Конспект урока по кабардинскому языку по теме "Щы1эц1э" 3-урок (3 класс)

Темэр. Щы1эц1э.   Мурадыр. Сыт? упщ1эр зыхуэув щы1эц1эхэр ящ1эн. Я бзэм, тхыбзэм  зегъэужьын. Ныбжьэгъум ф1ыуэ зэрыхущытын хуейм хуегъэсэн.Щ1ымахуэм  къуалэбзухэм к1элъыплъын зэрыхуейр егъэщ1эн.   Урокым къэдгъсэбэпыпхъэр. «Адыгэбзэ тхылъым зэрелэжьын тетрадь» (С. Л.), « Щы1эц1э» таблицэр (Т. С.), компьютор, интерактивнэ доска, тест Лэжьыгъэ.                             Урокыр зэрек1уэк1ынур 1. Урокым зыхуэгъэхьэзырын 2. Сочиненэм хащ1ыхьа щыуагъэхэр гъэзэк1уэжын 3. Къабзэрытхэмк1э лэжьыгъэ   Т т Т1 т1 т1ы къит1ащ тк1уатк1уэ Т1алэ Т1ымыжь Т1алэ т1ы дэгъуэ къищэхуащ.   1)Т, т1 хьэрфхэр сыт хуэдэ? (т – хьэрф дэк1уашэ дэгу гуэгъу зи1эщ, т1– хьэрф дэк1уашэ дэгу п1ыт1а гуэгъу зимы1эщ).    2) Псалъэхэм упщ1э яхуэвгъэувурэ псалъэ лъэпкъыгъуэк1э зэхэвдз. (Сыт?) т1ы, (хэт?) Т1алэ – щы1эц1эхэщ; (сыт хуэдэ?) тк1уатк1уэщ –  плъыфэц1эщ; (сыт ищ1ар?) къищэхуащ – глаголщ).    3) Псалъухам хэт псалъэхэм упщ1э хуэвгъэув. 4. Темэм елэжьын    Лэжь. 149. а)Хъыбарым фыкъеджэ. Щы1эц1эхэр къэвгъуэти гупит1у вгуэш, хэт? упщ1эм жэуап хуэхъурэ сыт? упщ1эм жэуап хуэхъуу.     б) Упщ1эхэм фыригъуазэурэ фи ныбжьэгъухэм  фытепсэлъыхь.               Хэт уи ныбжьэгъур? Дауэ еджэрэ ар? Сыт абы нэхъ къехъул1эр? Упэжыжьэу  псэурэ ар? Сыт уи ныбжьэгъум нэхъыф1у илъагъур: тхылъ еджэн, джэгун,  сурэт щ1ын хьэмэ музыкэ? Ар лэжьыгъэм дауэ хущыт?    Лэжь. 150. Фыкъеджэ. Сыт? упщ1эм жэуап хуэхъу щы1эц1эхэр къэвгъуэт. Дэут1ыпщык1а хьэрфхэр къафщ1э. Правилэм къыдогъаджэри езыхэм къахутамрэ абырэ зралъыт.    Лэжь. 151. Упщ1эхэм тэмэму фыкъеджэурэ жэуапхэр фтхы. Сыт? упщ1эм жэуап хуэхъу щы1эц1эхэр зы екъуак1э щ1эфтхъэ. (пхъэх, мажьэ, хущхъуэ,  псы, кхъузанэ, шэмэдж, пхъэ1эщэ, пхъэ1эпэ) 5. Адыгэбзэ тхылъым зэрелэжьын тетрадь    Лэжь. 2. Сыт хуэдэ жыг мыхэр къызыпык1эр? (интер. доска)    Лэжь. 3. Уэ ф1ыуэ плъагъу пхъэщхьэмыщхьэм и сурэт щ1ы ик1и  тепсэлъыхь: и теплъэр, зи сэбэпыр, къыхащ1ык1 хъу шхыныгъуэр.    Лэжь. 4. Къызыщ1эзубыдэ псалъэхэм хыхьэ щы1эц1эхэр тхы. Хьэк1экхъуэк1эхэр: мыщэ, дыгъужь, бажэ, аслъэн, къаплъэн, мэз джэду. 1эщхэр: жэм, хыв, шк1э, мэл, бжэн, щынэ, чыц1, шы, шыд. Унэлъащ1эхэр: гъуэлъып1э, шэнт, ст1ол, шкаф, диван, шэнтжьей.     Лэжь. 5. Бабыщ.  Сыт хуэдэ лъэпкъыгъуэ зыщыщыр? Сытк1э сэбэп? Сыт абыхэм  яшхыр, щ1ымахуэм дауэ хъурэ? Бабыщ псалъэр хэту псалъэуха  зэхэлъхьэ. 6. Яджар егъэбыдыл1эн    Тест лэжьыгъэ 1) Предмет къагъэлъагъуэ:    а) плъыфэц1эм;         б) щы1эц1эм;             в) глаголым 2) Хэт? сыт? упщ1эр жэуап хуохъу:    а) глаголым;               б) плъыфэц1эм;         в) щы1эц1эм 7. Унэ лэжьыгъэ     Лэжь. 152. Точкэхэм я п1эк1э щытыну псалъэхэр вгъэувурэ фыкъеджэ,  фтхы. Абыхэм упщ1э яхуэвгъэув.