L.J TEN' WO'LSHEWLI EZLENIWSHI QOZG'ALISTAG'I' DENE TEZLENIWIN ANI'QLAW,

No’kis rayoni’ XBMXMThSHBne qarasli’

№ - 22- sanli' uluwma worta bilim beriw mektebinin'

Fizika pa'ni mug'allimi

Ag’i’lash   Saylauovti’n’

TEN' WO'LSHEWLI EZLENIWSHI QOZG'ALISTAG'I' DENE TEZLENIWIN ANI'QLAW

(№1 Laboratoriyaliq jumis)

 atli’ temasi’ boyi’nsha

sabaqli’q is jobasi’

2015-2016 ji’l

No’kis Rayoni’                                                                                 22-mektep  Saylauov Ag’i’lash

№10-TEMA   TEN' WO'LSHEWLI EZLENIWSHI QOZG'ALISTAG'I' DENE TEZLENIWIN ANI'QLAW

(№1 Laboratoriyaliq jumis)   

Sabaqti’n’ maqseti

a)Bilimlendiriw maqseti

Woqi’wshi’larg’a Ten' wo'lshewli ezleniwshi qozg'alistag'i' dene tezleniwin ani'qlaw  haqqi’nda uluwma tusinikler beriw ha’m bul temani’n’ basqa temalardan wo’zgesheligin ayti’p wo’tip temani’ baslaw.

b) Tarbiyali’q maqseti.

Woqi’wshi’larg’a temadan kelip shi’qqan halda wo’mirde jaqsi’ menen jamanni’n’ birdey juriwin biraq jaqsi’li’qti’n’ jen’ip shi’g’i’wi’n tusindirip, woqi’wshi’lardi’ jaqsi’li’q ruwxi’nda ta’rbiyalaw.

c)Rawajlandi’ri’w maqseti

Woqi’wshi’lardi’n’ pa’nge degen qi’zi’g’i’wshi’li’g’i’n artti’ri’w na’tiyjesinde wolardi’n’woqi’w ham jazi’w ko’nlikpelerin artti’ri’p bari’w

Sabaqti’ qurallandi’ri’w

Sabaqli’q kitap,tarqatpa materiallar, ha’m ko’rgizbeli qurallar.

Sabaqta paydalani’lg’an metodlar: «Blits» interaktiv metodi’ «Skarabey» interaktiv metodi’

Sabaq jobasi’

Sabaqti’n bari’si’

Sholkemlestiriw

Klassqa kirip woqi’wshi’lardi’n’tazali’g’i’na,klass tazali’g’ina itibar qarati’w.Woqi’wshi’lardi’n’ woqi’w qurallari’n ko’zden keshirip  na’wbettegi sabaqqa tayarli’g’i’n tekseriw

Uyge tapsi’rma soraw

Ten' wo'lshewli wo'zgermeli qozg'ali'stag'i' basi'p wo'tilgen jol temasi’n soraw

Tema

Jumi’sti’n’ maqseti:

Qi’ya nawadan domalawshi’ shariktin’ basi’p wo’tken joli’ ha’m qozg’ali’w waqi’ti’n wo’lshew arqali’ ten’ wo’lshewli tezleniwshi qozg’ali’s jasaytug’i’n dene tezleniwin ani’qlawdi’ u’yreniw.

Kerekli a’sbaplar:

Metal nawa,polat sharik,shtativ metal cilindr,wo’lshew lentasi’,sekundomer.

No’kis Rayoni’                                                                                 22-mektep  Saylauov Ag’i’lash

No’kis Rayoni’                                                                                 22-mektep  Saylauov Ag’i’lash

Jumi’sti’n’ wori’nlaw ta’rtibi:

1.30-suwrette ko’rsetilgenindey metal nawani’ shtativke wornati’n’,metal cilindrdi nawani’n’ to’mengi ushi’na jaylasti’ri’n’.

Sharikti nawani’n’ joqarg’i’ ushi’nan domalatqanda,to’mengi ushi’nag’i’ metal cilindrge bari’p uri’lg’ansha wo’tken waqi’tti’ sekundomerde wo’lshen’.

3.Ta’jiriybeni 5 ma’rte ta’krarlan’.Ha’r ret shariktin’ qozg’ali’s waqi’ti’  ti wo’lshen’ ha’m na’tiyjelerdi kestege jazi’n’

4.Wo’lshew lentasi’ ja’rdeminde shariktin’ basi’p wo’tken s joli’n wo’lshen’ ha’m na’tiyjeni kestege jazi’n’.

5.Ten’ wo’lshewli tezleniwshi qozg’ali’sta dene basi’p wo’tken jol formulasi’  den tezleniw formulasi’  boladi’.Ta’jiriybede wo’lshengen s joldi’ ha’m ha’r bir  waqi’ti’n birim-birim tezleniw formulasi’nan  tezleniwlerin yesaplan’ ha’m na’tiyjelerdi kestege jazi’n’.

6. formula ja’rdeminde wortasha tezleniwdi yesaplan’ ha’m na’tiyjelerdi kestege jazi’n’.Ani’qlang’an bul shama qi’ya nawadan domalap tu’setug’i’n shariktin’ tezleniwin an’latadi’.

7.Usi’ ta’jiriybeni nawani’n’ qi’yali’g’i’ u’sh tu’rli bolg’an jag’day ushi’n wori’nlan’.

8.Na’tiyjelerdi analiz jasan’ ha’m juwmaq shi’g’ari’n’.

Sabaqti’ bekkemlew

Bekkemlew ushi’n «Debat», «klaster» interaktiv metodi’ usi’ni’s yetiledi. Tema boyi’nsha woqi’wshi’larg’a  qayta sorawlar berip ha’m qosi’msha tapsi’rma tu’rinde ha’r toparg’a krosvordlar tarqati’ladi’.tapsi’rma wori’nlani’p bolg’annan son’ bosli’qlardi’ toli’qti’ri’w maqsetinde,bilimlerin bekkemlep bari’w ushi’n yadtan formulalar jazadi’.

1.Usi’ laboratoriya jumi’si’n wori’nlaw ushi’n qanday a’sbaplardan paydalani’ladi’? Wolardi’n’ ha’r birinen qanday maqsette paydalani’ladi’?

2.Ne sebepten waqi’tti’ wo’lshegende wol ha’r ret birdey bolmaydi’?

3.Tezleniw qaysi’ formula ja’rdeminde qalay yesaplanadi’’?

4.Nawani’n’ qi’yali’g’i’ wo’lshengende ne sebepten tezleniwdin’ ma’nisi artadi’?

5.Nawa gorizantal halda bolg’anda tezleniwi qanday boladi’?

Uy tapsi’rma tapsi’ri’w

Ten' wo'lshewli tezleniwshi qozg'ali’stag'i’' dene  tezleniwin ani'qlaw temasi’n woqi’p keliw. 

Sabaqti’ juwmaqlaw

Uy jumi’si’n qayta yadi’na sali’p wotip,bugingi sabaqqa belsene qatnasqan woqi’wshi’larg’a tiyisli bahalari’n qoyg’an halda bugingi sabag’i’ma juwmaq jasayman

No’kis Rayoni’                                                                                 22-mektep  Saylauov Ag’i’lash