Статья:ЕДИНСТВО УЧЕБНОЙ, ВОСПИТАТЕЛЬНОЙ И МЕТОДИЧЕСКОЙ СОСТАВЛЯЮЩИХ В РАБОТЕ УЧИТЕЛЯ.

2-г1а урок

Урокан ц1е : « Стоьмаш»

1алашо:  «Стоьмаш» дешан маь1на  берашна довзийтар. Стоьмамаш вайн бешахь дитташ т1ехь кхуьучу  рицкъанах олуш хилар  хаийтар.

Кхочушдан лерина жам1аш

1.Предметни: берашна хуур ду  стоьмаш х1ун ю, уьш  стена оьшу.

 2.Метапредиетни:

·        Регулятивни: берашна 1емар ду  шайн белхан  план х1отто, тайп- тайпана беснаш  долу  фишканаш  йохккуш учебника  аг1он т1ехь шаьш  хьалха-таьхьа 1амор долчунан  план х1отто.  Цу планан  рог1алла ларъеш  учебникаца  болх бан.

·        Познавательни: берашна  1емар ду  стоьмаш кхидолчу рицкханах  схьакъсто. Берашна хуур ду  стоьмаш  дитташ  т1ехь кхуьуш долу  рицкъ  хилар.Берашна  хуур ду  суьрташ  юкъара  стоьмаш  схьахаржа.

·        Коммуникативни: берашна  1емар ду  хьехархочуьнга ладог1а , цуьнан  хаттаршна  жоьпаш дала. Берашна  1емар ду  вовшашка  хаттарш дала  , царна  жоьпаш дала.

3.Личностни:  берийн  1аламе  безам  кхоллалурр бу. Дешаре  лаам хир бу.

Урок д1аяхьар.

1.Маршалла хаттар.

-Де  дика хуьлда шун бераш!

-Диканца дукха ехийла!

2.Дешаре шовкъ   кхоллар.

·        Дитт кечдар.

(Хьехархочо  суьрташ охьадохку: стоьмийн хасстоьмийн, ц1азамийн. Цул т1аьхьа  диттан сур д1ауллу  уьн т1е. Иштта д1адоладо ловзар)

-Бераш  х1ара х1ун ю аса уьн т1е д1алатийнарг? (Дитт ду)

-Аша  сунна г1о дан деза  дитт кечдеш.  Шун партанаш  т1ехь охьадехкина  суьрташ ду. Аша  царна юкъара дитта т1ехь кхуьуш  йолу  х1уманаш  т1е а летош дитташ кечдан деза)

-Адам  , схьагайтал  цхьа сурт. Х1ун ю х1ара ? (Х1ара  хорсам ю)

-Хорсам кхуьий дитта  т1ехь? (Ца кхуьу)

-Иза лато  мегар дуй вайн дитта т1е? (Дац)

-Ахьмад, схьагайтал  цхьа сурт .Иза  х1ун  ю  ? (Иза 1аж бу)

-1аж лата бой дитта т1е? (Бо)

-Иза  д1алатабе вайн дитта т1е.

(Иштта кечдо  дина дитт)

-Х1ун лати аша дитта т1е? (1аж , хьайба, хьач, кхор)

-Уьш х1ун ю хьанна  хаьа? (Берийн жоьпаш)

-Уьш стоьмаш бу.

3.1алашо йовзийтар.

-Х1ун  яра вай  дитта т1е латийнарш? (Стоьмаш бара)

-Стенах лаьцна дуьйцр дув ай тахана? (Вай  стоьмех лаьцна дуьйцур ду)

-Д1аелла учебникан 7-г1а  аг1о.

- Вай  дуьххьара  1амор ду  стоьмийн ц1ераш яха. Цунна  т1е йилла   цхьа  г1аж хьаькхна йолу  фишка. Алал,  х1ун 1амор ду вай  дуьххьара?  Вайна дуьххьара  1емар ду  стоьмийн  ц1ераш яха)

-Ала  массара (Х1ора дешархочуьнга  шега-шега олуьйту)

Суна  1емар  ду  стоьмийн  ц1ераш яха  .

-Х1ара  х1ун ю? (Берийн жоьпаш)

-Х1ара  сурт ду. Суртах лаьцна  къамел дан вайна гуш дерг  д1аала  1емар ду вайна.

 -Цу т1е  йилла  ши г1аж хьаькхна фишка.

-Х1ун   1емар ду вайна шозлаг1а? (Суьртах лаьцна дийца)

-Алал х1ораммо

Суна 1емар ду  суьрта т1ехь гуш дер дийца.

-Юха  ала х1ун 1емар ду шуну тахана?

Суна  1емар  ду  стоьмийн  ц1ераш яха  .

Суна 1емар ду  суьрта т1ехь гуш дер дийца.

-Иза  аша тахана  бен долчу белхан план ю. Оцу планах пайда а оьцуш  д1ахьур бу вай болх.

-Юха ала Муьлха план ю шун? Х1ун 1амо дагахь ду     шу?

Суна  1емар  ду  стоьмийн  ц1ераш яха  .

Суна 1емар ду  суьрта т1ехь гуш дер дийца.

-Нийса боху. Вайна тахана 1емар ду  стоьмийн ц1ераш яха,   суьртах лаьцна къамелаш дан.Шуна 1емар ду хаттаршна жоьпаш дала, къамелаш дан а.

3. Стоьмийн ц1ераш яха  1амор.

-Дагалаца  шайн белхан план. Х1ун 1амор ду   вай хьалха? (Стоьмийн ц1ераш яха)

(Хьехархочо уьн т1е суьрташ д1аухку)

-Хьовсал суьрта т1е. Х1ара  х1ун ю? (Х1ара  1аж бу)

-Х1ара х1ун ю?( Х1ара хьайба  ю)

-Х1ара х1ун ю?( Х1ара  кхор  бу)

-Х1ара х1ун ю?( Х1ара  хьач бу)

-Х1ара х1ун ю?( Х1ара балл  ду)

-Х1ара х1ун ю?( Х1ара камс ю)

-Царех  массарех х1ун олу? (Царех стоьмаш олу)

-Уьш мичахь кхуьу? (Дитташ техь кхуьу)

-Кхин муьлха стоьмаш бевза шуна? (Берийн жоьпаш)

-Хьуна  х1ун 1емира, Адам ? (Суна 1емира  стоьмийн ц1ераш яха)

-Муьлханиг дара вайн планан хьалхара дакъа? (Стоьмийн ц1ераш яха 1амор дара)

-Хьан кхочушдина  и дакъа? (Берийн жоьпаш)

-Мила висна  и кхочуш дан ницкъ ца кхаьчна? (берийн жоьпаш)

·        Тобанашкахь болх бар.

Бераш  шун  партанаш т1ехь охьадехкина ду  тайп-тайпана стоьмийн дитташ, аша  царна т1е  оьшу стоьмаш лато беза , хедийначу суьрташна  юкъара  схьа а хоржуш.

(Хьехархочо  хьалххе  кечбина  стоьмийн кегий суьрташ , бераша уьш схьа а хедош  летабо дитташ т1е)

·        Дагардан 1амор.

-Бераш  хуьлий лоазарш . Стенах ловзу шу? (Лечкъаргех)

-Муха  къаставо аша  д1ахьббийриг? (Дагардарца  къаставо)

-Аса  1амор ду шуну  цхьа дагардар.

Суна-1ежаш,

Хьуна-кхораш,

Кхунна - баьллаш,

Цунна-хьечаш.

Т1аьхьависнарг

Мила ву?

Цоб1ьргаш

Д1ахьаббийр бу.

4. Сада1аран миноташ.

Маьлхан  серло  яржале

Цхьаъ, шиъ , кхоъ, диъ , пхиъ

Г1енаш лахка  , човхаде

Цхьаъ, шиъ , кхоъ, диъ , пхиъ

Йиша, ваша  г1аттаде

Цхьаъ, шиъ , кхоъ, диъ , пхиъ

Физзарядка йолае

Цхьаъ, шиъ , кхоъ, диъ , пхиъ

5..Дозуш долу къамел кхиор.

·        Суьртах лаьцна къамел дар

-Х1ун  дара  шун планаца  шолг1а  1амо дезаш дерг? (Суьртах лаьцна  къамелаш дар )

-Х1ун 1амор дув ай х1инца? (Суьрта т1ехь гуш дерг дийца)

-Д1аелла  учебникан  7-г1а   аг1о.

-Муьлш бу суьрта т1ехь гуш берш?( Суьрта т1ехь бераш ду)

-Ц1ераш тахка царна?

-Бераш стенга даьхкина? (Бераш  стоьмийн беша даьхкина)

-Цаьргахь х1ун ю? (Цаьргахь тускарш ду, ламиш бу)

-Уьш х1ун деш бу? (Уьш стоьмаш схьабохуш бу)

-Х1ара мила ву? (Ахьмад ву)

-Ахьмада х1ун до? ( Ахьада 1ежаш схьабоху)

-Х1ара мила ю?  (Хеда ю)

-Хедас  х1ун до? (Хедас  1ежаш тускар чу д1анисбо)

-Стенна  оьшу стоьмаш? (берийн жоьпаш)

-Стоьмаш оьшу баа, варениш ян, компоташ ян. Цаьрца  дуккха а витаминаш ду  могушаллина оьшуш долу. Уьш баар ч1ога  дег1ана пайдехь ду.

-Х1инца  суьрте  а хьовсуш  вай х1оттийна дийцар схьа хьан дуьйцур дара? (Бераша схьадуьйцу дийцар)

-Муьлханиг дара  шун планан шолг1а дакъа? (Суьртах лаьцна къамел дар)

-Хьенан ницкъ кхечи и кхочуш дан? (Берийн жоьпаш)

-Х1ораммо хьала г1оттуш ала шайна 1еминчух лаций.

Суна 1еми  суьртах лаьцна къамел дан.

-Мила виси  и дакъа кхочуш ца далуш?

6. Жам1 дар.

-Муьлха стоьмаш бевзира шуна?

-Стоьмаш мичахь кхуьу?

7.Рефлекси.

-Муха яра вайн план? (Берийн жоьпаш)

-Хьенан аьтту хили и кхочуш ян? Шайна х1ун  1еми дийца?

Суна 1еми стоьмийн ц1ераш яха.

Суна 1еми суьртах лаьцна  къамел дан.

-Мила висина и кхочуш ца далуш ?