Урока тема: "Ц1ердешай грамматически классаш"

Урока тема: Ц1ердешай грамматически классаш.

Урока 1алашо: таблица,карточкаш

Урока декхараш: дешархошта ц1ердешай классаш йовзийтар,классни гойтамех кхетам балар; йоазув шаьрдар; меттацара безам совбаккхар

                                               УРОК Д1АЯХЬАР

1.Урока кийчо яр.

2. Ц1аг1ара болх тахкар

Хьехархочун хила тарлу хаттараши,т1адуллари,царна дала тарлу жопаши.

-Сенах оал ц1ердош?(Ц1ердош оал нахи х1амаши белгалдеш,мала? фу? яхача хаттарашта жоп луча къамаьла дакъах.

-Масалаш доаладе доалареи юкъареи ц1ердешай.

-Масса таьрахь да ц1ердеша,малаг1аш да уж? (Ши таьрахь да ц1ердеша:цхьоалени дукхалени. Цхьан х1аман е сага ц1и йоаккхачох цхьоален таьрахь оал. Шиъ е дукхаг1а х1амаш е нах белгалбечох,дукхален таьрахь оал.

-Дукхален таьрахье даха ер ц1ердешаш.

ди-…….(денош)

га-…..(гаьнаш)

йост-….(астараш)

юв-…..(овраш)

Ц1аг1а е енна 258 упражнени тохк.

2.Дошлорг

Б1аьстинг-….(подснежник)

Баппа-…..(одуванчик)

Лилинг-…..(сирень)

Хьармакх-…..(роза)

(Уж дешаш юкъе а долаш, предложенеш оттае)

3. Кердача темах кхетам балар

Улга т1а.

Из йодар йи1иг……..(я)

Ахьмад дика к1аьнк…..(ва)

Удаш додар циск …..(да)

Чам болаш кхор….(ба)

Бераш,тахан малаг1а тема хургйолаш санна хет шоана? (Ц1ердешай классаш)

Хьехархочун дош

Г1алг1ай метта,эрсий метта санна,родаш а родий чаккхенаш а яц. Г1алг1ай метта родий когаметта лелаш грамматически классаш я. Уж ялх я.

Таблица хьокха мегаргья интерактивни улга т1а.

Г1алг1ай метта ерригаш а ялх класс я.Х1ара ц1ердош цу ялх классах цхьан классе хул. Хьалхара шиъ ма1ача наьхеи кхалнаьхеи классаш я,х1аьта вож йиъ кхыча х1амай классаш я.

Б е л г  а л д а к к х а р:

1.     Ма1а нах а кхалнах а белгалбеш дола ц1ердешаш кхыча х1амай шоллаг1ча классе хул: адам да-адамаш да.

2.     Саго леладу г1улакхи цун професси белгалйоаха наьха ц1ераш шинна а классе лелаш хул( ма1ача наьха а кхалнаьха а): лор ва –лораш ба, лор я-лораш ба; хьехархо ва-хьехархой ба,хьехархо я-хьехархой ба.

3.     Тайп-тайпарча классашка чудоаг1аш дола шишша ц1ердош в1ашаг1кхетарца хьахинна чоалхане ц1ердешаш чудоаг1а кхыча х1амай шоллаг1ча класса:

4.     Да-нана да,воша-йиша да,ков-карт да

4.Йоазон болх 

Дешархошка яйт  упражнени 262.

Т1адуллар .Предложенешта юкъерча ц1ердешай классий белгалонаш къовларгашта юкъе а увттаеш,хьат1аязде.

Са воша Россе Эскаре ва. Тха новкъост лор ва. Из к1аьнк дика дешархо ва. Совдата да-нана да. Ахьмада да а лор ва,нана а лор я.Ахьмада да а нана а лораш ба.

5.     Сало1а минот

Гуйран г1анилгаш да тхо

Ткъовронаш т1а доахкаш,

Мух хьекхар-тхо г1айттар.

Г1айтта,г1айтта,г1айтта,

К1аьдача лаьтта 1олохделар.

Юха а ц1аьхха хьекхача михо

Лаьттар сиха хьалайдир.

Айдаь,айдаь,айдаь,

Кхеста,кхеста,кхеста,

Лаьтта 1олохдир.

6.Дешай диктант.(ц1ердешаш д1аязде классни гойтамашца)

Султан  ва, коартол я, 1аж ба, истол да,  во1 ва, шапша я, йиша я, 1алам да, сигале я, корта ба, камаьршал я, Маг1албик я,г1анд да,п1елг ба.

7.Кица тоаде

Дешо,лакха,бошабаьб,хозача,лоам.

Хозача дешо лакха лоам бошабаьб. (синтаксически тохкам бе предложенена)

8. Рефлекси

-Фу хайра вайна тахан?

-Масса класс я ц1ердешай?

-Мишта къоастаю  ц1ердешай класс?

Таханара тема дика кхетаяьяле нана п1елг айбе, хаттараш дисадале-хьокха п1елг айбе, темах кхийттадеце-кулг айде.

9. Ц1аг1а бе болх балар П.41, упр.263