PRUJINAG’A BEKITILGEN DENENIN’ TERBELISI

No’kis rayoni’ XBMXMThSHBne qarasli’

№ - 22- sanli' uluwma worta bilim beriw mektebinin'

Fizika pa'ni mug'allimi

Ag’i’lash   Saylauovti’n’

PRUJINAG’A BEKITILGEN DENENIN’

TERBELISI  

atli’ temasi’ boyi’nsha

sabaqli’q is jobasi’

2015-2016 ji’l

No’kis Rayoni’                                                                                                  22-mektep  Saylauov Ag’i’lash

№45-TEMA    PRUJINAG’A BEKITILGEN DENENIN’ TERBELISI           

Sabaqti’n’ maqseti

a)Bilimlendiriw maqseti

Woqi’wshi’larg’a Prujinag’a bekitilgen denenin’ terbelisi haqqi’nda uluwma tusinikler beriw ha’m bul temani’n’ basqa temalardan wo’zgesheligin ayti’p wo’tip temani’ baslaw.

b) Tarbiyali’q maqseti.

Woqi’wshi’larg’a temadan kelip shi’qqan halda wo’mirde jaqsi’ menen jamanni’n’ birdey juriwin biraq jaqsi’li’qti’n’ jen’ip shi’g’i’wi’n tusindirip, woqi’wshi’lardi’ jaqsi’li’q ruwxi’nda ta’rbiyalaw.

c)Rawajlandi’ri’w maqseti

Woqi’wshi’lardi’n’ pa’nge degen qi’zi’g’i’wshi’li’g’i’n artti’ri’w na’tiyjesinde wolardi’n’woqi’w ham jazi’w ko’nlikpelerin artti’ri’p bari’w

Sabaqti’ qurallandi’ri’w

Sabaqli’q kitap,tarqatpa materiallar, ha’m ko’rgizbeli qurallar.

Sabaqta paydalani’lg’an metodlar: «Blits» interaktiv metodi’ «Skarabey» interaktiv metodi’

Sabaq jobasi’

Sabaqti’n bari’si’

Sholkemlestiriw

Klassqa kirip woqi’wshi’lardi’n’tazali’g’i’na,klass tazali’g’ina itibar qarati’w.Woqi’wshi’lardi’n’ woqi’w qurallari’n ko’zden keshirip  na’wbettegi sabaqqa tayarli’g’i’n tekseriw

Uyge tapsi’rma soraw

Suyi'qli'q ha'm gazler qozg'ali'si’nda basi’mni’n’ tezlikke baylani’sli’gi’i’nan turmi’sta ha’m texnikada paydalani’w temasi’n soraw

Tema

Garmonikali’q terbelisler:

Prujinag’a bekitilgen denenin’ qozg’ali’si’ terbelmeli qozg’ali’sqa mi’sal boladi’.108 a suwret prujina ha’m wog’an bekitilgen dene suwretlengen.Dene menen tayani’sh arasi’ndag’I’ su’ykeliw ku’shi yesapqa ali’nbaytug’I’n da’rejede kishi bolsi’n.Awi’rli’q ku’shi tayani’shti’n’ reakciya ku’shi menen ten’lestirilgen.Soni’n’ ushi’n sistema ten’ssalmaqli’q halda turi’pti’ dew mu’mkin.Denege F ku’shi ta’sir yetip woni’ ten’salmaqli’q hali’nan shepke –A arali’qqa ji’lji’tami’z.(108-b suwret) Prujina qi’si’li’p denege won’ ta’repke bag’I’lang’an serpimlilik ku’shi ta’sir yetedi.Deneni wo’z hali’na qoyg’anda wol ten’salmaqli’q hali’nan won’ ta’repke bag’I’tlang’an tezleniwde qozg’aladi’.Dene qozg’ali’si’ F ku’shi bag’I’ti’nda boladi’.

No’kis Rayoni’                                                                                                  22-mektep  Saylauov Ag’i’lash

No’kis Rayoni’                                                                                                  22-mektep  Saylauov Ag’i’lash

Dene inerciya saldari’nan ten’salmaqli’q hali’nan wo’tip won’ ta’repke qozg’ali’si’n dawam yettiredi.Yendi sozi’lg’an prujinag’a shep ta’repke bag’I’tlang’an serpimlilik ku’shi ju’zege keledi.Bunda dene ten’salmaqli’q hali’nan A arali’qqa shekem bari’p,arqa ta’repke qozg’ala baslaydi’.(108-d suwret) Dene ja’ne ten’salmaqli’q hali’nan wo’tip inerciya boyi’nsha  A arali’g’I’na shekem,yag’niy wo’z qozg’ali’si’n baslag’an nohatqa shekem baradi’.dene usi’g’an uqsas gezektegi terbelisin baslaydi’.(108-e suwret) Denenin’ ha’reketi usi’ ta’rizde ta’krarlanadi’.

Waqi’t dawami’nda qaytalanatug’i’n qozg’ali’slarg’a yamasa qubli’slarg’a terbelisler delinedi.

Dene traektoriyasi’ni’n’ qalegen nohati’na serpimlilik ku’shi ten’salmaqli’li’q hali’ ta’repke bag’I’tlang’an boladi’.Serpimlilik ku’shinin’ x ko’sherine proekciyasi’  qa ten’.

Denenin’ ten’salmaqli’q hali’nan awi’si’wi’ ji’lji’w dep ataladi’.

Terbelis amplidudasi’,da’wir ha’m jiyligi.

108-suwrettegidey denenin’ ten’salmaqli’q hali’nan shepke yen’ u’lken ji’lji’w A g’a wong’a yen’ u’lken ji’lji’w A g’a ten’.

Dene ten’salmaqli’q hali’nan yen’ u’lken ji’lji’wi’ terbelis amolitudasi’ dep ataladi’.

Aylanbali’ qozg’ali’p ati’rg’an dene ushi’n aylani’w da’wiri ha’m jiyligi haqqi’nda mag’luwmat alg’an yedin’iz.Terbelis da’wiri ha’m jiyliginin’ birlikleri sa’ykes tu’rde sekund (s) ha’m gerc (Hz) boladi’.

Bir ma’rte toli’q terbeliw ushi’n ketken waqi’t terbelis da’wiri,waqi’t birligi ishindegi terbelisler sani’ terbelis jiyligi dep ataladi’.

Terbelis da’wirit T ha’m jiyligi  arasi’ndag’I’ baylani’s,sonday-aq t waqi’t ishindegi terbelisler sani’ n ge ten’ bolg’andag’I’ da’wir ha’m jiyliktin’ an’latpasi’ to’mendegishe boladi’.

 :        :         :       :

 Yeger terbeliwshi denenin’ massasi’ m ha’m prujinani’n’ qatti’li’g’I’ k belgili bolsa,terbelis da’wiri ha’m jiyligin yesaplaw mu’mkin.

Bul formuladan ko’rinip tur,terbeliwshi denenin’ massasi’ arti’wi’ menen terbelis da’wiri artadi’,jiyligi kemeyedi.Prujinani’n’ qatti’li’g’I’ arti’wi’ menen da’wiri kemeyedi jiyligi artadi’.

Garmonikali’q terbeliste wolardi’n’ da’wiri ha’m jiyligi a\mplitudadag’a baylani’sli’ bolmaydi’,terbelislerdin’ formasi’ wo’zgermeydi.

Sabaqti’ bekkemlew

Bekkemlew ushi’n «Debat», «klaster» interaktiv metodi’ usi’ni’s yetiledi. Tema boyi’nsha woqi’wshi’larg’a  qayta sorawlar berip ha’m qosi’msha tapsi’rma tu’rinde ha’r toparg’a krosvordlar tarqati’ladi’.tapsi’rma wori’nlani’p bolg’annan son’ bosli’qlardi’ toli’qti’ri’w maqsetinde,bilimlerin bekkemlep bari’w ushi’n yadtan formulalar jazadi’.

1.Prujinag’a ildirilgen denenin’ qozg’ali’si’ qalay ju’zege keledi?

2.Terbelis dep qanday qozg’ali’sqa ayti’ladi’?

3.Terbelis amplitudasi’ degen ne?

4.Terbelis da’wiri ha’m jiyligin tu’sindirip berin’?

5.Garmonikali’q terbelislerdi tu’sindirip berin’?

Uy tapsi’rma tapsi’ri’w

Prujinag’a bekitilgen denenin’ terbelisi temasi’n woqi’p keliw. 

Sabaqti’ juwmaqlaw

Uy jumi’si’n qayta yadi’na sali’p wotip,bugingi sabaqqa belsene qatnasqan woqi’wshi’larg’a tiyisli bahalari’n qoyg’an halda bugingi sabag’i’ma juwmaq jasayman

No’kis Rayoni’                                                                                                  22-mektep  Saylauov Ag’i’lash