белорусский язык

Государственное учреждение образования

“Средняя школа №8 г. Лиды имени В.Ф. Казакова”

Районный этап областного конкурса видеоуроков

по учебному предмету “Белорусский язык”

“Учебно-познавательная деятельность на уроке:

от цели к результату”

2 клас

Алфавіт

Тобола Елена Ивановна,

учитель начальных классов,

г. Лида, 2024 г.

2 клас

Тэма Алфавіт

Мэта: фарміраванне практычных уменняў і навыкаў напісання слоў у алфавітным парадку.

Задачы ўрока:

·        Адукацыйныя: садзейнічаць трываламу запамінанню паслядоўнасці літар у алфавіце, развіццю ўмення правільна называць літары; адпрацоўваць навык вучняў запісваць словы ў алфавітным парадку; замацаваць уменне практычна выкарыстоўваць алфавіт пры рабоце са слоўнікам.

·        Развіваючыя: спрыяць развіццю і ўзбагачэнню слоўнікавага запасу вучняў, развіццю ўменняў будаваць алгарытмы дзеянняў, параўноўваць, рабіць вывады.

·        Выхаваўчыя: стварыць умовы для выхавання ў вучняў патрыятычных адносін да роднага краю, умення працаваць у групе, у пары і самастойна.

Абсталяванне: ПК, экран,

Дэманстрацыйны матэрыял: прэзентацыя, запіс на дошцы, карткі з заданнямі, шаблон літары А, карткі з прозвішчамі беларускіх паэтаў і пісьменнікаў, карткі з назвамі  беларускіх гарадоў, тлумачальныя слоўнікі.

Ход урока

 I АРГАНІЗАЦЫЙНА-МАТЫВАЦЫЙНЫ

- Вітаю вас, мае маленькія сябры. Сёння мы з вамі адправімся ў цудоўнае падарожжа па краіне нашай роднай мовы, куды запрашае нас пара года, што гаспадарыць у прыродзе.

- А што гэта за пара года ?

- Якія восеньскія месяцы вы ведаеце?

- Прапаную вам паслухаць урывак з верша Веры Вярбы і адказаць на пытанне “Якім словам паэтэса называе восень?”

Восень, мая чарадзейка

Восень, мая чарадзейка,
Ходзіць па лесе, пяе,
I залатая жалейка
Песні разносіць яе.

Восень, прыйдзі ты ў школу,
У светлы адчынены клас.
Песням і гульням вясёлым
Ты навучыся ў нас.

В.Вярба

- Дык якім словам паэтэса называе восень?

- А чаму яна выкарыстоўвае такую назву?

- Давайце запросім восень у наш клас. (Дадатак 1). (На дошцы размяшчаецца малюнак восені і зялёнага дрэва).

- Яна прыйшла да нас не з пустымі рукамі, а з падарункамі. І ў нас для госці таксама ёсць падарункі: нашы веды і ўменне размаўляць па-беларуску, любоў да роднай беларускай мовы. Акрамя гэтага мы дапаможам восені ўпрыгожыць дрэва рознакаляровымі лісточкамі, калі выканаем усе заданні.

- А вось і першы падарунак восені - восеньскі кактэйль.

- Давайце для ўзмацнення яго смаку дабавім яшчэ і добры настрой, і ўважлівасць, і стараннасць, і прыгаршню цяпла, і лыжачку дабрыні (настаўнік гатуе кактэйль).

- Прапаную настроіцца на сумесную і  плённую працу.

II ПРАВЕРКА ДАМАШНЯГА ЗАДАННЯ

- Прыступаем да праверкі дамашняга задання.

- Якой тэме быў прысвечаны папярэдні ўрок?( Гукі і літары)

Тром вучням я прапаную выканаць дадатковае заданне на картках (1 вучань – запісаць транскрыпцыю слоў Паўлік, толькі, дождж; 2 вучань – прачытаць транскрыпцыю слоў [Паўл’ік], [тол’к’і], [дошч].і запісаць іх літарамі; 3 вучань - палічыць гукі і літары ў словах (Паўлік, толькі, дождж)). . (Дадатак 2).

-         А мы давайце будзем працаваць усе разам.

-         Восень багата на розныя дні. А ці здагадаліся вы, якія восеньскія дні любіць Паўлік?

-         Прачытайце сказы, якія вы выпісалі дома.

(Паўлік любіць восень. Але толькі тыя дні, калі няма дажджу.).

-Назавіце па парадку гукі ў слове восень?

- Якая літара не абазначае гука?

Самаацэнка

- Дома вы ацэньвалі правільнасць і акуратнасць выкананага задання.

- Хто з вас ацаніў сябе на высокім узроўні?

- Малайцы!

- Давайце праверым, на якім узроўні выканалі заданні вашы сябры, што працавалі з карткамі. (Настаўнік разам з вучнямі аналізуе правільнасць выканання кожнага задання).

Ацэнка настаўніка

III. ПАВЕДАМЛЕННЕ ТЭМЫ ЎРОКА. МЭТАНАКІРАВАНАСЦЬ

- Ва ўступным курсе мы з вамі знаеміліся з асаблівасцямі гукаў і літар беларускай мовы.

- Успомніце з урока рускай мовы, як называецца парадак усіх літар. Дадатак 3

- Як вы думаеце, ці існуе алфавіт у беларускай мове? Чаму?

- Ці будзе ён адрознівацца ад рускага алфавіта?

 -  Паглядзіце, восень трымае ў руках заданне, звязанае з літарамі, і просіць назваць суседзяў літары (ы) у рускім алфавіце.

-Як вы лічыце, якія суседзі ёсць ў літары (ы) у беларускім  алфавіце? (Дадатак 4).

-А даведацца, правільны вы далі адказ ці не, нам дапаможа тэма сённяшняга ўрока.

- Паспрабуйце назваць яе?

- Так, тэма сённяшняга ўрока – Беларускі алфавіт.

- Нам неабходна пазнаёміцца з беларускім алфавітам, параўнаць яго з рускім, даведацца, дзе ўжываецца алфавіт, навучыцца ставіць словы ў алфавітным парадку.

- Паспрабуйце спрагназаваць свае веды па сённяшняй тэме з дапамогай кветак, якія вы размесціце на дошцы ў адпаведнасці з узроўнем ведаў. Хто лічыць , што ўсё ведае пра беларускі алфавіт, з легкасцю можа паставіць словы ў алфавітным парадку, ведае, якімі літарамі адрозніваецца беларускі алфавіт ад рускага размяшчае сваю кветачку каля знака (+); для каго гэта тэма новая і цяжкая - каля знака (–) ; хто сумняваецца ў сваіх ведах – каля знака (+-).

- Ваша прагнастычная адзнака паказвае, што нам ёсць над чым папрацаваць на ўроку, а яшчэ я магу абапірацца на дапамогу тых вучняў, хто ўжо ведае гэтую тэму.

IV ХВІЛІНКА ЧЫСТАПІСАННЯ

-         І так, пачнём. Прапаную вам хвілінку чыстапісання. (на дошцы запісаны літары о в с е ь н).

-         У першым радку запішыце літары ў адпаведнасці з пачаткам іх графічнага напісання. (з сярэдзіны рабочага радка - е, о, в; з верхняй лініі радка – с, ь, н).

-         Якое слова можна скласці з гэтых літар? (восень)

-         Падбярыце словы, якімі можна апісаць восень? (адказы вучняў. Адзін са сказаў запісваецца на дошцы і ў сшытках).

-         (Кожнай восенню прыгажэе родная Беларусь).

-         Ацаніце акуратнасць сваёй работы.

Самаацэнка

V УВЯДЗЕННЕ Ў НОВУЮ ТЭМУ

1.Актуалізацыя ведаў

- Давайце пабудзем даследчыкамі і папрацуем у парах. Параўнаем два алфавіты: рускі і беларускі. Для гэтага вы спачатку палічыце літары рускага алфавіту, а потым беларускага. Затым падкрэсліце літары, якімі адрозніваюцца два алфавіты (дзеці працуюць на картках).Дадатак 5

- Праверым, што ў вас атрымалася (вучні адказваюць на пытанні, пастаўленныя настаўнікам вышэй).

2. Вывучэнне новай тэмы

А) – Прапаную вам гульню “Літарынка”.

- Для гэтага навучымся правільна вымаўляць літары беларускага алфавіта. А дапаможа нам у гэтым алфавіт, размешчаны на форзацы падручніка. (Дзеці чытаюць хорам, звяртаючы ўвагу на тое, як правільна называецца літара).форзац падручника

- Малайцы, лічу, што вы зможаце справіцца і з заданнем творчага характару “Алфавіт у інтанацыях”. Паспрабуйце прачытаць алфавіт у адпаведнасці са знакамі прыпынку. (Па жаданні вучняў выслухоўваюцца адказы).

 “Алфавіт у інтанацыях”

А Б В? ГДЕЁ! Ж З І Й.

К Л М Н. О!П Р С Т ?У Ў? Ф! Х! Ц,

Ч, Ш. Ы? Ь?Э! Ю Я. Дадатак 6

Узаемаацэнка.

Б) –Як вы думаеце, для чаго чалавеку неабходна ведаць алфавіт?

- Дзе ён можа выкарыстаць сваё веданне алфавіта? (На дошцы размешчаны плакат з малюнкамі-падказкамі). Дадатак 7

- Давайце і мы павучымся карыстацца алфавітам.

Работа у групах

1 група: расставіць назвы садавіны і агародніны з восеньскага кошыка ў алфавітным парадку (яблык, груша, агурок, памідор, гарбуз).

2 група: расставіць кнігі на паліцы ў адпаведнасці з прозвішчам аўтара. (Р. Барадулін, Э. Агняцвет, Я. Купала, Я. Колас).

3 група: паставіць свае прозвішчы ў алфавітным парадку і пастроіцца ў адпаведнасці з ім. Дадатак 8

Праверка работы ў групах.

-         Што нам дапамагло справіцца з заданнем? (Алфавіт).

-         Ці ўсё нам удалося хутка і лёгка?

Настаўнік ацэньвае работу ў групах.

VI ФІЗХВІЛІНКА

3. Замацаванне

А) Слоўнікавая работа

- Давайце ўспомнім, якія слоўнікавыя словы вы ўжо ведаеце? (Адказы вучняў: дождж, кватэра, месяц).

- Давайце запішам іх па алфавіту.

- Сёння пазнаёмімся з новым слоўнікавым словам. Гэта слова рукзак.Дадатак 9

- Растлумачце значэнне гэтага слова. (Адказы вучняў).

- Давайце звернемся да тлумачальнага слоўніка і даведаемся, як значэнне слова падаецца ў слоўніку. (праца з тлумачальным слоўнікам)

- Каб хутчэй адшукаць слова ў слоўніку, трэба ведаць алгарытм работы з ім. Спачатку трэба вызначыць, з якой літары пачынаецца слова рукзак? (з літары эр)

- Цяпер назавём месца гэтай літары ў алфавіце? (пачатак, сярэдзіна, у канцы)

- Падумайце, у якім месцы лепш за ўсё адкрыць слоўнік? (вучні шукаюць слова ў слоўніку)

- Дзе можна праверыць яго правільнае напісанне? (у арфаграфічным слоўніку)

-Давайце завяжам вузялок на памяць. (с. 72, правіла)

- Прапаную вам запісаць у сшытак і запомніць новае слоўнікавае слова.

- Складзіце сказы з дадзеным словам. (Адказы вучняў. Вучань запісвае сказ на  дошцы, а астатнія – у сшытак).

Праверка. Самаацэнка. Узаемаацэнка

Б) Работа з падручнікам

- Восень – цудоўная пара, багатая на розныя святы. Гэтыя святы з задавальненнем адзначаюць грамадзяне Беларусі.

- Якое свята адзначаецца 1 верасня? (Дзень ведаў)

- З чым ідуць дзеці ў школу ў гэты дзень? ( кветкі і рукзакі)

- Давайце і мы збяром свой рукзак. (Вучні самастойна выконваюць практыкаванне 136).

Самаправерка па ўзоры настаўніка (нагляднасць на дошцы).Дадатак  10

Самаацэнка

VII ПАДВЯДЗЕННЕ ВЫНІКАЎ УРОКА

- Ці дасягнулі мы мэты, што ставілі сабе ў пачатку ўрока?

- Як гучала тэма сённяшняга ўрока?

- З чым мы пазнаёміліся?

- Пра што даведаліся?

- Чаму вучыліся?

- Што ў вас атрымалася?

- Прапаную кожнаму з вас звярнуцца да сваёй прагнастычнай самаацэнкі.

- Падумайце, ці змянілася яна ў вас у канцы урока?

- У каго ёсць патрэба, перамясціце сваю самаацэнку. (Дзеці выходзяць да дошкі і выказваюць сваю самаацэнку).

Выніковая самаацэнка вучняў і настаўніка

VIII ДАМАШНЯЕ ЗАДАННЕ

-         Адкрыйце дзённікі і запішыце дамашняе заданне. (вывучыць алфавіт).

IX РЭФЛЕКСИЯ

-         Звярніце ўвагу на наша дрэўца. У пачатку ўрока яно было зялёным, а цяпер стала рознакаляровым. Хто дапамог нам гэта зрабіць? (восень – чарадзейка).

-         Так, восень любіць ўпрыгожваць нашу краіну залатым колерам.Таму сады і лясы стаяць у вясёлым убранні. Затым яна гаспадарыць на палях і агародах, запальвае кастры і свавольнічае, зрывае апошнія лісточкі і засыпае родную зямлю. Любіце  восень! Любуйцеся роднай беларускай старонкай ў гэту прыгожую пару!

Скачано с www.znanio.ru