Конспект урока по кабардинскому языку по теме "Псалъэ л1эужьыгъуэхэр" 3-урок (3 класс)

Темэр. Псалъэуха л1эужьыгъуэхэр. Мурадыр. Псалъэуха л1эужьыгъуэхэр зэхагъэк1ыфу есэн. Зэрыупщ1э  псалъэухахэм къыщагъэсэбэп упщ1эныгъэ зыхэлъ  хэт, сыт, дэнэ, дауэ,  дапщэщ, сыт щыгъуэ, сыт хуэдэ псалъэхэр егъэщ1эн.     Егъэджак1уэм еджак1уэхэм я пащхьэм къригъэува къалэныр зэгъусэу,  зэдэ1эпыкъуу, лэжьыгъэхэр ягъэзэщ1эн папщ1э зыхуеину 1уэхугъуэхэр  къалъыхъуэфу, абык1э жэуап тэмэм ятыфу егъэсэн.     Я бзэм, зэхэщ1ык1ым зегъэужьын. Урокым къыщыдгъэсэбэпыпхъэр. «Адыгэбзэ тхылъым зэрелэжьын  тетрадь», «Псалъэуха» таблицэ, интерактивнэ доска.                                         Урокыр зэрек1уэк1ынур 1. Урокым зэрыхуэхьэзырымк1э (зэрылэжьэну 1эмэпсымэхэмк1э  къызэрызэгъэпэщар) еджак1уэхэм зыкъегъэпщытэжын. 11. Зэджа темэхэр къэпщытэжын. 1. Пэжырытхэмрэ къабзэрытхэмк1э лэжьыгъэ егъэк1уэк1ын.        Хьэрфыр, псалъэхэр, псалъэухахэр егъэтхын. Ц ц цыхъар цыпх цыджанэ цей цыплъ цык1уэк1 Цацу  Цуцэ Цацу, Цуцэ цыджанэ цыплъ хуащ1а?        Ятхар зэрыбгуэш хъуну гупхэр, псалъэхэр зыщыщ лъэпкъыгъуэхэр,  псалъэухар сыт хуэдэ л1эужьыгъуэми  зэхегъэгъэк1ын. Ц – хьэрф дэк1уашэ дэгу гуэгъу зи1эщ. (Сыт?) цыхъар, цыпх, цыджанэ, цей, цык1уэк1 – щы1эц1э зэдайхэщ, (хэт?) Цацу,Цуцэ – шы1эц1э унейхэщ. (Сыт хуэдэ?) цыплъ – плъыфэц1эщ.      Словарнэ лэжьыгъэ:  (интерактивнэ доскар къэгъэсэбэпын).                        Цыпх – цы яджынур зэрызэ1ах, цы1эрылъхьэ зэращ1 1эмэпсымэ;  Цык1уэк1 – цы зэрадж е зэрыщ1аджэж, пхъэ шэрхъ ц1ык1у зи щхьэм  ф1элъ баш к1ыхь ц1ык1у; Цыплъ – зи цыр плъыжьыфэ.      Псалъэухар зи псалъэ л1эужьыгъуэр къыдогъащ1э (зэрыупщ1э).  Псалъэухар нэгъуэщ1 л1эужьыгъуэ идогъэщ1, идогъэтх. (зэра1уатэ,  хэ1этык1а). 111. Темщ1эм елэжьын 1. Лэжьыгъэ 232, 233 – хэр условием тету, жьэры1уатэу, лэжьыгъэ  зыхуэмыдэу егъэгъэзэщ1эн.         Япэ гупым: лэжьыгъэ 232.         Ет1уанэ гупым: лэжьыгъэ 233. 2.Лэжьыгъэ 234, 235 – хэр условием тету, лэжьыгъэ зыхуэмыдэу, тхыгъэк1э  егъэгъэзэщ1эн (интерактивнэ доскар къэгъэсэбэпын).         Япэ гупым: лэжьыгъэ 234. Ет1уанэ гупым: лэжьыгъэ 235. 3. Лэжьыгъэ 236. Бзэм зегъэужьын.  «Л1ымрэ хъумп1эц1эджымрэ»  таурыхъым щыщ 1эхьэм къыдогъаджэри адэк1э къыпыдогъащэ. Псалъэуха  л1эужьыгъуэ къагъсэбэпахэм я гугъу идогъэщ1. 4. Лэжьыгъэ 238. Усэ едзыгъуэр гук1э зэрыдогъащ1эри идогъэтхыж. Усэм  хэлъ гупсысэ нэхъыщхьэр къыдогъащ1э. 5. Лэжьыгъэ 239 – р условием тету идогъэгъэзащ1э. Псалъэухахэм  дызыхураджэр  къыдогъащ1э (Хэкум ф1ылъагъуныгъэ худи1эным).   Гуащ1аф1э псалъэм и мыхьэнэр псалъаъэм къыщыдогъэгъуэт (зи къару  илъ). 6. Лэжьыгъэ 240, 241 – хэр условием тету жьэры1уатэу идогъэгъэзащ1э. 1111. Адыгэбзэ тхылъым зэрелэжьын тетрадь 1. Лэжьыгъэ 1, 2 – хэр условием тету егъэгъэзэщ1эн. 2.Лэжьыгъэ 3 –р условием тету егъэгъэзэщ1эн. Словарнэ лэжьыгъэ: хьэзырылъэ (интерактивнэ доска).       Псалъэр псалъалъэмк1э къегъэгъуэтын (хьэзырылъэ – хьэзырхэр  иралъхьэу адыгэ цеибгъэм к1эрыда хьэзырып1э). 11111. Урокым щаджар къызэщ1экъуэжын.         1. Псалъэухахэм къыпегъэщэн.             Сэ нобэ къэзгубзыгъыжащ …  .             Сэ нобэ щ1эуэ къэсщ1ащ …  .             Сэ нобэ урокым сэбэпу къыхэсхащ …  .             Гъэщ1эгъуэн сщыхъуащ …  .        2. Упщ1эхэм жэуап ирегъэтын.             Урокым узэрыщылэжьар дауэ къыпщыхъуа?             Узэрыхуейм хуэдэу улэжьэфа, хьэмэрэ зыгуэр зэран къыпхуэхъуа?             Уи ныбжьэгъухэм зыгуэрк1э сэбэп уахуэхъуфа?             Уэ зыгуэр сэбэп къыпхуэхъуа?             Сыт иджыри узэрыхуейм хуэдэу умыщ1эр?             Абы зыщыбгъэгъуэзэн папщ1э сытхэр пщ1эну уи мурад?    111111. Унэ лэжьыгъэ    Лэжьыгъэ 237. Условием тету гъэзэщ1эн.