Конспект урока по кабардинскому языку по теме "К1эух" 2-урок (3 класс)

Темэр. К1эух. (2 урок)   Мурадыр. Псалъэ лъабжьэр зэриух макъымрэ абы къык1элъык1уэ 1ыхьэр  къызэрыщ1идзэ макъымрэ щызэтехуэм хьэрф дэк1уашэ зэщхьит1 зэратхыр  ящ1эн. Я бзэм, тхыбзэм зегъэужьын. Дыкъэзухъуреихь дунейм        ф1ылъагъуныгъэ хуа1эу къэгъэтэджын.   Урокым къагъэсэбэпыпхъэр. «Адыгэбзэ тхылъым зэрелэжьын тетрадь» (С. Л.), «Псалъэм и зэхэлъык1эр» таблицэр (Т. С.), Ребусхэр, тест      лэжьыгъэхэр                           Урокым зэрек1уэк1ынур 1. Урокым зыхуэгъэхьэзырын. 2. Къабзэрытхэмк1э лэжьыгъэ.    Р р рэ эр ра ар ри ир ру ур ры ыр ре ер ро рамэ ракетэ Ритэ Руслан Русланрэ Ритэрэ рамэр ялащ.   1)Мы тхыгъэр сытурэ бгуэш хъуну? (Хьэрф, пычыгъуэ, псалъэ, псалъэуха).   2) Р макъым сыт хужыф1эфын? (Хьэрф дэк1уашэ жьгъыжьгъ гуэгъу     зимы1эщ).    3) Псалъэхэр вгуэшыт.(Ц1э унейрэ ц1э зэдайрэ).   4) Псалъэухар сыт хуэдэ псалъэуха? (Зэра1уатэ псалъэухащ). Мы      псалъэухар зэрыупщ1э псалъэуха фщ1ы, зыхуеину нагъыщэр вгъэув.  (Русланрэ Ритэрэ  рамэр яла?)   3. Темэм елэжьын.      Лэжь. 83. а)Упщ1эхэм жэуап ефтурэ псалъэухахэр зэвгъэпэщыж.     Хэвгъэувэжа псалъэхэм я лъабжьэмрэ япыт к1эуххэмрэ къыхэвгъэщхьэхук1.    1. (Сытым?) хугум мэжаджэ,хьэлыуэ, п1астэ къыхащ1ык1. 2.  (Сытыр?) хьэцэпэцэр (сытк1э?) комбайнк1э 1уахыж. 3. Ди  нэхъыщ1эф1хэм (хэт?) нэхъыжьым пщ1эрэ нэмысрэ хуащ1. 4. Ди  нэхъыжь 1ущхэм (хэт?) сабийр яущий.      б) Нэгъуэщ1 сыт хуэдэ шхыныгъуэ къыхащ1ык1рэ хугум? (Хугум иджыри  къыхащ1ык1 хьэл1амэ, хьэнтхъупс).       Лэжь. 84.  а) Псалъэхэм фыкъеджэ. Хьэрф дэк1уашэ зэщхьит1 зыхэтхэм я  лъабжьэр зэриух хьэрфхэм гу ялъыфтэ.   (Командир – командирри, трактор – тракторри, термометр –            термометрри, метр – метрри, …   .)    б) Ри –м и п1эк1э рэ пывгъэувэурэ къэфпсэлъыж.  (Командир – командиррэ, трактор – тракторрэ, термометр –            термометррэ, метр – метррэ).     в) Хьэрфышхуэк1э кърагъажьэ псалъэхэр фигу къэвгъэк1ыж.     г) Хьэпшырри псалъэр хэту псалъэуха зэхэфлъхьэ.   (Еджап1эм дыщык1уэм хьэпшырри ди гъусэу нэк1уащ). Правилэм къыдогъаджэри ягу ирыдогъэубыдэ. Лэжь. 85, 86 –хэр вариантк1э зыхуэмыдэ лэжьыгъэхэр  ягъэзащ1э.           Лэжь. 85. а) Псалъэхэм фыкъеджэ. Хьэрф дэк1уашэ зэщхьит1 зыхэтхэм я  лъабжьэр зэриух хьэрфым гу лъыфтэ.    (Хъыбар – хъыбаррэ, къэлэр – къэлэррэ, хьэзыр – хьэзыррэ, къатыр –  къатыррэ, цыхъар – цыхъаррэ, …   ).   б) Рэ –м и п1эк1э ри пывгъэувэурэ къифтхык1и  псалъэ лъабжьэхэр   къыхэвгъэщхьэхук1.   (Хъыбар – хъыбарри, къэлэр – къэлэрри, хьэзыр – хьэзырри, къатыр –  къатырри, цыхъар – цыхъарри, …   ).   в) Къыхэгъэща псалъэхэм я мыхьэнэр псалъалъэхэм къыщыфщ1э, фи               нэхъыжьхэм феупщ1.   (Къэлэр – бжьыныху лъэпкъыгъуэм щыщ къэк1ыгъэщ, мэзым къыщок1;  хьэзыр – адыгэ цейм и хьэзырып1эхэм ярылъ пхъэ е къупщхьэ к1ыхь  ц1ык1у;  къатыр – лъапщэ зи1э вакъэ).     г) Рэ – к1э зэпыщ1а псалъэ  гупхэр къэфхь. (Назиррэ Баширрэ, цыхъаррэ чэсейхъаррэ).    Лэжь. 86. а) ­ Рэ,  ­ри пывгъэувэуурэ псалъэхэр къифтхык1. Псалъэ                лъабжьэхэр къыхэвгъэщхьэхук1.   1) Тыкъыр – тыкъыррэ – тыкъырри, плъыр – плъыррэ – плъырри, дэрбзэр – дэрбзэррэ – дэрбзэрри, уэр – уэррэ – уэрри, жэр – жэррэ – жэрри, шыр –  шыррэ – шырри, сабыр – сабыррэ – сабырри, хьэзыр – хьэзыррэ –          хьэзыррэ – хьэзырри, Музачыр – Музачыррэ, Музэчырри.   2)Тхылъ – тхылърэ –тхылъри, къэрэндащ – къэрэндащрэ –                     къэрэндащри, уэс – уэсрэ – уэсри, уэсэпс – уэсэпсрэ – уэсэпсри, тепщэч –  тепщэчрэ – тепщэчри, Сулът1ан – Сулът1анрэ – Сулът1анри, Хьэчим –  Хьэчимрэ – Хьэчимри, Хьэишэт – Хьэишэтрэ – Хьэишэтри.   б) Языныкъуэ псалъэхэм хьэрф дэк1уашэ зэщхьит1 щ1ыхэтым фегупсыс. Псалъэхэм упщ1эхэр яхуэвгъэув.   в) Дунейм и къэхъукъащ1э къызэрык1 псалъэхэр къыхэфхи адэк1э   къыпыфщэ. (Уэс, уэсэпс, уэшх, уафэгъуагъуэ, уафэхъуэпск1, щыблэ, уэс,  уае).    Лэжь. 87. а) Псалъэхэм  ­ рэ, ­мэ пывгъэувэурэ фыкъеджэ. –Рэ, мэ –хэм я  п1эк1э ­ри, ­ми вгъэувурэ къифтхык1и псалъэ лъабжьэр къыхэвгъэщхьэхук1. Псалъэхэм упщ1э хуэвгъэув.  1) Сэлам –сэламри – сэламми, тэмэм – тэмэмри – тэмэмми, хуэм –  хуэмри – хуэмми, ахъшэм – ахъшэмри – ахъшэмми, мэрем – мэремри –  мэремми, лагъым – лагъымри – лагъымми, къум – къумри – къумми,  жызум –       жызумри­ жызумми, залым – залымри – залымми, уэрам –  уэрамри – уэрамми, чэм –чэмри – чэмми, жэрдэм – жэрдэмри –  жэрдэмми. 2) Шылэхъар – шылэхъарри – шылэхъарми, дэрбзэр – дэрбзэрри –  дэрбзэрми, дохутыр – дохутырри – дохутырми, нал – налри – налми,         хъер – хъерри – хъерми, хьэзыр – хьэзырри – хьэзырми, къыр – къырри –  къырми, мамыр – мамырри – мамырми, къатыр – къатырри – къатырми,  Батыр – Батырри – Батырми.     б) Псалъэхэм къарык1ыр къафщ1э: къум –ц1ыху зыщымыпсэу, къэк1ыгъэ, псы здэщымы1э щ1ып1э нэщ1; ахъшэм –пщыхьэщхьэшхэ, пшапэ  зэхэуэгъуэ; жэрдэм –хьэрычэт; лагъым –къаруушхуэ зи1эу къауэ; чэм – щыщ1эныгъэ, иримыкъуныгъэ; щыхьэр – ц1ыху куэд щыпсэу жылагъуэшхуэ; нал –  мыц1антхъуэн щхьэк1э шым и лъэгум щ1аук1э гъущ1.      в) Мамыр псалъэм мыхьэнэк1э пэгъунэгъу псалъэ къэфхь. (мамыр – псалъэмакъыншэ, сабыр). 4. Адыгэбзэ тхылъым зэрелэжьын тетрадь.    Лэжь. 1. Псалъэхэм къеджи к1эуххэр къэтхъыхь.    Лэжь. 2. Кърухэм теухуауэ пщ1эр тхы. К1эухыр къыхэгъэщ.    Лэжь. 3. Хьэндыркъуакъуэхэм сыт яшхыр, дэнэ щыпсэрэ, сытк1э сэбэп?  Псалъэхэм пыувэ к1эуххэр къыхэгъэщ.     Лэжь. 4. Ребусхэр къащ1э. Словарнэ псалъэхэм я тхык1эр уигу иубыдэ. (уэрам, тепщэч) 5. Яджар егъэбыдыл1эн.    1. Тепщэч псалъэр пычыгъуэ, макъ, хьэрф ехьэл1ак1э зэпкърыхын.             Тепщэч, теп – щэч           т/т/ ­хьэрф дэку1ашэ дэгу гуэгъу зи1эщ.           е/е/ ­ хьэрфзешэ ударенэ зытемылъщ           п/п/ ­ хьэрф дэк1уашэ дэгу гуэгъу зи1эщ.           щ/щ/ ­ хьэрф дэк1уашэ дэгу гуэгъу зи1эщ.           э/э/ ­ хьэрфзешэ ударенэ зытелъщ           ч/ч/ ­ хьэрф дэк1уашэ дэгу гуэгъу зи1эщ.           макъ. 6, хьэрф. 6.     2.Тест лэжьыгъэхэр. 1) К1эух пытщ.    а) лагъым                      б) лагерым                  в) жэрдэм 2) К1эух пыткъым.     а) дохутыр                    б) къумыр                   в)щыхьэр 6. Унэ лэжьыгъэ.     Лэжь. 88. Псалъит1 къэс щхьэхуэу фыкъеджэурэ я мыхьэнэк1э зэфлъыт.  Дэгъэхуа хьэрфхэр дэвгъэувэжурэ къифтхык1. Псалъэ лъабжьэхэр                  къыхэвгъэщхьэхук1, хьэрф дэк1уашэ зэщхьит1ыр щ1эфтхъэ.