Конспект урока по кабардинскому языку по теме "Суффикс" (3 класс)

Темэр. Суффикс.    Мурадыр. Псалъэ лъабжьэм и ужь ит псалъэ 1ыхьэр зэрысуффиксыр,  абыхэм ящыщ куэдым псалъэщ1э къызэрагъэхъур, лъабжьэр зэриух  хьэрфымрэ суффиксымрэ зэщхьу зэбгъэдэувэмэ, хьэрф дэк1уашэ зэщхьит1  тхын зэрыхуейр ящ1эн. Я бзэм, тхыбзэм зегъэужьын. Ц1ыхугъэ яхэлъу  къэтэджыным хуэгъэсэн.     Урокым къыщагъэсэбэпыпхъэр. «Адыгэбзэ тхылъым зэрелэжьын  тетрадь» (С. Л.), «Псалъэм и зэхэлъык1э» таблицэ (Т. С.), тест лэжьыгъэхэр,  интерактивнэ доска.                               Урокыр зэрек1уэк1ынур 1. Урокым зыхуэгъэхьэзырын 2. Къабзэрытхэмк1э лэжьыгъэ     Ц1 л1  т1 п1 ц1ыху л1ыгъэ ц1ыхугъэ  Ц1ыхум ц1ыхугъэ, л1ыгъэ хэлъын хуейщ.     1) Хьэрфхэм щхьэк1э сыт жыф1эфын? (Хьэрф дэк1уашэ дэгу п1ыт1ащ).      2) Ц1ыху, ц1ыхугъэ,  л1ыгъэ. Сытк1э зэпха а псалъищыр? (Ц1ыхум  ц1ыхугъэ, л1ыгъэ хэлъын хуейщ). Сыт ц1ыхугъэ, л1ыгъэ псалъэхэм  къик1ыр? (ц1ыхугъэ – ц1ыхум хэлъын хуей хьэл­щэныф1, л1ыгъэ –  хэхуагъэ, л1ыхъужьыгъэ).   3. Суффиксым теухуа правилэм къегъэджэн, ягу ирегъэубыдэн                   4. Темэщ1эм елэжьын       Лэжь. 114. а) Фыкъеджэ. Псалъэ лъабжьэхэмрэ к1эуххэмрэ  къэвгъэлъагъуэ.      б) Лъабжьэхэм къак1элъык1уэ адрей псалъэ 1ыхьэхэр щхьэхуэу  къэфпсэлъ: ­джэ, ­бэ, ­гъуэ, ­к1ей, ­1уэ, ­шхуэ.      Лэжь. 115. а) Фыкъеджэ точкэхэм я п1эк1э щытыну хьэрфхэр къафщ1э. Къабзэ – къабзащэ, дахэ – дахащэ, гуак1уэ – гуак1уащэ, щабэ – щабащэ,  щхъуант1э – щхъуант1ащэ, щ1алэ – щ1алащэ, мащ1э – мащ1ащэ, хуабэ –  хуабащэ, занщ1э – занщ1ащэ, задэ – задащэ, к1агуэ – к1агуащэ, лант1э –  лант1ащэ, лъагуэ – лъагуащэ, папц1э – папц1ащэ.     б) Суффикс –щэ­м и п1эк1э, зэрезэгък1э, суффиксхэу –бзэ, ­1уэ, ­ шхуэ  пывгъэувэурэ фыкъеджэ. Псалъэхэм упщ1э яхуэвгъэув.     в) Лъэк1ыхь псалъэм мыхьэнэк1э пэщ1эувэ псалъэр мы псалъэхэм  къахэвгъуатэ. (Лъэк1ыхь – лъагуэ).    Лэжь. 116. а) Суффикс пывгъэувэурэ псалъэщ1э къэвгъэхъуи фтхы. Псалъэ лъабжьэхэр къыхэвгъэщ.      1) Ц1ыху – ц1ыхугъэ, лэжь – лэжьыгъэ, тхы – тхыгъэ, л1ы – л1ыгъэ, жьы –  жьыгъэ, щ1ыху – щ1ыхугъэ, щхъуант1э – щхъуант1агъэ, дахэ – дахагъэ. 2) Тхэ – тхэгъуэ, к1уэ – к1уэгъуэ, плъэ – плъэгъуэ, джэ – джэгъуэ, шхэ –  шхэгъуэ, 1уэ – 1уэгъуэ, тхъэ – тхъэгъуэ, пщ1э – пщ1эгъуэ, лэ – лэгъуэ,   щ1алэ – щ1алэгъуэ, жы1э – жы1эгъуэ, щ1этхъуэ – щ1этхъуэгъуэ.    б) Къыхэгъэща псалъэхэм упщ1э хуэвгъэуви а упщ1эм жэуап хуэхъу  нэгъуэщ1 псалъэхэри къэфхь. ( Хэт?­л1ы, хъыджэбз, еджак1уэ,артист; сыт хуэдэ? – щхъуант1э, хужь, къамылыфэ, удзыфэ).     в) Ц1ыхугъэ псалъэр пычыгъуэ, макъ, хьэрф ехьэл1ауэ зэпкърыфх (интер.  доска). Ц1ыхугъэ, ц1ы­ху­гъэ  Ц1/ц1/ ­ хьэрф дэк1уашэ дэгу п1ыт1ащ ы/ы/ ­ хьэрфзешэ ударенэ зытемылъщ ху/ху/ ­ хьэрф дэк1уашэдэгу гуэгъу зимы1эщ ­ /ы/ ­хьэрфзешэ ударенэ зытелъщ Гъ/гъ/ ­ хьэрф дэк1уашэ жьгъыжьгъ гуэгъу зи1эщ э/э/ ­ хьэрфзешэ ударенэ зытемылъщ хьэрфу 5, макъыу 6.    Лэжь. 117. а) Фыкъеджэ. Къифтхык1. Точкэхэм я п1эк1э езэгъыну  суффиксхэр вгъэув. А псалъэхэм яхэт лъабжьэмрэ суффиксымрэ  къэвгъэлъагъуэ.    б) Гуащ1аф1э псалъэм къик1ыр къыжыф1э. (Гуащ1аф1э – зи къару илъ).    в) Лэжьыгъэ псалъэр зэрызэхэт псалъэурэ зэпкърыфх.   Лэжь. 118,119 – хэр жьэры1уатэу зэпкърыхын.    Лэжь. 120. Ц1ыхухэм къа1уэтэжам фыкъеджэ. Скобкэхэм дэт псалъит1ым щыщу езэгъыр хэвгъэувэурэ къифтхык1. Суффиксхэр къыхэвгъэщхьэхук1. 5. Адыгэбзэ тхылъым зэрелэжьын тетрадь.    Лэжь. 1. Мы суффиксхэр хэту псалъэ гуп тхы. ­ф1э – насыпыф1э, купщ1аф1э, гуащ1аф1э. ­гъу – лэжьэгъу, лъэрыгъу, тхэгъу, еджэгъу. ­рей – псалъэрей, джэгурей, гушы1эрей. ­ншэ – ц1ыхугъэншэ, щ1акхъуэншэ, ныбжьэгъуншэ. ­фэ – къэбыфэ, мэлыфэ, бжэныфэ, морафэ. ­к1ей – дахэк1ей, щ1ык1ей, къабзэк1ей. ­1уэ – дахэ1уэ, къабзэ1уэ, дэгъуэ1уэ.     Лэжь. 2. Упщ1эхэм жэуап ет, псалъэхэм суффикс –т пыбгъэувэурэ тхы,  дэгъэхуа хьэрфхэри дэтхэж.  (Тет? – тетт, 1ут? – 1утт, къэрэндащ – къэрэндащт, берычэт –  берычэтт, сэлэт – сэлэтт, лъэпэд – лэпэдт.    Лэжь. 3. Упщ1эхэм жэуап ет, псалъэхэм суффикс –щ  пыбгъэувэурэ тхы,  дэгъэхуа хьэрфхэри дэтхэж. (Тха? – тхащ, плъа? – плъащ, хъэмут – хъэмутщ, бабыщ – бабыщщ,  хьэщ1эщ – хьэщ1эщщ, 1эдэб – 1эдэбщ).    Лэжь. 4. Сыт мы псэущхьэ дахэм теухуауэ пщ1эр? Дэнэ щыпсэур, сыт  ишхыр, щ1ымахуэр дэнэ щрихыр? Ц1ыхур сытк1э дэ1эпыкъуфыну щыхьым? (интернет, интерактивнэ доска). 5. Яджар егъэбыдыл1эн.     Тест лэжьыгъэхэр.    1) Псалъэ лъабжьэм и ужьк1э щыт 1ыхьэм йоджэ: а) к1эухк1э;         б) префикск1э;          в) суффикск1э    2) Суффиксхэщ: а) рей, зэры, мы;        б) гъуэ, 1уэ, шхуэ;        в) джэ, и, я. 6. Унэ лэжьыгъэ.      Лэжь. 121. Къифтхык1. Точкэхэм я п1эк1э щытын хуей псалъэхэр  хэвгъэувэж. Хьэрф зэщхьит1ыр щ1эфтхъэ.