Методическая разработка урока "Юн хальмг теегин кеермж?"

                                   Кичəлин төр: «Юн хальмг теегин кеермж?»

Класс: 3

Күцл:

- күүкдин медрл гүүдүлх, келлһ ɵргҗүллһнə кɵдлмш күцəх, хальмг келнə үгмүдин кɵрң байҗуллһна кɵдлмш давулх;

- тɵрскн  келндəн дурта болх, тɵрскнч седкл зүүх, йиртмж харсх сурһмҗ ɵгх.

Планируемые результаты:

Предметные:

Обучающиеся научатся:

- составлять и воспроизводить диалоги на калмыцком языке;

- читать слова и тексты на калмыцком языке.

Коммуникативные:

Обучающиеся научатся:

- принимать участие в работе парами и группах, использовать речевые и другие коммуникативные средства, строить монологические высказывания, владеть диалоговой формой коммуникации;

- задавать вопросы, использовать речь для передачи информации, для регулирования своих действий.

Регулятивные:

Обучающиеся научатся:

- самостоятельно осуществлять поиск необходимой информации при работе с учебником, со словарем, уметь оценить свою работу на уроке, проводить рефлексию.

Личностные: формирование умений работать в команде

 

Дɵӊцл: интерактивн презентац, зургуд, карточкс,  дегтр «Үйнр», Автор Бакланова Г.Б., Корнусова Б.Э.,

3 класс.

 

                                                              Кичəлин йовуд

I.Кичəлин эклц.

1. Мендллһн.

Учитель приветствует учащихся, настраивает их на работу.
Мендвт күүкд!

Тадн ямаран бəəнəт?

 

- Би гем уга, му биш, сəн бəəнəв!

- Йир сəн! Кичəлəн эклий.

 

Күүкд, хǝлǝтн, эн юмб?

- Чик, эн hар. Һар ю кенǝ? (кɵдлнǝ, бичнǝ)

                                                                         көдлнәвидн

Һарар бидн ю кенәвидн?                            бичнәвидн

                                                                         хот иднәвидн   

   Сән күүкд, чик.  Дǝкǝд  бидн нег – негнләһән теврлднәвидн, мендлнәвидн. Ода, күүкд нег – негән хәләһәд, мендлчктн, ирсн гиичнрлǝ мендлчктн . Кемр таднд мини келсн  үг медгдсн болхла, эркә хурһан өргәд нанд үзүлтн, белн болхла, hаран ɵргǝд  медүлтн. .Кичәлин туршар нег негнәннь  альхан атхад,  дөӊ болтн, (показать как?). Йир сǝн.

2. Күүндвр

- Ода ямаран җилин  цаг?  (Ода хавр)

-Ямаран  хаврин  сармуд меднәт?

- Эндр ямаран тенгрин бǝǝдл? ϴдр ямаран?

- Нарн яhна?

-Аhар ямаран?

-Салькн үлǝнү?

-Хур орну?

(подытоживаю)

II. Кичəлин тɵр һарһлһн.

 

Багш шүлг умшна.

Хатрад бәәдг салькта

Халун чаӊh hаӊhта,

Хамг тоотнь пилгәтә,

Хальмг теегм әвртә!

Слушают стихотворение и определяют тему урока.

 

Күүкд, юуна  тускар эн шүлгт бичəтə? /Теегин тускар келгдҗəнə./

Тегəд мана кичəлин тɵр ямаран болх?

 

Мана кичәлин төр медхин түрүнд, күүкд, тадн эн ребусин тәәлвринь олҗ автн.

ТГЕЕНИ РМҖЕЕК

- Манад  «Теегин кеермҗ» гидг үг секгдв.  Тегәд, кичәлин төр ямаран болх? Чик!

Кичəлдəн ямаран күцл тəвхм? Юуна тускар медрл авхм?

Эндр бидн кичәлдән олн-зүсн көдлмш кеҗ, шин үгмүдлә таньлдж, «Теегин кеермҗ» гидг тɵрəр күүндвр кехм. Кех көдлмш дала, келлһән ясулчкий.

Чикн,чикн соңс

Соңссан бичә март.

Нүдн, нүдн үз

Үзсән бичә март.

 

Теегин кеермҗлǝ  таньлдхин төлә, хамдан теегүр йовий, зуульчллһн кехм..

(звучит калм.мелодия)

 

- Хǝлǝтн ямаран сǝǝхн тег! Тадн  ю γзжǝнǝт?  (бамб цецг, гɵрǝсн, мал).  Түрүн мана зогсал «Теегин зɵɵр».

 

II. Шин даслур оруллһн болн энүнə дамшлт.

 

1 . Текстəр көдллһн. Умшлһн, сурврмудт хǝрү ɵглһн.

 

Ода мадн багар кѳдлхмн.  Би таднд ахр текст түгәҗ өгнәв. Баг болhн эврә даалhврта.  Эн текстиг дотран умшад , сурврмудт хәрү өгтн. Нег-негндǝн дɵң болтн.

1-гч  баг бамб цецгин тускар текстлǝ кɵдлнǝ.

Хальмг теегин кеермҗ олн.Түрүн болҗ – бамб цецг.Бамб цецг – хальмг теегин кеермҗ болн зɵɵр. Олн зүсн ɵңгтǝ болна: улан,  шар, чүүкл, цаһан, оошк. Бамб цецг «Улан дегтрт»  орв.  Кезǝнǝ бамб цецг олар урһдг билǝ.  ϴдгǝ цагт эднǝ то баhрад йовна. Тиигǝд, эн цецгүд таслхм биш, хадһлх кергтǝ.

 

Сурврмуд:

-  Эн текст юуна тускар келгднǝ?

- Юн  хальмг теегин кеермҗ?

- Бамб цецг ямаран ɵңгтǝ?

- Юңгад бамб цецг «Улан дегтрт» орв.

- Эн текстин һол ухань ямаран?

 

2 баг гɵрǝснǝ тускар текстлǝ кɵдлнǝ.

Мана теегт гѳрǝсн бǝǝршлнǝ.  Гɵрǝсн –мана теегин улм ик зɵɵр. ϴдгǝ цагт гѳрǝснǝ то баhрна, тегǝд эн аң «Улан дегтрт»  орв.  Эдниг харсч хадһлх кергтǝ.

Сурврмуд:

-  Эн текст юуна тускар келгднǝ?

- Юн  хальмг теегин кеермҗ?

- Юңгад гɵрǝсн «Улан дегтрт» орв.

- Эн текстин һол ухань ямаран?

 

3  баг малын  тускар текстлǝ кɵдлнǝ.

Кезǝн-кезǝнǝс нааран хальмг улс дɵрвн зүсн мал ɵскдг бǝǝсмн: үкр, хɵн, темǝн,  мɵрн.  Мини санаһар, цугтаһаснь ик зɵɵр болн кеермҗ – хальмг тохмта мал. Эднǝс ордг ору: махн, арсн, ноосн, үсн ɵгнǝ.

Сурврмуд:

-  Эн текст юуна тускар келгднǝ?

- Юн  хальмг теегин кеермҗ?

- Мал ямаран олзта?

 

-  Ода кесн кѳдлмшиг яhж тадн  куцәситн хәләхм. Ямаран баг  белн  болв? Һаран  өргтн.  

- Тиигǝд, тана санаһар, теегин кеермҗ юмб?

2. Хошадар кɵдллһн. Күүндвр тогталһн. Келлһнə кев-янз.

 

- Ода болхла,  ɵггдсн янзар хошадар күүндвр тогтатн. Негнтнь сурвр тәвх, наадкнь хәрүһинь өгх.

Иим янзар күүндтн. Учащиеся составляют диалог по парам со своими друзьями по образцу.

(Образцы на карточках)

 

- Чини санаһар, теегин кеермҗ юмб?

- Мини санаһар, теегин кеермҗ бамб цецг.

- Бамб цецг ямаран ɵңгтǝ болна?

- Бамб цецг улан, шар, оошк, хар ɵңгтǝ болна.

- Бамб цецг кезǝ цецглнǝ?

- Бамб цецг мɵрн сарла цецглнǝ.

- Бамб цецгт ямаран нерǝдсн байр болна?

- «Бамб цецгт нерǝдсн  частр»  гидг байр болна.

-Бамб цецгиг таслҗ болхий?

Уга, бамб цецгүд  таслхм биш, хадһлх кергтǝ.

3.  Цогц - махмудан тинилһн.

(  келх, айст физминутк кех)

 

- Не, күүкд, йир сәәнәр көдлвт, ода невчк амрхм.  Цогц  махмудан сулдхм, тинилhхм. Бостн күүкд, мини ардас давтн.

Хурад, хурад

Гɵрǝсд гүүнǝ.

Хаврин цагла

Бамб цецг цецглнǝ.

Тег суняһад,

Тагчг болна.

Җирлһн эрвлзǝд,

Җирлзǝд бǝǝнǝ.

 

Невчк, амрвт, цааранднь  даалһвран күцǝй.

 

4. Интерактивн самбрт кɵдллһн.

Даалһвр.

Интерактивн самбрур һарад,  цегмүдин ормд кергтə үгмүд немҗ бичх. Работа на интерактивной доске.

Заполнить деформированные предложения.

Учащиеся по одному выходят к доске и дописывают предложения и зачитывают их.

 

Хаврт ___(юн?)______ йир сәәхн. __(Юн?)_______ көкрнә. __(Юн?)____ халулна. Ноhан дунд сәǝхн _(ямаран цецг?)____урhна. Тег улан, шар, _____(юуһар)_______-сǝр дуурнә. Хурдн  (ю?)  гүүнǝ.  Энд-тенд  (ю?) идшлнǝ.   Хаврин тег седкл байрлулна.

5.  Орчуллһна кɵдлмш.

Тогтасн зǝңгсиг орс келнд орчултн.

 

6.Үгмүдин ниицлһс тогтатн.  Ирлцүлтн. Юн хальмг теегиг кеерүлнǝ

 

то		хадһлна
цецгүд		баһрна
зɵɵр		цецгǝрнǝ
тег		давулна
нǝр		сǝǝхрнǝ

 

 

 

7.  Мана амн угин зѳѳрт   хальмг теегт нерǝдсн үлгүрмүд, шүлгүд, дуд олн

 Хальмг теегин тускар олн шүлгүд бичǝчнр бичсмн.

(дети читают стихи)

Хаврин хальмг теегт

Бамб цецг урһна.

Бамб цецг болһн

Теегин кеерүл болна.

Бамб цецг бичә  тасл!

Бамб цецг оньдин хадһл!

 

  Мана нег һазра шүлгч Увшан Иван гɵрǝсд нерǝдсн шүлг бичсмн. Тер шүлгиг айст орулад, ду бичсмн. (ду соңслһн)

8. Синквейн тогталһн.

Нǝ, күүкд, эн кичǝлд цуг медсǝн, соңссан ашлад, синквейн  тогтатн. - Негдгч баг бамб цецгин тускар  тогтатн.

- Хойрдгч - гɵрǝснǝ туск.

- Һурвдгч -малын туск синквейн тогтатн. 

9. Ода кесн кѳдлмшиг яhж тадн куцәситн хәләхм.

 10. Үлгүр умшлһн. Толин көдлмш.

 

Теегин тускар иим үлгүр бǝǝнǝ.

 

Теегин оруг – барҗ болшго.

Υлгүр цуһар намаг дахад  умштн, тольдан бичтн.

Толин көдлмш. Ору - зɵɵр, богатство.

Барҗ - охватить

 

Дети читают, объясняют как они понимают значение пословицы и записывают пословицу в словарь.

 

IV.Кичəлин ашлт.

1.     Зурлhна кѳдлмш.

Юн хальмг теегин  кеермҗ , ɵврмҗ ?  Ода мадн куукд эн теегин зургиг сәәхрулхмн. Хальмг теегиг буульхм, йɵрǝл келхм.

Зургин ѳмн олн зусн зургуд бәәнә. Эн зургудар, куукд мадн теегин зургиг сәәхрулхмн.Нег күн багас hарад эн цааснд тасрха наах зөвтә.

Теегин кеермҗ , ɵврмҗ юмб? (дети называют и произносят йорял)

Хǝлǝтн, ямаран сǝǝхн хальмг тег  болв.  Бидн цуһар Хальмг Таңһчд бǝǝнǝвидн. Хальмг тег – мана тɵрскн һазр. Эн һазр-уснас, Тɵрскнǝс үнтǝ юмн уга.  Хǝлǝлтн, тег малар дүүрң,  байн, олн зүсн ɵңгтǝ бамб цецгүд цецгǝлнǝ, хурдн гɵрǝсд гүүнǝ.   Тадн дорас ɵсчǝх бичкдүд  эврәннь һарсн һазрт дурта,  төрскнч улс болҗ  ɵстн. 

  

Зуульчллһнас  хǝрҗ ирсн күн эврǝ авдртан  дала зɵɵр  авч ирдг билǝ.  Тадн  аштнь эн кичǝлǝс эврә авдртан  ю дүрхт?

МЕДРЛ - ЗНАНИЯ

БАЙР - РАДОСТЬ

ИНЬГЛЛТ – ДРУЖБА.

 Рефлексия.

Эндр бидн кичәлдән сǝǝнǝр кɵдлвидн, олн-зүсн көдлмш кеввидн, шин үгмүдлә таньлдвидн. Зуульчллһнас хǝрҗ ирсн күүг гертǝн үлдсн элгн-садн күлǝдг билǝ. Зуульчллһн соньн болхла, нег-негндǝн альхан ташад бǝǝдг билǝ.  Эндрк мана  зуульчллһн күцǝмҗтǝ, соньн   болхла, альхан ташад медүлтн.

 

2.Герин даалһвр, кичəлин темдг тəвлһн.