Мы играем. Названия игрушек.

Госуд.коми язык, 2 кл.8-9 уч.неделя: Названия игрушек. Любимые игрушки. Стр.28-35

МИ ВОРСАМ.

вайны — принести ворсны — играть вотны — собирать гӧгрӧс — круглый мича — красивый мый вӧчны? — что делать?

небыд — мягкий пес чипас — поленница пув — брусника радейтны — любить руд — серый чӧд — черника шань — добрый

 

 1ʼ удж. Артмӧд серпас серти юалӧмъяс. Вочавидз.

 

Вӧч тадзи: Тайӧ коді? Тайӧ нывка. Мый вӧчӧ нывка? Нывка ворсӧ. Мыйӧн ворсӧ нывка? Нывка ворсӧ аканьӧн.

 

 2ʼ удж. Лӧсьӧд серпас серти сёрникузяяс.

 

Вӧч тадзи: Тайӧ паровоз. Сійӧ ичӧт кольквиж чача.

 

Если ты хочешь описать предмет, то назови сначала его цвет, форму, размер, а потом и сам предмет: гӧгрӧс лӧз мач.

  

3ʼ удж. Уджав параын. Висьтав ёртыдлы рочӧн.

 Мича дзоридз, гӧгрӧс пызан, небыд чача, руд кань, сьӧд пон, гӧрд руч, ыджыд машина.

  

4ʼ удж. Тӧдмав да серпасав.

 

1)  Лӧза-гӧрда, гӧгрӧс, овлӧ ыджыд, овлӧ ичӧт.

2)  Мича да еджыд юрсиа чача.

3)  Тайӧ чачалӧн эм нёль кӧлеса да руль.

 

 

— Мый вӧчан, Оля?

— Ме ворса аканьӧн.

— Тэ радейтан ворсны аканьӧн?

— Да, ме радейта ворсны аканьӧн.

— Кутшӧм тэнад аканьыд?

— Менам мича да шань акань.

Ӧти. Один. ворс сувт радейт котӧрт

Уна. Много.  ворсӧй сувтӧй радейтӧй котӧртӧй

   «Пышкай» ворсӧм.

 

ВЕЛӦДЫСЬ. Челядь, сувтӧй кытшӧ.

ВЕЛӦДЧЫСЬ. Коді лоӧ пышкайӧн?

ВЕЛӦДЫСЬ. Лыддьысьӧй. 

          Ӧтик-мӧтик,        Квайт-майт,

         Кык-мык,              Сизим-мизим,

Куим-муим, Нёль-моль, Вит-мит,

Кӧкъямыс-мӧкъямыс, Ӧкмыс-мӧкмыс, Дас-пас, Пес чипас!

 ВЕЛӦДЧЫСЬ. Ме лоа пышкайӧн.

ВЕЛӦДЫСЬ. Ира, сувт кытш пытшкас. Ворсӧй.

 

5ʼ удж. Лыддьы. Кутшӧм чачаӧн ворсӧ нывка?

 

Менам эм чача. Тайӧ каньпи. Сійӧс шуӧны Муркаӧн. Чача еджыд рӧма, небыд, мича. Ме радейта ворсны тайӧ чачаӧн.

 

— Мыйӧн тэ радейтан ворсны?

— Ме радейта ворсны конструкторӧн.

— Мыйӧн тэ он радейт ворсны?

— Ме ог радейт ворсны аканьӧн.

 

6ʼ удж. Лыддьы. Висьтав, мый тӧдмалін Аня йылысь.

 

Анялӧн эм акань. Нывка аканьсӧ шуис Настукӧн. Настук выль да мича. Аня радейтӧ ворсны аканьӧн.

7ʼ удж. Лыддьы да велӧд кывбурсӧ.

 

          ПЫШКАЙ

Пуксис пышкай ӧшинь вылӧ.

Ок и мичаа жӧ сьылӧ!

Эн на лэбзьы, ичӧт чой,

Лэбзис лэбачпиыд — ой!

 А. Барто серти 

  

 Кутшӧм кывбуръяс тӧдан А. Бартолысь?

 

8ʼ удж. Висьтав, мый эм чачаӧн вузасянінын.

 

 

Висьтав тадзи: Вузасянінын эм небыд еджыд ошпи.

 

 «Ошкӧ-бабӧ» ворсӧм.

 

            — Рая, тэ кӧсъян ворсны?                                                

            — А мыйысь ворсам?                                                       

            — Выль ворсӧм велӧдам.                                                

            — А кыдзи шусьӧ выль ворсӧмыс?                                 

— «Ошкӧ — бабӧ».

            — Вай велӧдам.                                       

Ошкӧ — бабӧ, ошкӧ — бабӧ, Чӧдтӧ вотам, пувтӧ вотам.

Бур вотӧссӧ босьтам,

Лёк вотӧссӧ шыбитам.

 

 

9ʼ удж. Прӧверит асьтӧ. Артмӧд юалӧмъяс кутшӧм? кӧні? мый? коді? кывъясӧн.

 

Вӧч тадзи: Коді вузасьӧ лавкаын?

 

  

НЫВКА. Видза оланныд!                                         шайт — рубль

ВУЗАСЬЫСЬ. Видза олан!

НЫВКА. Меным колӧ чача.

ВУЗАСЬЫСЬ. Кутшӧм чача?

НЫВКА. Кольквиж рӧма ошпи.

ВУЗАСЬЫСЬ. Со тэныд кольквиж рӧма ошпи.

НЫВКА. Кымын шайта?

ВУЗАСЬЫСЬ. Кык шайта.

НЫВКА. Аттьӧ.

ВУЗАСЬЫСЬ. Тэ радейтан небыд чачаяс?

НЫВКА. Меным кажитчӧны найӧ.

ВУЗАСЬЫСЬ. Миян лавкаын уна мича небыд чача. Нӧшта пырав.

НЫВКА. Аттьӧ! Аддзысьлытӧдз!

 

10ʼ удж. Мый йылысь сёрнитӧны зонкаяс? Аддзы сёрниын ӧшыбка.

Сёрнит ёртыдкӧд.

О чём беседуют мальчики? Найди ошибку в диалоге. Побеседуй с другом.

 

           — Мыйӧн тэ ворсан?                     — Ме ворса компьютерӧн.

     А мыйӧн тэ ворсан?

 

— Ме ворса конструкторӧн.

11ʼ удж. Помав сёрникузяяссӧ.

1.  Ме радейта ворсны ...                                              Мыйӧн? — Чем?

а) аканьӧн; б) конструкторӧн; в) компьютерӧн.

  

2.  Вок радейтӧ ворсны ...

а) мачӧн; б) бадминтонысь; в) футболысь.

  

3.  Чой радейтӧ ворсны ...

а) гудӧкӧн; б) шур-шарӧн; в) пӧлянӧн.

 

4.  Ёрт радейтӧ ворсны ...

а) доминоӧн; б) шахматӧн; в) лотоӧн.

 

12ʼ удж. Артмӧд шыпасъясысь кывъяс.

13ʼ удж. Лыддьы А. Бартолысь кывбурсӧ. Висьтав рочӧн.

 

Миян Таня бӧрдӧ гора.

Мачсӧ уськӧдӧма шорӧ.

Ӧвсьы, Таня, тэ эн бӧрд,

Оз вӧй мачыд, кутам бӧр.

 

14ʼ удж. Лӧсьӧд висьт радейтана чача йывсьыд план серти.

 

1.  Менам радейтана чача.

2.  Кутшӧм сійӧ?

3.  Кӧні сійӧ олӧ?

 

Вӧч тадзи: Менам радейтана чача — кӧчпи. Сійӧ руд рӧма да небыд. Сійӧ олӧ джаджйын.

 

 Серпасав радейтана чачатӧ.