Математика
Оценка 4.6

Математика

Оценка 4.6
doc
математика
10.05.2020
Математика
Ծնողական_ֆորում (1).doc

                                      Ծնողական  ֆորում

Ֆորումին  հրավիրվում  են  1-12-րդ դասարանների  ծնողական  խորհրդի  նախագահները, դասղեկները, որոնք  հետագայում  կարող  են  նույն  աշխատանքը  կատարել  իրենց  դասարաններում:

 Ֆորումի  նպատակն  է.

1.Ամրապնդել ծնող-դպրոց կապը

2.Ինչպե՞ս դառնալ երեխայի խորհրդատուն, ընկերը, վստահելի անձը:

Որպես  սկիզբ  ներկայանալ և խնդրել ծնողներին ներկայացնել իրենց՝ նշելով, թե որերորդ դասարանում սովորող աշակերտի ծնող են, ինչ մասնագիտություն ունեն և ինչն են կարևորում կյանքում ( ստեղծել այնպիսի մթնոլորտ, որ ծնողները  կարողանան անկեղծ և անկաշկանդ արտահայտվել ):

Ընթերցել  Մակարենկոյի խոսքերը. <<Մեր երեխաները մեր ծերությունն են:Ճիշտ դաստիարակությունը մեր երջանիկ ծերությունն է, վատ դաստիարակությունը ՝ մեր  ապագա վիշտը, մեր  արտասուքները. դա մեր հանցանքն է մյուս մարդկանց  առջև, մեր ամբողջ  երկրի առջև>>: Լսել  ծնողների  կարծիքն  ու  մեկնաբանությունը ընթերցածի շուրջ:

Քայլ 1-ին:

Հանդես գալ  կարճ  դասախոսությամբ:

Դպրոցը և ծնողը երեխայի դաստիարակության աշխատանքներում պետք է համագործակցեն, լրացնեն և շարունակեն միմյանց՝ արդյունքի հասնելու համար:

Մարդը անհատ է ծնված օրվանից, և նրան պետք է հարգանքով վերաբերվել: Յուրաքանչյուրն ունի իր բնավորությունը,իր սկզբունքները,արժեքներն ու աշխարհընկալումը, և մարդուն պետք է ընդունել  այնպես, ինչպես որ կա: Այստեղ չենք հավաքվել, որ փորձենք  խրատել կամ դաստիարակել որևէ  մեկի, աշխատանքի նպատակն է հնարավորության դեպքում օգնել ծնողին փոխելու իր վերաբերմունքը երեխայի և դպրոցի հետ  ունեցած հարաբերություններում, գիտակցել, որ համագործակցային  աշխատանքում  կունենանք լավ զավակ  նախ իր  և հետո  մեզ ու  երկրի  համար:Բոլորիս նպատակը երեխայի կրթության ու դաստիարակության  գործում պետք է լինի նույնը: Որպես ասածի ապացույց  համատեղ կատարենք  մի աշխատանք ՝ պատրաստելով  <<Համագործակցության ծառ>>:  ( Բաժանել գունավոր  թղթեր,նշել, որ պետք է կտրել  ինչ-որ  պատկեր՝ ուղղանկյուն, շրջան, տերև, եռանկյուն…ինչ  կցանկանան, որից  հետո հերթով փակցնեն պաստառի վրա այնպես, որ ստացվի  ծառ  ): Աշխատանքը ավարտելուց հետո ցուցադրել և նշել, որ կտրած ոչ մի պատկեր չէր  կրկնում մյուսին , ինչպես որ մեզնից ոչ  մեկը մյուսին  նման չէ, բայց քանի  որ  ունեինք ընդհանուր նպատակ, ստացանք  այն, ինչ  ցանկանում էինք  ստանալ: Եթե  ծնող-դպրոց կապի մեջ առկա է փոխադարձ  վստահությունն  ու  բարյացակամ վերաբերմունքը, ապա երեխայի հետ աշխատանքը դառնում է  դյուրին, բարձրանում է սովորողի  առաջադիմությունը, երեխան հասկանում  է, որ  նվազում է ստելու ,չսովորելու, արարքների  համար պատասխան չտալու հավանականությունը:Սովորաբար երեխան  դեպքերը, իրադարձությունները, ընկերների  կամ ուսուցիչների  ասածները   ընկալում է  այնպես, ինչպես պատկերացնում է իր երևակայությամբ (իսկ  նրանք ունեն  պայծառ  երևակայություն) ,ինչպես  բխում է իր շահերից: Այդ պատճառով էլ նա տանը պատմում է  իրականության  հետ  հաճախ  կապ չունեցող դեպքեր, և եթե ամուր չէ  ծնողի ու դպրոցի կապը, առաջանում  են  բազմաթիվ խնդիրներ, տանը ձևավորվում է թյուր կարծիք , որը և՛ ծնողի, և՛ երեխայի մեջ առաջացնում է  բացասական վերաբերմունք  դպրոցի, ուսուցչի կամ  դասընկերոջ  հանդեպ: Արդյունքում դարձյալ տուժում է կրթությունը:

Քայլ 2-րդ:

 Ծնողների   հետ խաղալ <<փչացած  հեռախոս>> խաղը   (հեղինակ՝  Աննա Մելքումյան): Ծնողներից  մեկի ականջին  պատմել մի փոքր պատմություն և խնդրել փոխանցել  մյուսին: Երբ պատմությունը կհասնի վերջին ծնողին, խնդրել, որ նա բարձրաձայնի: Ասել առաջին ասված միտքը և համեմատել  վերջինի հետ: Ահա այսպես ունենում  ենք  այն սխալ կարծիքը  կամ  խեղաթյուրված  փաստը, եթե չենք ճշտում դասղեկի  կամ  ուսուցչի  հետ: Համագործակցումը  պետք է լինի շարունակական, այն պետք է  դրսևորվի  ներդասարանական  կամ արտադասարանական միջոցառումների, էքսկուրսիաների, ֆիլմերի , ներկայացումների  դիտման, գրքերի ընթերցանության կամ քննարկման , դասղեկական  հանդիպումների  և  այն  աշխատանքների  ժամանակ, որտեղ  հնարավոր  է ծնողի  ներգրավածությունը:Երեխան ականատես կլինի  իր ծնողի և  ուսուցչի համատեղ աշխատանքին, որն էլ  անպայման  կունենա իր դրական արդյունքը:  Ճիշտ է,  ծնողը զբաղված է, բայց ուսումնական տարվա ընթացքում  պետք է գտնի ժամանակ  մի քանի անգամ մասնակից լինելու աշխատանքներին, քանի որ այս ձևով  նա դառնում է նաև իր երեխայի ընկերը, ինչու՞ չէ, նաև խաղընկերը: Կոլեկտիվ  աշխատանքը  մտերմացնում է, ջերմացնում  մարդկային հարաբերությունները, ստեղծում  բարիդրացիական  մթնոլորտ, ուր աշխատելն ու սովորելը դառնում է  հեշտ  ու  հաճելի:

Քայլ 3-րդ:

Ընդհանուր քննարկման   նպատակով  ընթերցել  մի փոքրիկ  պատմություն և առաջարկել ծնողներին  խմբերով վերլուծել  և արտահայտել իրենց  տեսակետը:   <<Մի օր մի արաբ մազերը կտրելու համար գնում է  վարսավիրանոց: Կտրելուց  հետո ուզում է վարսավիրին փող տալ:

-Քո  փողը ոչ  մի կերպ չեմ կարող ընդունել. սա հասարակական ծառայություն է,- ասում է վարսավիրը:

Արաբը սրանից  շատ է ուրախանում, զարմացած , բայց  ուրախ  դուրս է  գալիս  վարսավիրանոցից: Հաջորդ  առավոտ , երբ վարսավիրը բացում է  վարսավիրա-նոցը, դռան  մոտ  մի զամբյուղ է գտնում, վրան էլ՝ <<Շնորհակալություն>> գրու-թյամբ  բացիկ:

Հաջորդ օրը մի թուրք  է ոտք  դնում նույն  վարսավիրանոցը:Կատարվում է նույնը: Հաջորդ  օրը խանութը  բացելիս  վարսավիրը  դռան  մոտ  մի տուփ լոխում  է գտնում՝ վրան  <<Շնորհակալություն>> գրությամբ  բացիկ:

Հաջորդ օրը մի հայ է գալիս նույն  վարսավիրանոցը: Նա էլ  մազերը կտրելուց  հետո ցանկանում է  վճարել  վարսավիրին, բայց  մարդը հակառակվում է.

-Կներես, փողդ չեմ կարող վերցնել. սա հասարակական ծառայություն է:

Հայը սրանից  շատ է ուրախանում: Նա էլ  բավական  զարմացած, բայց  ուրախ  դուրս  է  գալիս խանութից: Հաջորդ օրը  վարսավիրը խանութը բացելիս մտածում  է . <<Տեսնես  ի՞նչ կա այնտեղ>>:

Առաջարկել խմբերին  արտահայտել իրենց  կարծիքը: Բոլորին լսելուց  հետո շարունակել  կարդալ:

<<Վարսավիրը իր առջև տեսնում  է ևս 12  հայի, որոնք իրեն  էին սպասում>>:

Հարց՝  ինչու՞  հայը վարվեց այդպես:  Դարձյալ  լսել խմբերի  կարծիքը և կատարել եզրակացություն: Մենք՝ հայերս, միմյանց օգնող և աջակցող  ազգ ենք:Երբ մի լավ  բան  ենք տեսնում, պատմում  ենք  ընկերներին, բարեկամներին: Կոլեկտիվ  ոգու շնորհիվ է, որ կարողացել ենք գոյատևել, հաղթահարել  դժվարությունները ու  հասնել  արդյունքի:

Մեկ  անգամ ևս  համոզվեցինք  համատեղ աշխատանքի կարևորությունը նպատակին  հասնելու ճանապարհին:

Քայլ 4-րդ:

Այժմ անդրադառնանք  հաջորդ  հարցին՝ ինչպես դառնալ երեխայի խորհրդատուն, ընկերը, վստահելի  անձը: Ընթերցել  Սուխումլինսկու խոսքերը.

 <<Ինչու՞ ես ատեմ  երեխային  այսօրվա  վատի համար: Ես նրան  կսիրեմ այն լավի համար, ինչը նրա մեջ  դաստիարակելու  եմ վաղը>>:

Վերջին տարիներին  փոփոխության  են  ենթարկվել կյանքի բոլոր ոլորտները, մեզ շրջապատող աշխարհը իր  դրսևորումներով: Նշանակում է ՝ երեխայի դաստիարակության  մոտեցումները ևս պետք է այլ լինեն:Ինֆորմացիայի մեծ հեղեղը  թուլացնում է  ծնողի  ազդեցությունն ու վերահսկողությունը , նախկին  խստությունը, պատիժը չեն  կարող  այն  նշանակությունն  ունենալ, ինչ  ունեին  խորհրդային  շրջանում:Պետք է  համագործակցել երեխայի հետ, փորձել  ներթափանցել նրա  աշխարհը և, ամենակարևորը, միշտ գտնել ժամանակ  նրա հետ զրուցելու, պատմելու իր գործերից: Երեխան  պետք է գիտակցի, որ ինքը  ապրում է ոչ թե  տարբեր տարիքի մարդկանց հետ, ուր  ամեն մեկն  ունի իր խնդիրները, այլ որ ինքը այդ մարդկանցից  մեկն է, ընտանիքի մի մասը և ոչ թե որևէ մեկի կամքը կատարողը: Ծնողը  պետք է հասկանա, որ  երեխան  ունի իր հետաքրքրությունը, իր ձգտումները և խելացիորեն  օգնի  նրան իրագործելու կամ կանխելու սխալ միտումները: Երեխան պետք է վստահի ծնողին և հասկանա, որ եթե ինչ-որ բան չի կարելի, ապա ինչու՞ չի կարելի, և եթե կարելի է, ապա ինչու՞ է կարելի: Երբեմն  ծնողը չի հասկանում , թե ինչ է ուզուն իր երեխայից:  Ուզում է, որ նա դառնա իր չիրականացած  երազանքների իրականացնո՞ղը, անի այն, ինչը ինքը ժամանակին  չի՞  կարողացել  անել,ընտանիքի  ավանդների շարունակո՞ղը, թե՞ մարդ, որն ունի այս աշխարհի հետ կապված իր անհատական մոտեցումները: Դառնա  կիսատ-պռատ բժի՞շկ, շինարա՞ր…,թե՞ լավ դերձակ, խոհարար,նկարիչ  կամ պարուհի: Երեխային չպետք է զրկել ազատ և ճիշտ զարգանալու իրավունքից, նրա մեջ պետք է տեսնել անհատական գծերը, շնորհները, տաղանդը,պետք է խթանել դրանք:Այդ  անպայման դուր կգա նրան, նա կվստահի ձեզ, կկիսվի ձեզ հետ: Երեխան  պետք է ծնողի մեջ տեսնի ոչ  միայն  անքննելի հեղինակության, այլ իր հետ  համագործակցող, իրեն հուզող հարցերով  հետաքրքրվող ընկեր, ինչու՞ չէ, նաև խաղընկեր: Ծնողի համար իր երեխայի խորհրդատուն , վստահելին ու ընկերը դառնալու լավագույն  ճանապարհը ժամանակի  հետ քայլելն է, քանի որ երեխան նախ իր ժամանակի երեխան  է և հետո նոր մերը: Պետք է  սիրել երեխային, բայց ոչ կուրորեն ու կուռք  դարձնելով, ասել  նրան, որ  սիրում  եք, երջանիկ եք, որ նա կա ձեր կյանքում: Այդ  նրան կդարձնի  վստահ ու հանգիստ: Երբ տեսնում եք որևէ հաջողություն, հավատացրե՛ք, որ նա աշխատելու դեպքում  կարող է հասնել  ավելիին: Հասկացրե՛ք նրան , որ չվախենա պատմել այն, ինչ իր հետ կատարվել է, նույնիսկ շնորհակալություն հայտնե՛ք, որ վստահել է ձեզ. այդպես հնարավոր կլինի  խույս տալ հետագա վտանգներից: Վստահեցրե՛ք  նրան, որ  եթե  ինչ-որ  բան գիտի, որ կարող է անել և հասնել հաջողության, ունենա խիզախություն անելու  այն, ինչ  ցանկանում է , չկաշկկանդվի, որովհետև մեկին կարող է դուր գալ, իսկ մյուսին՝ ոչ:

Երեխան  չունի կենսափորձ,  բայց  այժմ   ունի  հնարավորություն  համացանցից ստանալու անսպառ, հաճախ իրար հակասող լուրեր, որը  կարող է նրան  տանել անկանխատեսելի, հաճախ  քողարկված ճանապարհով: Անհրաժեշտ է համակարգիչը տանը տեղադրել տեսանելի տեղում, զրուցել  այն թեմաների շուրջ, ինչ լսում կամ դիտում է երեխան, խաղալ նրա հետ համակարգչով, ոչ թե կտրուկ սահմանափակել, այլ օգնել, աջակցել և այդպես կանխել անցանկալին:Կանխել ինտերնետային  կախվածությունը՝ բացատրելով  դրանից բխող հետևանքները, երեխայի հետ ստեղծել  այնպիսի հարաբերություններ, որ նա վստահորեն ցույց  տա իր ստացած հաղորդագրությունները՝ ակնկալելով ոչ թե ծեծ ու նախատինք, այլ ըմբռնում ու խորհուրդ: Կարելի է համակարգչի  վրա տեղադրել հատուկ ծրագրեր, որը սահմանափակում է երեխայի  մուտքը  դեպի  անցանկալի ռեսուրսները, դեստրուկտիվ  խաղերը: Անհրաժեշտ է կառուցել ընկերական դաշտ, միասին  ընթերցել, ասենք՝  քայլում ենք ճանապարհով և կարդում ենք այն, ինչ տեսնում ենք, հաճախել կինո, գրպանում  ունենալ սիրած բանաստեղծություն , հետո քննարկել: Սեր արթնացնել կրթության  նկատմամբ ոչ թե միայն  պարտադրելով, այլ  կրթության կարևորությունը ամեն հարցում մատնանշելով:

Այս  ամենի կատարումը պետք է լինի շարունակական, դառնա կենցաղի , առօրյայի անբաժանելի մասը, լինի կենսակերպ՝ անկախ նրանից՝ ունե՞նք ժամանակ , թե՞ ոչ: Երեխային նախ պետք է դաստիարակել և նոր  միայն  պահանջել:Թանկը՝ ժամանակը, հաճախ պետք է տրամադրել  ամենաթանկին՝ երեխային:

Քայլ 5-րդ:

Դիտել  մի փոքր  տեսաֆիլմ և քննարկել:

 Միասին  աշխատեցինք, ընթերցեցինք, դիտեցինք ֆիլմ և քննարկեցինք, արեցինք  այն, ինչ կցանկանայինք, որ դուք  հաճախակի անեիք  ձեր երեխաների հետ:

Որպես  ավարտ ընթերցել Րաֆֆու նամակը՝ գրված Ագուլիսից ՝<<Ընտանիքն ու մարդու կայացումն  ըստ Րաֆֆու>>:

  Ծնողներին բաժանել հարցաթերթիկ և  խնդրել  լրացնել  այն:

 

                Հարց

      Այո

          Ոչ

Չգիտեմ

1.Գոհացրե՞ց աշխատանք

 

 

 

 

2.Օգնե՞ց  Ձեզ

 

 

 

 

3.Կհետևե՞ք  խորհուրդներին

 

 

 

 

4.Փոխվե՞ց վերաբերմունքը դպրոցի  հանդեպ

 

 

 

 

5.Հաջորդ անգամ կմասնակցե՞ք նման  աշխատանքների

 

 

 

 

 


Ծնողական ֆորում Ֆորումին հրավիրվում են 1-12-րդ դասարանների ծնողական խորհրդի նախագահները, դասղեկները, որոնք հետագայում կարող են նույն աշխատանքը կատարել իրենց դասարաններում: Ֆորումի նպատակն է. 1.Ամրապնդել ծնող-դպրոց…

Ծնողական ֆորում Ֆորումին հրավիրվում են 1-12-րդ դասարանների ծնողական խորհրդի նախագահները, դասղեկները, որոնք հետագայում կարող են նույն աշխատանքը կատարել իրենց դասարաններում: Ֆորումի նպատակն է. 1.Ամրապնդել ծնող-դպրոց…

իր և հետո մեզ ու երկրի համար:Բոլորիս նպատակը երեխայի կրթության ու դաստիարակության գործում պետք է լինի նույնը: Որպես ասածի ապացույց համատեղ կատարենք մի աշխատանք ՝…

իր և հետո մեզ ու երկրի համար:Բոլորիս նպատակը երեխայի կրթության ու դաստիարակության գործում պետք է լինի նույնը: Որպես ասածի ապացույց համատեղ կատարենք մի աշխատանք ՝…

ներկայացումների դիտման, գրքերի ընթերցանության կամ քննարկման , դասղեկական հանդիպումների և այն աշխատանքների ժամանակ, որտեղ հնարավոր է ծնողի ներգրավածությունը:Երեխան ականատես կլինի իր ծնողի և ուսուցչի համատեղ…

ներկայացումների դիտման, գրքերի ընթերցանության կամ քննարկման , դասղեկական հանդիպումների և այն աշխատանքների ժամանակ, որտեղ հնարավոր է ծնողի ներգրավածությունը:Երեխան ականատես կլինի իր ծնողի և ուսուցչի համատեղ…

Հայը սրանից շատ է ուրախանում: Նա էլ բավական զարմացած, բայց ուրախ դուրս է գալիս խանութից: Հաջորդ օրը վարսավիրը խանութը բացելիս մտածում է . <<Տեսնես ի՞նչ…

Հայը սրանից շատ է ուրախանում: Նա էլ բավական զարմացած, բայց ուրախ դուրս է գալիս խանութից: Հաջորդ օրը վարսավիրը խանութը բացելիս մտածում է . <<Տեսնես ի՞նչ…

որևէ մեկի կամքը կատարողը: Ծնողը պետք է հասկանա, որ երեխան ունի իր հետաքրքրությունը, իր ձգտումները և խելացիորեն օգնի նրան իրագործելու կամ կանխելու սխալ միտումները: Երեխան…

որևէ մեկի կամքը կատարողը: Ծնողը պետք է հասկանա, որ երեխան ունի իր հետաքրքրությունը, իր ձգտումները և խելացիորեն օգնի նրան իրագործելու կամ կանխելու սխալ միտումները: Երեխան…

շուրջ, ինչ լսում կամ դիտում է երեխան, խաղալ նրա հետ համակարգչով, ոչ թե կտրուկ սահմանափակել, այլ օգնել, աջակցել և այդպես կանխել անցանկալին:Կանխել ինտերնետային կախվածությունը՝ բացատրելով…

շուրջ, ինչ լսում կամ դիտում է երեխան, խաղալ նրա հետ համակարգչով, ոչ թե կտրուկ սահմանափակել, այլ օգնել, աջակցել և այդպես կանխել անցանկալին:Կանխել ինտերնետային կախվածությունը՝ բացատրելով…

1.Գոհացրե՞ց աշխատանք 2.Օգնե՞ց Ձեզ 3.Կհետևե՞ք խորհուրդներին 4.Փոխվե՞ց վերաբերմունքը դպրոցի հանդեպ 5.Հաջորդ անգամ կմասնակցե՞ք նման աշխատանքների

1.Գոհացրե՞ց աշխատանք 2.Օգնե՞ց Ձեզ 3.Կհետևե՞ք խորհուրդներին 4.Փոխվե՞ց վերաբերմունքը դպրոցի հանդեպ 5.Հաջորդ անգամ կմասնակցե՞ք նման աշխատանքների
Скачать файл