Тематическое планирование по аварскому языку в 3 классе.

III класс (68 сагIат)

КIиабилеб классалда малъараб материал такрар гьаби

      МацIалъул ва каламалъул бутIа хIисабалда текст, предложение ва рагIи.          Предмет, предметалъул гIаламатал ва предметалъул ишал рихьизарулел рагIаби. 

      Гьаркьал ва хIарпал. Рагьарал ва рагьукъал гьаркьал. Е, ё, ю, я рагьарал хIарпал. Геминатал ва лабиалиял гьаркьал^[1].

Предложение. РагIабазул дандрай.

Жидеца бицунеб жоялъул мурадалде балагьун, предложениялъул тайпаби: хабарияб, суалияб ва тIалабияб. Интонациялде балагьун, ахIул предложение. 

  Предложениялъул бетIерал членал: подлежащее, сказуемое ва битIараб дополнение.     

  Предложениялъул бетIерал гурел членал.

  Предложениялъулъ рагIабазда гьоркьоб бугеб бухьен.  ГIадатал тIиритIарал ва тIиритIичIел предложениял. Предложениялъул ахиралда тIанкI, суалияб ва ахIул ишара. ГIадатал ва журарал предложениял. РагIабазул дандрай. РагIабазул дандраязулъ аслиябги нахъбилълъарабги рагIи. РагIабазул дандраязулъ рагIабазда гьоркьоб бугеб бухьен. 

Текст

       Текст, тексталъул гIаламатал: тема, аслияб пикру загьир гьаби, цIар лъей.

РагIул гIуцIи

        МагIна гIагарал рагIаби. РагIул магIнаял бутIабазул (кьибилалъул, ахиралъул, аслуялъул ва суффиксалъул) хIакъалъулъ гIаммаб бичIчIи. Ахиразул кумекалдалъун рагIул форма хисиялда ва суффиксазул кумекалдалъун цIиял рагIаби лъугьиналда хадуб хал кквей.  Кьибил цоял рагIаби ва цого цо рагIул формаби (дандекквей).

         РагIул аслуялъулъ кколел рагьарал ва рагьукъал гьаркьазул  хиса­басиял (лъай­хъвай гьаби). 

Лексика

      РагIул лексикияб магIна (гIаммаб бичIчIи). ГIемер магIнаялъулал рагIаби.

БитIараб ва хъвалсараб магIнаялда рагIаби хIалтIизари. Синонимал.

Антонимал.

 Лексикаялда тIад хIалтIи тIобитIула предметияб цIар, прилагательное, глагол лъазабулаго, гьединго цIалиялъул дарсазда.

Каламалъул бутIаби

Предметияб цIаралъулгун, прилагательноялъулгун, глаголалъулгун, рикIкIеналъулгун, цIарубакIалъулгун, наречиялъулгун  гIаммаб лъай­хъвай гьаби.

Предметияб цIар. Предметияб цIаралъул магIна, гьелъие лъолел суалал ва предложениялъулъ гьелъ тIубалеб хъулухъ. Хасал ва гIаммал предметиял цIарал. Хасал предметиял цIаразул бетIералда кIудияб хIарп. Предметияб цIаралъул жинс: чиясул, чIужуялъул ва гьоркьохъеб.   Предметияб цIаралъул цолъул ва гIемерлъул форма. ГIицIго цолъул формаялда хIалтIизарулел яги гIицIго гIемерлъул формаялда хIалтIизарулел предметиял цIарал.

Предметиял цIарал падежазде свери (асл.п., акт.п., хас.п., кьов.п. ва жинда п.).

Прилагательное. Прилагательноялъул магIна, гьелъие лъолел суалал ва предложениялъулъ гьелъ тIубалеб хъулухъ. Прилагательноялгун предметиял цIарал рухьун  рукIин. Цого  яги  гIага­шагараб  магIнаялъулги  гIаксаб магIнаялъулги  прилагательноял. Прилагательноял­антонимал каламалъулъ хIалтIизари. Прилагательноял  жинсазде  хиси. Прилагательноял  формабазде  хиси.

РикIкIен. РикIкIеналъул магIна ва гьелъие лъолел суалал (чан? чанабилеб? чанабилей? чанабилев? чанабилел?). Къадаралъул ва иргадул рикIкIенал ва гьезул битIунхъвай.

Глагол. Глаголалъул магIна, гьелъие лъолел суалал ва предложениялъулъ гьелъ тIубалеб хъулухъ. Жинсиял ва жинсиял гурел  глаголал (лъай­хъвай  гьаби).  Жинсиял глаголал  предметияб  цIаргун  рекъон ккей.

      Глаголалъул мурадияб форма. Глаголал заманабазде хиси: бачIунеб, гьанже, араб, гIахьалаб заман. Цого  яги  гIага­шагарал  магIнаялъул  глаголалги  гIаксаб  магIнаялъул  глаголалги (синонимал и антонимал). Цо ва гIемер магIнаялъул глаголал. БитIараб ва  хъвалсараб  магIнаялъул  глаголал каламалъулъ хIалтIизари.

Текст. Бухьараб калам цебетIезаби

       Тексталъул (яги каламалъул) тайпабазул гIаммаб бичIчIи: хабарияб текст, сипатияб текст, пикрияб текст. Ишалъулабги художествиябги калам. ЦIалараб текст бутIабазде биххизе ва гьезда цIарал лъезе бажари. Киназго цадахъ яги жинцаго гIуцIараб планалда рекъон, хабарияб изложение хъвай.          Сюжет гьечIелги сюжеталъулалги суратаздаса харбал херхине лъай (бицунги хъванги).

       Жидер расандабазул, тIабигIаталда хадуб халкквеялъул, рекIел­гъеялъул, экскурсиязул, гьудул­гьалмагъзабазул хIакъалъулъ къокъго бицине бажари.        Лъилниги, сундулниги хIакъалъулъ сипат­сурат гъорлъе ккезабун, ялъуни жиндирго пикру загьир гьабун, къокъаб сочинение хъвазе лъай.

      Жиндир ишазул хIакъалъулъ гьитIинабго кагъат хъвазе лъай.

ЛъагIалида жаниб малъараб материал лъазаби

Текст ва предложение.  РагIул  магIнаял  бутIаби. Каламалъул  бутIаби. 

Берцинго хъвай.

       Берцинго хъвазе, хатI куцазе цересел классазда щвараб бажари щула

 Калам гIуцIизе ругьун гьариялъе программаялда хасаб заман бихьизабуларо. Гьеб темаялда хурхарал хIалтIаби тIолго цIалул соналда жанир гьаризе ккола. Ругьунлъиялъул изложениял ва сочинениял тIоритIизе, хасал дарсазе литературияб цIалиялъе бихьизабураб заманалдаса ичIго сагIат кьун буго.

 Берцинго хъвазе ругьун гьариялде мугIалимас щибаб грамматикаялъул дарсида кIвар кьола.

 Хъвазе    захIматал   гьитIинал   ва   кIудиял   хIарпазул   ва   гьезул цолъиязул мисалиял группаби:

I) з, к, ж, в, ч, б, д, у, я, кI, къ, кь, кв;

Г, П, Т, Р, 3, Е, Ю, У, Д, Ф, К, В, KI, Кь, Къ, Кв;

Пп, Чч, Рр, Вв, Ее, Зз, Уу, Къкъ, Кькь, КIкI, Кв, ккв, Ол, ое, во, вл, се, ква, xIy, xIo, гьа, гье, гьо, цI, Щв, ХIа, Гьи, Гьо, ТIа, Ге, Бе, КIа.

    ГьитIиналго текстал, предложениял, рагIаби берцинго ва рацIцIадго хъвазе ругьун гьари.

    БитIун хъвазе захIматал рагIаби: хIукму, сихIру, макру, гIазу, магIу, макьу, сабру, гIакълу, рагьу, квердаххелал, квасквас, габурбухь, рицIигъветI, рицIимахIу, гIачимухъ, цIоросарикIкI, цIумагъеду, ордек, председатель, приказ, радио, общество, солдат, республика, автономия, агъазгьечI, адаб­хъатир, бижарабжо, годекан, гьабугьин, гьабсагIат, гIададакъад, эбел­инсул, костюм, кIийихъан, кIикIвенкь, кIиабилеб, анцIила лъабабилеб, анцIила щуго.

Курс лъазабун лъугIун хадуб кьолел хIасилал

Напсиял хIасилал:

      ­ школалдехун ва цIалиялдехун бугеб бербалагьи цIикIкIинаби;

      ­ мугIалимасул, цадахъ цIалулел гьалмагъзабазул ва эбел­инсул рахъалъан щвараб къиматги  хIисабалде босун, жинца жиндиего къимат кьезе бажари;

       ­ инсанасул напсалъул лъикIаб хасиятги обществоялда гIадамазул гIумруялда, гьезул гьоркьоблъиялда бухьараб  рахъ лъалеблъиги бихьизабулел кIвар ва магIна бугел мурадал цере лъей. 

Метапредметиял хIасилал:

­ рахьдал мацI гъваридго лъазабиялдалъун сверухъ тIабигIаталда нахъгIунтIи;

        ­ цо  сундулниги  анализ  гьабизеги,  гьеб  гIаммлъизабизеги,  тIелазде бикьизеги,    релълъаралда    дандекквезеги,     гьелъулъ    къваригIараб  жо балагьизеги, гьеб хисизеги бугеб бажари лъугьин;

         ­ информациялъулаб культураялда бухьарал (ай цIализе, хъвадаризе, цIалул тIехьгун хIалтIизе бугел) бажариял куцай;

         ­  цо сундулниги план гьабизе, гьелда хадуб хал кквезе, гьелъие къимат кьезе, мухIканго мурад  лъезе, гъалатIал ритIизаризе бугеб бажари лъугьин;          ­ мацIалъул бечелъи бичIчIи ва щулияб гьоркьоблъи гьабизе гьелдаса пайда босизе бажари;

         ­ хурхен гьабиялъул батIи­батIиял масъалаби тIуразариялъе гIоло каламалъул ва мацIалъул алатал хIалтIизаризе щвалде щун лъай;

Предметиял хIасилал:     

       Рахьдал мацIалъул курс лъазабулаго, лъабабилеб классалъул цIалдохъаби ругьунлъула:

   ­ авар мацIалъе хасиятал гьаркьал (хIарпал): xl, гь, кь, къ, ml ва гь. ц., гьединго геминатал ва лабиалиял гьаркьал рихьизарулел хIарпал къосинчIого ритIун рахъизе ва гьел гъорлъ ругел рагIаби, предложениял, гъалатI биччачIого, чвахун цIализе;

        ­ рагIаби, предложениял, 40–50 рагIи бугел текстал, гъалатIал риччачIого, битIун хъвазе;

    ­ рагIул фонетикияб разбор гьабизе: рагIаби слогазде риххизе, ударение бугелги гьечIелги слогал ратIа рахъизе, рагьарал ва рагьукъал хIарпал ратизе, рагIулъ гьезул къадар чIезабизе;

    ­ рагIул гIуцIиялъул разбор гьабизе (кьибил, аслу, суффикс, ахир ратIа рахъи);

     ­ батIи­батIиял каламалъул бутIабазул кьибил цоял рагIаби тIаса рищизе;

     ­ каламалъул бутIаби ва гьезул грамматикиял гIаламатал рихьизаризе;

    ­ предметиял цIаразул гIемерлъул форма лъугьинабизе;

    ­ предметиял цIарал падежазде сверизаризе;

    ­ предметияб цIаралъул жинсалда ва формаялда рекъон прилагательноял жинсазде ва цолъул ва гIемерлъул формаялде хисизе;

    ­ къадаралъул ва иргадул рикIкIенал цоцаздаса ратIа рахъизе ва гьел битIун хъвайзе;

     ­ глаголал заманабазде хисизе;

     ­ текстазулъ синонимал ва антонимал ралагьизе ва хIалтIизаризе

(терминал чара гьечIого лъазе кколаро); 

     ­ предложениялда жаниб суалаздалъун рагIабазда гьоркьоб бухьен чIезабизе, рагIабазул дандраял ратизе;

      ­ предложениязул синтаксисияб разбор гьабизе (Жидеца бицунеб жоялъул мурадалде ва интонациялде балагьун, предложениязул тайпаби рихьизаризе,  бетIерал ва бетIерал гурел членал ратIа рахъизе, суалазул кумекалдалъун гьезда гьоркьоб бухьен чIезабизе, гIадатаб тIибитIараб ва кIиго предложениялдасан гIуцIараб жубараб предложение бихьизабизе);

      ­ предложениялъул интонация цIунизе;

      ­ текст бутIабазде биххизе, магIна бугеб тексталъул бутIа цIияб мухъидаса хъвазе;

      ­ тексталъулъ предложениязда гьоркьоб бухьен чIезабизе;

      ­ темаялда мугъги чIван, тексталъе цIар лъезе, тексталъул аслияб пикру загьир гьабизе;

       ­ рагIабазул дандраялъулъ аслиябги нахъбилълъарабги рагIи батизе;

       ­    киназго           цадахъ            гIуцIараб       планалда рекъон ругьунлъиялъул изложение хъвазе;

       ­ тексталъул тайпа бихьизабизе, ай хабариял, сипатиял ва пикриял текстал цоцаздаса ратIа рахъизе;

       ­ цебекунго хIадурлъиги гьабун, тIабигIаталъухъ халкквеялъул хIакъалъулъ, сюжетияб сураталда тIаса сочинение хъвазе;

       ­ лъилниги, сундулниги хIакъалъулъ сипат­сурат гъорлъе ккезабун, ялъуни жиндирго пикру загьир гьабун, текст гIуцIизе.

 

 

 

 

           Авар адабият

Программаялъе баян

Программа хIадур гьабуна байбихьул школалда тIуразаризе хIисабалде росарал  хIасилазулги, обществоялда чиясул хьвада­чIвадиясул къагIидабазда бухьараб концепциялъулги, Байбихьул школалъул лъай кьеялъул федералияб пачалихъияб стандарталъулги кьучIалда.

Адабияб цIали байбихьул школалъул системаялда аслиял предметазул цояб ккола. Гьелъ рахьдал мацIалда цIалиялъул махщел ва тексталда тIад хIалтIиялъул бажари лъугьинабула, художествияб литература цIалиялде интерес бижизабула ва лъимералъе рухIияб ва эстетикияб тарбия кьезе, гьесул гIакълу цебетIезабизе квербакъула. Гьединго литературияб цIалиялъул курс тIадегIанаб даражаялда лъазабиялъ рес кьола байбихьул классазул цогидал предметазда лъикIал хIасилал рихьизаризе.

Байбихьул школалъул литературияб цIалиялъул курс буссун буго гьал хадусел мурадал тIуразариялде:

­ бичIчIун, битIун, чвахун ва пасихIго цIализе гъваридго лъазаби; батIибатIиял тайпабазул текстазда тIад хIалтIизе бажаруледухъ, калам цебетIезаби; тIехьалдехун ва цIалиялдехун бугеб интерес щулалъизаби; цIалиялъул даража борхизаби ва, жалго жидедаго чIун, асарал цIалиялъулъги къваригIараб тIехь тIаса бищиялъулъги хIалбихьи букIинаби;

­ художествиябгин творчествоялъулаб ва нахъгIунтIиялъулаб пагьмуги, художествиял асарал цIалулаго, чидае рекIел асар загьир гьабизе бугеб бажариги цебетIезаби; рагIудехун берцинаб (эстетикияб) балагьи лъугьинаби ва художествияб асар бичIчIизе бажари; 

­ художествиял асараздалъун байбихьул классазул цIалдохъабазул рухIияб хIалбихьи бечелъизаби; рухIияб асаралъул ва гьудуллъиялъулги, жавабчилъиялъулги, лъикIлъиялъулги, ритIухълъиялъулги хIакъалъулъ бичIчIиял куцай; Дагъистаналъул ва   цогидал миллатазул культураялъул адаб­хъатир гьабизе цIалдохъаби куцай. 

Байбихьул школалда предмет хIисабалда литературияб цIалиялъ лъимал цIализариялъул гуребги, гьезие тарбия кьеялъулги масъалаби тIурала.

Литературияб цIалиялъул дарсазда аслияб куцалъ кIвар кьола цIализе бугеб бажари  лъугьинабиялде ва лъималазул калам цебетIезабиялде. ЦIалдохъабаз гъваридго лъазабула бичIчIун ва пасихIго цIализе, жалго жидедаго чIун, текстал цIализе; гьел ругьунлъула тIехьалъул хIасил бичIчIизе ва гьелдаса сверухъ бугеб тIабигIаталъул хIакъалъулъ щвараб лъай гIатIилъизабиялъе пайда босизе.

Литературияб цIалиялъул дарсазда цIалдохъан ругьунлъула битIун, гъалатIал риччачIого, цIализе. БитIун, чвахун цIализе бажарулеб лъимералъе гьоркьоса къотIичIого тIахьал цIализе рокьула, гьесда лъала текстал цIалиялъул ва гьелгун хIалтIиялъул къагIидаби, гьединго гьесда бажарула цIаларал асаразул хIасил бичIчIизе, живго жиндаго чIун, жиндие къваригIараб тIехь тIаса бищизе ва гьелъие къимат кьезе.

Литературияб цIалиялъул курсалъ цIалдохъабазул художествиял асарал цIалиялде интерес бижизабула. ЦIалдохъаби ругьунлъула поэзиялъулаб рагIул берцинлъи бичIчIизе, рагIул искусствоялъул сипат­сураталъе къимат кьезе. 

Курсалъул гIаммаб характеристика

ЦIалул дарсал гьарула тIоцебесеб классалдаса байбихьун (хIарпал малъулеб заман лъугIун хадуб), гьоркьоса къотIичIого, ункъабилеб класс лъугIизегIан. ЦIализе ругьун гьарулаго, мугъчIвай гьабула, тIоцебесеб классалда «Букварь» малъулаго, лъималазе щвараб лъаялдеги бажариялдеги.

ЦIалул курс гIуцIун буго магIарулазул, гIурусазул ва  дагъистаналъул цогидал миллатазул хъвадарухъабазул ва шагIирзабазул художествиял асараздасан. Гьединго цIалул курсалъулъ кьун руго гIелмиялгин нахъгIунтIиялъулал асаралги. Художествиял ва гIелмиялгин нахъгIунтIиялъулал асарал дандекквеялъ квербакъула литературияб искусство жеги гъваридго бичIчIизе.

Литературияб цIалиялъул хIасил программаялъулъ гьал хадусел бутIабазде бикьун буго:

Каламалъул тайпаби. Каламалъул культура;

Тексталда тIад гьабулеб хIалтIул тайпаби;

Художествияб асаралда тIад хIалтIи;

ЦIализе кколел асарал. ЦIалиялъул культура.

     ТIоцебесеб «Каламалъул тайпаби. Каламалъул культура» абураб  бутIаялъулъ хъвазе ва цIализе, гIенеккизе ва гаргадизе бугеб бажариялде, ай каламалъул киналго тайпаби камиллъиялде кIвар буссинабун буго.

     Программаялъ тIалаб гьабулеб буго  I–IV классазда щибаб цIалул дарсазда битIун, чвахун, бичIчIун ва пасихIго цIалиялъул бажари камил гьабизе.

Гьединаб бажари лъугьуна батIи­батIиял асарал, гьезул бутIаби гьоркьоса къотIичIого цIалиялдалъун.

1 – себ классалда лъималазда лъазе ккола гIедегIичIого, бичIчIун ва битIун гIисинал текстал рагIабиккун цIализе. Гьелдаго цадахъ цIалул дарсазда цIикIкIараб кIвар кьола гьаркьал ритIун рахъиялде. ЦIалул хехлъи минуталда жаниб гIага­шагарго 20–25 рагIуде бахуна.

2 – абилеб классалда лъималаз гIисинал текстал рагIабиккун (захIматал рагIаби слогалккун) цIалула. ЦIалул хехлъи, I классалда дандеккун, цо минуталда жаниб 30–40 рагIуде бахуна.

3 – абилеб классалда текстал рагIабиккун ритIун, ричIчIун ва чвахун цIалула. ЦIалулаго, логикияб ударение лъезе, кколелъуб лъалхъи гьабизе, интонация цIунизе. ЦIалул хехлъи минуталда жаниб 50–60 рагIуде бахуна. 

4 – абилеб классалда киналго цIалдохъабаз хехго, ритIун, ричIчIун, рагIабиккун текстал цIалула. Слогалккун цIалиялъул магIна ккола цIалдохъаби цIалулъ нахъахутIи. ЦIалул хехлъи минуталда жаниб 70–80 рагIуде бахуна.

      Программаялда кьураб материалалъ квербакъула гаргадизе (ай жиндирго пикру загьир гьабизе, суалал лъезе ва гьезие жавабал кьезе, диалогалъулъ гIахьаллъизе, монолог гIуцIизе) бугеб бажари цебетIезабизеги. ЦIалдохъаби ругьунлъула жидеда цебе мурад лъезе, бицунеб жоялда хадуб халккезе, гьелъие къимат кьезе, цогидазухъ сабурго гIенеккизе ва гь.ц.

       Программаялъул кIиабилеб бутIаялъулъ цIалдохъабаз лъай­хъвай

гьабула           тексталда    тIад   гьабулеб         хIалтIул        тайпабазулгун.        Гьел ругьунлъула текст бутIабазде биххизе, гьел бутIабазда цIарал лъезе, план гIуцIизе, цIалараб текст къокъго ва тIубанго бицине, тексталъулъ аслияб пикру жидерго рагIабаздалъун загьир гьабизе. ЦIалдохъабазда лъала текстал хабариял, сипатиял ва пикриял рукIин. Гьезда бажарула тексталъул хIасилги бетIерги цоцазда рухьизе, цIалул, гIелмиялгин нахъгIунтIиялъулал ва художествиял текстал ратIарахъизе, гьезул бугеб кIвар бихьизабизе.

Программаялъулъ хасаб бакI ккола художествияб асаралда тIад гьабулеб хIалтIиялъ.

     ЦIалдохъаби ругьунлъула художествияб асар бичIчIизе ва гьелъие къимат кьезе, гьеб гIелмиялгин нахъгIунтIиялъулал асараздаса батIабахъизе. Гьезда лъала художествиял асаразул хаслъаби. 

         Художествиял асаразул анализ гьабулаго, цIалдохъабаз лъугьабахъиназул тартиб чIезабула, героязулгун ва гьез гьарурал ишазулгун лъайхъвай гьабула, жидергоги авторасулги герояздехун бугеб балагьи рагьула, цIалараб жоялъул аслияб пикру загьир гьабула.

  Программаялъулъ бугеб материалалъ сверухъ тIабигIаталдаги хIайваназул хьвада­чIвадиялдаги хадуб халкквеялда бухьараб бажариги цебетIезабула.

Программаялда рекъон лъималазда лъазе ккола литератураялъул киналго аслиял  жанрал:  маргьаби,  кучIдул,  харбал,  абиял,  кицаби,  бицанкIаби, драмаялъулал асарал ва гь.ц.

     Гьаниб кьураб тематика байбихьул школалъул гIелалъул лъималазде гIагараб буго. Тематикаялъул хIасилалъ сверухъ  бугеб дунялалдехун интерес бижизабула, лъималазул кIвар буссинабула  жидерго гIел бащадаздехун ва цIикIкIараздехун, тIабигIаталдехун, тарихалдехун, нилъер ВатIаналъул культураялдехун бугеб гьоркьоблъиялде, гьединго тематикаялъ рес кьола батIи­батIиял автораз цого цо тематикаялда тIаса хъварал асарал дандекквезе. ЦIализе кьураб тематикаялъ лъимералъул сверухъ дунял бичIчIизе бугеб интерес гIатIилъизабула, цIализе бугеб махщел цIикIкIинабула ва цIалиялъул культура лъугьинабула. Гьелда тIадеги, цIализе кьурал асараз кIудияб кумек гьабула лъималазе рухIиябгин эстетикияб тарбия кьезе.  

ЦIалул планалда литературияб цIалиялъ ккураб бакI        Литературияб цIалиялъе кинабниги кьун буго 135 сагIат. 

       ТIоцебесеб классалда литературияб цIалиялъе бихьизабун буго 15 сагIат (1 сагIат, 6 цIалул анкь)

       2 – 4 классазда 34 – 34 сагIат кьун буго (щибаб классалда 34    цIалул анкь, анкьида жаниб  1 сагIат). Курс лъугIун хадуб кьолел хIасилал

Напсиял хIасилал

Жиндирго ВатIаналде, Россиялъул ва Дагъистаналъул миллатазде ва гьезул тарихалде кIудияб рокьи бижизаби.

Цогидал   миллатазул   маданияталдехун  ва   гьезул  тарихалдехун, гьединго батIияб пикруялдехун цIуна­къараб балагьи бижизаби.

ЦIалиялдехун лъимералъул интерес бижизаби.

Жинца  гьарурал   ишазул  жавабчилъиги  жибго  жиндаго   чIараб, цогиялда бухьинчIеб хасиятги цебетIезаби.

Эстетикияб бичIчIи лъугьинаби.

Цогидал гIадамазе кумекалъе хIадурав, ният лъикIав, хIалхъублъи гьечIев, гIадамазе лъикIлъи гьабулев инсан вахъинави.

Лъиданиги цадахъ хIалтIизеги щулияб гьоркьоблъи гьабизеги  бугеб бажари цебетIезаби, тIадкIалъай бугеб, дагIбадулаб ахIвал­хIалалдаса ворчIизе нух батиялъул бажари цебетIезаби.

Творческияб хIалтIуде гъира ккезаби, ай творческияб къагIидаялъ хIалтIизе бугеб бажари цебетIезаби.

 

Метапредметиял хIасилал

БатIи­батIиял жанразул ва тайпабазул текстал бичIчIун цIализе ругьунлъи, текстал кIалзул ва хъвавул формаялда гIуцIизе лъай.

Сверухъ тIабигIаталда нахъгIунтIизеги цогидазулгун бухьен гьабизеги каламалдаса пайда боси.

Накъиталъе гIахьаллъи гьабулев чиясухъ гIенеккизеги, диалогалъулъ гIахьаллъизеги, батIи­батIиял пикраби рукIиналъе мукIурлъизеги, жиндирго пикру загьир гьабизеги, гьелъие далил бачинеги разилъи.

Предметазул ва предметазда гьоркьор ругел бичIчIиял лъай (цоцазулгун гьоркьоблъи, маданият, творчество, тIехь, асаралъул хIасил, художествияб текст ва гь. ц.); гуманитариял (ай инсанасул, гьесул культураялъул, тарихалъул бицунел) ва эстетикиял (ай искусствоялда, дунялалда ва гIадамазул гIумруялда жаниб берцинлъиялъул, гьайбатлъиялъул хIакъалъулъ бицунел) предметазда гьоркьор ругел бухьенал ричIчIи.

Цебе   лъураб   масъалаялда   рекъон   цIалиялда    хурхарал     хIалтIаби планалда росизе, гьезда хадуб хелкквезе ва гьезие къимат кьезе бугеб бажари лъугьинаби. ЦIалулъ жиндирго лъикIал яги квешал хIасилал рихьизе бугеб бажари лъугьинаби. Цебе лъураб мурад тIубаялъе гIоло цадахъ хIалтIизе бажари.

Предметиял хIасилал

Литература тIолабго дунялалъулаб ва миллияб культура гIадин бичIчIи, гьелъ рухIияб бечелъи ва гIадатал цIунулеллъи лъай.

ТIехь культурияб бечелъи букIин бичIчIи.

РагIул искусство гIадин художествиял асараздехун бербалагьи букIинаби.

МагIарулазул ва Россиялъул цогидал миллатазул литератураялъул рухIияб бечелъи бичIчIи.

Инсан  цеветIезавиялъе   литератураялъул  бугеб  кIвар  бичIчIи; ВатIаналъул ва гьелъул халкъалъул, сверухъ тIабигIаталъул, культураялъул, лъикIлъи­квешлъиялъул, гьудул­гьалмагълъиялъул, ритIухълъиялъул хIакъалъулъ бичIчIи лъугьинаби; гьоркьоса къотIичIого цIалдезе кколеблъи бичIчIи.

ЦIалиялъул    бугеб   кIвар   бичIчIи;  цIалиялъул   батIи­батIиял тайпабаздаса пайда боси (лъай­хъвай гьабиялъул, аслияб жо балагьиялъул, тIасабищул, лъазабиялъул); героязул хьвада­чIвадиялъе кьураб къимаб хIужжабаздалъун кьучIаб букIин бихьизабизеги, гьоркьоб лъураб жоялда тIаса жиндирго пикру загьир гьабизеги, текстазул батIи­батIиял тайпаби ричIчIизеги, гьезие къимат кьезеги бажари. 

Жиндие къваригIараб литература, живго жиндаго чIун, цогидазул кумек гьечIого, тIаса бищизеги  цебе букIаралдаса цIикIкIараб информация бичIчIизе ва щвезе баян кьолел тIахьал (источникал) хIалтIизаризеги бажари.

БатIи­батIиял текстазул анализ гьабизе, ай гIиллаялъулабгин цIех­ рехалъул бухьен чIезабизеги, асаралъул аслияб пикру загьир гьабизеги, текст бутIабазде биххизеги, гьел бутIабазда цIарал лъезеги, гIадатаб план гIуцIизеги, асаралъул загьирлъи, пасихIлъи бихьизабулел алатал ратизеги, текст жиндирго рагIабаздалъун цIидасан цIализеги бажари.

БатIи­батIиял текстазда тIад хIалтIизеги, цIалул ва художествиял, гIелмиялгин нахъгIунтIиялъулал текстазул хаслъаби рихьизаризеги бажари; художествиябгин творчествияб пагьму цебетIезаби; художествиял асаразда, суратазда тIасан яги жиндирго хIалбихьиялъул хIакъалъулъ живго бетIергьанаб текст гIуцIизе бажари. 

Курсалъул материал

Каламалда ва цIалиялда сверухъ гьарулел хIалтIабазул тайпаби

ГIенеккун (гIинтIамун) рагIараб жо бичIчIизе бажари (аудирование)

ГIинда рагIараб цогидазул калам бичIчIи. Цогидас цIалулеб асар гIенеккун дандрекъон кколеб хIалалъ бичIчIи. ГIенеккун рагIараб асаралда тIаса лъурал суалазе жавабал кьезе бажари, лъугьа­бахъиналъул тартиб чIезаби, рагIараб каламалъул мурад бичIчIи, гIенеккун рагIарал гIелмиялгин нахъгIунтIиялъулал ва художествиял асаразда тIаса суалал лъезе бажари.       Авторасул стилалъул хаслъиялдаги каламалъул пасихIлъиялдаги хадуб халкквезе бугеб бажари цебетIезаби.

ЦIали

        РагIизабун цIали. РагIабазулъ слогал ва хIарпал гьоркьор риччачIого ва гьел ругеб бакI хисичIого, рагIаби, предложениял ва текстал бичIчIун, битIун цIали. Слогалккун цIалиялдаса байбихьун дагь­дагьккун бичIчIун, битIун тIуранго рагIаби ва рагIабазул дандраял цIали; классалдаса классалде, тIубараб текст бичIчIуледухъ, цIалиялъул хехлъи цIикIкIинаби. КIудияб гуреб, гьитIинаб текст пасихIго цIали: цIалулаго битIун абиялъул ва интонациялъул нормаби цIуни; цIалиялъул мурад бичIчIи, цIалулев чиясул цIалараб асаралдехун бугеб гьоркьоблъи бихьизабизе бажариледухъ, интонациялдаса ва  цоцазулгун бухьен гьабизе цере лъурал мурадазда ва масъалабазда рекъон хIинцлъизабун (хьадарлъизабун) яги хехлъизабун цIалиялъул темпалдаса пайда боси. Интонацияги цIунун, батIи­батIиял тайпаялъул предложениял цIали. БатIи­батIиял текстазул магIнаялъулал хаслъаби ричIчIи ва интонациялъул кумекалдалъун гьел рихьизари. КIудияб гьечIеб текст живго жиндаго чIун пасихIго цIализе бажари (цIалулаго данде кколеб гьаракь­бакъан ва хехлъи (темп) тIасабищизе, логикияб ударение битIун лъезе, лъалхъи гьабизе).

  Сасун цIали. Жанраялъул ва кIодолъи­гьитIинлъиялъул рахъалъ ричIчIизе бигьаял асарал рагIизабун цIалиялдаса дагь­дагьккун сасун цIалиялде рачIин. ЦIалараб тексталъул магIна бичIчIи. ЦIалиялъул тайпа чIезаби: лъазабиялъул, лъай­хъвай гьабиялъул ва тIасабищиялъул; тексталъулъ къваригIараб информация балагьи, гьелъул хаслъаби ричIчIи.

 

БатIи-батIиял текстазда тIад хIалтIи I класс

ЦIалараб тексталда тIасан мугIалимас лъурал суалазе жавабал кьезе бажари. МугIалимасул кумекалдалъун цIаларал текстазда цIарал лъезе бажари. ЦIалараб асаралъе къимат кьезе лъай. Суратазда тIасан харбал херхине лъай (бицун).

Баянго, зирараб гьаркьидалъун рагIаби ва предложениял абизе ругьун гьари. Цоцазда хурхараб каламалда, предложениялда, рагIуда, гьаракь битIун абиялда тIад гьоркьоса къотIичIого хIалтIаби гьари. Цогидал цIалдохъабазул, мугIалимасул хабаралъухъ ва цIалиялъухъ гIенеккизе бажари.

II класс

    МугIалимас бицараб жоялъул ва тIехьалдаса цIалараб тексталъул магIна боси. ХIасилалда тIасан кьурал суалазе къокъго жавабал кьей. Малъарал ва жинцаго цIаларал гIисиналго асаразулъ рехсарал лъугьа­бахъиназул тартиб ракIалда чIезаби, героязул ишазе ва рагIабазе битIараб къимат кьей.

Гара­чIвариялда гIахьаллъи. Жинцаго суалал кьей, малъарал асаразда тIасан лъурал суалазе къокъгоги гIатIидгоги жавабал кьей.

Текст бутIабазде биххи, гьезда цIарал лъей, цIалараб жоялъул аслияб магIна загьир гьаби (мугIалимасул кумекалдалъун).

 Хабариял, сипатиял ва пикриял текстазул хIакъалъулъ авалияб бичIчIи кьей.

  МагIна гIагарал рагIаби дандекквей; рагIул магIна баян гьаби, цо­цо рагIабазул гIемер магIна букIин лъай; мугIалимасул кумекалдалъун тексталъулъ героязул, тIабигIаталъул, лъугьа­бахъиналъул хIакъалъулъ бицунел рагIаби ва предложениял рихьизари.

Практикияб къагIидаялъ маргьаби, харбал, кучIдул ратIа гьари.

III класс

    Малъарал асаразул, лъугьа­бахъиназул тартиб чIезаби. Жидецаго текст магIнаял бутIабазде биххи, мугIалимасул кумекалдалъун гьезулъ цIикIкIун кIвар бугеб бакI балагьи. ТIубанго тексталъул ва гьелъул щибаб бутIаялъул аслияб пикру загьир гьаби, гьезда цIар лъей.

МугIалимасул кумекалдалъун малъарал (цIаларал) асаразул план гIуцIи. Планалда рекъон мухIканго, гьоркьоса бищун, къокъго яги гIатIидго, хIасил бицин. Хабариял, сипатиял ва пикруял текстал гIуцIи ва каламалъулъ гьездаса пайда босизе бажари. 

Гара­чIвариялъулъ гIахьаллъи: лъурал суалазе жавабал кьезе, цо чIванкъотIараб темаялда тIаса кIалъазе, гьалмагъзабазул кIалъаялъухъ гIенеккизе бажари.

Жидеца цIалулеб тексталда жаниса ричIчIуларел рагIаби ва предложениял ратIарахъи, гьезул магIна мугIалимасда цIехей.

Диафильм хIисабалда малъараб (цIалараб) тексталъулъ кколел лъугьабахъиназул тартибалда суратал церечIезари.

Жидерго халкквеялъул, цIалдохъабазул гIумруялъул хIакъалъулъ хабар бицин.

Хабар бицунаго,       синонимаздаса,         сипатиял        рагIабаздаса ва предложенияздаса пайда боси.

Героязул, тIабигIаталъул, лъугьа­бахъиназул сипат­сурат бихьизаби, авторас хIалтIизарулел рагIаби ва предложениял тексталъулъ жидецаго рати.

МугIалимасул кумекалдалъун малъарал асаразулъ лъугьа­бахъиназе ва героязул ишазе битIараб къимат кьей.

Каламалъул   гьаркьилаб     культура        камиллъизаби,          литературияб къагIидаялда рекъон рагIаби аби.

Халкъиял асараздаса литературиял асарал ратIа гьари.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

3 – абилеб классалъул авар мац1алъул хъваялъул тематикияб план

(анкьида жаниб 2 саг1ат)

№	Дарсил тема	Ц1иял  раг1аби	Гьумер
1	Мац1алъул ва каламалъул бут1а х1исабалда текст, предложение ва раг1и.	1-      себ къаг1идаялдаса пайда босе	3
2	Предмет, предметалъул г1аламатал ва предметалъул ишал рихьизарулел раг1аби	Ризаб, шал,  багьана, канах1ехь,	6
3	Рагьарал ва рагьукъал гьаркьал. Е, Ё, Ю, Я  рагьарал хIарпал.	Улка, ц1улакьо, паст1аби, ниха, буг1а, пурч1ина, лъелъ, габани, хилъало	11
4	Геминатал ва лабиалиял гьаркьал.	Кьуч1ав, пасат, лъалхъи, хведер, г1одорлъаби, беэнаб	13
5	Грамматикиял тIадкъаялгун диктант.
6	Диктанталъул анализ Предложениялъул тайпаби: хабарияб, суалияб ва тIалабияб.	Нур, лачен, гаргади, ч1имиг1аб, агъаз, жанаварал, харибак1, рехъен, мегъ,	17
7	Интонациялде балагьун, ахIул предложение.	Расалъи, г1синпихъ, перело, г1урдах1ан	23
8	Предложениялъул бетIерал членал: подлежащее, сказуемое ва битIараб дополнение.	Барти, турут, жаккигъвет1	28
9	Предложениялъул бетIерал гурел членал.	Лъелал, бач1ин,	34
10	Предложениялъулъ рагIабазда гьоркьоб бугеб бухьен.	Нилъу	36
11	РагIабазул дандрай	Регьелх1алаб, х1отокьераб	37
12	РагIабазул дандраязулъ аслиябги нахъбилълъарабги рагIи.		38
13	РагIабазул дандраязулъ рагIабазда гьоркьоб бугеб бухьен.		39
14	Ругьунлъиялъул изложение.
15	Раг1ул г1уц1и	Г1аммаб	40
16	МагIна гIагарал рагIаби.	Г1ангур	41
17	Кьибил ва кьибил цоял рагIаби.	Ч1аради, хъаравул,	41
18	Кьибил цоял рагIаби ва цого цо рагIул формаби.	Щаг1ихъаби, ресукълъи	42
19	РагIул ахир ва аслу.	Залимаб, тарбия,	43
20	Суффикс.Суффиксазул кумекалдалъун цIиял рагIаби лъугьин.	Имг1ал, богогьан, ч1ваг1ади	47
21	РагIул аслуялъулъ кколел рагьарал ва рагьукъал гьаркьазул хиса-басиял.	Муч, х1ехь, кьили, рук1ун, чан, божилъи	50
22	Тексталъул гIуцIи. Текст рекIехъе хъвай.	Заг1ипаб,	57
23	Хабарияб текст. Сураталдасан сочинение.
24	Суалазда рекъон изложение.
25	Контролияб диктант
26	Диктанталъул анализ
27	Каламалъул бутIаби: предметияб цIар, прилагательное, глагол.	Шаршав,	59
28	Каламалъул бутIаби цоцаздаса ратIарахъи. Каламалъул бутIабазул синтаксисияб роль.	Риц1, чапар	62
29	Хабарияб текст (гIаммаб бичIчIи), Хабарияб тексталъул изложение	Лабаллъи, кули, къанаг1ат,	63
30	Изложениялъул анализ
31	Предметияб цIаралъул магIна, гьелъие лъолел суалал ва предложениялъулъ гьелъ тIубалеб хъулухъ.	Ч1еп, даци, г1инт1и, къенезе, сасу г1адаб бег1ераб г1унк1рукь	64
32	Хасал ва гIаммал предметиял цIарал. Хасал предметиял цIаразул бетIералда кIудияб хIарп.	Гамущ, х1оргец1, г1орк1к1ен, лъинква, г1анхвара, г1анса,	69
33	Хасал предметиял цIаразул бетIералда кIудияб хIарп.	Пахь, дибир, накъит,	72
34	Предметияб цIаралъул жинс: чиясул, чIужуялъул ва гьоркьохъеб.	Мина, ноц1, гурмендо,	76
35	Лъабабго жинсалда х1алт1изарулел предметиял ц1арал	мажбикь, рахъубикь,	81
36	Предметияб цIаралъул цолъул ва гIемерлъул форма.	К1алг1а, рахълъен, къванща, г1оноригь,	83
37	ГIицIго цолъул формаялда хIалтIизарулел яги гIицIго  гIемерлъул формаялда хIалтIизарулел предметиял цIарал.	Накъищ, муч1дул	88
38	Предметиял цIарал падежазде свери (асл.п., акт.п., хас.п., кьов.п. ва ж. п.).	Масъала, мигьир,	90
39	Ругьунлъиялъул изложение.
40	Изложениялъул анализ
41	Подлежащее предметияб ц1аралъул кинал падежазда бук1унеб?	Нек1о, циндаго, угьи, гиригара, мач1гояб	93
42	Предметияб ц1ар хисулеб къаг1ида.	Кьужна,	97
43	Контролияб диктант.
44	Диктанталъул анализ.
45	Прилагательноялъул магIна, гьелъие лъолел суалал ва предложениялъулъ гьелъ тIубалеб хъулухъ.	Дурус, т1урччи, гуч, сурукъаб,	99
46	Прилагательноялгун предметиял цIарал  рухьун рукIин.	язихълъи, мах1румлъи	101
47	Цого яги гIага-шагараб  магIнаялъулги гIаксаб магIнаялъулги  прилагательноял.	Цудунаб, бугьараб, щокъаб,	103
48	Сипатияб текст, гьелъулъ прилагательноялъул бугеб кIвар.		105
49	Прилагательноял жинсазде хиси.	Тохав, хазина, кьерхараб, т1икъва,	107
50	Прилагательноял формабазде хиси.	Г1азизав, саву, хаган, т1ала,	110
51	Прилагательноял формабазде хиси.	Бахилав, сахаватав, хъач1ав, х1алимав, гьеди,	113
52	Грамматикиял тIадкъаялгун контролияб диктант.
53	Диктанталъул анализ
54	РикIкIеналъул магIна ва гьелъие лъолел суалал (чан? чанабилеб? чанабилей? чанабилев? чанабилел?).	Чинари, бигьаро,	116
55	Къадаралъул ва иргадул рикIкIенал ва гьезул битIунхъвай	Ц1аг1ел, мач1у, сак1, г1асру, булбул,	119
56	Глаголалъул магIна, гьелъие лъолел суалал ва предложениялъулъ гьелъ тIубалеб хъулухъ.	Хъап	121
57	Глаголал – синонимал ва антонимал	Х1ебт1ула, пагьму, гьаругьинан,	126
58	Глаголал – омонимал .	Парча, х1анкъва,	128
59	Сураталдасан сочинение. Пикрияб текст.	Г1асиял тушбаби	130
60	Глаголал заманабазде хиси.		131
61	Араб заман.	Палугьан, гьурщана, гьорчо, парсал, ц1абуц1ана	134
62	Бач1унеб  заман.	Чадиро	137
63	Г1ахьалаб заман.	Цагъур, г1ак1а	140
64	Гьанже заман.	Гъадизе, т1емет1и, бигьана	144
65	Жинсиял глаголал.		149
66	Лъаг1алида жаниб малъараб такрар гьаби		153
67	Лъаг1алида жаниб малъараб такрар гьаби		159
68	Контролияб диктант

 

 

 

 

 

 

 

 

 

 

 

 

 

 

 

 

 

 

 

 

 

 

3-абилеб классалъул авар мац1алъул ц1алиялъул тематикияб план

(анкьида жаниб 2 саг1ат)

№	Дарсил тема	Гьумер	Саг1ат
1	Т1ехьалъулгун лъай-хъвай гьаби. «Маг1арулазул Ват1ан» Р. Х1амзатов	3-4
2	«Рии» сураталдасан х1алт1и «Рии рак1алде щвей» М. Г1абдулаев.	6-8
3	«Чвахунц1ад» А. Ахъаев «Риидал муг1рузда»Х!.Казиев	8-11
4	«Риидал маг1арул росулъ»Г!-Х!. Шахтаманов «Лъар щвей» А.Мух1амаев	11-14
5	«Нуралъул к1амури» А.Х!амзатов Г1ухьбузул ц1адухъ  М.Гунашев	11-14
6	Класс тун къват1исеб ц1али «Мокъокъил т1анч1и»	20-24
7	Калам цебет1езабиялъул х1алт1и
8	«Дагъистаналъул т1абиг1ат» «Дагъистаналда» Ф.Г1алиева	27-29
9	«Т!абиг1ат ва нилъ» М.Пришвин Чаргъадил т1инч1алъе гьабураб кумек М. Хириясулаев	29 31
10	«Х1анч1и нилъер гьудулзаби руго» А.Мух1амаев «Хириял х1анч1и»И.Утарбиев	32-34
11	«Гъарц1и» «Росулъ бижараб кеч1»	35- 38
12	Класс тун къват1исеб ц1али «Чиги чинаридул гъвет1ги»	36-37
13	«Хасалихълъи» К.Ушинский «Херасул гъвет1» Х1. Гъазимирзаев	40-42
14	Калам цебет1езабиялъул дарс
15	«Хасалихъе росулъ» М.Мух1амадов «Хасалихълъи»  М.Гъазиев	42-45
16	«Огь, дир караб  гъалат1»  М. Мух1амадов «Хасалихълъи» М.Гунашев	45-49
17	«Х1алухъен» .Г1абдулаев «Росулъ»  Г1.Хачалов	49-52
18	«Рохь» И.Соколов-Микитов «Хасалихъе къаси мех» М.Насрулаев	52-54
19	«К1ух1алав»М.Мух1амадов «Хасалихълъи» М.Хириясулаев	55-59
20	Класс тун къват1исеб ц1али «Ч1ух1араб гагу»	59-62
21	К/ц Сочинение «Хасалихълъи»
22	«Т1амах»  Г1. Мух1амад «Гьит1инав бах1арчи»Б.Х1ажиев	62-65
23	«Г1андадерил х1орихъ» М.Хириясулаев «Ракъи» М.Насрулаев	66-70
24	«Бокьула дие мун маг1арул т1алъи» Н.Г1исаев «Гъвет1» Х1 Гъазимирзаев	70-71 76-77
25	«К1одол гъалат1» Г1. Хачалов «Царал х1алихьалъи» М.Г1абдулаев	77-83
26	«Иргаби» Г1. Мух1амад «Г1анк1» М.Мух1амадов	83-87
27	Класс тун къват1исеб ц1али «К1иго г1еч»	71-76
28	«Маг1арухъ хасалихълъи» Г1.Мах1амад Лъималазул г1умру ва гьезул ишал «Баркала»	87-89
29	«Гьудуллъи» В.Осеева Ц1алдохъабазе Ц1адаса Х1амзатил хит1аб.	90-93
30	«Гьудуллъи» М.Г1абдулаев «К1иго гьудул» Л.Толстой	93-95
31	«Гьудуллъи» Х1.Гъазимирзаев «Мурад ва гьесул гьудулзаби» Н.Юсупов	96-97 100-101
32	«Операция» М.Мух1амадов «К1ух1алав ц1алдохъан»Ц1.Х1амзат	102-106
33	«Чаландарил сапар» А. Мух1амаев «Адаб»  М.Мух1амадов	107-110
34	Класс тун къват1исеб ц1али «Марям кант1арай куц»	97-99
35	Калам цебет1езабиялъул дарс.Сочинение
36	«Лъик1аб щайха малъич1еб»М.Хириясулаев «Бихьиназул х1алт1и» С.Аскаков	113-116
37	«Ц1улал самолет» Л.Обухова «Т1оцебесеб роржен»	117-119
38	«Бихьинчи х1амзат» Х1.Гъазимирзаев Вит1арав щив? Т1екъав щив? М.Г1абдулаев «Учитель» Х.Гъазимирзаев	120-122
39	«Ц1орораб хасел» Хасалил г1анч1лъи. К.Ушинский «Хасел» Г1. Шейхов.Хасало х1орихъ	124-127
40	Класс тун къват1исеб ц1али «Талих1» (маргьа)	130-131
41	«Херлъараб хасел» М.Гунащев «Лъималазе хасел хирияб буго»И.Утарбиев	128-129
42	«Т1аде щвана Ц1ияб сон».В.Бианки « Ц1ияб сон» Ц1.Х1амзат	132-134
43	«Гьобол» .Х!.Х1ажиев «Хинаб хасел».Ц1.Х1амзат	135-138
44	«Космонавтал».Г1.Хачалов «Г1азу балеб буго» Г1.Шейхов	138-140
45	Ва х1атуту,х1атуту.Кицаби.Бицанк1аби. Бищунго к1удияб бечелъи.	145-148
46	Калам цебет1езабиялъул дарс .Сочинение
47	Класс тун къват1исеб ц1али «К1иабилей эбел»	141-143
48	Васазе ва ясазе кинидахъ ах1улел.Кицаби.Бицанк1аби.  «Сих1ираб чайка»(Афгъаназул маргьа)	148-152
49	Кицаби.Бицанк1аби. «Бац1ги,церги,циги» (маргьа)	153-157
50	«Бах1арчияв вас» (маргьа)	157-159
51	«Рагъ ва рекъел» Ц1.Х1амзат «Х1амаги г1анк1ги»	161-163
52	«Цадахъ рекъон бугеб лъик1» Н.Г1исаев «Хъант1иялъул балагь».Микки.С.Шагьрулабазанов	163-166
53	«Эмен ва васал» «Салам»	169-170
54	Класс тун къват1исеб ц1али «Вацал»	167-168
55	Калам цебет1езабиялъул дарс.Сочинение
56	Рохалилаб их. «Ихдалил къо». «Их»	171-174
57	«Ихдалил г1аламатал» «Их» «Т1абиг1аталъул байрам»	175-177
58	«Х1анч1и-ахазул  гьудулзаби» М.Мух1амадов «Ихги бачун милъиршо» Х1.Гъазимирзаев	178-180
59	«Эбелалъул байрам».М.Г1абдулаев «Эбелалде»Р.Х1амзатов	180-
60
61
62
63
64
65
66
67
68

 

 

 

 

 

 

 

 

 

 

 

 

 

 

 

 

 

Скачано с www.znanio.ru

---