Конспект урока по кабардинскому языку по теме "Изложенэ" (3 класс)

Темэр. Бзэм зегъэужьын. Изложенэ «Щхьэк1эмрэ лъэдакъэмрэ».     Мурадыр. Я бзэм, тхыбзэм зегъэужьын. Текстым пэгъунэгъуу,  плъыфэц1эхэмк1э нэхъ дахэ щ1ауэ изложенэ егъэтхын.     Урокым къэгъэсэбэпыпхъэр. «Щхьэк1эмрэ лъэдакъэмрэ» текст,  интерактивнэ доска.                             Урокыр зэрек1уэк1ынур 1. Урокым зыхуэгъэхьэзырын 2. Изложенэм елэжьын     1) Текстым къахуеджэн                      Щхьэк1эмрэ лъэдакъэмрэ    Зы л1ы нэпсей гуэр щы1эт. Абы езым лэжьэн ф1эф1тэкъым,  гъэпц1агъэк1э псэун мурад и1эу арат. Абы иц1ыхурт зы л1ы лэжьэрей  гуэри, ар къигъэпц1эну мурад ищ1ащ. Т1уми щ1ы 1ыхьэ я1эти, нэпсейм  лэжьэрейр арэзы къищ1ащ дзейуэ зэгухьэу щ1ым зэделэжьынхэу.    Гъатхэр къэсри абыхэм унафэ ящ1ащ щ1ым трасэнум, абы  зэрелэжьынум, къытрахыр зэрагуэшыжынум теухуауэ. Нэпсейм  мэкъумэшыщ1эным хищ1ык1 щы1этэкъым. Абы жи1ащ, сыт трасэми  щхьэк1эр езым ищтэну, лъэдакъэр лэжьэрейм иритыну. Лэжьэрейри абы  арэзы техъуащ. Арати лэжьэн щ1адзащ. Псори зыщ1эр лэжьэрейр арт.  Нэпсейм щхьэусыгъуэ ищ1урэ зыщ1ригъэхырт, губгъуэм ихьэртэкъым.  Лэжьэрейр т1уми я щ1ы 1ыхьэм к1рт1оф трищ1ащ ик1и хуэбэгъуащ.    Бжьыхьэр къэсри, зэрызэгуры1уам тету, ягуэшыжащ: къуэпсыр нэпсейм лъысащ, к1эрт1офыр лэжьэрейм къит1ыжащ. Нэпсейр и 1эпэм  едзэкъэжырт, ауэ зыри жи1акъым. Гъэ къак1уэ лэжьэрейм  ебзэджэк1ыну мурад ищ1ащ    Къэсащ ет1уанэ гъатхэри. Иджы нэпсейм жи1ащ лъэдакъэм ф1эк1а  щхьэк1эм хуэмейуэ. Лэжьэрейри абык1э арэзы хъуащ, а гъэм абы мэш  трисащ.   Зи тхык1эм щхьэхуэу щыгъэгъуэзапхъэ: дзейуэ, мэкъумэшыщ1эным  зыщ1ригъэхырт, ебзэджэк1ыну, трисащ.,     2) Интерактивнэ доскам ит текстым къыдогъаджэ.    3) Упщ1эхэм жэуап ирыдогъэт.       1.Сыт нэпсеймрэ лэжьэреймрэ зэгъусэ щ1эхъуар?      2. Сыт хуэдэ щ1ык1эу а т1ум зэдэлэжьэн мурад зэращ1ар?      3. Сыт хуэдэ унафэ нэпсеймрэ лэжьэреймрэ ящ1ар?      4. Сыт нэпсейр губгъуэм ш1имыхьар?      5. К1эрт1офыр щыхащ1ам хэт хилъэфар?      6. Ет1уанэ гъэм сыт нэпсейм къыщыщ1ар?      7. Лэжьэрейм сыт хужыф1эфын?      8. Сыт нэпсеиным къихьыр? 9. Сыт хуэдэ псалъэжьхэр къыхуэпхь хъуну мы тхыгъэм? 4) Изложенэр зэратхыну планыр зэхэгъэувэн.                           План   1. Нэпсеймрэ лэжьэреймрэ зэдэлэжьэн мурад ящ1.   2. К1эрт1офым зэрелэжьар, зэрагуэшыжар.   3. Ет1уанэ гъэм мэш трасэ.   4. Лэжьэрейм и 1уэхур нэхъ къик1ащ, нэпсейр хилъэфащ. 5)Планым тету къыжегъэ1эжын. 6) Изложенэр егъэтхын. 7) Ятхам къегъэджэжын.