Открытый урок по ИЗО на теме «“Қоян мен бұғы”ертегісі» (4-класс)

Тақырыбы: “Қоян мен бұғы”ертегі “Қоян мен бұғы”ертегісі Бірде қоян мен бұғы дос болыпты. Олар бір орманда тіршілік етеді екен. Бірде қоян мен бұғы екеуі әңгіме дүкен құрады. Қоян: -Бұғы достым,мен саған басымнан кешкен бір оқиғаны айтып берейін,- дейді. Бұғы: -«Е,айтсаң айт»,-дейді. Қоян: -Мен бір күні келе жатып бір жерде жылаған дыбысты естідім. Сөйтіп бұл дыбыс қайдан шықты деп,сол дыбыс шыққан жаққа құлағымды тігіп бардым.Сөйтсем бір жас шыбық жылап тұр екен . -«Сен неге жылап тұрсың?»-деп сұрадым. Жас ағаш: -Мына жерден жаңа бір-екі бұзақы балалар өтіп еді,жай өтпей енді ғана шығып келе жатқан бұтағымды сындырып кетті,-деді. Қоян: -Мен шыдай алмай,олар қайда,қай жаққа кетті,-дедім. -Мына жолмен кетті,-деді жас шыбық. Мен сол балалардың артынан барып,оларды тоқтатып: -Ей,оқушы балалар,сендер неге жас ағаштың шыбығын сындырдыңдар,- дедім.Олар маған күліп: - Сен, қорқақ қоян мына бізге ақыл айтып тұрсың ба?-деп мені келемеждеді.Сол кезде мен: - ИЯ мен қорқақ болсам қорқақ шығармын,бірақ табиғатты қорғауда және достарыма көмектесуге келгенде еш қорықпаймын,- дедім. Осы сөздеріме ұялған екі бала жасаған істеріне ұялып,сындырған бұтаны дұрыстап,орнына бекітіп байлап қойыпты. -Жас шыбық ,сен бізді кешір, енді бұзық болмаймыз,-деді балалар. -Табиғатты аялаймыз! Енді кеше сол ағаштың жанынан өтіп едім,ол ағаш әжептәуір бүр жарып,гүлдеп тұр екен. Жас ағаш маған рақметін айтты. -Міне достым,осылай менің кішкентай болса да табиғатқа деген көмегім тиді деп ойлаймын,- деп сөзін аяқтады қоян. Досының бұл ертегісіне риза болған бұғыда қатты қуанды.