Конспект урока по кабардинскому языку по теме "Изложенэ. Бажэмрэ кхъуэщынымрэ" (3 класс)

Темэр.  Изложенэ. «Бажэмрэ кхъуэщынымрэ» (адыгэ псысэ).   Мурадыр. Яджа правилэхэр къагъэсэбэпурэ текст къызэджар ятхыжыфын. Я бзэм, тхыбзэм зегъэужьын.   Урокым къэгъэсэбэпыпхъэр. Изложенэм и текстыр, интерактивнэ доскар.                                             Урокым зэрек1уэк1ынур 1. Урокым зыхуэгъэхьэзырын. 2. Изложенэ ятхынум и текстым къахуеджэн.                               Бажэмрэ кхъуэщынымрэ     Фызыр мэшых дэк1ат. Гъуэмылэу шэ кхъуэщынрэ дишхынрэ дихат. Шэр  зэриту кхъуэщыныр пабжьэм хигъэувэри езыр хэну хыхьащ. Бажэжь      ц1ык1ур дзыгъуэ ещэу пабжьэм здыхэтым шэ кхъуэщыным ирихьэл1ащ.   Зиудыгъури еплъащ, и щхьэр кхъуэщыным ири1ури шэр ирифащ.  Ежьэжыну и чэзу хъуат, ауэ мис бэлыхьыр аркъэ – и щхьэр кхъуэщыным  къик1ыжыр­ къым.    Къек1ухь бажэм, и щхьэр щ1еупск1э ик1и же1э: ­ И1э, кхъуэщын, укъыздэджэгуащ, куэдщ иджы сут1ыпщыж.  Щимут1ыпщыжыххэм бажэр къэгубжьри псым жащ, кхъуэщыныр     иригъэтхьэлэну. Кхъуэщыныр псым щ1илъэфащ, ауэ езы бажэри здихьащ. 3. Псалъэ къагурымы1уэхэр къагурыгъэ1уэн.      Мэшых –мэш (хугу къызыхащ1ык1 гъатхасэ къэк1ыгъэ) ихыну, чэзу –     зэман,  4. Псалъэ гугъухэр. (интер. доскам итщ)       Зиудыгъури, ири1ури, щ1еупск1э, укъыздэджэгуащ, сут1ыпщыж,      щимут1ыпщыжыххэм, къэгубжьри, здихьащ. 5. Текстым ( интерактивнэ доскам итщ) къыдогъаджэ. 6. Упщ1эхэм жэуап ирыдогъэт.      1) Хэт мэшых дэк1ар?      2) Сыт абы гъуэмылэу къыздищтар?      3) Сыт гъуэмылэм ирихьэл1ар? Сыт хуэдэ мурад абы хуищ1ар?                      4) Бажэм сыт къыщыщ1ар?      5)Сыту п1эрэ кхъуэщыныр псым щ1ыщ1илъэфар?      6) Текстым и к1эухыр дауэ къыфщыхъуа? 7. Иложенэм пэгъунэгъуу текстыр (т1у­щым) къыжыдогъэ1ыж. 8. Изложенэр ятх, къыдогъэджэж. 9. Унэм хъыбар мыин дыдэ къыщывгупсыси фтхы.