Конспект урока по кабардинскому языку по теме "Псалъэухамк1э гуры1уэгъуэ" (3 класс)

Темэр. Псалъэухамк1э гуры1уэгъуэ. Мурадыр. Псалъэухам теухуауэ ящ1эр ягу къэгъэк1ыжын.       Еджак1уэхэм псалъэухар зищ1ысыр, я къэпсэлъык1эрэ я мыхьэнэк1э  елъытауэ псалъэухахэр зэрызэщхьэщык1ыр, абыхэм я правилэхэр, я тхык1эр  ящ1эн. Псалъэухам хэт псалъэхэр тэмэму зэпащ1эфу егъэсэн.     Сабийхэр зыр зым дэ1эпыкъуу, зэдэлэжьэфу, я пащхьэм егъэджак1уэм  къригъэува къалэныр ягъэзэщ1эн папщ1э зыхуеину лэжьыгъэхэр ялэжьыфрэ  абык1э жэуап тэмэм ятыфу егъэсэн.      Я бзэм, зэхэщ1ык1ым зегъэужьын.                   Урокыр зэрек1уэк1ынур 1. Урокым зэрыхуэхьэзырымк1э (зэрылэжьэну 1эмэпсымэхэмк1э  къызэрызэгъэпэщар)  еджак1уэхэм зыкъегъэпщытэжын. 11. Зэджа темэхэр къэпщытэжын.  1. Пэжырытхэмрэ къабзэрытхэмк1э лэжьыгъэ егъэк1уэк1ын.         Хьэрфыр, пычыгъуэхэр, псалъэхэр, псалъэухар еджак1уэхэм егъэтхын. Д д Дэ Да Ди Ду Де До Данил дей дадэ дыд дэгъуэ едыж Данил дыд дэгъуэк1э дадэ и вакъэр идыжащ.         Ятхар зэрыбгуэш хъуну гупхэр, лъэпкъыгъуэк1э зыщыщхэр  зэхегъэгъэк1ын.  Д – хьэрф дэк1уашэ жьгъыжьгъ гуэгъу зи1эщ. (Хэт?) Данил – щы1эц1э унейщ, (хэт?) дадэ, (сыт?) дей, дыд – щы1эц1э  зэдайхэщ. (Сыт хуэдэ?) дэгъуэ – плъыфэц1эщ. (Сыт ищ1эр?) едыж, (сыт ищ1ар?) идыжащ – глаголхэщ. И –еигъэ къызэрык1 ц1эпапщ1эщ.      Псалъэухам хэт псалъэхэр лъэпкъыгъуэк1э зэхегъэгъэк1ын. (Хэт?) Данил (сыт?) дыд (сыт хуэдэк1э?) дэгъуэк1э (хэт?) дадэ и  (сытыр?)вакъэр (сыт ищ1ар?) идыжащ.      Псалъэухар сыт хуэдэ псалъэухами къыжегъэ1эн. Иджыри сыт хуэдэ  псалъэуха щы1эми ягу къэгъэк1ыжын.  Зэра1уатэ псалъэухар я  къэпсэлъык1эк1э, я мыхьэнэк1э елъытауэ зэрегъэхъуэк1ын.        Упщ1эхэм жэуап ирегъэтын.                                                                            Сыт хуэдэ псалъэуха къыхэфщ1ык1а зэра1уатэ псалъэухам?                      Псалъэухахэм я к1эм сыт хуэдэ нагъыщэхэр вгъэува? 111. Темэщ1эм елэжьын 1. Лэжьыгъэ 216 – р условием тету идогъэгъэзащ1э. Дэтхэнэ жы1эк1эм  мыхьэнэ пыухык1а и1эми къыдогъащ1э.       Интерактивнэ доскамк1э интернетым къыщытлъыхъуа космосым,  космонавтхэм теухуа сурэтхэр идогъэлъагъу, сабийхэр тыдогъэпсэлъыхь,  ямыщ1эхэр яжыдо1э. 2. Лэжьыгъэ 217 – р условием тету идогъэгъэзащ1э. Унагъуэ къэлэну  ягъэзащ1эхэм тыдогъэпсэлъыхь. 3. Лэжьыгъэ 218 – р тхыгъэк1э условием тету идогъэгъэзащ1э. 4.Псалъухам теухуауэ езы еджак1уэхэм къащ1амрэ правилэм итымрэ  зыдогъэлъыт. 5. Словарнэ лэжьыгъэ.   1) Бащлъыкъым и мыхьэнэр еджак1уэхэм псалъалъэмк1э къыдогъэгъуэт. Бащлъыкъ – щыщ1ы1эм, щыуэлбанэм деж щхьэм ф1апхъуэу, пщэм  кърашэк1ыу къагъэсэбэп щыгъыныгъуэ. (интерактивнэ доскамк1э  идогъэлъагъу).    2) Бащлъыкъ псалъэ хэту псалъэуха зэхыдогъалъхьэ.    3) Пычыгъуэ, хьэрф, макъ елъытак1э псалъэр зэпкърыдогъэх. 1111. Адыгэбзэ тхылъым зэрелэжьын тетрадь 1. Напэк1уэц1 67 – м  ит текстым къыдогъаджэри условием тету упщ1эхэм  жэуап ирыдогъэт. 6. Зэхуэмыдэ лэжьыгъэхэр гуп гупурэ егъэгъэзэщ1эн.                                        Япэ гупым: зэра1уатэ псалъэуха зэхегъэлъхьэн.         Ет1уанэ гупым: зэрыупщ1э псалъэуха зэхегъэлъхьэн.         Ещанэ гупым: хэ1этык1а псалъэуха зэхегъэлъхьэн. 11111. Урокым щаджар къызэщ1экъуэжын   1. Псалъэухам къыпегъэщэн.       Сэ нобэ къэзгубзыгъыжащ …  .       Сэ нобэ щ1эуэ къэсщ1ащ …  .       Сэ нобэ урокым сэбэпу къыхэсхащ … .       Гъэщ1эгъуэн сщыхъуащ …  .  2. Упщ1эхэм жэуап ирегъэтын.       Урокым узэрыщылэжьар дауэ къыпщыхъуа?        Узэрыхуейм хуэдэу улэжьэфа?        Зыгуэр сэбэп къыпхуэхъуа?        Уэ хэт сэбэп ухуэхъуа?        Сыт иджыри узэрыхуейм хуэдэу умыщ1эр?        Абы зыщыбгъэгъуэзэн папщ1э сыт пщ1эну уи мурад? 111111. Унэ лэжьыгъэ   Лэжьыгъэ 219 –р условием тету гъэзэщ1эн.