Конспект урока по кабардинскому языку по теме "Плъыфэц1э" 4-урок (3 класс)

Темэр. Плъыфэц1э (къызэщ1эзыкъуэж урок). Мурадыр. Плъыфэц1эм теухуауэ яджар егъэбыдыл1эн. Я бзэм, тхыбзэм  зегъэужьын.  Урокым къэгъэсэбэпыпхъэр. «Адыгэбзэ тхылъым зэрелэжьын тетрадь (С. Л.), компьютор, интерактивнэ доска, практическэ лэжьыгъэхэр.                  Урокыр зэрек1уэк1ынур 1. Урокым зыхуэгъэхьэзырын 2. Къабзэрытхэмк1э лэжьыгъэ  Гъу гъу гъуэ агъу гъуи егъу Гъудэберд Гъузер гъунэгъу гъуэжь гъуабжэ Гъудэбердрэ Гъузеррэ зауэм хэтащ.   1) Гъу хьэрфым сыт хужыф1эфын? (Гъу –хьэрф дэк1уашэ жьгъыжьгъ  гуэгъу зи1эщ).   2) Псалъэхэр сыт хуэдэу бгуэш хъуну? (Щы1эц1эрэ плъыфэц1эрэ; ( Хэт?)  Гъудэберд, Гъузер, (сыт?) гъунэгъу – щы1эц1эхэщ. Сыт хуэдэ?) Гъуэжь,  гъуабжэ – плъыфэц1эхэщ).    3) Псалъэухам фыкъеджэ. Нэхъ шэрыуэу, гуры1уэгъуэу псалъэр  вгъэщ1эращ1и фтхы.  (Гъудэберд хахуэу Гъузер л1ыхъужьу зауэ гуащ1эм  хэтащ).                                                                                                                        4) Упщ1э хуэвгъэувурэ  псалъэухам фыкъеджэж. (Хэт?) Гъудэберд (сыт  хуэдэу?) л1ыхъужьу (хэт?) Гъузер (сыт хуэдэу?) хахуэу (сыт?) зауэ (сыт  хуэдэ?)гуащ1эм (сыт ищ1ар?) хэтащ. 3. Темэм елэжьын    Лэжь. 176. а) Фыкъеджи зытепсэлъыхьыр къафщ1э. (Тхьэк1умэк1ыхь).    б) Дэтхэнэ псалъэхэмк1э къэфщ1а зи гугъу ищ1 псэущхьэр? (Тхьэк1умэ  к1ыхь, к1э к1эщ1, гъэмахуэм цыр щхъуэщ, щ1ымахуэм хужьщ  псалъэхэмк1э къэтщ1ащ).    в) Сыт хуэдэ упщ1э хуэуврэ а псалъэхэм?  (Сыт хуэдэ?) к1ыхь, (сыт  хуэдэ?) к1эщ1, (сыт хуэдэ?) щхъуэщ, (сыт хуэдэ?) хужьщ.    г) Сыт хуэдэ псалъэ лъэпкъыгъуэм щыщ а псалъэхэр? (Плъыфэц1эхэщ).   д) Плъыфэц1эр сытк1э сэбэп хъурэ? (Псалъэр нэхъ гуры1уэгъуэ, шэрыуэ,  дахэ ещ1). 4. Адыгэбзэ тхылъым зэрелэжьын тетрадь    Лэжь. 2. Зи мыхьэнэк1э зэпэщ1эуэ плъыфэц1эхэр зэгуэгъу пщ1урэ тхы.   Къарууф1э – къарууншэ, къабзэ – ф1ей, насыпыф1э – насыпыншэ.    Лэжь. 3. а) Плъыфэц1эхэм суффикс –щэ, ­ 1уэ пыбгъэувэурэ нэгъуэщ1  плъыфэц1эхэр къэгъэхъу. Лъагэ – лъагащэ, лъагэ1уэ, лъахъшэ – лъахъшащэ, лъахъшэ1уэ, бгъузэ –  бгъузащэ, бгъузэ1уэ, щабэ – щабащэ, щабэ1уэ, щ1ы1э – щ1ы1ащэ, щ1ы1э1уэ.   б) Псалъэ зэпыщ1ахэр хэту жьэры1уатэу псалъэухахэр хузэхэфлъхьэ. Лэжь. 4. Зи мыхьэнэк1э зэгъунэгъу плъыфэц1эхэр зэпыфщ1э.    Т1ат1э – ц1ынэ, гъунэгъу – благъэ, к1агуэ – к1эщ1, гуауэ – гущ1ыхьэ, гугъу  – хьэлъэ.     Лэжь. 5. 1эф1агъ­дыджагъ елъытак1э мы щы1эц1эхэм плъыфэц1э пыфтхэ.  Зэрыджэ мыхъур – гуащ1эщ; фошыгъур – 1эф1щ; мыр – гуащ1эщ;  к1энфетыр – 1эф1щ. 5. Яджар егъэбыдыл1эн    Интерактивнэ доскам ит текстым плъыфэц1э зыхэт псалъэ зэпыщ1ахэр  упщ1э хуэгъэувурэ къыхэтхык1ын.  Щ1ымахуэ к1ыхьым иригъэша ц1ыхухэр гуапэу 1уощ1э гъатхэ гуапэм.  Илъэс хъурейм хэткъым гъатхэм нэхърэ нэхъ дахи, нэхъ гуак1уи. Псом япэ  псы уэрхэр зэщ1эзы1ул1а мыл 1увхэр дыгъэ хуабэм къигъачэу хуожьэ. Ди  къуршхэм къыщежьа уэсыпс инхэм мыл къутахуэхэр ирахьэхыжри  псышхуэхэм хохуэж. 6. Унэ лэжьыгъэ    Лэжь. 177. Сурэтхэмк1э хъыбар зэхэфлъхьи фтхы, плъыфэц1эхэр  къэвгъэлъагъуэ.