Ирон æвзаджы бон

Уалдзæг нæм фарны къах куы æрбавæры, уæд Ирыстоны дзыллæтæ 15 майы кадджын уавæры сбæрæг кæнынц- Ирон æвзаджы бæрæгбон. Цалынмæ адæм нæ фесæфта йе взаг, уæдмæ йæ фарн цæры. Йæхи æцæг ирон чи хоны, йе взаг стыр хæзнайыл чи нымайы. йæ сыгъдæгдзинадыл тох чи кæны, цытджын Къоста фидар бындур кæмæн сæвæрдта, уыцы æвзаг æмæ литературæ никуы фесæфдзæн. Сты зондæн уацхæссæг æппæт дунейы æвзæгтæ Нæ дзы æвзарын хæстæг æмæ дæрддаг. Фæлæ ныххойыс зæрдæйы къæсæртæ, Æрмæстдæр ды- нæ мадæлон æвзаг!1899 азы, 15 майы Ирыстоныл æрцыд стыр хорздзинад – мыхуыры рацыд нæ уарзон поэт – Хетæгкаты Къостайы æнæмæлгæ чиныг «Ирон фæндыр». Сæдæ азы фæстæ та – 1999 азы нæ республикæйы президент Дзасохты Алыксандр рауагъта Указ, 15 май куыд суа- ирон æвзаг æмæ литературæйы бæрæгбон.