Ұйымдастырылған оқу қызметі "Бағдаршам - біздің досымыз!"

Ересек тобында ұйымдастырылған оқу қызметі

Білім беру саласы:  «Әлеумет»

Бөлімі:  Экология негіздері

Тақырыбы:  «Бағдаршам біздің досымыз»

Мақсаты:  балаларды бағдаршамның атқаратын қызметімен таныстыру.

Міндеттері:

Білімділік: ойын арқылы балаларға жолда жүру ережелерін меңгерту, түстерді ажырата білуге, қауіпсіздік ережелерін сақтауға үйрету.

Дамытушылық: әңгімелесу арқылы сөздік қорларын дамыту;

Тәрбиелік: балаларды мұқият болуға, достыққа тәрбиелеу.

Сөздік жұмыс: бағдаршам, қызыл, сары, жасыл.

Қостілдік компонент: бағдаршам – светофор- light , қызыл – красный- red, сары – желтый - yellow, жасыл – зеленный- green.

Керекті құралдар: бағдаршамның суреті, жол ережесіне байланысты суреттер, ноутбук

Іс - әрекет кезеңдері:

Мотивациялық- қозғаушылық кезең:

-  Шеңбер құрып тұрып, бір-біріміздің қолымыздан ұстап, алақан жылуын сезінейік.

Достарды біз қолдаймыз,

Қиын шақта қорғаймыз.

Біздің топта ұл-қыздар,

Тату-тәтті ойнаймыз!

Қазір мен сендерге жұмбақ жасырамын, сендер сол жұмбақтың жауабын табыңдар.

Жұмбақ жасыру.

Бұйырмапты бас та, ауыз да, құлақта,

Бақырайған үш көзі бар бірақ та.

Ол не?

   -  Ол бағдаршам.

Осы кезде есік қағылып бағдаршам келеді.

Бағдаршам балалармен амандасады.

Ұйымдастыру– іздестіру кезеңі:

Әңгімелесу:

  -  Балалар, бағдаршам сендердің жол ережесін қаншалықты білетіндеріңді бақылауға келіпті.

  -  Балалар, суреттен қандай пішінді көріп тұрсыңдар?

-            Дөңгелек пішінін көріп тұрмыз.

 -  Иә, балалар, дұрыс айтасыңдар, дөңгелек екен. Осы пішіндердің түстері бір-біріне ұқсайды ма?

-   Жоқ, ұқсамайды.

    -  Қане, түстерін атап беріңдерші.

-   Қызыл, сары, жасыл.

  -  Осындай түстерді, тағы қай жерден көріп тұрсыңдар?

-   Бағдаршамнан көріп тұрмыз.

  -  Балалар, бағдаршамды күнделікті қайдан көресіңдер?

-   Көшеден, жолдан көреміз.

  -  Иә, балалар, бағдаршамды машина

жүретін жолдың  шетінен көреміз.

Слайд көрсету «Жолда жүру ережелері»

«Белгілерді орналастыр» дидактикалық ойыны:  карточкада бейнеленген белгілерді атап, оны сипаттап жол бойына орналастырады.

Суретпен жұмыс.

  -  Бағдаршам бізге жол қиылысынан өтуге көмектеседі.

  -  Жолдан қалай өтуіміз керек?

Абайлап өтуіміз керек.

  -  Балалар, бағдаршамның қызыл көзі жанғанда не істейміз?

Қызыл көзі жанғанда тоқтаймыз.

  -  Ал, сары көзі жанғанда не істейміз?

Сары көзі жанғанда дайындаламыз.

  -  Ал, бағдаршамның жасыл көзі жанғанда не істейміз?

Жасыл көзі жанғанда жүреміз.

Сергіту сәті:

Начинается игра:
Мы выходим со двора.
Ножки топают: топ, топ.
Но перед дорогой – стоп!
Ищем, ищем. Где же? Вот!
«Пешеходный переход»
Переход со светофором:
Глазки ждут зелёный свет,
На другой прохода нет!
Влево, вправо посмотри!
Нет автомобилей вроде,
Строго под прямым углом.
Быстрым шагом переходим.
Быстрым шагом – не бегом

  -  Балалар, жолдан жүгіріп өтуге болмайды. Жолдан өтер кезде алдымен сол жағыңа, содан соң оң жағыңа қарап, арнайы жаяу жүргіншіге арналған жолмен өту керек.

Сөздік жұмыс: бағдаршам – светофор- light , қызыл – красный- red, сары – желтый - yellow, жасыл – зеленный- green. Бағдаршам ойын ойнатады.

«Бағдаршам» қозғалмалы ойыны:

Шарты:   жүргізуші жасыл түсті көрсеткенде, балалар жүреді.

Сарыны көрсеткенде, алақандарын соғады. Қызылды көрсеткенде, тыныштық сақтайды.

Рефлексивті– түзетушілік кезең:

Қорытынды:

      -     Бізге қонаққа не келді?

Қонаққа бағдаршам келді.

-         Бағдаршамның неше көзі бар?

-         Бағдаршамның үш көзі бар.

      -     Бағдаршам бізге не үшін керек?

Жол көшелеріндегі қозғалысты реттеу үшін керек.

Бағдаршам балаларға ризашылығын білдіріп, жол ережесін жақсы білетіндерін айтып, мадақтайды, қоштасады.

«Күніміз ашық болсын» шеңбері

– Ал енді, балалар, қол ұстасып, шеңберге тұрайық. Бәріміз бірге айтайық:

Күніміз ашық болсын,

Түніміз тыныш болсын!

Ауамыз таза болсын!

Суымыз мөлдір болсын!

Күтілетін нәтиже:

Білу керек: бағдаршамның жол белгілерінің атқаратын қызметтерін,

Болу керек:  жолда жүру ережелері туралы мағлұмат.

Істей білу керек: бағдаршамның түстерін ажырата білу, жолда жүру ережелерін сақтай білу.