Конспект урока по кабардинскому языку по теме "Псалъэ л1эужьыгъуэхэр" (3 класс)

Темэр. Псалъэуха л1эужьыгъуэхэр. Мурадыр. Псалъэуха л1эужьыгъуэхэм нагъэщэ зэрыщагъэувым теухуауэ яджа хабзэхэм хэгъэхъуэн. Псалъэр жызы1эм ищ1э 1уэхугъуэ  къи1уатэмэ, ар зэра1уатэ псалъэухауэ зэрыщытыр; псалъэр жызы1эм имыщ1э  къищ1эну арамэ, щ1оупщ1э, ар зэрыупщ1э псалъэухауэ зэрыщытыр ящ1эн.      Еджак1уэхэм я пащхьэ егъэджак1уэм къригъэува къалэныр ягъэзэщ1эн  папщ1э сабийхэр зэгъусэу, зэдэ1эпыкъуу, лэжьыгъэхэр зыхуеину  1уэхугъуэхэр къалъыхъуэфрэ жэуап тэмэм ятыфу егъэсэн.      Я бзэм, зэхэщ1ык1ым зегъэужьын.                              Урокыр зэрек1уэк1ынур 1. Урокым зэрыхуэхьэзырымк1э (зэрылэжьэну 1эмэпсымэхэмк1э  къызэрызэгъэпэщар) еджак1уэхэм зыкъегъэпщытэжын. 11. Зэджа темэхэр къэпщытэжын 1. Пэжырытхэмрэ къабзэрытхэмк1э лэжьыгъэ егъэк1уэк1ын.         Хьэрф, псалъэхэр, псалъэухахэр егъэтхын. Ху ху хугу хуэмыху хущхъуэ Хуэмей хуихьащ хущ1окъу ц1ыху Хуэмей хуэмыхуу щыт?  Ар ц1ыхухэм ф1ыуэ яхущытыным хущ1окъу.          Ятхар зэрыбгуэш хъуну гупхэр, псалъэхэр зыщыщ лъэпкъыгъуэхэр,  псалъэуха л1эужьыгъуэхэр зэхегъэгъэк1ын. Ху – хьэрф дэк1уашэ дэгу гуэгъу зимы1эщ. (Сыт?) хугу, хущхъуэ, (хэт?) ц1ыху – щы1эц1э зэдайхэщ, (хэт?)  Хуэмей  –  щы1эц1э унейщ. (Сыт хуэдэ?) хуэмыху – плъыфэц1эщ. (Сыт ищ1эр?) хущ1окъу, (сыт ищ1ар?) хуихьащ – глаголхэщ.      Псалъэухахэр сыт хуэдэ л1эужьыгъуэми къегъэщ1эн, къызэращ1ари  къыжегъэ1эн (зэрыупщ1э, зэра1уатэ). 111. Темэщ1эм елэжьын 1. Лэжьыгъэ 220 –р условием тету егъэгъэзэщ1эн.   1). Упщ1эхэм жэуап ирегъэтын.              Дауэ къыпщыхъуа хъыджэбз ц1ык1ур анэм зэрехъуэхъуар?             Фэ фи нанэм, анэм, шыпхъум фехъуэхъуа Ц1ыхубзхэм я махуэшхуэм?             Сыт хуэдэ псалъэ гуапэхэр къэбгъэсэбэпа?    2) «Анэ бгъафэрэ хъурыфэ джэдыгурэ» псалъэжьым и мыхьэнэр  къыжегъэ1эн. Анэм теухуауэ псалъэжь ящ1эхэр ягу къэгъэк1ыжын,  ямыщ1эхэри къегъэлъыхъуэн. 2. Лэжьыгъэ 221. Условием тету егъэзэщ1эн.     Правилэм къыдогъаджэри еджак1уэхэм псалъэуха л1эужьыгъуэхэм  ятеухуауэ къащ1амрэ абырэ зыдогъэлъыт. 3. Лэжьыгъэ 222 –р условием тету ягъэзащ1э. Интерактивнэ доскамк1э  интернетым къыщытлъыхъуа ц1ыхубз космонавтхэм я сурэтыр идогъэлъагъу,  тыдогъэпсэлъыхь. 1. Лэжьыгъэ 224 – р условием тету егъэгъэзэщ1эн.   Адыгэ хабзэхэм щыщу ящ1эр къыжыдогъэ1э.  Абыхэм щыщу нэхъыжьхэм  к1элъызырахьэр, унэм, уэрамым, еджап1эм, ц1ыху зэхуэсып1эхэм,  транспортхэм щагъэзащ1эхэм тыдогъэпсэлъыхь. 2. Лэжьыгъэ 225 – р тхыгъэк1э егъэгъэзэщ1эн.  Псалъэуха къэс и  щ1эдзап1эмрэ и к1эухымрэ къегъэгъуэтын, зыхуеину нагъыщэхэр  егъэгъэувын, щ1агъэувам и щхьэусыгъуэр къыжегъэ1эн.    Ягъэк1уэщ1 псалъэр нэгъуэщ1 псалъэк1э къыжегъэ1эн. (ягъэк1уэщ1 –  ягъэбзэх, ягъэк1уэд). Ягъэк1уэщ1 псалъэр зэрепхьэк1 хъунум хуэдэу  зэпегъэудын.     Жьындум теухуауэ еджак1уэхэм ящ1эр къыжегъэ1эн. (интерактивнэ  доскамк1э къэгъэлъэгъуэн). 3. Лэжьыгъэ 226 –р жьэры1уатэу условием тету гуп гупу егъэгъэзэщ1эн. Компьютер, телевизор псалъэхэр хэту зэра1уатэ, зэрыупщ1э. хэ1этык1а  псалъэухахэр зэхегъэлъхьэн, егъэтхын.                Япэ гупым: компьютер.                 Ет1уанэ гупым: телевизор. Компьютер, телевизор псалъэхэр пычыгъуэ, хьэрф, макъ елъытауэ  зэпкърегъэхын.                 Япэ гупым: телевизор.                 Ет1уанэ гупым: компьютер 1111.Адыгэбзэ тхылъым зэрелэжьын тетрадь 1. Лэжьыгъэ 1. Гъубжокъуэ Лиуан и усэм къыдогъаджэри условием тету  идогъэлэжь. Фэ дауэ фахущыт унэ псэущхьэхэм? Лэжьыгъэ 2. Условием тету текст мыин зэхыдогъалъхьэ. Псалъэуха  л1эжьыгъуэу къагъэсэбэпахэм тыдогъэпсэлъыхь. 11111. Я бзэм зегъэужьын   Интерактивнэ доскам ит унэ псэущхьэу щым гуп гупурэ тыдогъэтхыхь.  Къагъэсэбэпа псалъэуха л1эужьыгъуэхэм я гугъу идогъэщ1. 111111. Урокым щаджар къызэщ1экъуэжын       1. Псалъэухахэр нэгъэсыжын.          Сэ нобэ къэзгубзыгъыжащ …  .          Сэ нобэ щ1эуэ къэсщ1ащ …  .          Сэ урокым сэбэпу къыхэсхащ …  .          Гъэщ1эгъуэн сщыхъуащ …  .       2. Упщ1эхэм жэуап ирегъэтын.           Урокым узэрыщылэжьар дауэ къыпщыхъуа?           Узэрыхуейм хуэдэу улэжьэфа?           Зыгуэрым сэбэп ухуэхъуфа?           Уэ зыгуэр сэбэп къыпхуэхъуа?           Иджыри дджам теухуауэ сытхэр къэпщ1эну ухуей? Абы зыщыбгъэгъуэзэн папщ1э сыт пщ1эну уи мурад? 1111111. Зыхуэмыдэ унэ лэжьыгъэ      Япэ гупым: Лэжьыгъэ 223 –р условием тету гъэзэщ1эн.                            Космонавтхэм теухуауэ интернетым къифхи гъэщ1эгъуэн                           гуэрхэр къэфхь.                Ет1уанэ гупым: Лэжьыгъэ 227 – р условием тету гъэзэщ1эн.