Конспект урока по кабардинскому языку по теме "Псалъэухам и пкъыгъуэхэр" (3 класс)

Темэр. Псалъэухам и пкъыгъуэхэр. Мурадыр. Псалъэухар зытепсэлъыхьыр зэрыподлежащэр, подлежащэм  ищ1эр, къилэжьыр, къыщыщ1ыр къэзыгъэлъагъуэр зэрысказуемэр ящ1эн. Подлежащэмрэ сказуемэмрэ псалъэухам и пкъыгъуэ нэхъыщхьэу зэрыщытыр  ящ1эн.       Егъэджак1уэм я пащхьэ къригъэувэ къалэныр еджак1уэхэм зэгъусэу,  зэдэ1эпыкъуу, зэчэнджэщу, зыхуеину 1уэхугъуэхэр къалъыхъуэфрэ жэуап  нэгъэса ятыфу егъэсэн.     Я бзэм, зэхэщ1ык1ым хэгъэхъуэн.                              Урокыр зэрек1уэк1ынур 1. Урокым зэрыхуэхьэзырымк1э (зэрылэжьэну 1эмэпсымэхэмк1э къызэрызэгъэпэщар) еджак1уэхэм зыкъегъэпщытэжын. 11. Зэджа темэхэр къэпщытэжын. 1. Пэжырытхэмрэ къабзэрытхэмк1э лэжьыгъэ егъэк1уэк1ын.            Хьэрфыр, псалъэхэр, псалъэухар егъэтхын. Щ1 щ1 щ1алэ щ1эрыщ1э мапщ1э мэжьыщ1э пщ1антэ щ1алэгъуалэ Щ1алэм пщ1ант1эр щ1эрыщ1э къищ1ыжащ.             Ятхар зэрыбгуэш хъуну гупхэр, псалъэхэр зыщыщ лъэпкъыгъуэхэр,  псалъэухар зыхуэдэ л1эжьыгъуэр зэхегъэгъэк1ын. Щ1 – хьэрф дэк1уашэ дэгу п1ыт1а гуэгъу зимы1э. (Хэт?) щ1алэ, щ1алэгъуалэ, (сыт?) пщ1ант1э – щы1эц1эхэщ. (Сыт хуэдэ?) щ1эрыщ1э – плъыфэц1эщ. (Сыт ищ1эр?) мапщ1э, мэжьыщ1э – глаголщ.             Пщ1ант1э, мапщ1э псалъэхэм я пэжырытхэ хабзэр ягу къэгъэк1ыжын.            Псалъэухам хэт псалъэхэм упщ1э хуегъэгъэувын. (Хэт?) Щ1алэм (сытыр?) пщ1ант1эр (сыт хуэдэ?) щ1эрыщ1э (сыт  ищ1ар?) къищ1ыжащ.          (Сыт ищ1ар?) къищ1ыжащ. (Хэт?) къэзыщ1ыжар? Щ1алэм къищ1ыжащ.  Ахэр псалъэухам сыт хуэдэу къак1уэми къыжегъэ1эн. (Пкъыгъуэ  нэхъыщхьэхэщ). 111. Темэщ1эм егъэлэжьын 1. Лэжьыгъэ 252 – условием тету егъэгъэзэщ1эн.     Тхыгъэм зи гугъу ищ1 унагъуэр зи хуэдэр еджак1уэхэм къегъэщ1эн.  (1уэхухэр зэдащ1эу, зэгуры1уэ­зэдэ1уэжу псэу унагъуэщ). «Зэдэпщ1э щ1эхщи, зэдэпшх 1эф1щ» псалъэжьыр къазэрыгуры1уэр  къыжегъэ1эн.    Зэдэпщ1э псалъэр пычыгъуэ, хьэрф, макъ елъытауэ зэпкърегъэхын. 2. Лэжьыгъэ 253 – р условием тету егъэгъэзэщ1эн.  Упщ1э хуегъэувурэ  зытепсэлъыхь предметымрэ абы щхьэк1э жи1эмрэ къыхегъэгъуэтэн.      Еджак1уэхэм къащ1амрэ правилэм итымрэ зрегъэлъытын. 3. Интерактивнэ доскам къредгъадзэ предметхэм ящ1эну хуагъфащэхэр  дащ1ыгъуурэ егъэтхын. Предмет къэзыгъэлъагъуэр зы екъуак1э, абы ищ1эр  къэзыгъэлъагъуэр екъуаитк1э щ1егъэтхъэн. 1111. Адыгэбзэ тхылъым зэрелэжьын тетрадь 1. Лэжьыгъэ 1­ р условием тету егъэгъэзэщ1эн.   Махэу псалъэм мыхьэнэк1э къыпэщ1эуэ псалъэ тхыгъэм къыхегъэгъуэтэн.      (Махэу – гуащ1эу) 2. Лэжьыгъэ 3. Тхыгъэм  зытепсэлъыхьымрэ зытепсэлъыхьым щхьэк1э  жа1эмрэ къыхегъэгъуэтэн, щ1егъэтхъэн. 3. Лэжьыгъэ 5 – р условием тету егъэгъэзэщ1эн. Зытепсэлъыхьымрэ  зытепсэлъыхьым хужи1эмрэ щ1егъэтхъэн. 4. Мыхьэнэк1э ек1ун подлежащэ сказуемэм къыхуегъэгъуэтурэ пегъэтхэн.                      ­­­­­­­­­­­­­   мэбанэ.                      ­­­­­­­­­­­­­  ма1уэ.                      ­­­­­­­­­­­­­  мэщыщ.                      ­­­­­­­­­­­­­  къос.                      ­­­­­­­­­­­­­  магъ. 11111. Унэ лэжьыгъэ.     Лэжьыгъэ 253,  лэжьыгъэ 6 (зэрылажьэ тетрадь).