъхьэ. б) Хьэкъун И. и «Гъатхэ  махуэ» усэм егъэджакIуэм къахуоджэ. в) «лъакъуэхь» ­ псалъэм зэрылажьэ  тетрадымкIэ йолэжь (I). г) ЕджакIуэхэр езыр – езыру усэм 2­3 къоджэ. д) Хэт  нэхъ гъэхуауэ къеджэн усэм? Зэпеуэ. е) Тхылъым ит упщIэхэмкIэ усэм  йолэжь (I­3, нап.II5). Усэм щIэлъ гупсысэ нэхъыщхьэр къахутэ еджакIуэхэм. Физминуткэ. ­ ЕджакIуэхэр гупитIу егуэш егъэджакIуэм. I гупым: 4 упщIэм и жэуапыр иратыну I­2 псалъэжьхэм я мыхьэнэр  къазэрыгурыIуэр: I. Дзыгъуибгъур зэдеIэмэ кхъей кIадащхьэр трач.  2. Лэжьэным хэзагъэр щIэныгъэми хозагъэ) (нап. II6) 2 гупым: I.5упщIэм (нап.II6) и жэуапыр иратын;  2. 3­4 псалъэжьхэм я мыхьэнэр къазэрыгурыIуэр къаIуэтэн. 3. ПхъащIэ Iэзэм мэзыр и благъэщ. 4. ЦIыхум и уасэр и лэжьыгъэрщ) Гупхэм я лэжьыгъэхэр къэпщытэн, яхуэфащэ кIэнхэр (оценкэ) еувын. Унэм: 1. Лэжьэным хэзагъэр щIэныгъэм хозагъэ. 2. ЦIыхум и уасэр и лэжьыгъэрщ. Мы темэхэм теухуауэ (езым  къызэрыхахкIэ зырыз) сочиненэ кIэщI тхын. 3. Усэм гъэхуауэ къеджэн. 4. Зэрылажьэ тетрадымкIэ лэжь.2, 3, 5 гъэзэщIэн.