Развіццё адвольнай увагі пры рабоце з днямі тыдня і сюжэтнымі карцінкамі

Мэта:

Карэкцыя і развіццё адвольнай увагі, пазнавальнай актыўнасці, мэтанакіраванасці разумовага працэсу.

Задачы :

1.     развіваць адвольную ўвагу пры выкананні заданняў;

2.     замацаваць веданне паслядоўнасці дзён тыдня, уменне ўстанаўліваць заканамернасці, выкарыстоўваць у маўленні абагульняючае паняцце “дні тыдня”;

3.     развіваць звязнае маўленне вучня пры рабоце з сюжэтнымі карцінкамі, уменне вызначаць паслядоўнасць развіцця сюжэта па малюнках, уменне складаць невялікае апавяданне з апорай на малюнкі і прапанаваныя сказы;  

4.     фарміраваць уменне адгадваць загадкі;

5.     развіваць уменні арганізацыі і кантроля прасцейшых рухальных праграм, графаматорных уменняў;

6.     выхоўваць працаздольнасць, уменне даводзіць пачатую справу да канца, добразычлівыя адносіны да другіх людзей.

Абсталяванне: каляровыя далонькі, для правядзення кінезіалагічнага практыкавання “Паўтары за мной”; смайлікі - “Дні тыдня” з заданнямі (загадка, узоры для малявання 2 рукамі, смайлік і поле з квадрацікамі); малюнкі нотак і вясёлкі; гульня на камп’ютары “Табліца Шультэ”; сюжэтныя малюнкі і сказы да апавядання “Вось так парыбачылі!?”.

Ход урока

1.     Арганізацыйна-матывацыйны этап

Празвінеў ужо званок.

Пачынаецца ўрок.

На парце ляжыць лісток са сказам. Прачытай пажаданне.

З добрым настроем прынімайся за работу!

-         Чаму працаваць трэба з добрым настроем? Пакажы, які настрой зараз у цябе?

-         А што рабіць, калі ў чалавека дрэнны настрой?

-         Як можна яго сабе палепшыць?

Кінезіалагічныя практыкаванні “Прывітанне” (Калечкі), “Ладонькі” (Паўтары за мной).

-         Для чаго мы выконвалі практыкаванні для ручак? (каб павысіць свой настрой і настроіцца на працу)  

2.     Этап мэтапалагання  

-         Сёння я для цябе падрыхтавала загадку? Давай яе адгадаем. Але справа ў тым, што я забылася, дзе яе паклала, дапамажы яе знайсці. Вось табе план класа, паглядзі уважліва на яго і вызнач, дзе загадка.

-         Загадка

-         Пра што ідзе размова? (пры дні тыдня)

-         Колькі дзён у тыдні? (7 дзён)

-         Які сёння дзень тыдня? Які дзень тыдня будзе заўтра! Які быў учора?

-        Вось яны, 7 братоў. Успомні, дзе яшчэ сустракаецца лік 7? (7 колераў вясёлкі, 7 нот і г.д.)

-         Чаму яны ўсе рознага колеру? (Таму што кожны дзень адпаведны якому-небудзь колеру вясёлкі).

-         Што цікавага у іх выглядзе? (носік – гэта нумар дня). Будзем выконваць заданні і прымацоўваць дні тыдня да дошкі.

3.     Этап вывучэння новага матэрыялу

1.     Уступная гутарка

-         Кожны дзень тыдня табе падрыхтаваў заданні. Знайдзі ПАНЯДЗЕЛАК і прачытай заданне.  

Заданне №1

-         Камп’ютарная гульня на ўвагу «Табліца Шультэ». У гэту гульню мы будзем гуляць на камп'ютары.

Заданне №2

Справіліся з гэтым заданнем бяром наступны дзень тыдня. Назаві яго. (АЎТОРАК)

-         Маляванне па клетачках. “Кот”.

Графічны дыктант «Кот».

-         1 клетка ўправа, 1 клетка ўніз, 2 клеткі ўправа, 1 клетка ўверх, 1 клетка ўправа, 2 клеткі ўніз, 5 клетак управа, 2 клеткі ўверх,1 клетка ўлева, 1 клетка ўверх, 2 клеткі ўправа, 8 клетак уніз, 1 клетка ўлева, 2 клеткі ўверх, 1 клетка ўлева, 2 клеткі ўніз,1 клетка ўлева, 2 клеткі ўверх, 3 клеткі ўлева, 2 клеткі ўніз, 1 клетка ўлева, 2 клеткі ўверх, 1 клетка ўлева, 2 клеткі ўніз, 1 клетка ўлева, 3 клеткі ўверх, 1 клетка ўлева, 4 клеткі ўверх.

-         Прапаную намаляваць кату вочы і нос.

Заданне №3

За аўторкам ідзе … СЕРАДА. Якое заданне прынёс гэты дзень тыдня? А які ён па ліку ў тыдні? (3). Мацуем да дошкі смайлік.

-         Зрокавая гімнастыка

Сачы за смайлікам і малюй вочкамі. Што намалявалі (Круг, квадрат, трохвугольнік).

Намалюй у паветры 9.

Напішы слова КОТ, РЫБА

Заплюшчы вочкі, яны адпачываюць, а зараз паглядзелі на дошку.

Заданне №4

Справіліся з гэтым заданнем бяром наступны дзень тыдня. Назаві яго. (ЧАЦВЕР). Назаві суседзяў чацвярга. (Серада, пятніца). Мацуем да дошкі смайлік.

-         Складанне апавядання па малюнках “Вось так парыбачылі!?”.

Хлопчыкі адправіліся на рыбалку. З імі пайшоў кот Васька. Сябры налавілі поўнае вядзерца рыбы.  Коцік сцянуў аднаго карасіка і занёс таварышам. Усім захацелася смачнай рыбкі . Уся кампанія адправілася на рэчку, дзе Толя і Пеця рыбачылі. Каты ціхенька з’елі ўсю рыбу.  Вось так парыбачылі?!

Заданне №5

Які дзень тыдня ідзе за чацвяргом? (Пятніца). Я прачытаю, якое заданне цябе чакае ў гэты дзень тыдня. Мацуем да дошкі смайлік.

-         Выберы правільны сказ да апавядання “Вось так парыбачылі!?”. Да кожнага малюнка трэба падабраць адпаведны сказ.

Заданне №6

Наступнае заданне ад 6 дня тыдня. Называем дзень тыдня, які ідзе за пятніцай. (Субота). Назаві адным словам, як называецца панядзелак, …., субота. (Дні тыдня). Заданне, якое прапануе нам субота.

-         Размінка «Дарожкі». Адначасова малюем узоры-дарожкі 2 рукамі.

Заданне №7

І апошні дзень тыдня – гэта нядзеля. Які ён па ліку. (7). Колькі дзён тыдня. (7).  А што ідзе пасля нядзелі? (Панядзелак).

-         Гульня «Рухай фігуру, не дакранаючыся».

Рухаем смайліка, які знаходзіцца ў цэнтры спачатку рукой у адпаведнасці з указанннем ( уверх 1 клетачка, 2 клетачкі ўправа, 2 клетачкі ўніз, 3 клетачкі ўлева.) Глядзім, дзе аказаўся смайлік.

 Рухаем смайліка, які знаходзіцца ў цэнтры, паказваючы дарожку пальчыкам у адпаведнасці з указанннем.

Рухаем смайліка, які знаходзіцца ў цэнтры, разумова рухаючы ў адпаведнасці з указанннем

4.     Выніковы этап

Абагульненне вывучанага

-         Што мы сёння замацоўвалі на ўроку? (Дні тыдня і іх паслядоўнасць)

-         Колькі дзён у тыдні? (7)

-         Як называюцца яны адным словам? (Дні тыдня)

-         Якое заданне табе спадабалася выконваць больш усяго? У які дзень тыдня мы яго выконвалі?

-         Якое заданне мы выконвалі ў сераду?

Рэфлексія

-         Які ў цябе настрой? Падбяры эмоцыю да тварыка.