Конспект урока по кабардинской литературе по теме "Мэзым" Шыбзыхъуэ М. (3 класс)

Темэр. Шыбзыхъуэ Мухьэдин  «Мэзым». Мурадыр.  ЕджакIуэхэм   рассказыр   егъэджын,     я   IуэхущIафэхэм   елъытауэ лIыхъужьхэм я хьэл­щэнхэр къахутэфу, фIымрэ Iеймрэ зэхагъэкIыфу, зэджам дерс щхьэпэхэр къыхахыфу сабийхэр егъэсэн, я къеджэкIэр егъэфIэкIуэн, я бзэм, зэхэщIыкIым зегъэужьын. Урокым ехьэлIапхъэхэр:  «Жыгхэр» зи фIэщыгъэцIэ тхылъ IэрыщIхэр, сурэт гъэлъэгъуэныгъэхэр, «Мэзым» компьютер презентациер, мэзым   умыгъуащэу укъызэрыщIэкIыжын нэщэнэхэр къызэрыщ  сурэтхэр,  Шыбзыхъуэ Мухьэдин и сурэт. Урокыр зэрекIуэкIынур. I. Бзэм зезыгъэужь  лэжьыгъэ. 1. Усэ   едзыгъуэм   сабийхэр   къегъэджэн   зэ   нэкIэ   макъыншэу,   зэ   «бзу бэзэру»,  зэ  хуэму,  зэ псынщIэу итIанэ гъэхуауэ, удихьэхыу. Бжьыхьэм бэвыр хуэмыIэт. Iэтэ инхэм зыкъаIэт. Къэб ныбэжьхэр хьэсэм изщ. Кхъужь нэкIу плъыжьхэр Жыгым пызщ. Зэр плъыржьэру зэщIэнащ. Бзур вэржьэру къигъэнащ.                        Щоджэн Хь.  Усэ едзыгъуэр гукIэ жегъэIэн. II. Унэ лэжьыгъэр къэпщытэжын. I. «Папэ и жыг» усэм гъэхуауэ къегъэджэн. 2. Тхылъым ит упщIэхэм жэуап ирегъэтын. 3. Тетрадым ит лэжьыгъэхэр зэрагъэзэщIам зыщыгъэгъуэзэн. 4.   «Жыгхэр»   зи   фIэщыгъэцIэ   тхылъ   IэрыщIхэр,   сурэт   гъэлъэгъуэныгъэ сабийхэм   ягъэхьэзырахэм   тегъэпсэлъыхьын.   (Мы   лэжьыгъэр   гуп­гупу ягъэзащIэм нэхъ пэлъэщынущ) III.  ТемэщIэм елэжьын. 1. «Мэзым» видеофильмым сабийхэр егъэплъын. 2. Сабийхэм ягъэхьэзыра «Мэзым» компьютер презентациер къагъэлъагъуэурэ мэзым   щIэт   жыгхэм   теухуа   усэхэм   къегъэджэн,   а   жыгхэм   теухуауэ справочникхэмкIэ къащIам тегъэпсэлъыхьыжын.  3. Мэзым   сурэтхэмкIэ гъэлэжьэн.  4. Шыбзыхъуэ   Мухьэдин   и   сурэт   еджакIуэхэм   егъэлъагъун   и   гъащIэмрэ   и   умыгъуащэу   укъызэрыщIэкIыжын   нэщэнэхэр   къызэрыщ творчествэмрэ яхутепсэлъыхьын.  5. ЕджакIуэхэр   гъуэрыгъуэу     тхыгъэм   къегъэджэн.   КъыщеджэкIэ,   псалъэ гурыIуэгъуейхэм я мыхьэнэр къагурыгъэIуэн. 6. Рассказым хэт щIалэ цIыкIухэм я хьэл­щэным епхьэлIэ хъуну къащыхъу псалъэжьхэр жегъэIэн. 7. Рассказым хуэгъэува I­2­нэ упщIэхэм жэуап ирегъэтын. 8. Псалъэжьхэр нэхъ зэкIу щIалэ цIыкIум  и цIэр къиIуэн. Акъыл зиIэм имыIэ щыIэкъым. Еджам зэджар ещIэри, губзыгъэм псори ещIэ. Iэмалрэ хьилэрэ акъылщ. Зи Iуэ ит нэхърэ, зи щхьэ ит. Лъэщ нэхърэ, Iущ. Унэ лэжьыгъэ. II. Рассказым гъэхуауэ къеджэфу зегъэсэн. Тетрадым ит упщIэхэм жэуап етын,  лэжьыгъэхэр гъэзэщIэн. Рассказым сурэт хуэщIын.