Конспект урока по кабардинскому языку по теме "Послелог" (3 класс)

Темэр. Послелог. Мурадыр. Еджак1уэхэр щыгъэгъуэзэн послелогыр  псалъэ лъэпкъыгъуэу  зэрыщытым, къагъэлъагъуэ мыхьэнэк1э зэрызэщхьэщык1ым, сыт щыгъуи  зыщ1ыгъу псалъэм иужь иту е щхьэхуэу къызэрык1уэм.       Сабийхэр зэдэщ1ыгъуу, зэдэ1эпыкъуу, егъэджак1уэм я пащхьэм  къригъэува къалэныр зэдагъэзащ1эу. Ар гъэзэщ1энымк1э лэжьыгъэхэр  зэтрагуэшэфу, ,лъыхъуэфу, къагъуэтар зэрагъэу1уфу, нэхъыщхьэр  къыхагъэбелджылык1ыфрэ жэуап тэмэм ятыфу егъэсэн.      Я бзэм, зэхэщ1ык1ым зегъэужьын.              Урокыр зэрек1уэк1ынур 1. Урокым зэрыхуэхьэзырымк1э (зэрылэжьэну 1эмэпсымэхэмк1э  къызэрызэгъэпэщар) еджак1уэхэм зыкъегъэпщытэжын. 11. Зэджа темэхэр къэпщытэжын 1. Пэжырытхэмрэ къабзэрытхэмк1э лэжьыгъэ егъэк1уэк1ын         Хьэрфыр, пычыгъуэхэр, псалъэхэр, псалъэухар еджак1уэхэм егъэтхын.    К1у к1у к1уэ к1уа к1уе к1уи мак1уэ к1урк1унау тк1уатк1уэ К1уранэ  К1уащ   К1урацэ и жыгым к1урк1унау шыр тесщ.         Ятхар зэрыбгуэш хъуну  гупхэр зэхегъэгъэк1ын.  К1у – хьэрфщ; к1уэ, к1уа, к1уе, к1уи – пычыгъуэхэщ; мак1уэ, к1урк1унау,  тк1уатк1уэ, К1уранэ, К1уащ – псалъэхэщ; К1урацэ и жыгым к1урк1унау  шыр тесщ. – псалъэухащ.        К1у хьэрфым игъэ1у макъыр къыжегъэ1эн.   К1у – хьэрф дэк1уашэ дэгу п1ыт1ащ.        Псалъэхэм упщ1э хуегъэгъэувурэ зыщыщ лъэпкъыгъуэр къыжегъэ1эн. (Сыт ищ1эр?) мак1уэ – глаголщ; (сыт?) к1урк1унау –щы1эц1э зэдайщ;  (хэт?) К1уранэ, К1уащ – щы1эц1э унейщ; (сыт хуэдэ?) тк1уатк1уэ – плъыфэц1эщ.    Тк1уатк1уэ псалъэм и пэжырытхэ хабзэр ягу къыдогъэгъэк1ыж.         Псалъэухам хэт псалъэхэр зыщыщ лъэпкъыгъуэхэр упщ1э  хуедгъэгъэувурэ къыдогъащ1э. (Хэт?) К1урацэ и (сытым?) жыгым (сыт?) к1урк1унау (сыт хуэдэ?) шыр  (сыт ищ1эр?) тесщ. 111. Темэщ1эм елэжьын 1. Лэжьыгъэ 203, 204 – хэр условием тету жьэры1уатэу идогъэгъэзащ1э.  Лъандэрэ, нэс, къэс  псалъэхэм и мыхьэнэр къыдогъэгъащ1э. (Лъандэрэ ­  зэман къегъэлъагъуэ; нэс, къэс – щ1ып1э къагъэлъагъуэ). 2. Лэжьыгъэ 205 –р условием тету тхыгъэк1э идогъэгъэзащ1э. 3. Гуп гупурэ гуэшауэ гъэлэжьэн            1) Псалъэуха т1урыт1 зэхегъэгъэувэн. Япэ гупым: лъандэрэ псалъэ хэту.                Ет1уанэ гупым:  нэс псалъэ хэту.                Ещанэ гупым:  къэс псалъэ хэту.           2) Псалъэухахэм хэт псалъэхэм упщ1э хуегъэгъэувын, зыщыщ                  лъэпкъыгъуэр къегъэгъэщ1эн, послелогыр къыхегъэгъэщхьэхук1ын. 1111.Адыгэбзэ тхылъым зэрелэжьын тетрадь 1) Лэжьыгъэ 1, 2 –хэр условием тету идогъэгъэзащ1э. Хатхэжа послелогхэр  хэту псалъэуха жьэры1уатэу зэхыдогъалъхьэ.    Я нэхъыжьхэм пщ1э хуащ1ым, абы зэрахущытым тыдогъэпсэлъыхь.    Нэхъыжьхэм пщ1э хуэщ1ыным теухуауэ ящ1э псалъэжьхэр жыдогъэ1э. 2) Лэжьыгъэ 3 –р условием тету гуп гупурэ гуэшауэ псалъэхэр  зэпкърыдогъэх. Лъабжьэ, к1эух, префикс, суффикс –к1э зэджэхэр жыдогъэ1э, псалъэпкъым хыхьэр ягу къыдогъэк1ыж.                    Япэ гупым: къэпщтэнущ                    Ет1уанэ гупым: уоплъ                    Ещанэ гупым: фымык1уэж 11111.Урокым къащ1ар къызыщ1экъуэжын          1) Псалъэухахэм къыпегъэщэн.              Сэ нобэ къэзгубзыгъыжащ …  .              Сэ нобэ щ1эуэ къэсщ1ащ …  .              Сэ нобэ урокым сэбэпу къыхэсхащ …  .              Гъэщ1эгъуэн сщыхъуащ …  .           2) Упщ1эхэм жэуап ирегъэтын.               Урокым узэрыщылэжьар дауэ къыпщыхъуа? Узэрыхуейм хуэдэу                улэжьэфа?                 Зыгуэрым сэбэп ухуэхъуфа? Уэ хэт сэбэп къыпхуэхъуа?               Сыт иджыри узэрыхуейм хуэдэу умыщ1эр? Абы зыщыбгъэгъуэзэн               папщ1э сыт пщ1эну уи мурад? 11111. Унэ лэжьыгъэ    Лэжьыгъэ 206. Условием тету лэжьыгъэр гъэзэщ1эн.