Конспект урока по кабардинской литературе по теме "Гъэмахуэ" Тхьэмокъуэ Б. (3 класс)

Темэр: Гъэмахуэ Яджынур: «Хьэрун дадэрэ ТIалэ цIыкIумрэ» (Тхьэмокъуэ Барэсбий). Мурадыр: Адэжь щIыналъэм и дахагъэр  зэрызэхащIэр къахутэн, ар нэхъ куу   щIын;   рассказым   и   къеджэкIэмрэ   зэпкърыхыкIэмрэ зегъэужьын. Урокыр зэрекIуэкIыныр Унэ лэжьыгъэр къэпщытэжын. I. 1. Тетрадым 4, 5 лэжьыгъэхэр зэрагъэзэщIам кIэлъыплъын. Хьэнфэн   Алим   и   «Мэз   хъыбар»­р   зэпадзыжу   къегъэджэн, тегъэпсэлъыхьыжын. ТемэщIэм хэзышэ псалъэмакъ. II. I. Рассказыр зытхар идогъэцIыху. Тхьэмокъуэ Барэсбий Гъумар и къуэр Шэджэм районым щыщ Шэджэм Езанэ   къуажэм   майм   и   25­м   I940   гъэм   къыщалъхуащ.   Къуажэ   курытым еджапIэр   къиуха   иужькIэ   КъБКъУ­м   и   историко­филологогическэ факультетым   щоджэ.   I974   гъэм   мартым   къыщыщIэдзауэ   КъБАССР телевиденэм и студием и редактор нэхъыщхьэщ. Барэсбий и усэхэр теухуащ лъэпкъым и тхыдэм, зауэ блэкIам къихьа гуауэм, Хэкум, гуащIэдэкIым.  Тхьэмокъуэр сыт щыгъуи хущIокъу псалъэ лей, псалъэ куэд и сатырхэм зэрыхимыгъэхьэным,  и   псалъэр   шэрыуэу   щытыным.  Тхьэмокъуэ   Барэсбий   и тхыгъэхэм гъэсэныгъэ мыхьэнэ куу бгъэдэлъщ. Тхьэмокъуэм   итхащ   тхылъ,   рассказ,   усэ,   статья   зыбжанэ   (Къэбэрдей тхакIуэхэр. Абазэ А.). Абыхэм   ящыщщ   нобэ   дджыну   «Хьэрун   дадэрэ   ТIалэ   цIыкIурэ» рассказыр. 2. Рассказым къахуеджэн, езыхэр къегъэджэн. 3. Рассказыр зэпадзыжурэ ролкIэ къегъэджэн. 4. Рассказыр зэпкърыхын. 1) Хэт сымэ тхыгъэм щызэпсалъэр? 2) Сыт хуэдэ къэкIыгъэхэм я гугъу ящIрэ Хьэрунрэ ТIалэрэ? 3) Фэ фцIыху яхэту пIэрэ а удзхэм? 4) Хэт   и   фIыщIэу   илъытэрэ   Хьэрун   дадэ   хъупIэм   къыщыкI   удз дахэхэр? 5) Дадэрэ ТIалэрэ сыт хуэдэ хьэл­щэн дэплъагъурэ? 6) Уэрэ дадэрэ фи зэныбжьэгъугъэм теухуауэ хъыбар дегъэдаIуэ. III. ТетрадымкIэ гъэлэжьэн. 1) Сыт хуэдэ сэбэпынагъ яIэ удзхэм? (Уэ узэрегупсысыр тхы). 2) Рассказым хэмыту уэ сыт хуэдэ удзхэр пцIыхурэ? (Тхы). IV. Унэ лэжьыгъэ. 1. Рассказым гъэхуауэ къеджэн. 2. «Ашэмэз и бжьэмийр» хъыбарым къеджэу жыIэжын. 3. ТетрадымкIэ лэжьыгъэ I, 4 гъэзэщIэн: 1) КъэкIыгъэхэм зэреджэр урысыбзэкIэ пытхэ. 3) Уэ фIыуэ плъагъу удзым и сурэт рамкэм ищIыхь.