Конспект урока по кабардинскому языку по теме "Псалъэ л1эужьыгъуэхэр" 4-урок (3 класс)

Темэр. Псалъэуха л1эужьыгъуэхэр (къызэщ1эзыкъуэж урок). Мурадыр. Псалъэуха л1эужьыгъуэхэм теухуауэ яджар егъэбыдыл1эн. Макъыр нэхъ лъахъшэу къыщапсэлъымрэ нэхъ хэ1этык1ауэ къыщапсэлъымрэ  зыралъытыфу, зыхуеину нагъыщэхэри ягъэувыфу егъэсэн.     Егъэджак1уэм еджак1уэхэм я пащхьэ къригъэува къалэныр зэгъусэу,  зэдэ1эпыкъуу, зэдэлажьэу, лэжьыгъэхэр зыхуеину 1уэхугъуэхэр  къагъуэтыфрэ жэуап ятыфу егъэсэн.      Я бзэм, зэф1эк1ым зегъэужьын. Урокым къыщагъэсэбэпыпхъэр. « Адыгэбзэ тхылъым зэрелэжьын тетрадь», «Псалъэуха» таблицэ, интерактивнэ доска, практическэ лэжьыгъэ.                          Урокыр зэрек1уэк1ынур 1. Урокым зэрыхуэхьэзырымк1э (зэрылэжьэну 1эмэпсымэхэмк1э  къызэрызэгъэпэщар) еджак1уэхэм зыкъегъэпщытэжын. 11. Зэджа темэхэр къэпщытэжын. 1. Пэжырытхэмрэ къабзэрытхэмк1э лэжьыгъэ егъэк1уэк1ын.         Хьэрфыр, псалъэхэр, псалъэухар еджак1уэхэм егъэтхын.                            Ч ч чын чэнджэщ чэзууэ Чэрим Чэзибан чырбыш чэщанэ ишэчащ Чэрим, Чэзибан, Чылар сымэ чэзууэ Къэзэнокъу Жэбагъы и чэнджэщхэм  еджащ.       Ятхар зэрыбгуэш хъуну гупхэр, псалъэхэр зыщыщ  лъэпкъыгъуэхэр,  псалъэухар зыхуэдэ л1эужьыгъуэр зэхегъэгъэк1ын. Ч – хьэрф дэк1уашэ дэгу гуэгъу зи1эщ. (Хэт?) Чэрим, Чэзибан – щы1эц1э унейхэщ, (сыт?) чэнджэщ, чырбыш,  чэщанэ – щы1эц1э зэдайхэщ; (сыт хуэдэу?) чэзууэ – плъыфэц1эщ; (сыт  ищ1ар?) ишэчащ – глаголщ.      Словарнэ лэжьыгъэ: чэнджэщ, чэщанэ. Чэнджэщ – 1уэхур зэрыщ1а хъунумк1э ущииныгъэ. Чэщанэ – лъагэу 1этауэ, бгъузэу кхъащхьэм тращ1ыхь мывэ кхъэлэгъунэ.        Псалъэуха ятхар зыхуэдэ псалъэуха л1эужьыгъуэр къыдогъащ1э.  Псалъэухам зэрыупщ1э. хэ1этык1а псалъэухахэр къыхыдогъэщ1ык1. 111. Темэм елэжьын 1. Лэжьыгъэ 242, 243 – хэр условием тету, зыхуэмыдэ лэжьыгъэу,  жьэры1уатэу егъэгъэзэщ1эн. Тхыгъэхэм я гупсысэ нэхъыщхьэр къегъэщ1эн.               Япэ гупым: лэжьыгъэ 242.               Ет1уанэ гупым: лэжьыгъэ 243. 2. Лэжьыгъэ 244 – условием тету егъэгъэзэщ1эн. Къэзэнокъуэ Жэбагъы и  1ущыгъэхэм щыщхэм къыдогъаджэ (интерактивнэ доска). Жэбагъы и  1ущыгъэхэм губзыгъагъ, 1ущагъ  куэд зэрыщ1элъыр къагурыгъэ1уэн. 3. Лэжьыгъэ 245, 247 –хэр условием тету, зыхуэмыдэ лэжьыгъэу, тхыгъэк1э  егъэгъэзэщ1эн.Япэ гупым:  лэжьыгъэ 245.                Ет1уанэ гупым:  лэжьыгъэ 247. 4. Лэжьыгъэ 246 – р жьэры1уатэу условием тету егъэгъэзэщ1эн. Псалъэуха  зэгъусит1ыр я мыхьэнэк1и я къэпсэлъык1эк1и зэрызэщхьэщык1ыр  къегъэщ1эн. 5.Лэжьыгъэ 249, 251.  Гуп гпурэ нарт хъыбархэм щыщ 1ыхьэхэм гъэхуауэ, нагъыщэ щытхэм к1элъыплъурэ къегъэджэн.                Япэ гупыр: лэжьыгъэ 249.                Ет1уанэ гупыр: лэжьыгъэ 251. 6. Лэжьыгъэ 250 – условием тету, тхыгъэк1э гъэзэщ1эн. 1111. Адыгэбзэ тхылъым зэрелэжьын тетрадь 1. Лэжьыгъэ 1, 2 –хэр зыхуэмыдэ лэжьыгъэхэу, условием тету  идогъэгъэзащ1э.  2. Лэжьыгъэ 4 – р езыр­езыру  идогъэгъэзащ1э. Зыбгъэдэсхэм зым ейр  адрейм къыдогъэпщытэж. 3. Лэжьыгъэ 5 –р условием тету идогъэгъэзащ1э. 11111. Урокым щаджар къызэщ1ыдокъуэж.             1. Псалъэухахэм къыпегъэщэн.                 Сэ нобэ къэзгубзыгъыжащ …  .                 Сэ нобэ щ1эуэ къэсщ1ащ …  .                 Сэ нобэ урокым сэбэпу къыхэсхащ …  .                 Гъэщ1эгъуэн сщыхъуащ …   .              2.Упщ1эхэм жэуап ирегъэтын.                 Урокым узэрыщылэжьар дауэ къыпщыхъуа?                 Узэрыхуейм хуэдэу улэжьэфа?                 Зыгуэр сэбэп къыпхуэхъуа?                 Зыгуэрым сэбэп ухуэхъуфа?                 Сыт иджыри узэрыхуейм хуэдэу къыбгурымы1уар?                 Абы зыщыбгъэгъуэзэн папщ1э сыт пщ1эну уи мурад? 111111. Унэ лэжьыгъэ   Лэжьыгъэ 250 – Условием  тету гъэзэщ1эн.