Конспект урока по кабардинскому языку по теме "Еигъэ ц1эпапщ1э" (3 класс)

Темэр. Еигъэ къызэрык1 ц1эпапщ1эхэр. Мурадыр. Еджак1уэхэр щыгъэгъуэзэн еигъэ къызэрык1 ц1эпапщ1эхэм, ахэр  я бзэм тэмэму къыщагъэсэбэпыфу егъэсэн. Еигъэ къызэрык1 ц1эпапщ1эхэр я  закъуэу къызэрымык1уэр, псалъэхэм я гъусэу къызэрык1уэр егъэщ1эн.    Зэгъусэу, зэдэ1эпыкъуу зыдэлэжьэфу, зыхуеину лэжьыгъэхэр  къалъыхъуэфрэ абык1э жэуап тэмэм ятыфу егъэсэн.                                             Тэмэму телефон псалъэк1э егъэщ1эн. Сабийхэм я бзэм, зэхэщ1ык1ым  зегъэужьын.   Урокым къыщагъэсэбэпыпхъэр. «Адыгэбзэ тхылъымк1э зэрылэжьэну  тетрадь», «Ц1эпапщ1э» таблицэр, телефон псалъэмакъ, усэ, интерактивнэ  доска.                              Урокыр зэрек1уэк1ынур 1. Урокым зыхуэгъэхьэзырынымк1э (зэрылэжьэну 1эмэпсымэхэмк1э  къызэрызэгъэпэщар) еджак1уэхэм зыкъегъэпщытэжын. 11. Зэджа темэхэр къэпщытэжын 1. Пэжырытхэмрэ къабзэрытхэмк1э лэжьыгъэ егъэк1уэк1ын.        Хьэрфыр, пычыгъуэхэр, псалъэхэр, псалъэухар еджак1уэхэм егъэтхын. Т т тэ та ту ти то танэ Тет Тут тэрэзэ Таужан тхьмбылыфэ телефон Тет Таужан телефон тхьэмбылыфэ къищэхуащ.        Ятхар зэрыбгуэш хъуну гупхэр, псалъэхэр зыщыщ зэхегъэгъэк1ын. Т – хьэрфщ;  тэ, та, ту, ти, то –  пычыгъуэхэщ; Тен, Тут, тэрэзэ, Таужан,  тхьэмбылыфэ, телефон – псалъэхэщ; Тет Таужан телефон  тхьэмбылыфэ къищэхуащ. – псалъэухащ.         Псалъэхэм упщ1э хуегъэгъэувурэ зыщыщ лъэпкъыгъуэхэр къегъэщ1эн. (Сыт?) танэ, тэрэзэ, телефон – щы1эц1эщ, ц1э зэдайхэщ; (хэт?) Тет,  Тут, Таужан – щы1эц1эщ, ц1э унейхэщ;  (сыт хуэдэ?) тхьэмбылыфэ –  плъыфэц1эщ.         Дджахэм щыщу псалъэ лъэпкъыгъуэ хэмытыр къегъэщ1эн.       Псалъэухар сыт хуэдэ псалъэухами къегъэщ1эн. Иджыри сыт хуэдэ  псалъэуха щы1эми ягу къэгъэк1ыжын. Зэра1уатэ псалъэухам зэрыупщ1э,   хэ1этык1а псалъэухарэ къытрегъэщ1ык1ын.       Псалъэухам хэт псалъэхэм упщ1э хуегъэгъэувурэ зыщыщ лъэпкъыгъуэхэр  къегъэщ1эн. (Хэт7) Тет (хэт?) Таужан (сыт?) телефон (сыт хуэдэ?) тхьэмбылыфэ  (сыт ищ1ар?) къищэхуащ.      Ц1э унейхэм я п1эк1э щхьэ ц1эпапщ1э егъэгъэувын, егъэтхын,  къегъэджэжын.  (Абы телефон тхьэмбылыфэ къищэхуащ). 111. Темэщ1эм елэжьын. 1. Еигъэ ц1эпапщ1эхэм ятеухуа правилэм къегъэджэн, ягу ирегъэубыдэн, щапхъэхэр къегъэхьын. Интерактивнэ доскам итым къыдогъаджэ, щхьэ префиксхэм еигъэ    ц1эпапщ1э къытыдогъэщ1ык1:         Сэ си шыпхъур – сысей         Уэ уи шыпхъур – ууей         Абы и шыпхъур – ей         Дэ ди къуэшыр – дыдей         Фэ фи къуэшыр – фыфей         Абыхэм я къуэшыр ­ яй 2. Лэжьыгъэ 195 – р условием тету идогъэгъэзащ1э. Щтащ, зы тхьэмпи япыткъым  псалъэхэр зэрызэпхъуэк1 хъуну псалъэхэр  хъыбарым къыхыдогъэгъуатэ. Нэхъ жы1эк1э дахэр къыхыдогъэх.  Щтащ – Гуэлыр мылым зэщ1и1ул1ащ. Зы тхьэмпи япыткъым – жыгхэр пц1анэщ. 3. Лэжьыгъэ 196 –р условием тету идогъэгъэзащ1э. Я бзэр ягъэшэрыуэурэ  телефонк1э т1урыт1урэ зыдогъэпсалъэ, щхьэ ц1эпапщ1эхэр, еигъэ къызэрык1  ц1эпапщ1эхэр нэхъыбэу къыдыдогъэсэбэп. 4. Лэжьыгъэ 197 –р условием тету идогъэгъэзащ1э. 1111. Адыгэбзэ тхылъым зэрелэжьын тетрадь 1. Лэжьыгъэ 1. Шорэ Ахьмэд и усэм къыдогъаджэри ц1эпапщ1эу хэтыр  къыдогъэгъуэт, къыхыдогъэщ (усэр интерактивнэ доскам итщ).     Усак1уэм и сэлам гуапэр, и хъуэхъу дахэр къыдогъэгъуэт.     Фэ сыт хуэдэ сэлам, хъуэхъу дахэ жеф1эфын адыгэ лъахэм, адыгэ  лъэпкъым, ц1ыхухэм? 2. Лэжьыгъэ 2 –р условием тету езыр –езыру ягъэзащ1э. 3. Лэжьыгъэ 3, 4 –хэр гуп­гупу гуэшауэ идогъэгъэзащ1э.           Япэ гупым: щапхъэм тету ц1эпапщ1эхэр зэрыдогъэхъуэк1, сэ­сэрк1э­ сэрауэ.           Ет1уанэ гупым: точкэхэм я п1эк1э зыхуеину ц1эпапщ1эхэр идогъэтх. 4. Практическэ лэжьыгъэхэр   Сэ, уэ, ар, дэ, фэ,ахэр, абыхэм щхьэ ц1эпапщ1эхэр еигъэ къызэрык1  ц1эпапщ1эу зэрегъэхъуэк1ын. 11111.Урокым щаджар къызэщ1экъуээжын        1. Псалъэухахэм къыпегъэщэн.            Сэ нобэ къэзгубзыгъыжащ …  .            Сэ нобэ щ1эуэ къэсщ1ащ …  .             Сэ нобэ урокым сэбэпу къыхэсхащ …  .             Гъэщ1эгъуэн сщыхъуащ …  .        2. Упщ1эхэм жэуап ирегъэтын.            Урокым узэрыщылэжьар дауэ къыпщыхъуа?             Сыт иджыри узэрыхуейм хуэдэу умыщ1эр?              Абы зыщыбгъэгъуэзэн папщ1э сыт пщ1эну уи мурад? 111111. Унэ лэжьыгъэ      Лэжьыгъэ 198  ­ р условием тету гъэзэщ1эн.