Разработки уроков по ингушскому языку

                                                           Урок  №  6.                                      «       »                 201    г.

 

Тема :    Школера буфет.    Дешархочун  1уйре.

 

Урока  декхараш:  буача  кхача тайпах, дешархочун  1уйрех, дешархочун  бокъонехи   

                                   декхарехи кхетам  балар, къамаьл  шаьрдар, суртах дувцар оттаде, доши   

                                   предложении  в1аши  къоастае бераш  1омадар,  1имерзи унахц1енае   

                                   хилар кхедар.          

                                                                         

Урока кхъоачам:   сурташ, схемаш,  « Хоарсам»  яха фаьлг  т1абола е сурташ е диск.

 

                                                           Урок  д1аяхьар.

 

1.  Урока  теркам а безам а  т1абахийтар.

« Хала дар аьле,  б1у  ма къожабе,  атта дар аьле тесе а ма дита»-оалаш хиннад хьалха.Из шоана а доаг1аш да, бераш. Дешаш хала дале а дийша ваьлча атта хургда.

Тахан вай дувцаргда дешарахье дешархочохи.

 

2.  Кердача тема т1ара болх.

а) Школера буфетах кхетам балар.

 

-Укх т1ехьарча шерашка вай республике дукха керда школаш хьалъяьй. Х1ара ийче, класс боккхача безамца кийчъяь я.  Иштта хоза а  ц1ена  а я ишколера буфет. Цу чу берашка х1ама юъ, дег1аца низ хургболаш.

- Хьажал  24 – 25 оаг1онаш т1арча сурта т1а.    -  Фу гу шоана?

-Хьадувцал буача кхача тайпаш.

-Бераш, х1ана йоаг1а ер х1амаш берий даара чу?  Х1ана яг1ац?  ( Масала:чипсаш,  саьг1аз (жеват.рез.),  газировка, сухарикаш?

Берий даара тайпашка чуйоаг1а  дег1а низ лу, эшаш мел йола витаминаш шоашца йола х1амаш.  Уж эш  керто  дика болх  бара, б1арг сийрда хилара могаш шо хилара. Цудухьа баа беза чкъаьра, к1олд, нахча, шоколад, сомаш, хаьсий, кашаш, супаш,  д1.

-Мишта хила декхарийла ва дешархо  школе,  классе, буфете?

 

б)  Ловзар  «Т1оараш тоха».

-Аз тускара чура арайоахаргья тайп-тайпара юа х1амаш. Нагахьа дег1а пайдане яр из яле, оаш т1оараш  тох , еце –тохац.

 

3.Сало1а минот.  

1уйре енай , сахьат дек,                       

 Оалхазаро ший йиш лекх.

1уйранна зизаш деллалу,

Маьлхага  уж делалу.                                                                                                                                   

 

4.  Кердача тема  т1ара болх  д1ахо бахьар.

а)  Дешархочун  1уйрех  лаьца дувцар.

Бераша дувц шоашта  26 – 27 книжка оаг1онаш  т1а  гур.

Хьехархочо дувц дешархо мишта хила веза, ший  х1амашта а  школера  х1амашта а,

 мишта доал де деза.                                               

 

б)  Стихотворени  ешар. « Дас  ший  к1аьнка даь хьехараш». ( Чахкиев  Са1ид.  « Села1ад»).

Стихотворени  чулоацам тахкар.

- Мишта  йолалу шун  1уйре, дувцал?

- Мишта ду оаш бокхийчар сий?

в)  Ховли – довзалеш.

К1отарг еце а, лордаш я цун.                                           1аьржа да уж сийтта да.

Коч еце а, тийга да из.                                                       Цхьацца хилча, меттаза да,

Саг веце а, къамаьл ду цо. ( Книжка).                            Муг1араг1а  айттача, хьалувш да.

                                                                                                                                               ( Алапаш).

Цу  т1орме  чу даар дац,                                                  Цу аьшка  т1а  к1ай кхера хьекх.

Школе мара кхухьаш бац. ( Портфель).                       Кхера  т1ехьа пахашк хьекх.

                                                                                                                                             ( Улги мели).

5.  Сало1а  минот.

 

6.  Классал  арахьа дешар.

Фаьлг  « Хоарсам» хьокхар, бераш.

Берашка хьокхийтар, чулоацамах  къамаьл дар.

 

7.  Сихаоаларгаш.

К1отарга  к1ала  к1азилг  к1алъиккхар.

Дешархочо дешара книжка деш.

Харона  херхаца  хи  хоадабу.

 

8)  Урока кортабар.

- Фу хайра шоана кердадар таханарча урока?

- Фу хьех вайна  « Хоарсам»  яхача фаьлго?  ( Барт болаш хила, къахьегаш хила).

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

                                                           Урок № 5.                                         «        »              201     г.                                                                                                                                                                             

Тема:    Хьуна оакхарий.  Нах  д1а – хьа уха  г1ирсаш.

 

Урока декхараш:  хьуна оакхарий берашта довзийтар,  нах  д1а – хьа  уха  г1ирсаш  

                                 бовзийтар;  мотт  шаьрбар, дешахи предложенехи бола кхетам 

                                 ч1оаг1бар, шербар; лорваларах лаьца дувцар, сатем кхебар.

 

Урока кхоачам:    сурташ, схемаш, оакхарий мулажаш.

 

                                                           Урок  д1аяхьар.

1. Урока теркам  т1абахийтар.

    

2. Кердача тема  т1ара болх.

а)  Оакхарий  довзийтар.

- Сенах лаьца дийцар вай  д1аяхача урока?

- Малаг1аш  довз  шоана акха  дийнаташ?

- Акха  х1ана оал царех, хьадувца?

- Уж дийнаташ акха доландаь оал царех оакхарий.  Тахан шоана довзаргда  хьуна оакхарий.

- Хьажал  20 – 21 йолча оаг1онашка,  ц1и яхал,  фу гу шоана?

- Мишта  хул оакхарий оамала?

Х1ара  аькха шийна даа  х1ама,  фос лехаш лелаш хул.  Из болх  цун атта беш,  дала деннад царна сийрда  б1аргаш, хьаж хоаяла говзал, х1ама  дикаг1а  хазара йола говзал;  масса когаш, ира царгаши  м1араши.  

- Мишта  хила веза  оакхарашца?   - Сенна  эш  уж?

 

б)  Ховли – довзалеш.

Ж1але  кхоаччара гарга йолаш,                Бирса я из,

Царгаш даим иръяь йолаш,                       Кулг  д1ахьокхадалийтац,

Летача, из котйоалаш я                           Маьхий дукха доахк цох,

Вайна яйзар!  Из…..я. ( Борз).                  Тай в1алла а далац. ( З1ий).

 

Массе  х1амах кхераш я                            Д1аьха лергаш, масса когаш 

Цудухьа  из  зовза я.                                    Дукха еза цун морковкаш.  ( Пхьагал).

 

- Хьаала деша хьалхара оаз.

- Декъа  из дош дешдоакъошта.     Д1аязде  схемаца.

- Оттае предложени,  хьаала,  д1аязъе схемаца. 

 

3. Сало1а  минот.

Гаьн  т1ара гаьн  т1а кхосалу,

Б1араш лаьттара гулду.

1ай цун петар дукха йоал.

Моцалах из  к1алхарайоал.

Ший къорга чу  х1ама диэ,

Б1арашдуарг халхайоал.

 

4. Кердача тема  т1ара болх.

а)  Нах  д1а – хьа уха  г1ирсаш бовзийтар.

- Хьалха хьунаш дуне даьккха хиннай. Т1ехь – т1ехьаг1а  нах  д1абаржаш,  лаьтташ  т1а  ц1енош хьалдеш, хьунаш  д1айоахаш,  наькъаш дахкад.  Хьалха  хьунаш хиннача  г1ишлош заводаш, фабрикаш  е улицаш  я, нах  д1а – хьа ух.

- Сенца  лел нах  д1а – хьа?

Эрсий метта фу оал цу  г1ирсах?

 

- Х1ана ба уж  г1ирсаш  тайп – тайпара? (Хи  т1а, фега лелаш,  лаьтта  к1ала, наькъаш  т1а  лелаш).  

 

б)  Книжка  т1ара болх  ( 22 -23 оаг1онаш).

- Хьадувца   шоашта  гуш  дар.

- Мишта лоравала веза саг укх   г1ирса?   – Сен  кхераш ба ераш?

- Эзделаца доаг1а г1улакхаш мишта леладе деза автобусача  е кхыча транспорта чу саг  нийсвелча?

 

в)  Стихотворени  ешар  « Баскилг – милиционер».

- Бераш, шоана бовзий милиционераш  д1а – хьа лела  г1ирсаш?

- Малаг1а болх ба милиционераш  бер?  

Хьехархочо  1оеш стихотворени.   (  «Села1ад» № 12,  оаг1о 6,  2005г.)

Чулоацам  тохк хаттарашца.

Из стих – ни  язъяьр ва  Арчаков Сали.  Иштта дийнаташ юкъе дола фаьлгаш  вайна язъеш, фу ала  г1ерт вайга поэташ, йоазонхой?

 

5. Сало1а  минат.

 

6. Керда тема  ч1оаг1ъяр.

а)  Ловзар  « Хой  хьона».

Улга  т1а  сурташ да оакхарий  т1адола.  Бераша  шоайла къоастаду буц юараши,  буц а кхыйола дийна  х1ама юараши. ( Ча, борз, пхьагал,  з1ий,  б1арашдуарг, маймал, сай, нал).

 

б)  Ховли – довзалеш.

 

Ткъамаш  доахк, оалхазар дац                       Наькъа  т1а  г1олла дода  ц1а,,

Г1етте лел морх а яц,                                     Ц1аг1а  баг1а дукха нах. ( Автобус).

Г1ар цо ю, моза-м бац. (Самолёт)

 

« Чуф – чуф» яхаш бувхьаш боаг1а,

Аьшках баь из боккха  н1ана.  ( Поезд).

 

7. Урока  кортабар.

- Сенах лаьца дийцар вай таханарча урока?

- Кийчде юха урока хьадувца оакхарех дола  ховли – довзали.

 

 

 

 

 

 

 

 

 

 

 

 

 

 

 

 

 

 

 

                  Тема:     Оаз  а  алап  а « П1  п1».

 

Урока декхараш:      керда  алапаш оазаши  йовзийтар, 

                                     дешдоакъоши дешаши нийса деша

                                     хар  1омадар; текстаца  болх бе,  

                                     чулоацам тахка бераш  1омадар;

                                     къамаьл шаьрдар, предложенех   

                                     бола кхетам шербар,   ч1оаг1бар;  

                                     керда  дешаш  1омадар,  нахаца   

                                     1имерза хила хьехар.

 

Урока  кхоачам:       сурташ, алапаш, схемаш, улга  т1а   

                                     дешдоакъош, дешаш, текст.

 

                                  Урока  д1аяхьар.

1.  Урока кийчо яр, теркам  т1абахийтар.

2.  Ц1аг1а бе бенна болх тахкар.

а)  1омадаьр  кердадаккхар.     Хь,  къ,  т1,  г1,  к1,  аь.

- Декъа алапаш шин дакъа.

- Мишта декъа йиш я уж? ( Мукъаза, мукъа.  К1аьда  ч1оаг1а  хьаракаца дараши « 1» яхача  алапаца дараши).

- Кхы малаг1а шолха алап  1омадаьд вай? ( Кх).

- Дувца вай  т1еххьара  1омадаьча  алапех, цо белгалъеча оазех лаьца.

 

б) Шаьра дешар.

Дешаш дешар.  Дувцар « Т1ий» дешар.

 

    3.  Кердача тема  т1ара болх.

 

 а)  Оазаш  [ п1 ], [ п1̉]  йовзийтар.

 

 

- Фу оалаш хиннад хьалха кхалнаха  цецбаьлча е шоаш раьза боацилга хьахайташ? ( Ипп1алий).

- Хьаалал из дош оаш.  Хьаалал  [ п1 ]  яха оаз.

- Д1аозаел, илли алал.

- Мишта я из оаз?

- Малаг1а да  к1иран пхелаг1а  ди?

- Мишта я хьалхара оаз?

- Оттаде цу дешаца предложени,  хьаала.

- Фу ди да из « п1аьраск»?  Мишта хила веза саг?

- Фу ду оаш цу дийнахьа?

                                                                           

б)  Алапаш  « П1,  п1»  довзийтар.

Хьехархочо   д1ахьокх  алапаш, дувц  царех  лаьца.

- Хьалахал, бераш, из алап алфавита  т1ара.

 

4.  Сало1а  минот.

5.  Кердача тема  т1ара болх  д1ахо бахьар.

а) Дешдоакъош  дешар, керда дош довзийтар.

Улга  т1а:  п1а,   п1о,   п1е,  п1аь.

Керда дош – хумп1ар – кобура.

 

б) Дешаш  дешар.

П1АЬРАСК             П1ЕЛГ       П1ЕНД       ХУМП1АР.

- Х1ара дешаца  оттае  предложени.

              ТЕКСТ  ЕШАР.

              П1АЬТ1АМАТАШ ( Тюльпаны).

Б1аьсти  йоалаш  т1адоал  п1аьт1аматаш.  Ц1е а,  к1ай а, алхха а (розовые),  1ажаг1а а хул уж.  Хоза  хьаж  йоаг1а царех.  Кхалнаьха  ц1айца  даькъалъювцаш  лургда аз сай нанна.

 

а) Хоржаш дешар.

- Мишта да йоах  п1аьт1аматаш беса?  1одеша.

 

- Маца  т1адоал уж?

- Сен лу аз уж нанна?

- Мишта да уж хьажа?

 

6. Сало1а  минот.

 

7. Книжка  т1ара болх.

 

Текст ешар, чулоацам тахкар.

а)  Хьехархочо еш.

б)  Бераша  шоаш еш.

в)  Хоржаш деш.

Суртах  къамаьл дар.

- Мишта де деза саго къамаьл?  Кулгаш  д1а – са ухийташ  де мегий?

- Наха  п1елг  т1ахьокхар мишта лоарх1?

 

8.  Урока кортабар.

-  Малаг1а керда дош дайзар шоана?

- Малаг1а керда алап дайзар шоана?

 

9.  Ц1аг1а бе болх балар.

Шаьра  деша ,  оаг1о № 105.

 

 

 

 

 

 

 

                                                                       Урок №  18.                       «       »                  201       г.

Тема:       Оаз  а алап а  « Д, д».

 

Урока   декхараш:       оазаш   [ д  ] ,  [ д '] ,алапаш Д,д  довзийтар, предложенеш, дешаш деша

                                        бераш  1омадар, къамаьл шаьрдар, предложенех бола кхетам шербар,     

                                        ч1оаг1бар, къахьегаш,  1имерза хила хьехар.

 

Урока  кхоачам:           алапаш, сурташ, схемаш.

 

                                                           Урок  д1аяхьар.

1.  Ц1аг1ара  болх  тахкар.

« З1анарах» дешай «боаг1илгаш» дешар, предложенеш ешар.

Муг1арах дешар.

 

2. Керда тема йовзийтар.

                        Доккха диг дадега да,

                        Дахча доаха диг Ира да.

-  Аз  1одийшача  муг1арашка ладийг1ача,  малаг1а алап  1омадергда, довзаргда шоана тахан?

- Сенах хайра шоана из?

 

3.  Кердача   тема  т1ара болх.

а)  Оазаш   [ д ], [ д']   йовзийтар.

-  Малаг1а  дош лачкъад укхаза?    ( Дак '  (ива), Хох '', кад '    -   дахка).

- Фу аькха да из?    Фу хов шоана цох?

- Декъа дош  « дахка» дешдоакъошта.

- Малаг1а схемаш еза  из дош  д1аяздеш? ( Улга  т1а хьаю схема).

- Улга  т1а цхьан беро алапех оттаду из дош,  вокхо схемах оттаду.

- Малаг1а оаз хоз шоанадеша хьалха?

- Такха  мишта  я из  оаз?

Сурт  «диг»  улга  т1а доала.

- Малаг1а дош лачкъад укхаза?  ( Ди – день).

- Довзий шоана  к1ира  денош?  Хьадувца уж. ( Оршот, шинара, кхаьра, ера, п1аьраска,шоатта,      

 к1иранди).     

Деша тохкам бар.   К1аьда  оаз  [ д' ]  къоастаяр.

 

б)  Алапаш  « Д, д»  довзийтар.

Хьехархочо  д1ахьокх, довзийт алапаш « Д,д», хьалохийт алфавита  т1а, книжка  т1а.

 

4.  Сало1а минот.

Дахка дивана  к1ала лел.

Шортта циска тебаш лел.                                                        

Циска дахка хоабалар,

Дахка сихха чубадар.

5.Кердача тема  т1ара болх  д1ахо  б1ахьар.

Улга  т1ара  дешдоакъоши  дешаши  дешар:  да,  до,  ди,  ду,  ад,  од,  ид,  уд.

            Да – ди                       Ди – на                      Ма – д и                      дом

            Да – уд                       Ли – да                      Да – ли                      сом

Предложенеш  ешар.  Дау – ди  Ди – наи  уд.  Ма – ди  масс – са  уд.   Ма  ада,  Адам.

6.  Сало1а минот.

7.  1омадаьр  ч1оаг1дар.

Книжка  т1ара болх,  оаг1онаш 49 – 50.

 

8. Урока кортабар.

9.  Ц1аг1ара болх балар.  Дешаши  предложенеши еша , оаг1онаш  49 – 50.  

                                       

Тема:              Оаз а алап а  « М, м»  довзийтар.

                  Классал арахьа дешар  «Кхокха беза ларх1ар».                       

 

Урока декхараш:   оаз а алап а  «М, м» берашта довзийтар, из       

                                  оаз дешашта юкъера къоастае

                                  хар  1омадар, дешдоакъош деша   1омадар;    

                                  мотт шаьрбар, хаттарашта

                                  диза жоп тела бераш  1омадар;  оалхазараш  

                                  боча ларх1а дезарах дувцар.

 

Урока  кхоачам:     алапаш,  дешдоакъош,схемаш, оалхазарий

                                 сурташ   (кхокха,  къайг, бов)

                                 сурташ дувцар оттаде,  ребусаш.

 

                                       Урок  д1аяхьар.          

1.   Урока тема йовзийтар.

 

Дешара урок йолалу            Классе эттаб  х1анз сатем,

Деша вай а долалу               1омадергда алап «эм».

1омадаьд вай алап…А.

Дицлац хьона из? А –а –а.

 

- Тахан шоана довзаргда керда алап.  Х1аьта  х1анз вай кердадоаккхаргда оаш  ц1аг1а дийшар.

 

2.  Ц1аг1а  бе  бенна болх тахкар.

- Хьадувца,  сурта  т1а фу гу шоана?

- Малаг1а алап  1омадир вай  д1аяхача урока?

- Малаг1а оаз белгалъю цо?

- Мишта я из оаз мукъа е мукъаза?

- Мишта хайра шоана из?

- Малаг1а дешаш долалу «А» яхача алапаца?

 

                  

                             Ховли – довзали.

Феца дузаш да из,

Ч1оаг1а дай а да из.

Са цунца сакъердалу,                 - Фуй из?  ( Ахкарг – шарик).

Бургац сана ловзаду.          

Дешдоакъий – оазий тохкам бу цу деша. Оттае цу дешаца предложенеш.

 

3.  Кердача тема  т1ара болх.

а) Оаз  [ м ]  дешашта юкъе къоастаяр.

Улга  т1а сурташ: сом – 1аж, маьчеш, комсаш.

- Малаг1а  оаз хоз шоана дерригача дешашка?   ( Оаз [ м ] ).

- Хьаала,  х1ара дош.  Уйла е, мичахьа хоз оаз  [ м ]  хьалха,  т1ехьа,  юкъе?

- [ М ] яха оаз белгалъю  «эм» яхача алапаца.  Уж доккхеи  з1амигеи хул.( Алапий сурташ хокх)        

- Маца язду доккха алап?             

 

б) Алап «М»  дешар,  дешдоакъоши  дешаши дешар.

Хьехархочо дешийт берашка улга  т1ара алап «м»,  1омаду бераш дешдоакъоши дешаши деша.

М – м – м      ам    ма   ама маа мама.

- Дувца мала я мама?

- Мишта я из?

- Дукхаезий шоана  шо-шоай мама?

- Мишта да шо наьнаца?

- Малаг1а новкъостал ду оаш цунна?

- Тохкам бе деша  «мама» ( улга  т1а схема ю).

- 1одеша  х1аране улга  т1ара дешаш.

 

4.  Сало1а  минот.

5.  Керда тема  д1ахо яхьар.

в)   Книжка  т1ара болх.

- Хьалаха  ми1инге  яздаь   кепайоазони   кулгайоазони алапаш «М, м»

- Малаг1а  оаз белгалъю цар?    (Мукъаза).

- Кхы мишта я из оаз? ( Зовне).

- Малаг1а  бесо хьахьокх из мукъаза зовне хилар?

- 1одеша  х1аране дешдоакъош, дешаш.

       

- Малаг1а сурташ гу шоана?

- Мичахьа хоз оаз  [ м ] ?

- Дувца суртах лаьца.

 

6.  1омадаьр  ч1оаг1дар.

Ребусаш.

- Хьаала  малаг1а дешаш лачкъад укхаза?

       

 ' Маха     -  аха.       Дог'   м    - дом.            Лор'  м     -лом.           М   ' шуш        -муш. 

                                                                                      

Стихотворени   1омаяр.

                     Мекъа  Маас  метта  ва.

                     Мекъалах  цомогаш ва.

 

Классал  арахьа  дешар.

Хьехархочо  деш  «Кхокха беза  ларх1ар».

Хаттарашца тохк оаларга чулоацам.

- Фу хьех вайна оаларго?

- Мишта хила веза оалхазарашца?

 

7.  Урока  кортабар.

- Малаг1а  алап дайзар шоана тахан?

- Малаг1а оаз белгалъю цо?

- Мишта я из оаз?    ( Мукъаза, зовне).

 

8.   Ц1аг1а  бе болх балар.

Оаг1о  31 – 32, шаьра деша.

 

 

 

 

                                           Урок  №    10.                         «        »                 201        г.

Тема:    Оаз  а  алап а  «У у».

 

Лоах1ам:   оаз  а алап  а  «У, у»  довзийтар, дешдоакъоши  дешаши цу алапаца деша

                    дешархой  1омабар,  къамаьл  шаьрдар,  керда дешаш  довзийтар;  1аламцара

                    безам совбаккхар. 

 

1алашо:     сурташ ( мух, тукарг, зунгат, устаг1а, етт, ); алапаш  карточкаш  т1а,  

                    дувцар    оттаде сурт,   ребус,  ховли – довзали.

 

                                                                Урок д1аяхьар.

1. Урока  теркам  т1абахийтар.
2. Ц1аг1ара болх тахкар.

а) Ховли – довзали.

                  Сигала  г1олла  ц1аста  1аькъа  йода.

                  Фуй из ?          ( Малх).

-  Малаг1а оаз хоз шоана хьалхаг1а  из дош д1аоалаш?

-  Мишта я из?

- Кхы малаг1а дешаш довз шоана  цу алапаца   долалуш?

- Дешдоакъой  оазий тохкам бе  «малх» яхача деша.       ( Схема  ю  улга  т1а).

б)  Книжка  т1ара дешар.

 

3.  Кердача тема  т1ара болх.

Ловзар  « Тувларг».                                                         А   о    м   и  

Улга  т1ара  1одеша алапаш сиха, тувла а ца лувш.     М   о   а    и

                                                                                            И   м   о   а

Ховли – довзали.                                                       О   и    м   а

Ара  масса  д1а – хьа лелар,

Шелал  й1овхал  д1а – хьа телар

Шок а етташ  на1арах летар,

Д1айхача  дийнахьа сонна  безар  фуй?      ( Мух).

- Малаг1а оаз хоз шоана хьалха?      - Т1аккха?

- Малаг1ча шин алапах латт «му» яха дешдакъа?

- Д1аозаел  оаз  [ у ] .  Мишта  я из?

- Из оаз белгалъю шин алапаца. Хьехархочо улга  т1а  а книжка  т1а а хьахьокхийт  кепайоазони кулгайоазони алапаш  « У, у».

Оаз  [ у ] дешашта  юкъера къоастаяр, цун моттигах  дувцар.  Тускар, зунгат, бургац, устаг1а.

 

4.  Сало1а  минот.

 

5. Хьехархочо  1одешийт  алап «У»  улга  т1ара.

У     УУ       АУ    ОУ      ИУ           А     О     У    И     М

Ловзар  « Хьехархо».

Дешаши    дешдоакъоши  дешар.

МУ         МА      МИ       МО       АУ      УА        А – МУ        МУ – МУ        У – МИ     МУ – И.

 

6. Сало1а  минот.
7. Книжка  т1ара болх.

Суртацара  болх.

З1анарах  дешар.   Массане а цхьана дешар.

 34 – оаг1он  т1ара болх.

 

8.  Урока кортабар.

9. Ц1аг1ара болх.           Шаьра деша,  оаг1о 33 – 34.