Презентация: Ұстазым, менің ұстазым!!!

«Ұстаздық еткен жалықпас,
үйретуден балаға»
Абай.

Үйреткен Біз бен Сізге дана жолды,
Мұғалім ғылымға жол салып берді.
Адамның ой – арманы мақсаттары
Оқудың сәулесімен жарық көрді.

Жетектедің шыға алмас биікке,
Шыға алмайтын тауда жортқан киік те.
Түсіндіріп өмір атты ғаламды
Аяулы ұстаз, көрдің отқа күйіп те.

Айта берсек ұстазға тіл жетпеген,
Кімге ұстаз білім нәрін төкпеген,
Айтыңдаршы, адам бар ма өмірде,
Ұстаздарға қарыздар боп өтпеген?!

Әр ісімізді қаттаған,
Жақсымызды көріп, мақтаған,
Ардақты ұстаз – жақсы адам,
Айтқанын ұғып, жаттағам

Жақсы ұстаздың шын мәңгілік пайдасы,
Өзіне обал арзан дәріс, айласы.
Ұстаз болу бақыт, әрі абырой,
Ұстаз деген – шәкірттердің айнасы.

Ұстаз деген – ұлағаттың шайыры,
Қадірінің тиетұғын қайыры.
Ұстаз деген – шуағы мол шапағат,
Шаршамайтын, шалдықпайтын, тәйірі.

Ұстаз деген – ұстаз болып туғандар
Ұлылықты ұлықтаған имандар
Ұрпағының ертеңіне жол ашып,
Өмірінің әр шақтарын қиғандар.

Ұстаздар – ұлттық тірегі
Ұстаздар – мектеп жүрегі
Ұрпаққа жетер ұстазбен
Халықтың ұлы тілегі.

Хан бол, мейлің, қара бол,
Дарын бол, мейлің, дара бол
Өтетін бәрі алдынан
Ұстаздар бейне сара жол

Аманат жүгін көтерген,
Ұстаздық оңай іс емес.
Шаршауын шәкірт өтеген,
Ұстаздар осал күш емес.

Қимағандар – ұстаз емес, мұғалім,
Мұғалім боп, ұстаз болмау күнә, мың.
Қара тақта, ақ бор ғана қолданып,
Ұстатты ұстаз дүниенің құлағын.

Назарларыңызға
рахмет!