Конспект урока по кабардинскому языку по теме "Сочиненэ" (3 класс)

Темэр. Бзэм зегъэужьын. Сочиненэ «Тек1уэныгъэм и махуэшхуэ». Мурадыр. Ещанэ классым яджа псори къагъэсэбэпурэ текст ятхыныр къулей  ящ1ыфын. Къуажэм (къалэм) щыщу Хэку зауэшхуэм л1ыхъужьыгъэ  щызезыхьа зауэл1хэм (и пэк1э зи гугъу ящ1ахэм) тегъэтхыхьын.      Я бзэм,  тхыбзэм, зэф1эк1ым зегъэужьын.                            Урокыр зэрек1уэк1ынур 1. Урокым зэрыхуэхьэзырымк1э (зэрылэжьэну 1эмэпсымэхэмк1э къызэрызэгъэпэщар) еджак1уэхэм зыкъегъэпщытэжын. 11. Сочиненэм елэжьын.    1. Упщ1эхэм жэуап ирегъэтын («Анэдэлъхубзэ» тхылъым щаджахэр,  нэхъыжьхэм еупщ1к1эрэ зауэм теухуауэ жрагъэ1эжа хъыбархэр, классым щызытепсэлъыхьа тхыгъэхэр, хъыбархэр къагъэсэбэпын).       Ет1уанэ Хэку зауэшхуэм щхьэ щ1идза?       Сэлэтхэм я сыт хуэдэ хьэл – щэнхэр къыхэщрэ зауэм теухуауэ фызэджа  тхыгъэхэм, зэхэфха хъыбархэм?       Сытыт я псэр щ1атар ди зауэл1хэм?       Ахэр бийм дауэ пэщ1этауэ къыхэщыжрэ тхыгъэхэм?       Уэ дауэ уеплърэ, сыт Хэку зауэшхуэр ди сэлэтхэм я тек1уэныгъэк1э  щ1иухар?         Зауэм хэта фи къуажэгъухэм теухуауэ сытхэр фщ1эрэ?        Зауэм хэк1уэдахэм я фэеплъ сынхэм уэ дауэ ухущыт?        Тек1уэныгъэм и махуэшхуэр сыт хуэдэ мазэ (махуэ) щагъэлъап1эр? Сыт  ар ягъэлъэп1эныр къызыхэк1ар?        Дауэ щек1уэк1рэ а махуэр фи еджап1эм, фи унагъуэм?   2. Сочиненэ ятхынум план хуегъэгъэувын.                       План        1. Хэку зауэшхуэр щ1ыщ1идзар.        2. Ди зауэл1хэр бийм зэрыпэщ1этар.        3. Ди сэлэтхэм я тек1уэныгъэр.        4. Ди къуажэгъу хахуэхэр.        5. Майм и бгъур Тек1уэныгъэм и махуэшхуэщ. 3.Планым тету къыжегэ1эжын. 4. Сочиненэр егъэтхын. 111. Ятха сочиненэм къегъэджэжын.