Җөмлә кисәкләре Җөмләнең баш һәм иярчен кисәкләре Җөмлә кисәкләре Җөмләнең баш һәм иярчен кисәкләре

Тема: Җөмлә кисәкләре Җөмләнең баш һәм иярчен  кисәкләре                                                                                                                           Максат:1.Укучыларны җөмләнең баш кисәкләре белән таныштыру,аларның җөмлә оештырудагы ролен билгеләү, җөмләдә дөрес табарга, кулланырга өйрәтү.                                                                                                                                                   2.Дөрес язу күнекмәләрен үстерү,җөмлә төрләрен камилләштерү,сөйләм телен баету.                                                                            

3. Табигатькә  һәм аның байлыкларына сакчыл караш тәрбияләү; укучыларны иҗади сөйләшүгә тарту; татар телен өйрәнүгә кызыксынуларын арттыру.

УУГ. Шәхескә кагылышлы УУГ:

-дөрес сөйләм булдыруга омтылыш

-үз фикереңне әйтә белү;

-төркемнәрдә килешеп эшли белү

-иптәшеңә рухи ярдәм күрсәтә белү

-фикереңне дәллили белү

Регулятив УУГ:

-уку бурычларын кую

-барлыкка килгән ситуациядә ориентлаша белү

-үз фикереңне төгәл җиткерү

-дөрестән дөрес түгелне аеру

-таныш арасыннан таныш булмаганны билгели белү

-нәтиҗәләр формалаштыру

Танып –белү УУГ

-тиешле мәгълүматны табу һәм аерып алу;

-төрле рәвештә бирелгән мәгълүматны кабул итү һәм аңлау;

-рәсемнәр, иллюстрацияләр ярдәмендә сорауларга җавп таба белү;

-укыганны анализлау;

Коммуникатив УУГ:

-башкаларның сөйләмен ишетү һәм тыңлау;

-үз фикереңә ышандыра белү;

-башкаларга аңлаешлы сөйләм төзү.

 Дәрес тибы:Яңа материалны аңлату  

Җиһазлау. Презентация, карточка

 I.Дәрес оештыру.

1.Укучыларның дәрескә әзерлеген тикшерү.

Укытучы өчен максат: балаларда яхшы кәеф, эшлисе килү халәте тудыру. Моның өчен укучылар белән әңгәмә үткәрү.

Исәнләшү.

-Хәлләрегез ничек?

- Кояшлы иртә кебек

Анам телен,Тукай телен

Өйрәнергә дип килдек.

Бер- берегезне сәламләгез,хәерле көн теләгез.

- Яныбыздагы иптәшебезне сәламлибез,

-           Укучылар! Бер-беребезгә  ,килгән кунакларга елмаеп алып,дәресебезне күтәренке кәеф белән  башлап җибәрик.

                                                                                                                                                                             II.Белемнәрне актуальләштерү                                                                                                                                       Алдыгызда карточкалар ята, игътибар итеп карагыз һәм уйлагыз!!

–Җөмләләрегезне кайсы җөмлә төренә керә дип уйлыйсыз шунда басасыз.

Җөмләләр:                                                                                                                  

Җәйге   каникул кайчан башлана?                                                                                                                                      

Без  Шурабаш  мәктәбендә укыйбыз.                                                                                                                                                                                                                                                                                                     Бүген көн ниинди матур!

-Сез килешәсезме?

-Урынннарга утырыгыз.

Ш. Проблемалы ситуация тудыру

-         Укучылар,игътибар белән тактага карыйбыз,әнием бүген эштән соң кайтты җөмләсендә ничә сүз бар?

-         Бу җөмләдә биш сүз бар.

-         Бүген сүзен төшереп калдырсак, җөмләнең мәгънәсе аңлашылырмы? Укып карыйк әле.

-         Әнием эштән соң кайтты.

-         Тагын эштән  сүзен алып карыйк.

-         Әнием соң кайтты.

-         Тагын соң сүзен алып карыйк.

-         Әнием кайтты.

-         Дөрес.Җөмлә нишләде?

-         Җөмлә кыскарды.

-         Ләкин төп фикер үзгәрдеме?

-         Юк

-         Җөмләдә төп фикер нәрсә турында?

-         Әнинең кайтуы турында хәбәр ителә.

-         Әни сүзе җөмләдә нинди вазыйфа үти?

-         Әни-эшне үтәүче,башкаручы

-         Димәк,әни сүзе нинди җөмлә кисәге була?

-         Кайтты сүзе турында нәрсә әйтә аласыз?

-         Кайтты сүзе әнинең нәрсә эшләгәнен хәбәр итә.

-         Димәк,кайтты сүзе нинди җөмлә кисәге була?

-         Укучылар,җөмлә төзү өчен , ия белән хәбәр кирәкмени?

-         Әйе,алар булмаса, җөмлә барлыкка килми. Шуңа аларны җөмләнең баш кисәкләре дип атыйлар.

-         Димәк,бүген дәрестә нәрсә турында сөйләшәчәкбез?Нинди максатлар өстендә  эш алып барачакбыз?

IV. Яңа белем һәм күнекмәләр булдыру

-         Әйдәгез сөйләшкәннәрдән чыгып кагыйдәнең моделен төзеп карыйк әле.

-         Ия турында нәрсәләр әйтә аласыз?

-         Хәбәр турында нәрсәләр әйтә аласыз?

-         Ә хәзер сез әйткән кагыйдә дөрес микән,тикшереп карыйк әле.

-          52, 53 нче (а, ә), 54—56 нчы битләрдәге кагыйдәләр укыла, анализлана

V.Ныгыту.

68 күнегү

-     җөмләләрне күчереп язарга ия һәм хәбәрнең астына сызу

69 күнегү

-     җөмләләрне күчереп язарга ия һәм хәбәрнең астына сызу

VI. Йомгаклау.Рефлексия.

–Укучылар,без бүген җөмләнең нинди кисәкләре белән таныштык?                                                       -Җөмлә кисәкләре турында нәрсә белдегез?                                                                                              

  - Бүген дәрестә барыгызда актив катнаштыгыз.Молодец!Рәхмәт.

Әйдәгез үз-үзегезне бәяләп алыгыз әле.(кызыл,яшел,зәңгәр чәчәк)

     -Cез , бүген дәресне ничек үзләштердегез икән?