Литературон изæр: «Нæ зæрдæты цæрдзынæ…» (Джыккайты Шамилы мысæн изæр)

Бæрæгбоны хæстæ: 1.Ахуырдзауты æргом фылдæр раздахын Джыккайты Шамилы поэзимæ, цæмæй банкъарой дзырды рæсугъддзинад. 2.Скъоладзауты зæрдæты гуырын кæнын уарзондзинад ирон аив дзырдмæ. Бæрæгбоны фæлгонц: Джыккайты Шамилы портрет, йе ’мдзæвгæты чингуытæ, судзгæ мыдадзын цырæгътæ, презентаци. Бæрæгбоны цыд: (Хъуысы ирон аив музыкæ, цæуы презентаци,рацæуынц дыууæ амонæджы) 1 аг. Ǽрвылаз бирæ рæсугъд дидинджытæ фæзыны ирон литературæ æмæ поэзийы цæхæрадоны. Адæймаджы цæст сæм нал æмæ нал фефсæды кæсынæй.Шамилы марæг! Ды нæ амардтай поэты, йæ кад æмæ йын йæ намыс æнæмæлгæ скодтай. Лæгдзинадæн амарæн нæй! Йæ уацмыстæй нæм кæлдзæн йæ рæстдзинадуарзаг зæрдæйы хъарм,нæ цæстытыл уайдзысты йæ худгæ цъæх цæстытæ, нæ зæрдæты арф дардзыстæм йæ диссаджы фæдзæхстытæ! Ǽнусон у дæ ном, Ахуыргæнæг…