Сочинение

Ушъямон тон удмурт нылкышно!         Ушъямон   тон   удмурт   нылкышно.   Маин   бен   мертталод   нылкышнолэсь зырдыт сюлэмо луэмзэ! Со сюдэ, вордэ, утьялтэ, эмъя. Маин чошатод тонэ яратэмзэ, тонэ будэтыны сюлмаськемзэ! Нылкышно­анай!  Тон адямилэн улон орез. Нош ачиз кыче шомез гинэ уг веръя со та улонын: курытэз, ческытэз, конялэз, чырсэз, кузьытэз.       Удмурт нылкышно! Гуртысь пичи гинэ коркаез но со дворецлы пормытэ. Котыраз   люка   пиналъессэ,   родняоссэ.  Пыр   али   тон   солэн   бакчаяз…  Отын сугон но кешыр, кияр но помидор, чеснок но сяртчы. Яке садын…Малпаны ик шуг   кызьы   ваньзэ   чакласа,   тодыса   ужало   та   киос.  Кужмоесь   соос,  кытияз сюрмемын, соин чош ик небыт.     Удмурт нылкышно! Со туж визьмо но мудрон адями. Нылкышно туж умой тодэ, кинлы мар кулэ, кинлы ма тупа.     Зэмос   удмурт   нылкышно!   Кытчы   гинэ   со   уг   вуылы,   кинэн   гинэ   уг пумиськылы, ноку но, нокыче учыре но удмурт луэмзэ уг ватылы, удумурт луэменыз данъяськыса, шумпотыса вераське ас кылыныз.      Ужез яратись, капчи мылкыдо ик та удумурт нылкышно.   Соин ик тонэ дунъяло та улонын.