Զարգացնող խաղեր

Մեթոդը նպատակահարմար  է կիրառել  կշռադատման  փուլում:

Ø Տեքստը  նորից  ուշադիր ընթերցել ( ընթերցում  է  աշակերտը):

Ø Թղթի  վրա գրել տեքստի հետ  կապված  մի  քանի հարց:

Ø Ընտրել  այն  աշակերտներին,որոնց  ուզում ենք  գնահատել: Աշակերտները  մոտենում և ընտրում են հարցը, փորձում են պատասխանել հարցին:  Մնացած  աշակերտները  լսում են հարցը  և , եթե  ցանկություն ունեն, փորձում են պատասխանել այդ հարցին: 

Այս  մեթոդի  կիրառման ժամանակ  զարգանում է  բանավիճելու կարողությունը: Հարցադրումներն  ընտրում է  ուսուցիչը, որոնք  վերաբերում են  բնագրին:

Տեքստն ընթերցելուց  հետո  կշռադատման փուլում  իրականացնում  ենք  այս  մեթոդը: Առանձնացնում  ենք  տվյալ  ստեղծագործության  ամենակարևոր  նախադասությունները, որոնք էլ դառնում են  <<երկու  աստղիկ>>:  Պետք  է   շարադրեն, թե  ինչպես  կուզենային, որ  ավարտվի  տվյալ  ստեղծագործությունը, որն  էլ դառնում է  մեկ  ցանկություն:

Խաղն  անցկացվում է  դասասենյակում, թեման ամփոփելու  ժամանակ:  Ուսուցիչը  զգուշացնում  է  երեխաներին, որ հատվածներ  է  ասելու  ծանոթ  հեքիաթներից  կամ բնագրերից:  Երեխաները  պետք  է  ուշադիր  լսեն, թե  ո՛ր բնագրից  կամ հեքիաթից  է,ո՛վ  է գրել  հեքիաթը  կամ  ստեղծագործությունը: Եթե ճիշտ  է  ասված,  ծափահարում  են, իսկ  եթե  սխալ  է, թափահարում  են  ձեռքերը:          

Աշակերտները  նստած  են կիսաշրջանաձև  կամ  տեղերում: Ուսուցիչը  կենտրոնում  է: Գնդակը  նետելով  աշակերտներից  որևէ  մեկին՝  ուսուցիչն  ասում  է  բառի  առաջին վանկը, իսկ գնդակը  բռնող  երեխան  պետք  է  ասի  մյուս   վանկը:  Եթե  երեխաները  խաղի  կանոնները  լրիվ յուրացնում են, ուսուցչի  փոխարեն   խաղը  կարող  է  վարել  ակտիվ  աշակերտներից  որևէ  մեկը:        

<<ՏՐԱՄԱԴՐՈՒԹՅԱՆ  ՋԵՐՄԱՉԱՓ>> մեթոդ

   <<Տրամադրության  ջերմաչափի>>   միջոցով  որոշում  ենք  բարձր  տրամադրությունը, ցածր տրամադրությունը, առանց  փոփոխության  տրամադրությունը:

     Նպատակները՝  

v  վերհանել  դասաժամի դրական  և  բացասական  կողմերը:

v  Գնահատել  մասնակիցների  տրամադրությունը:

Գույների օգնությամբ  կատարում  են  խմբերի  բաժանում  ( կարմիր,  կապույտ,  դեղին՝  ըստ  տրամադրության): Այդ  գույներով  քարտերը ամրացնում  ենք  սեղանին կամ գրատախտակին և  աշակերտներին  ասում  ենք, թե  ո՛ր  գույնն  ինչ  տրամադրություն  է  խորհրդանշում:  Գրատախտակին  փակցված  է ջերմաչափ: Աշակերտներից  յուրաքանչյուրը  մոտենում  է սեղանին,վերցնում  է  համապատասխան գույնով   քարտը  և  փակցնում  ջերմաչափի  համապատասխան  սանդղակի  վրա:  Դրական  գույնով  քարտերը նշանակում  են. <<Ես անմիջապես  տաքացա: >>,   բացասական  գույնով  քարտը՝  <<Ես մնացի  մրսած:>>, առանց  փոփոխության՝  չեզոք  քարտը՝  <<Ո՞չ  տաքացա,  ո՛չ սառեցի>>:   Յուրաքանչյուր  աշակերտ  մոտենում է  ջերմաչափին, տեղադրում  համապատասխան  գույնի  քարտը՝  ներկայացնելով  սեփական  կարծիքը:

<<ԱՄԵՆ  ԻՆՉ ԻՄ ՁԵՌՔԵՐՈՒՄ  Է >> մեթոդ

    Նպատակն  է՝

v Պարզել  մասնակիցների  տրամադրվածությունը  դասից, միջոցառումից  կամ  էքսկուրսիայից  հետո: 

Աշխատանքի  արդյունքը  գնահատելու  համար  հարցադրումները  կատարվում  են  մատների  օգնությամբ:  Մասնակիցները   նկարում  են  իրենց  ձեռքը, ներսում գրում  են  հարցերը, իսկ  պատասխանները՝  դրսում, ապա  այդ  թերթիկը  կախում՝  ինչպես  ցուցահանդեսում:  Վերջում կատարվում  է  ընդհանուր  քննարկում:

Հարցադրումներ.

Ø  Ճկույթի վրա՝  <<Այստեղ ինձ  չհերիքեց…>>

Ø  Մատնեմատի  վրա՝ ստեղծում ենք  հոգեբանական մթնոլորտ՝ <<Լավ  էր…  Վատ էր… Ընկճված  էր…>>

Ø  Միջնամատի վրա՝ <<Այստեղ ինձ  ընդհանրապես  դուր  չեկավ…>>

Ø  Ցուցամատի  վրա՝  <<Այստեղ ես  ստացա  կոնկրետ ցուցումներ>>:

Ø  Բթամատի վրա՝ <<Այս  թեմայի  շուրջ  ես  ուզում եմ դեռ  աշխատել>>:

Կարող  ենք այս  մեթոդը   կիրառել  իմաստի  ընկալման  կամ  կշռադատման  փուլերում: