Конспект урока по кабардинскому языку по теме "Псалъэ л1эужьыгъуэхэр" 2-урок (3 класс)

Темэр. Псалъэуха л1эужьыгъуэхэр. Мурадыр. Псалъэуха л1эужьыгъуэхэм теухуауэ ящ1эр егъэф1эк1уэн.  Ц1ыхум къи1уатэ гупсысэм хилъхьэ гуф1эгъуэ, гушхуэныгъэ,  гъэщ1эгъуэныгъэ мыхьэнэхэр макъ лъагэк1э къызэрык1уэр, ар хэ1этык1а  псалъэухауэ зэрыщытыр ящ1эн.     Егъэджак1уэм еджак1уэхэм я пащхьэм къригъэувэ къэлэныр зэгуры1уэу,  зэчэнджэщыжу, зэдэ1эпыкъуурэ жэуап тэмэм ятыфу егъэсэн.     Сабийхэм я бзэм, зэф1эк1ым зегъэужьын.  Урокым къэдгъэсэбэпыпхъэр. «Адыгэбзэ тхылъым зэрелэжьын тетрадь»,  «Псалъэуха» таблицэ, «Псалъалъэ»,  интерактивнэ доска, практическэ  лэжьыгъэ.                             Урокыр зэрек1уэк1ынур 1. Урокым зэрыхуэхьэзырымк1э (зэрылэжьэну 1эмэпсымэхэмк1э  къызэрызэгъэпэщар) еджак1уэхэм зыкъегъэпщытэжын. 11. Зэджа темэхэр къэпщытэжын 1. Пэжырытхэмрэ къабзэрытхэмк1э лэжьыгъэ егъэк1уэк1ын.         Хьэрфыр, псалъэхэр, псалъэухахэр егъэтхын. Х х  Хъ хъ Хъу хъу Хабзэ хъуэхъу хъарзэнэ хепхъэ Хъусейн Хъусейн хабзэр хъарзынэу егъэзащ1э. Абы сыт хуэдэу хъуэхъу дахэ ищ1эрэ!         Ятхар зэрыбгуэш хъуну гупхэр, псалъэхэр зыщыщ лъэпкъыгъуэхэр  зэхегъэгъэк1ын. Х, хъ, хъу хьэрфхэр дэк1уашэ дэгу гуэгъу зи1эхэщ. (Хэт?) Хъусейн –щы1эц1э унейщ, (сыт?) хабзэ, хъуэхъу – щы1эц1э зэдайхэщ. (Сыт хуэдэ?) хъарзынэ, дахэ – плъыфэц1эхэщ. (Сыт ищ1эрэ?) хепхъэ, егъэзащ1э – глаголхэщ. (Хэт?) абы – щхьэ ц1эпапщ1эщ.         Псалъэухахэр сыт хуэдэ л1эужьыгъуэми къызэращ1ари жыдогъэ1э         Япэ псалъэухам нэгъуэщ1 псалъэуха л1эужьыгъуэхэр  къытрегъэщ1ык1ын, егъэтхын, нагъыщэ ягъэувахэр къыжегъэ1эн. 111. Темэщ1эм егъэлэжьын 1. Лэжьыгъэ 228 – р условием тету егъэгъэзэщ1эн.  Зыщыпсэу къалэ, къуажэм тегъэпсэлъыхьын.  2. Лэжьыгъэ 229. Къуажэхьхэр къегъэщ1эн. Ахэр хэту псалъэуха  зэхегъэлъхьэн.  Условием тету гъэзэщ1эн.     Дзэкъэрей  псалъэр зэрызэхэт 1ыхьэк1э зэхегъэгъэк1ын. 3. Лэжьыгъэ 231–р тхыгъэк1э условием тету егъэгъэзэщ1эн.     Словарнэ лэжьыгъэ: шыгун. Псалъалъэмк1э и мыхьэнэр къегъэщ1эн.       1)Шыгун – шыгун металлым къыхэщ1ык1а зэрыпщаф1э щыкъу,  кумбыгъэ.       2)Шыгун псалъэр хэту зэра1уатэ, зэрыупщ1э, хэ1этык1а псалъэухахэр  зэхегъэлъхьэн.3) Пычыгъуэ, хьэрф, макъ елъытак1э шыгун псалъэр зэпкърегъэхын.           4. Псалъэухахэм зыхуеину нагъыщэхэр егъэгъэувыжын         Ныбжьэгъуф1ыр къуэшыф1ым хуэдэщ        Мис аращ унагъуэ насыпыф1э жыхуа1эр        Мухьэжыр, уэ ашык нэщ1хэр жыг хадэм хэпша 1111. Адыгэбзэ тхылъым зэрелэжьын тетрадь 1.Лэжьыгъэ 1. Шорэ Хьэсин и  «К1ущэ» усэм къыхуигъэув  къэлэныр  условием тету егъэгъэзэщ1эн. 2. Лэжьыгъэ 2 –р условием тету егъэгъэзэщ1эн. Я адэшхуэ­анэшхуэхэм, адэ­ анэхэм зэрызэхуагъазэ псалъэ гуапэхэр къыжегъэ1эн. Ахэр къыщапсэлък1э я  къэпсэлъык1эм гу лъегъэтэн. 1111. Урокым щаджар къызэщ1экъуэжын        1. Псалъэухахэм къыпегъэщэн.            Сэ нобэ къэзгубзыгъыжащ …  .            Сэ нобэ щ1эуэ къэсщ1ащ …  .            Сэ нобэ урокым сэбэпу къыхэсхащ …  .            Гъэщ1эгъуэн сщыхъуащ …  .        2. Упщ1эхэм жэуап ирегъэтын.            Урокым узэрыхуейм хуэдэу ущылэжьэфа?            Зыгуэр сэбэп къыпхуэхъуа?            Уэ сытк1э сэбэп ухуэхъуфа уи ныбжьэгъум?            Сыт иджыри пщ1эну узыхуейр?            Абы зыщыбгъэгъуэзэн папщ1э сыт пщ1эну уи мурад? 11111. Унэ лэжьыгъэ.   Лэжьыгъэ 230 – р условием тету гъэзэщ1эн.