TEGIS AYNA JÁRDEMINDE JAQTÍLÍQTÍŃ SHAǴÍLÍSÍWÍN ÚYRENIW. laboratoriyaliq jumis

Nókis rayonı XBMXMThSHBne qaraslı

№  22- sanlı uluwma orta bilim beriw

mektebiniń

Fizika páni muǵallimi

Aǵılash   Saylauovtıń

TEGIS AYNA JÁRDEMINDE JAQTÍLÍQTÍŃ SHAǴÍLÍSÍWÍN ÚYRENIW

 (laboratoriyalıq jumıs)

 atlı teması boyınsha

sabaqlıq is jobası

2015-2016 jıl

Nókis Rayonı                                                                                                        22-mektep  Saylauov Aǵılash

№ 51-TEMA  TEGIS AYNA JÁRDEMINDE JAQTÍLÍQTÍŃ SHAǴÍLÍSÍWÍN ÚYRENIW.

(Laboratoriyalıq jumıs)

Sabaqtıń maqseti

a)Bilimlendiriw maqseti

Oqıwshılarǵa Tegis ayna járdeminde jaqtílíqtíń shaǵílísíwí haqqında ulıwma túsinikler beriw hám bul temanıń basqa temalardan ózgesheligin aytıp ótip temanı baslaw.

b) Tarbiyalıq maqseti.

Oqıwshılarǵa temadan kelip shıqqan halda ómirde jaqsı menen jamannıń birdey juriwin biraq jaqsılıqtıń jeńip shıǵıwın túsindirip, oqıwshılardı jaqsılıq ruwxında tárbiyalaw.

c)Rawajlandırıw maqseti

Oqıwshılardıń pánge degen qızıǵıwshılıǵın arttırıw nátiyjesinde olardıńwoqıw hám jazıw kónlikpelerin arttırıp barıw

Sabaqtı qurallandırıw

Sabaqlıq kitap,tarqatpa materiallar, hám kórgizbeli qurallar.

Sabaqta paydalanılǵan metodlar: «Blits» interaktiv metodı «Skarabey» interaktiv metodı

Sabaq jobası

Sabaqtın barısı

Shólkemlestiriw

Klassqa kirip oqıwshılardıń tazalıǵına, klass tazalıǵina itibar qaratıw. Oqıwshılardıń oqıw quralların kózden keshirip  náwbettegi sabaqqa tayarlıǵın tekseriw

Úyge tapsırma soraw

Shiyshe prizmada jaqtílíqtíń quram bóleklerine ajíralíwí.Raduga temasın soraw.

Tema

Kerekli ásbaplar:

1) Tegis ayna ornatılǵan optikalıq disk. 2) nurlı kórsetkish yáki 3-6 volt kernewge mólsherlengen qızdırıw elektr lampochkası. 3) ólshemleri 160x200 mm bolǵan qalıń aq qaǵaz.

Jumıstı orınlaw tártibi:

115-suwrette kórsetilgen qurılma jiynaladı. Optikalıq disk ortasına tegis ayna ornatıladı.

2. Nurlı kórstkishti (yáki qızdırıw elektr lampochkasın) optikalıq disk shetine bekkemlep, onnan aynaǵa jaqtılıq túsiriledi.

3.Túsiw múyeshin ózgertip, olarǵa sáykes kelgen shaǵılısıw múyeshleri anıqlanadı. Nátiyjeler klass taxtasına jazıp barıladı.

4. Túsiw múyeshi hám shaǵılısıw múyeshi teń ekenligi tekseriledi.

5. Qalıń aq qaǵaz qaytatuǵın nur táreptegi diskke jabısatuǵın etip qoyıladı. Sonda qaǵaz betinde qaytatuǵın nur kórinip turadı. Qaǵaz biraz burılsa, qaytqan nurdıń baslanıwı kórinedi. Bul qubılıstan juwmaq shıǵarıladı.

6.Tájiriybeni nurlı kórsetkishli optikalıq disktiń sol tárepine ornalastırıp tákrarlanadı.

Sabaqtı bekkemlew

Bekkemlew ushın «Debat», «klaster» interaktiv metodı usınıs etiledi. Tema boyınsha oqıwshılarǵa  qayta sorawlar berip hám qosımsha tapsırma tu’rinde hár toparǵa krosvordlar tarqatıladı.tapsırma orınlanıp bolǵannan soń boslıqlardı tolıqtırıw maqsetinde, bilimlerin bekkemlep barıw ushın yadtan formulalar jazadı.

1.Túsiw múyeshi hám shaǵılısıw múyeshi óz-ara qanday qatnasta boladı?

2.Shaǵılısqan nur tısken nurǵa salıstırǵanda qanday jaylasadı? Bir tegislikte me yáki hár túrli tegislikte me?

Úy tapsırma tapsırıw

Tegis ayna járdeminde jaqtílíqtíń shaǵílísíwín úyreniw temasın oqıp keliw. 

Sabaqtı juwmaqlaw

Úy jumısın qayta yadına salıp otip, búgingi sabaqqa belsene qatnasqan oqıwshılarǵa tiyisli bahaların qoyǵan halda búgingi sabaǵıma juwmaq jasayman

Nókis Rayonı                                                                                                        22-mektep  Saylauov Aǵılash