Конспект урока по кабардинскому языку по теме "Къызэрапщытэ диктант" (3 класс)

Темэр. Къызэрапщытэ диктант. Мурадыр. Глаголым ехьэл1ауэ яджар къазэрыгуры1уар къэпщытэн. Урокым къэгъэсэбэпыпхъэр. Диктантхэр зэрыт сборник,  грамматическэ  лэжьыгъэхэр, интерактивнэ доска.                                  Урокыр зэрек1уэк1ынур 1. Урокым зэрыхуэхьэзырымк1э (зэрылэжьэну 1эмэпсымэхэр  къызэрызэгъэпэщар) еджак1уэхэм зыкъегъэпщытэжын. 11. Диктантым егъэлэжьын.      1. Текстыр егъэтхын.                                     Гъатхэр къызэрык1уэр Пщэдджыжьым дыгъэр къепсырт, хуабэ дыди къэхъуат. Уэсри мылри  къэтк1урт. Пщ1ант1эр гуэлым ещхь хъуат. Уэрамым псыхьэлыгъуэу  ирижэхэм уебэкъуэфыртэкъым. Куэд мыщ1эу пшэ 1ув инхэр уафэгум  къытозэрыхь. Дыгъэпсри къапхык1ыжыфыркъым. Щ1ымахуафэ  зыкъищ1ыжащ. Пщ1ант1эм псыуэ дэтари аргуэру мэдииж.  Пщыхьэщхьэм мылыр пхъафэу псы щ1ы1ум трещ1эж. Сэ абы белк1э соуэ. Псыр мылым къызэпхев. Жэщыр щ1ы1эу мак1уэ. \Пщэдджыжьыр аргуэру уэф1щ. Аргуэру уэсми мылми выжыным щ1адзэжащ.      2. Зи тхык1эм щхьэхуэу щыгъэгъуэзапхъэ: псыхьэлыгъуэу,  мэдииж,  къапхык1ыжыфыркъым,  трещ1эж. 111. Грамматическэ лэжьыгъэхэр.      1. Епщык1ут1анэ псалъэухар псалъэ лъэпкъыгъуэк1э зэпкърыхын.      2. Мы псалъэхэр псалъэ лъэпкъыгъуэк1э зэпкърыхын: щхъуант1э,  щхъуант1агъэ, къигъэщхъуант1ащ.       3. Дахэк1ей псалъэр зэрызэхэт 1ыхьэк1э зэпкърыфх.       4. Дэгъэхуа хьэрфхэр дэфтхэж: т…атр, фэт…джэн, бдза…ц1э, ф1… мыщ1.