Сборник конспектов уроков по удмуртской литературе для 4 кл
Оценка 5

Сборник конспектов уроков по удмуртской литературе для 4 кл

Оценка 5
Разработки уроков
docx
чтение
4 кл
28.01.2017
Сборник конспектов уроков по удмуртской литературе для 4 кл
Сегодня трудно найти в интернете разработки уроков по удмуртскому языку и литературе, хотя в этом есть потребность. В небольшом сборнике предлагаются конспекты уроков по учебнику "Лыдзон книга" для 4 класса (авторы И.Ф. Тимирзянова и Т. С. Иванова). Структура уроков разработана в соответствии требований ФГОС.Сегодня трудно найти в интернете разработки уроков по удмуртскому языку и литературе, хотя в этом есть потребность. В небольшом сборнике предлагаются конспекты уроков по учебнику "Лыдзон книга" для 4 класса (авторы И.Ф. Тимирзянова и Т. С. Иванова). Структура уроков разработана в соответствии требований ФГОС.
Сборник конспектов уроков по удмуртской литературе для 4 кл.docx
 4-тӥ классын удмурт литературной чтение урокъёслы конспектъёс  Дасян бордын ужаз Якшур-Бодья ёросысь Мукши шорёзо школаысь Абросимова Валентина Викторовна покчи классъёсын дышетись 1. 1-тӥ урок. Калыккылосысь пичи но бадӟым жанръёс. (Тодэ ваён.) 2. 6-тӥ урок Мардан атай но Тутой батыр. (Предание.) 3. 10 –тӥ урок. Кузебай Герд  (Кузьма Павлович Чайников) 4. 13-15-тӥ урокъёс. Аркадий Клабуков. Палбам. 5. Урок 23. Проект. «Анатолий Леонтьев – нылпи кылбурчи но суредась» нимын презентация лэсьтӥськом.  6. Урок 24­26. Гондырпи Иши. Кык действиен выжыкыл Александр Дмитриевич Вотяков.  1­тӥ урок  Тема: Калыккылосысь пичи но бадӟым жанръёс. (Тодэ ваён.) Пуктэм ужпумъёс:  1­тӥ но 2­тӥ классын калык кылосысь пичи но бадӟым жанръёсты тодэ ваёно, соосты висъяны быгатоно.  Урокын пинал таӵе быгатонлыкъёс басьтыны кулэ: Предметной: ­ азьланьтыны калык кылос сярысь тодонлыксэ, вольыт, шонер лыдӟиськыны быгатонзэ; ­ быгатыны висъяны калык кылосысь пӧртэм жанръёсты; Личностной:  ­ вордскем кылызлы гажан мылкыд усьтыны. Регулятивной: ­ уроклы азь мугъёс пуктыны, ужан радзэ чакланы. Познавательной: – калыккылосысь пичи жанръёсты висъяны; – выжыкылъёслэсь тодметъёссэ тодазы вайыны; ­ выжыкылъёсты кыӵе мугызъя люкемез вераны. Коммуникативной: – дышетӥсен но эшъёсыныз ӵош кенешыса ужаны; – эшъёссылэсь верамзэс кылзыны но ас малпанзэ шараяны, усьтыны; – пиналъёсын кусып кылдытыса, ог­огзэс валаса ужаны;   Уроклы кутэм тӥрлык: лыдӟон книга,компьютер, проектор, экран,дасям слайдъёс         Уроклэн мынэмез. Ужпумо югдур кылдытон но уроклы азьмугъёс пуктон люкет. Пӧсь гужем тани ортчиз, Дышетскыны дыр вуиз. Ог­огмы шоры учком, Мылкыдмес шараялом. Ӟечбуръяськом, пальпотом, Дышетсконмес азьланьтом. ­   Урокын   ужан   понна   люкиськоно   луоз   туркымъёслы,   котькудды   али конвертысь кутыны кулэ куар, со куаръёс пӧртэм буёлэсь, туркымъёс кылдо буёлъёсъя.  (Бичало куаръёсты, люкисько туркымъёслы) Утчан­эскерон люкет Экран   вылэ   потэ   слайд,   слайд   вылын   возьматэмын   2­тӥ   классын   сётэм калаккылослэсь пӧртэмлыксэ возьматӥсь кластер.  ­  Учке   кластер   шоры   но   туркымъёсады   вераське   ма   сярысь   верамды   потэ кластер   шоры   учкыса.  (Калыккылосэ   пырисько   пӧртэм   жанрен произведениос: лыдъяськонъёс, выжыкылъёс, лэчыт веранъёс, чылкверанъёс, ӝогверанъёс) ­ Озьыен, ма бордын ужаломы урокын? (Калыккылос бордын)   мадиськонъёс,   чакланъёс,   кырӟанъёс,   исаськонъёс, Текст бордын лыдӟемськылэсь азьпал ужан.  ­ Усьтэ учебниктэс, лыдӟе но вералэ,   ма бордын ужаны ӵекто автороъёс. (Пичи но бадӟым жанръёсты тодэ ваён бордын) Текстлэн лыдӟон но пуштросэз бордын ужан ­   Ужаськомы   туркымъёсын.   Учебникын   сётэмын   пичи   жанръёсысь   пӧртэм произведениос, тӥ соосты кулэ люкылыны группаосы 1­тӥ туркым утча  ӝогверанъёсты, лэчытверанъёсты, визькылъёсты; 2­тӥ туркым ­ лыдъяськонъёты. кырӟанъёсты; 3­тӥ туркым шедьтоз исаськонъёсты, мадиськонъёсты. Шедьтэм   жанрдыя   солэсь   тодметъёссэ   тодады   вайыса   тетрадяды   гожтоно. /Дышетӥсь быгатэ дасяны пиналъёслы партаос вылэ пичи жанрен книгаос/  (Пиналъёс   дэмен   ужало,   шедьто   кулэзэ   жанрез,   дасясько   класс   азьын шараяны асьсэлэсь ужзэс). ­ Кылзомы, кыӵе пӧрмиз ужды. Эшъёстэс сак кылзэ, вань луонлыкты соослэсь верамзэс будэтыны асьтэлэн примереныды.  (Туркымъёс шараяло ужзэс, чаклало, дунъяло ог­огзылэсь ужзэс) ­  Котькуд   классын   асьмеос   выжыкыл   сярысь   вераським.  Тодад   вае,  ма   со выжыкыл? Азьланьтэ солэсь тодметъёссэ (сётэмын карточкаос): 1. Аспӧртэм кутсконэз. 2.Куинь пол пумиськись действие. 3. 4. Асьтэлэн мылкыддыя одӥгзэ выжыкылэз кутыса тодметъёсызъя эскере. (Пиналъёс ужало) ­   Туркымъёс   дасесь,   вералэ   выжыкыл   тодметъёсты   кутэм   выжыкылдыя. (Шараяло ужзэс) ­   Дэмласько   тӥледлы   быдэстыны   куинетӥ     ужез.  3­тӥ   классын   тӥ   тодӥды, выжыкылъёс группаослы люкисько шуыса. Вералэ соосты. Туркымъёсады кенешыса вералэ мае лыдэ басьтыса, соосты 3 группалы люко? (Кенешо, верало) ­ Книгаосады сётэмын куинь выжыкылысь люкетъёс, кыӵе группае пыртоды та выжыкылъёсты? Малы? Нырысетӥ выжыкыл люкетэз эскероз 1­тӥ туркым; Кыкетӥ выжыкыл люкетэз эскероз 2­тӥ туркым, нош куинетӥ люкетэз ­ 3­тӥез туркым.  Котькуд   выжыкыл   группае   тодады   вайыса   вералэ   асьтэлэсь   шедьтэм выжыкылдэс. (Туркымъёс ужало). Доре уж:  ­ Тодамы вайытэк кылизы чаклан кылъёс. Гуртады тодады вае  соосты.   Анай­атайёстылэсь   юаса   яке   книгаосысь   утчаськыса   ужан   тетрадяды сӥзьылэн герӟаськем но дышетскон сярысь быдэн вить чаклан кыл гожтэ. Дунъян люкет:  ­ Калыккылос дуннеез   ӵошатыны луоз сяськаясь возьвылэн. Макем турлы буёло сяськаяськись возьвыл, сокем ик пӧртэм калык фольклор. Партаос   вылын   дасямын   пӧртэм   буёлэн   бумага,   тӥ   вандӥськоды   кельшись буёлэн бумагалэсь сяська, гожтӥськоды со вылэ фольклор жанрез но доска доры мыныса юнматӥськоды борддоры. Туркымъёсады эскере буёлъёсты но жаръёсты пӧртэмесь мед луозы. Буёлъёсты возьматозы мылкыддэс. 2.   6­тӥ  урок   Мардан атай но Тутой батыр. (Предание.) Пуктэм ужпумъёс: Муромытоно преданиос сярысь тодонлыксэс;  лыдӟем произведениосысь геройёсты ӵошатыны быгатонлыксэс;   ужано   пиналъёслэсь   текстэз   сэрттон­пертчон   быгатонлыксэс   азланьтон бордын. Урокын пинал таӵе быгатонлыкъёс басьтыны кулэ: Предметной: ­ азьланьтыны вольыт, шонер лыдӟиськыны быгатонзэ; ­ быгатыны текстысь идеязэ, валтӥсь малпанзэ шедьтыны; ­ валтӥсь геройёслэсь сямзэс, ужъёссэс дунъяны; Личностной:  ­ лыдӟем произведение пыр кусыпъёс, сямъёс сярысь валаны. Регулятивной: ­ уроклы азь мугъёс пуктыны, ужан радзэс чакланы. Познавательной: – дышетӥсьлэн но эшъёссылэн пуктэм юанъёслы пыр­поч валэктон сётыны; – текстысь пӧртэм ивортэт утчаны; ­ текстъя анализ но огъян лэсьтыны. Коммуникативной: – дышетӥсен но эшъёсыныз ӵош кенешыса ужаны; – эшъёссылэсь верамзэс кылзыны; – пиналъёсын кусып кылдытыса, ог­огзэс валаса ужаны; Уроклы   кутэм   тӥрлык:  лыдӟон   книга,   компьютер,   проектор,   экран, дасям слайдъёс   Уроклэн мынэмез. Ужпумо югдур кылдытон но уроклы азьмугъёс пуктон люкет. Урокмес тани кутским, Ог­огмылы пальыштӥм. Дэмен, ойдо, ужалом, Трос визьнод ми люкалом  Гуртысь ужез эскерон. ­ Нырысь эскером кызьы ужады гуртады.  1) Эштэреклэсь кужмо луэмзэ возьматӥсь интыоссэ шедьтыса лыдӟе.  2) Кызьы нимало литератураын тодмо мае ке мултэс бадӟыматыса веранэз?  3) Цепочка амалэн текстлэсь пуштроссэ вакчиятыса вералэ. Доска вылын яке экран вылын гожтэмын визькылъёс:  Кужымед вань ке ­ визь но кулэ  ӧвӧл.  Визьмо адями котькыӵе шуг­секытэз ворме.   ­ Лыдӟе доска вылысь визькылъёсты но вералэ, кудзэ со визькылъёс пӧлысь  басьтысалды  асьтэлы улонады девизлы? Малы, валэктэ.  (Пиналъёс верало ас малпанъёссэс.) ­ Кыӵе кылъёс (понятиос) татын пуктэмын вачепумит? (Визь но кужым.) ­ Ма сярысь вераськом асьмеос туннэ урокын? (Визь но кужым сярысь.) Ужпумо югдур кылдытон но уроклы азьмугъёс пуктон  ­  Кызьы   меда   ужмес   радъялом?   (Преданиез   лыдӟом,   пуштроссэ   эскером, геройёсты ӵошатом.) Утчан­эскерон люкет.  ­  Кызьы   валаськоды   "атай"   шуэмез?   Кыӵеен   сое   пуктӥськоды   син   азяды? (Пиналъёс верало ас малпамзэс.) ­   Кызьы валаськоды "батыр" шуэмез? Кыӵеен сое пуктӥськоды син азяды? (Батыр кужмо, зол, котькинэ ворме.) ­  Кудзы   сярысь   быгатӥськоды   шуыны   "визьмо",   "кужмо"  (Атай   луыны быгатэ визьмо но кужмо но. Озьы ик батыр но луэ визьмо но, кужмо но.) Текст бордын лыдӟемлэсь азьпал ужан.  ­  Усьтэ книгадэс но лыдӟе произведенилэсь нимзэ.  (Усьто книгазэс, лыдӟо "Мардан атай но Тутой батыр.") ­ Кин луоз произведениын валтӥсь геройёсыз? (Тутой но Мардан.) ­   Быгатоды­а вераны, кудзы соос пӧлысь кужмо, кудзы визьмо?  (Кужмо одно ик луоз Тутой батыр, нош кин соос пӧлысь визьмогес вераны шуг.) ­  Али шуг вераны кыӵе возьматэмын та геройёсмы. Произведениез лыдӟыса, юанмылы валэктон одно ик шедьтом.  Физкультминутка. Огмес­огмы  лыдъялом, Физкультурае султом. Киосмес ми вӧлъялом,  Кусъёсмес позыръялом. Пуксёмы но султомы, Интыамы бызёмы. Мугормес ни кыдатом, Кужыммес ми будэтом. Текстлэн лыдӟон но пуштросэз бордын ужан Лыдӟиськомы 1­тӥ абзацез. Лыдӟем бере юанъёс: ­   Кызьы   валаськоды   "Ӟечесь   музъемъёс   кузя   ӟечесь   возьёс   но   сикъёс кыстӥсько"   шуэмез?  (Ӟеч   музъем   вылын   ю­нянь   удалтэ,     ӟечесь   возьёс вылын кузь нап турын будэ, нош сикъёс узыресь эмезен, губиен, пӧртэм емышен.) ­ Ма понна Мардан атайлэн но Тутой батырлэн куспазы даллашон кылдӥз? (Со   музъемез   киулаз   басьтыны   турттэ   Мардан   атай,     соос   шоры синмаськыса учке Тутой батыр но.) ­ Кызьы малпало геройёс   споръяськонэз сэрттыны­пертчыны?  (Соос асьсэ калыкъёссэс ог­огзы пумитэ ожмаськонэ нуозы.) ­ Кудзы соос пӧлысь кужмогес? (Тутой  трослы кужмогес но батыргес.)  Лыдӟиськомы 2­тӥ абзацез. Лыдӟем бере юанъёс: ­ Кыӵе малпанэ вуиз Мардан атай? (Кужымен уд вормы, амал кулэ.) ­ Кыӵе амал шедьтоз Мардан атай? (Пиналъёс верало ас малпанъёссэс.) Лыдӟонмес азьланьтом. " Кызьы? – паймиз Тутой батыр." кылъёс дорозь Лыдӟем бере юанъёс: ­ Кыӵе амал ӵектэ Мардан атай споръяськонзэс быдэстон понна?  (Куспазы гинэ кужымзэс мертаны) ­ Малы Тутой батыр серектӥз?   (Мардан мугорын пичи вал, Тутой со шоры вылласянь учке). ­   Кызьы   меда   калык   сямен   лэсьтыны   дэмлалоз   Мардан   атай?  (Верало   ас малпанъёсэс) ­ Лыдӟиськом "Тазьы вераськыса люкиськизы соос" кылъёс дорозь. Лыдӟем бере юанъёс: ­ Кызьы  кужымзэс мертаны ӵектэ Мардан? (ӵектэ муӵъёсты ӵыжыса сопал ярдуре вуттыны) ­  Соглаш­а  луиз   Тутой?  (Со   соглаш   луиз,   малы   ке   шуоно,   со   трослыгес кужмо вал Марданлэсь, соин со вормонэзлы оске) ­   Нош   малы   шуэмын   "Пумитаз   кескич   вазе   Мардан"  (Солэн     кыӵе   ке   но кескич малпанэз вань, соин со уг кышка) Лыдӟиськом "Тутой ас калыкез доры куаретытэк вамыштӥз" кылъёс дорозь. Лыдӟем бере юанъёс: ­ Кыӵе уж малпам Мардан атай? (Муӵез выжытӥз ик вандӥз.)  ­ Кыӵе вормонэз вал ӵуказе ӵукна Тутой батарлэн? (Тутой самой бадӟымзэ муӵез бырйиз но  ӵыжиз, со усиз шурлэн шораз) ­ Кыӵе вормонэз вал Мардан атайлэн?  (Марданлэн вандэм муӵез капчиен ӵыжыса сопал ярдуре вуиз) ­ Малы Тутой Мардан шоры абдраса учке?  (Мугорыз солэн пичи, чиед, со абдра кытысь солэн со быдӟа кужымез) Лыдӟиськомы пумозяз. Лыдӟем бере юанъёс: ­ Малы куректонэ усиз Тутой (Солы жаль сётыны ӟеч музъемез Марданлы) ­ Кызьы со малпа тупатыны кылдэм ужрадэз?  (Калыксэ Марданлы пумит ожмаськонэ ӝутыны) ­ Нош кыӵе ожмаськонэ дасям ас калыксэ Мардан?  (Азьло ик вандылыса дасяллям муӵъёссэс) ­   Кыӵе   малпанэ   вуиз   Тутой   батырлэн   калыкез?  (Муӵъёссэз   ӵыжыны быгатӥзы бере  соос асьмелэсь трослы кужмоесьгес) ­ Озьыен, берытском урокмылэн кутсконаз, выльысь лыдӟом визькылъёсмес:   "Кужымед вань ке ­ визь но кулэ  ӧвӧл", "Визьмо адями котькыӵе шугсекытэз ворме"  ­ Кудӥз визькыл зэмаз? (Визьмо адями котькыӵе шугсекытэз ворме. Малы ке шуоно Мардан атай чиед, пичи мугорыныз вормиз Тутой батырез)  ­   Малы   вормиз   Мардан?  (Тутой   оскиз   кужымезлы,   нош   Мардан калыкезлэсь вирзэ кисьтэмез ӧз поты, со калыксэ яратэ, соин визьмызлы оскыса улэ).  Текстэз лыдӟем бере ужан ­ Валэктэ, кудӥз лэчыт кыл тупа текстлэн пуштросэзлы.                       Амалын амало ӟичыез но вормод.                      Визьмо мурт уг жугиськы.                      Визьтэм вылын визьмо ворттылэ    (Текстлэн пуштросэзлы тупа " Визьмо мурт уг жугиськы.") ­ Эшеныды куспады кенешыса вералэ маин огвыллемесь, нош маин пӧртэмесь Эштэрек, Мардан, Тутой батыръёс? (Соос   ваньзы   ас   калыксэс   валто,   ас   калыксы   понна   кыл   куто,   нош ваньзылэн сямъёссы пӧртэмесь: Эштерек сётэм кылызлы ӧвӧл кузё. Тутой батыр   кужымезлы   гинэ   оске.   Мардан   атай   ас   калыкезлы   зэмос   атай, малы ке шуоно со атай сямен сюлмаське калыкез сярысь) ­ Кин тӥледлы тужгес но кельшиз но малы?  (Золгес кельшиз Мардан атай, соин котькыӵе шугсекытэз луоз вормыны) Доре   уж:  Гуртады   рольёсъя   лыдӟыны   дасяське,   геройёслэсь   мылкыдзэс куараен возьматыса. Дунъян люкет:  ­ Одӥг дырлы тӥ луоды Мардан атайлэн калыкез. Гожтэ тау карон письмо, ма понна тау карыны быгатысалды тӥ  солы?   3)  10 –тӥ урок   Кузебай Герд  (Кузьма Павлович Чайников) Пуктэм   ужпумъёс:    тодматоно   писательлэн   улэменыз,   творчествоеныз   но кылбуръёсыныз. Урокын пинал таӵе быгатонлыкъёс басьтыны кулэ: Предметной:  ­ азьланьтыны вольыт но янгышъёстэк лыдӟӥськыны быгатонзэ; ­ текстысь кулэ информация басьтыны; ­ кылбурысь кыл чеберман амалъёсты шедьтыны; Личностной:  ­ асьсэлэсь  мылкыдзэс валэктыны. Регулятивной: ­ дышетӥсь кивалтэм улсын уроклы ужпум пуктыны, ужзэс радъяны. Познавательной: ­ текстысь валтӥсь малпанзэ шараяны;  ­ текстысь пӧртэм ивортэт утчаны; ­ юанъёслы текстысь валэктонъёс шедьтыны; Коммуникативной: – дышетӥсен но эшъёсыныз ӵош кенешыса ужаны; – эшъёссылэсь верамзэс кылзыны но ас малпанзэ шараяны, усьтыны; Уроклэн мынэмез. Уроклы   кутэм   тӥрлык:  лыдӟон   книга,   компьютер,   проектор,   экран, дасям слайдъёс, юанъёсын карточкаос  Урокмес кутском, Выль визьнод басьтом. Лыдӟиськон дуннетӥ, Сэзь, йыгмыт вамыштом. Гуртысь ужез эскерон ­  Сэзь   вамыштон   понна   эскером   кызьы   дасяськиды   мылысь­кыдысь   книгае учкытэк   вераны   Г.   Верещагинлэсь   "Гужем"   кылбурзэ.   Кылдытӥськом туркымъёс, туркымъёсын кылзӥськоды ог­огдылэсь кылбур верамдэс,  бырйиськоды самой тунсыко верасьсэ, кудӥз кылбурзэ лыдӟоз класс азьын. (Пиналъёс ужало туркымъёсын, быръё усто лыдӟисьсэ) ­   Кылзом   самой   тунсыко   кылбур   вераны   быгатӥсьёссэ.   (3­4   пинал   вера кылбурез) Уж пумо югдур кылдытон но уроклы азьмугъёс пуктон   (Экран вылын Кузебай Гердлэн туспуктэмез, улон аръёсыз, кылбур) Зарни шунды ӝужалоз,  Пеймыт уез уллялоз,  Удмурт калык сьӧд тэльысь  Паськыт бусые потоз! ­   Кинлэсь   туспуктэмзэ   адӟиськоды   экран   вылысь?  (Удмурт   писатель Кузебай Гердлэсь)  ­ Лыдӟе кылбурез но вералэ кинлы сӥземын кылбур. (Удмурт кылыклы)  ­ Малы сыӵе кылъёс гожтэ Герд ас калыкез сярысь?  (Пиналъёс верало ас малпанзэс. Но соослы секытгес сётыны та юанлы валэктон) Утчан­эскерон люкет ­ Партаос вылын вань юанъёсын карточкаос. Туркымъёсады вераськыса, со юанъёслы сётэ валэктонъёс.  Эскере, кӧня юанлы вераны быгатӥды, шараялэ. (Пиналъёс ужало, шараяло ас ужзэс) Кызьы нимыз? Улон аръёсыз? Кытын вордскиз? Кытын дышетскиз? Кытын улӥз но ужаз? Кин луыса ужаз? Кин сярысь гожъяз? Ма сярысь гожъяз? Кыӵе жанрен гожъяз? Кыӵе амалъес кутыса гожъяз? Кыӵе сямо адями вал? Маин тужгес но данъяськиз улоназ? ­   Озьыен,   тодӥськомы   туж   ӧжыт.   Ойдолэ   туннэ   урокамы   тыршом   сётэм юанъёслы шедьтыны валэктонъёс. Текстлэн лыдӟон но пуштросэз бордын ужан ­ Юанъёслы валэктон утчан понна лыдӟе книгалэн   авторъёсызлэсь Кузебай Герд   сярысь   сётэм   текстэз.   Лыдӟемды   бере   берытске   юанъёс   борды,  кыӵе йылтонъёсты луозы, гожтэ. (Пиналъёс лэсьто ватсанъёс) Кызьы нимыз? ­ Кузебай Герд (Кузьма Павлович Чайников) Улон аръёсыз? ­ 1898­1937аръёс Кытын вордскиз? ­ Вавож ёросысь Покчивуко гуртын Кин луыса ужаз? ­ кылбурчи но тодосчи Кин сярысь гожъяз? ­ будӥсь пиналъёс сярысь Ма сярысь гожъяз? юрттэмзы сярысь Кыӵе жанрен гожъяз? ­ кылбуръёс, веросъёс, поэмаос   ­   пиналъёслэн   сямъёссы   сярысь,   анай­атайзылы Маин   тужгес   но   данъяськиз   улоназ?   ­     вань   улонзэ   сӥзиз   удмурт   калыкез югдытонлы. Кыӵе амалъес кутыса гожъяз? (Валэктон текстысь ӧз шедьтэ) ­   Ӟеч   ужамды,   пиналъёс,   нош   ваньмызлы­а   юанъёслы   быгатӥды   шедьтыны валэктон? (Одӥгез юанмы кылиз валэктонтэк) ­ Лыдӟом Гердлэсь кылбуръёссэ, оло шедьтом та юанлы но валэктон. Нырысь кылбурез   лыдӟе   асьтэ   понна,   собере   мылысь­кыдысь   шара   класс   азьын. (Пиналъёс лыдӟо) ­ Нош али, пиналъёс вералэ:  ­   Кыӵе суредъёс пуксё син азяды, кылбурез лыдӟыса?  (Кылбурез лыдӟыса адӟыны луэ тулыслэсь вамышъёссэ, тодметъёссэ) ­  Малы автор «Тулыс вуэ!» веранэз ньыль пол кутэ? (Со озьы аслэсьтыз но котыр улослэсь шумпотон мылкыдзэ возьматэ) ­   Кылбурысь   ӵошатонъёссэ   шедьты.  (Ӵӧжпи   зарни   бугор   кадь   питырске, писпу ӵынпыр кадь вожектэ). ­ Шедьтэ кылбурысь эпитетъёсты. (Куӵо ыжпи, зарни бугор, шулдыр бадьпу) ­   Кылбурын   «шунды   пуксе»   шуэмын.   Со   кытчы   меда   пуксе?   Кылсярысь, адями пукон вылэ пуксьыны быгатэ, нош шунды? (Шунды уг пуксьы нюлэс, гурезь, зарезь сьӧры, со инвис сьӧры ыше, пуксе кыллэн преходной смыслэз). ­ Кызьы нимало та амалэз литератураын? Сое тодомы слайдысь валэктонэз лыдӟыса. «Литератураын   таӵе  амалэз  одӥг  предметлэсь тодметъёссэ  мукет маке вылэ выжтыса веранэз метафора шуо». ­   Малы   автор   кутэ   ӵошатон,   эпитет   но   метафора   амалъёсты   кылбураз? (Соосты автор кутэ кылбурез чеберматон понна)      ­ Берытске юанъёсты борды. Быгатоды­а сётыны валэктон берпуметӥ юанлы? (Кузебай   Герд   кылбурзэ   чеберман   понна   кутылӥз   ӵошатон,   эпитет   но метафора амалъёсты). ­ Эшшо одӥг кылбурзэ лыдӟом на, оло кылдозы кыӵе ке ватсанъёсты. (Лыдӟо "Беризь" кылбурез)  Лыдӟем бере юанъёс: ­ Кылбурез лыдӟыса, кыӵе суред пуксиз син азяды? (Сяськаяськись беризь) ­   Кыӵе   куараосты   кылӥськоды,   кыӵе   зынъёсты   шӧдӥськоды,   кылбурез лыдӟыса?  (Беризь куаръёс ӵаштырто, куашето, мушъёс лобало ,бызгето, мӧль бичало, беризь сяськалэн чечы, моль зыныз котыр вӧлске) ­   Кыӵе   куараос   кылбурын   жингрес,   шулдыр   мылкыд   кылдытыны   юртто? (Кылбурчи шулдыр мылкыд кылдытыны пона кутэ чурыт куараосты р, ӵ, ж, ш) ­   Озьыен,   луоз   шуыны   кылбурчи   шудэ   куараосын,   та   амалэз   нималом   ­ куараосын шудон, но йылтом берпуметӥ юанмылэн валэктонъёсыз борды. Доре уж:  "Беризь" кылбурез мыло­кыдо лыдӟыны дасяське. Дунъян люкет:  Азьланьтэ веранэз:  Туннэ мон урокын тодӥ …, валай … 4. 13-15-тӥ урокъёс Аркадий Клабуков. Палбам. Пуктэм ужпумъёс:  Аркадий Клабуковлэн «Палбам» веросэныз тодматоно. Повестьысь геройёслэн образъёссы бордын ужано, вераськон кылзэс волятоно. Урокын пинал таӵе быгатонлыкъёс басьтыны кулэ: Предметной: ­ лыдӟем произведенилэсь пуштроссэ валаны; ­ быгатыны текстысь идеязэ, валтӥсь малпанзэ шедьтыны; ­ валтӥсь геройёслэсь сямзэс дунъяны;  Личностной:  ­   лыдӟем   произведенилэн   люкетысьтыз   геройлэсь   мылкыдзэ   валаны, пиналъёслэн кылдэм кусыпъёссы сярысь валаны. Регулятивной: ­ уроклы азь мугъёс пуктыны, ужан радзэс чакланы. Познавательной: – текстысь пӧртэм ивортэт утчаны; ­ текстъя анализ но огъян лэсьтыны. Коммуникативной: – дышетӥсен но эшъёсыныз ӵош кенешыса ужаны; – эшъёссылэсь верамзэс кылзыны но ас малпанзэ шараяны, усьтыны; – пиналъёсын ог­огзэс валаса ужаны.        Уроклы кутэм тӥрлык:  лыдӟон книга, компьютер, проектор, экран, дасям слайдъёс           Уроклэн мынэмез.  Лыдӟисьськон урок ­ паймымон урок, Котькуд чуреныз трос визьнод сётэ. Выжыкыл, верос, нош яке кылбур, Азьлань улонэ со сюрес усьтэ.  Ужпумо югдур кылдытон  ­ Кыӵеен тӥляд адӟемды потэ асьмелэсь урокмес  (Пиналъёс верало ас  мылкыдзэс) Утчан­эскерон люкет Дышетӥсь слайд вылэ поттэ суред, отын возьматэмын пичи пиен кучапи. ­ Кинэ адӟиськоды суред вылысь? Кыӵе соослэн мылкыдзы?  (Адӟисько пичи пияшез но солэсь кучапизэ, соос шудо. Кыксы ик ог­огзылы шумпото) ­ Кыӵе темаез та суредлэн? (Пияш но пуны – матысь эшъёс) ­ Тодады вае, та темалы кыӵе произведениосын пумиськылӥм ини? Кин вал со произведениослэн авторъёсыз? («Кучапи» ­ Кузебай Герд, «Ошкем пель» ­  Р. Валишин) ­ Кызьы малпаськоды, малы пӧртэм авторъёс куто та темаез гожъяськоназы? (Пуны – со адямилэн эшез, котькыӵе пияшлэн потэ вордэмез пуны) Потэ  слайд  Аркадий Клабуковлэн туспуктэменыз, вӧзаз «Палбам» книгалэн вылтусыз.   (Луоз   доска   вылэ   писательлэсь   туспуктэмзэ   ошыны   но   вайыны классэ А. Клабуковлэсь «Палбам»  повестен книга) ­ Слайд шоры учке но вералэ кыӵе писателен туннэ тодматскомы? (Аркадий Клабуковэн) ­ Кыӵе произведенизэ лыдӟомы? («Палбам» повестьсэ)  Текст бордын лыдӟемлэсь азьпал ужан.  Книгалэн йыръянэз – со азьпала учкон укно. Учкиськод со кылъёс шоры но – адӟиськод ма тонэ возьма. ­ Суред шоры но книгалэн йыръянэз шоры учкыса вералэ кинлы сӥземын луоз повесть? Кызьы валады? (Повестьын вераськоз пуны сярысь, малы ке шуоно книгалэн вылтусаз возьматэмын пуны но пичи пи) ­ Малы меда автор озьы нимам повестьсэ? (Пунылэн бамыз пало) Физкультминутка.  ­   Ойдолэ   кылзом   кучапи   сярысь   кырӟанэз   но   со   кырӟанъя   ортчытом физкультминутка.   пиналъёс   крезьгуръя   но дышетӥсьлэн возьматэмезъя лэсьто аэробикаысь движениос) Текстлэн лыдӟон но пуштросэз бордын ужан ­  Лыдӟомы   текстлэсь   нырысетӥ   люкетсэ,   лыдӟомы   киямы   карандашен. Тодмотэм,   шуг­секыт   кылъёсты   пусъе,   лыдӟыса   быдэстэммы   бере,   со кылъёсты эскеромы. (Текстэз лыдӟэ 2­3 пинал) Лыдӟем бере юанъёс: ­   Кыӵе   валантэм   кылъёсын   пумиськиды?  (Пиналъёс   верало,   верамзыя   со кылъёсты эскероно) ­ Кин повестьын луэ валтӥсь герой? Кызьы солэн нимыз? Ма быдӟа со, луиз­а валаны солэсь арлыдзэ? (Валтӥсь героез повестьын луоз Чашников Толя, со пичи на, арлыдзэ верамын ӧвӧл). ­ Шедьтэ текстысь сыӵе интызэ, кытысь валаны луэ, Толик пичи на шуыса. (Тямысэтӥ   классысь   Глазырин   Вовалэн   полярникъёс   сярысь   книга лыдӟемзэ туж сак кылзоз вал со) ­ Кыӵе сюлэмшугъяськонэз вань пияшлэн? (Солы одно ик кучапи кулэ) ­   Кытысь   солэн   йыраз   сыӵе   малпан   кылдӥз?   Текстысь   утчаса   лыдӟе (Олокытысь,   тӧл   кадь,   шуак­шуак   вуиз   но   солэн   сюлэмаз   писыръяны кутскиз) ­ Кыӵе солы кулэ вал пуны? Текстысь утчаса тетрадяды лэсьтэ кластер.     (Чузъяське   крезьгур, Кучапи кыткыны но мед луоз утӥсь визьмо юг-юг тӧдьы ­ Кыӵе кылъёсын автор возьматэ Толялэсь макем зол кучапи кулэ каремзэ?   (Сюлэмаз   писыръяны   кутскиз;   пуксет   но   ӧвӧл   ни,   уммез   но   олокытчы тӧлӟиз;  кин   ке   но   воштэм,   лэся;   бабиезлэсь   пуны   сярысь   весь   юаське, чидасьтэм луэмын; сюлэмаз шугъяськон пыриз). ­ Кыӵе пуксиз Толик син азяды (Маке малпан йыраз лыктэ ке, быдэстытэк уз буйга) ­ Нош али 3 группалы люкиськыса ужалом. а) Одӥгез туркым Толялы сӥзьыса гожтоз синквейн. Толик Пичи, чидасьтэм, Сюлэмшугъяське, юалляське, малпаське, Солы туж кулэ кучапи, Эш. б) мукетаз туркымын суредалозы Толиклэсь кучапизэ, кыӵе кучапи сярысь со малпаське.   Суред   улаз   гожтоно   кучапиезлэсь   описанизэ.   (Одӥгъёсыз суредало,   кыкетӥосыз   гожто   описанизэ   мукет   листок   вылэ,   собере суредэз вандыса ляко, ужзэс огазьяло) в) куинетӥез туркым лыдӟем текстъя лэсьтоз план.  Уждэс быдтэммы бере эскеромы. (Пиналъёс ужало) ­ Ӟечесь пиналъёс, умой ужаллям, тау тӥледлы.  Доре   уж:  Кыкетӥ   люкетсэ   лыдӟе,   валтӥсь   кылтэчетъёссэ   шедьтэ   но   со кылтэчетъёсъя пуштроссэ вераны дасяське.  Дунъян люкет:  ­   Кызьы   нимасалды   повестьысь   лыдӟем   люкетэз?   (Чашников Толялы кучапи кулэ) ӧ Аркадий Клабуков. Палбам. (2-тӥ урок) Пуктэм ужпумъёс: Аркадий Клабуковлэн «Палбам» веросэныз тодматсконэз азьланьтоно. Повестьысь образъёс бордын ужано, вераськон кылзэс волятоно. Урокын пинал таӵе быгатонлыкъёс басьтыны кулэ: Предметной: ­ лыдӟем произведенилэсь пуштроссэ валаны; ­ быгатыны текстысь идеязэ, валтӥсь малпанзэ шедьтыны; ­ валтӥсь геройлэсь сямзэс дунъяны;  Личностной: ­   лыдӟем   произведение   пыр   геройлэсь   лулпушсэ,   малпанъёссэ   валаны, аслэсьтыз мылкыдзэ вераны. Регулятивной: ­ уроклы азь мугъёс пуктыны, ужан радэз чакланы. Познавательной: – текстысь пӧртэм ивортэт утчаны; ­ текстъя анализ но огъян лэсьтыны. Коммуникативной: – дышетӥсен но эшъёсыныз ӵош кенешыса ужаны; – эшъёссылэсь верамзэс кылзыны, малпамзэс валэктыса вераны. –пиналъёсын кусыпо, ог­огзэс валаса ужаны;   Уроклы кутэм тӥрлык: лыдӟон книга, дасям карточкаос.        Уроклэн мынэмез.  ­  Ойдолэ,   ог­огмылы   кузьмалом   пальпотэммес.   Пальпотон   –   со   чеберма адямиез, котыраз кузьма капчи мылкыд, шумпотон.  Ваньмызлы тӥ кузьмалэ   Шунды пырыез. Капчи мылкыд пыӵатэ Котькуд сюлэмэ. Ужпумо югдур кылдытон но уроклы азьмугъёс пуктон Азьланьтом «Палбам» повестьлэн люкетъёсыз бордын ужмес. Гуртысь ужез эскерон Одӥгезлы туркымлы сётоно быдэстыны таблицаез (дышетӥсь сое дася азьло, колонкаосыз тыртэмесь ­ Нырысетӥ но кыкетӥ люкетъёсъя быдэстэ таблицаысь кыксэ колонкаосты Кыӵе Толиклы - утӥсь - визьмо - полярникъёслэн кадь - кыткыны но мед луоз Кыӵе   кучапи   шедиз Толиклы - оло пурысь, оло тӧдьы мугорыз тузон пӧлын лошъяськемын - быжыз купырске ини - туж тумошо никсэ - бамыз сьӧдмамын кадь виштыё Кыӵе   кучапи   луэ будэмезъя   кучапи   кулэ юг-юг тӧдьы, паллян   Дорады тӥ  лыдӟыны кулэ вал 2­тӥ люкетсэ, шедьтыны валтӥсь кылтэчетъёсты но   вераны   пуштроссэ.     Кылзомы   кыӵе   валтӥсь  кылтэчетъёсты  текстысь висъяды  (Нылпиос   верало:  возь   вылтӥ   вамышъякуз,   Чашников   мышсэ учкиз;  бӧрсяз   кукйылэс   кучапи   уйиське;  чебересь   кылъёсты   утчаса, кучапизэ нуныя; кучапи никсэ, быжыныз шонаса тэтча; Чашников мар карыны ик ёрмиз; Палбам сюреслы ваменскыса кадь ворттэ; я, табере уз кыль ни) Со кылтэчетъёсъя вакчияк верало пуштроссэ.  (Нырысетӥ   туркым   ужзэ   быдэстэм   бере   шарая   эшъёссы   азьын, пиналъёсын но дышетӥсен ӵош кулээзъя таблицаез будэто ). Утчан­эскерон люкет Пиналъёслэн быдэстэм таблицазы потэ экран вылэ ­ Учке экран шоры но вералэ быгатӥськоды­а тӥ быдэстыны 3­тӥ колонкаез. Адӟим ни­а кучапилэсь будэмзэ? (Со сярысь повестьын ӧз вераськы на) ­  Кызьы   малпаськоды   возьматоз­а   автор   кучапилэсь   будэмзэ?   Кытысь   сое адӟомы? (Возьматон азьпал люкетъёсын) Физкультминутка.  Куча­куча, кучапи, Мон тыныд корка лэсьтӥ, Вож липето, укнотэм, Эн кеся тон укылтэм.  Куча­куча, кучапи, Ойдо, ӵошен бызьылом, Тэтчалом но бергалом, Берло ужмес азьланьтом. Текстлэн лыдӟон но пуштросэз бордын ужан ­  Лыдӟомы куинетӥ люкетсэ, кылзэ сак, лыдӟеммы бере ужалоды люкетлэн пуштросэз   бордын   туркымъёсын.   (Лыдӟо   вольыт   лыдӟиськись   пиналъёс, мукетъёсыз, кылзо текстъя эскеро) Лыдӟем бере уж: ­   Нырысетӥ   туркым   азьланьтоз  таблицаен   ужзэ,   быдэстоз   отысь   3­тӥ колонказэ. (Палбам малы ке уг уты на  мурт адями шоры но лек атас шоры но; кучапиез ыж кадь востэм; мурт адямилэсь кышкась; мар меда сыӵе пуны шедьтэм?) ­   Кыкетӥ   туркым   дасяськоз   вераны   кыӵе   кылъёс   кылэ   Толик   калыклэсь кучапи пумысен?  ­   Куинетӥез   туркым   вералоз   кыӵе   адӟиське   лыдӟисьлы   та   люкетын   Толик, текстысь примеръёсын юнматэ. - Ньылетӥ туркым (Та ужез сётыны луоз лябытгес дышетскись пиналъёслы) песянайлэсь лӥятэмзэ шедьтысы лыдӟе. Эскерон ужез радъян: ­ Нырысь кылзомы кыӵе адӟиське лыдӟисьлы та люкетын Толик (Толик сюлмаськись, ӝытъёсы пуны кар лэсьтӥз. Жильы шедьтыса, зӧк ез но   кыскиз,   лапас   улысен   капка   дорозь.     Мыскылляса   серекъямзэс   чида. Оске азьланезлы. «Ай будӥд ке, трос уз серекъялэ ни! Тани Толя туэ сӥзьыл куинетӥ классэ мыноз ини дышетскыны. Уз но шӧдэ – пионере кутозы, чыртыяз  горд галстукен  ветлоз. Нош тямысэтӥ  классэ потӥз ке, соку дядиез, оло, пыӵал но басьтоз. Соос ӵошен кечаны ветлозы…». Соин ваче кучапиез   сое   сюлэмшугъяськытэ:   «Кызьы,   мар   сямен   сое   дышетом утыны?»). ­ Малы меда Толик сокем сюлэмшугъяське? Кылзомы кыӵе син азямы пуксе Палбам, кыӵе со будэ? (Палбам малы ке уг уты на  мурт адями шоры но лек атас шоры но;  кучапи ыж кадь востэм;  мурт адямилэсь кышкась; мар меда сыӵе пуны шедьтэм?) ­   Нош   али   кылзомы   кызьы   мыскылляло   Толикез   калыкъёс,   эшъёсыз.   (Уз сыскы­а таид, Толя? Малпамтэ шорысь кулод­бырод, уть! Мынам улэме потэ на ик вылэм… Та киондэ уйин гинэ лэзья.          Нитокин   Миша   узатэ,   серекъя:   «Ой   бен,   Толик,   пуны   выжы   но шедьтэмед ик! Кин ке куштэм, нош тон кутэмед. Табере таид пуны луоз кожаськод­а? Шумпотӥськод­а? Эх, пичи эше, юмал визь на ук тон! Эн вунэты:   умой   кучапиез   тодо   ке,   выжыезлы   оскыса,   дунэн   басьто.   Тае сямен, тэле нуыса уг йыромыто. Валад­а табере?»). - Кин вала сюлэмшугъяськемзэ Толиклэсь но буйгатыны выре? (Катерин бабиеез) - Ойдолэ, кылзомы кызьы со лӥятэ нуныказэ. (Дышоз ай, пие. Тон но огпумысь   вераськыны   ӧд   дышы   ук!   Пуны   но   пичи   дыръяз   ик   кинэ,   мае валалоз? Дышоз ик, дыр. Али со мурт калыкез уг тодма на, бӧрысь асьме курегъёсмес но тодманы дышоз. Пунылэн визьмыз бадӟым, шуо…) ­ Вань группаосты кылзӥмы. Кыӵе проблема кылдэ Толик азьын? (Мар меда карод   ини   та   Палбамен?   Вот   Толик   аслыз   ачиз   йыр   висён   шедьтӥз   ке шедьтӥз ик – марзэ веранэз!) - Малпаське туркымъёсын но гожтэ Толиклы ӵектонъёс,   кызьы пунэзэ утӥсь карыны. (Нылпиос гожъяло ӵектонъёс, собере шараяло класс азьын). Доре уж: Нырысетӥ куинь люкетъёсъя дасялэ ог­огдылы юанъёс.  Дунъян люкет: ­ Кылем уроклэн пумаз гожтӥмы вал Толиклы сӥзьыса синквейн, туннэ сое тупатомы. Кызьы малпаськоды нырысетӥ но витетӥ чурез, одно ик­а воштоно яке кельтыны­а луоз? (Верало малпанзэс) Толик Сюлмаськись, яратӥсь, Утялтэ, сюдэ, сюлэмшугъяське, Кучапизэ сюлмысьтыз яратыса оске. Кузё ­ Бен пиналъёс Толикез адӟиськом земос кузёен, сокем зол со сюлмаське аслаз эшез сярысь, чида серекъямзэс но, оске на солы, пуны сярысь малпанъёсыз быдэсмозы шуыса. Аркадий Клабуков. Палбам. (3-тӥ урок) Пуктэм ужпумъёс: Аркадий Клабуковлэн «Палбам» веросэныз тодматсконэз азьланьтоно.   Повестьысь   образъёс   бордын   ужез   азьланьтоно,   вераськыны, лыдӟиськыны быгытонзэс волятоно. Урокын пинал таӵе быгатонлыкъёс басьтыны кулэ: Предметной: ­ лыдӟем произведенилэсь пуштроссэ валаны; ­ текстысь идеязэ, валтӥсь малпанзэ шедьтыны; ­ валтӥсь геройлэсь сямзэс дунъяны;  Личностной:  ­ лыдӟем произведениысь пиналъёслэн кылдэм кусыпъёсэс валаны, со пумысен ас малпанзэ вераны. Регулятивной: ­ уроклы азь мугъёс пуктыны, ужан радзэ чакланы. Познавательной: – текстысь пӧртэм ивортэт утчаны; ­ текстъя анализ но огъян лэсьтыны. Коммуникативной: – дышетӥсен но эшъёсыныз ӵош кенешыса ужаны; – эшъёссылэсь верамзэс кылзыны, малпамзэс валэктыса вераны. – пиналъёсын кусыпо, ог­огзэс валаса ужаны.   Уроклы   кутэм   тӥрлык:  лыдӟон   книга,   компьютер,   проектор,   экран, дасям слайдъёс        Уроклэн мынэмез. Гуртэ ужез эскерон ­   Тӥ   кулэ   вал   дасяны   нырысетӥ   куинь   люкетъёсъя   ог­огдылы   юанъёс. Ужаломы   юанъёстыя.   Ужаммыя   шараялом   тужгес   но   тунсыко   юанэз. (Нылпиос   сётъяло   ог­огзылы   юанъёс,   кылзӥськиськом   соолы валэктонъёссэ, висъяськомы юанъёс пӧлысь тужгес тунсыкозэ)  Ужпумо югдур кылдытон но уроклы азьмугъёс пуктон  ­ Кыӵе произведение бордын ужаськомы асьмеос? Кин авторез? Кыӵе кылъёс верамды   потэ   А.   Клабуковлы   повесть   пумысен?  (Нылпиос   верало   ас малпанъёссэс) ­   Потэ­а   тӥляд   азьланьтэмды   повестья   уждэс?  (Нылпиос   верало   ас мылкыдзэс) ­ Соку азьланьтом ужмес. ­ Тодады вае кыӵе проблема­ужпум кылдӥз Толик азьын повестьлэн куинетӥ люкетэзлэн пумаз?  (Мар меда карод ини та Палбамен? Вот Толик аслыз ачиз йыр висён шедьтӥз ке шедьтӥз ик – марзэ веранэз!) ­ Асьмеос солы ӵектонъёс сётӥмы, нош кызьы азланьтӥське ужрад повестьын. Сое тодыны быгатом лыдӟонмес азьланьтыса. Ужаломы текст бордын кейс амалэн. Кейсэн уж Кейслэн темаез: «Нитокин Миша, Толик но Палбам» (Классын пиналъёс люкиськемын туркымъёслы). ­ Туннэ нош ик, пиналъёс, асьмеос следователь луыса ужалом, веросысь кылдэм   учырез   рос­прос   котькудласянь   сэртттом­пертчом,   геройёслэсь сямзэс эскером. Эскером кызьы таӵе учырысь потыны луэ.  Пиналъёс,   дэмласько   тӥледлы   кылзыны   «Палбам   повестьысь   ньылетӥ люкетсэ».  (Текстэз   лыдӟытоно   мыло­кыдо   лыдӟыны   быгатӥсь пиналъёсты). ­ Туркымен кариськыса, эшшо одӥг пол текстэз лыдӟе на, но шедьтэ ма каризы пиналъёс, текстысь утчаса гожтэ тетрадяды соослэсь действиоссэз. Собере огъя кариськыса дасяське шараяны ас шедьтэмъёстэс. Кин дась луоз, ӝутэ сигнальной   карточкадэс.  (Пиналъёс   ужало   нырысь   котькудӥз   ас   понназ, собере огъя кенешо,  дасясько ас малпамзэс шараяны. Дышетӥсь кулээзъя юрттэ пиналъёслы азьланьтыны ужзэс.) Котькуд туркым шарая аслэсьтыз ужзэ, мукетъёсыз кылзо но соослы выль луись малпанъёсты гожто ас тетрадязы.  ­ Нитокин Миша Чашников Толикез губияны чортӥз. ­ Палбамез но сьӧразы кутӥзы. ­   Мынонъяз   Миша   Толиклы   ивортӥз   соослэн   пунызылэн   кучапиоссы вордскизы шуыса. Одӥгез тӧдьы. ­ Толя шумпотэ, синъёсаз ик ворекъяны кутско. ­ Чашников абдра, нош кытчы кароз Палбамзэ. ­ Миша ӵектэ кыз борды думыса кельтыны. ­ Толяез Нитокин ас палаз берыктэ, валэктэ солы кионъёс пуныез толалтэ сютэм дыръязы гинэ сиё шуыса. ­ Пияш оске солы, Лазыр нюняез но озьы вералляз вал. ­ Толик соглаш луиз пунызэ думыса кельтыны. ­ Асьсэос ури­бери кошкизы, сике пыдлогес пыризы. ­ Ӟечесь, пиналъёс, веросэз валаса лыдӟемды но отысь ужрадъёсты висъямды понна.   Али   нош   ик   котькудды   асьтэ   понна   малпалэ   но   бӧрысь   куспады вераськыса   чаклалэ   геройёслэн   кыӵе   ужъёссы   шонересь,   нош   кыӵеосыз шонертэмесь? Малы озьы малпаськоды? (Повестьын возьматэм учырын тужгес но умойтэм ужа Нитокин Толя. Со Толиклэсь сюлэмшугъяськонзэ тодыса, умойтэм уже кыскыны быгатэ. ­ Миша умойтэм ужа котькудласянь, пичи пияшез  пӧяны шуг ӧвӧл, Толик оске   бадӟым   эшезлы,   малыке   шуоно   со   8­тӥ   классын   дышетске, футболист.   ­ Чашников быдэсак оске Нитокинлы, мур уг малпаськы, ма пуныеныз луоз сике думыса кельтэм бере, ляб сямо луэмез адӟиське.  ­ Толик малпаськыны, анализ лэсьтыны быгатэ ини, со ӵошатэ Мишалэсь верамзэ Лазыр нюняезлэн вераменыз. ­ Ма кырысалды тӥ таӵе учыре шедьысалды ке? Малпамдэс валэктэ? Малпалэ асьтэ понна, собере кенешыса ог кылэ вуэмды бере шараялэ малпамъёстэс эшъёсты   азьын.  (Пиналъёс   ужало.   Котькуд   туркым   вера   аслэсьтыз малпанъёссэ) ­   Ми,   малпаськомы,   ноку   но   Нитокин   сямен   пичи   эшмес   ӧй   пӧясалмы. Пуныез озьы тэле думыса ӧм кельтысалмы.  ­ Нош ми Толиклы но абдраськом, малы со соглаш луэ Мишаен. Палбам солы оске, сое яратэ. Палбамез думыны ми соглаш ӧй лусалмы. ­ Шедьтысалмы кыӵе ке мукет амал, оло кинлы ке кулэ но луысал сыӵе пуны, лек ке но ӧвӧл, кутысал эш понна. ­ Тау пиналъёс сыӵе малпанъёстылы, мон малпасько, одно ик тӥ верамдыя лэсьтысалды. Нош али уж лэсьтэмын. Мае та учырын луэ тупатыны, мае уг луы ни? Малы озьы малпаськоды? Ужаськоды туркымен, собере шараяськоды малпанъёстэс. (Куд­ог   дыръя   лэсьтэм   ужез   нокызьы   но   воштыны   уг   луы   ни,   нош повестьын   возьматэм   учырын   югдурез   быдэсак   луэ   воштыны.   Туж   ӟеч луысал,   Нитокин   Миша   янгышсэ   валасал   ке.   Со     берытскысал   но Палбамез   думет   йылысь   мӧзмытысал.   Чашников   Толялэн   сюлмыз Палбамез   понна   вӧсь   луыны   кутскыса   берытскоз   пуныез   доры,   уз кылзӥськы ни бадӟым эшсэ, пунызэ сьӧраз кутоз). ­ Мон туж шумпотӥсько тӥляд мур малпаскыны быгатэмдылы. Табере мон курисько тӥледыз эшшо но мургес малпаськыны но шедьтыны повестьлэн та люкетэзлэсь   валтӥсь   малпанзэ,   кудзэ   автор   турттэ   шараяны,   мар   бордын шугсекытэз? Текстысь кыӵе кылъёс пыр автор шарая валтӥсь малпанзэ?  (Пиналъёс   кенешо   куспазы.   Повестьлэн   лыдӟем     люкетэзлэн   темаез   – адями   но   пуны,   соослэн   кусыпсы.   Нош   валтӥсь   малпанзэ   автор   вера берпуметӥ   предложениен   «Котькӧня   ӵабъяськы,   котькӧня   бӧрды   на   – номыр уд кары – адямилэн кужымез бадӟымгес, керттэмез но золгес…»)  ­ Умой, пиналъёс, мон малпасько геройёс лэсьтозы тӥляд верамдыя ик. Кызьы азьланьтӥське повесть тӥ тододы сое быдэс лыдӟыса. Нош   али азьланьтом ужмес.   Повестьысь   адӟимы   кылдэм   ужпумез:   адями   но   пуны,   соослэн кусыпсы. Малпаське но вералэ малы кылдӥз таӵе проблема? Кызьы луоз сое тупатыны. Малы озьы малпаськоды? (Пияшъёсын  ӧжыт   вераськемын   пудоживотэз   яратон   сярысь.   Оло адӟемын   мӧйыослэсь   но   пуныез   тазьы   сантэманзэс.   Катерин   бабиезлы валэктоно вал нуныкаезлы  пуныез лек луэм понна гинэ уг ярато шуыса, со нырысь ик эш луэ. Нош пияш понна пуны одно ик лек, ыргетӥсь луыны кулэ. Солэн пуны сярысь огпалэсгес малпанэз.) ­ Мон соглаш тӥленыды, пиналъёс. Зэм ик но, пуны нырысь ик адямилэн эшез. Мон ӵектысал со пиослы лыдӟыны француз писательлэсь Сен­Экзюперилэсь «Маленький принц» книгазэ. Кытын принц шуэ: «Мы в ответе за тех, кого приручили». Нош Толик Палбамез бордаз дышетӥз, кучапи оске солы, пияш солэсь яратонзэ сантэмаз. ­   Куинь урок ӵоже асьмеос ужамы повестьлэн люкетъёсыз бордын, тӥ ӟуч лыдӟиськон   урокъёсын   та   жанрен   тодмоесь   ини.   Тодады   вае   кыӵе   текстэз повесть шуо? (Пиналъёс верало ас малпамзэс) ­ Нош али ӵошатом тӥлесьтыд верамдэз учебникын сётэм валэктонэн. (Мынэ ӵошатон: Геройлэн улонысьтыз кӧня ке учырез возьматӥсь веранэз повесть шуо. Со верослэсь бадӟымгес.)  Доре уж: Библиотекае мыныса басьтэ А. Клабуковлэсь «Палбам» книгазэ но лыдӟе.  Дунъян люкет: Палбам кылемын сике, со думемын, нискетэ, бордэ. Тӥледлы сётэмын луонлык кыӵе ке пӧйшур кариськыны. Кыӵе  пӧйшур луэмды потэ но кызьы мӧзмытысалды Палбамез? (Верало малпанъёссэз) 5). Урок 23 Проект. «Анатолий Леонтьев – нылпи кылбурчи но суредась» нимын презентация лэсьтӥськом.   (Проектэз луоз дасяны компьютерен но бумага вылэ но. Пиналъёс озьы ик  быгато лэсьтыны А. Леонтьевлы сӥзьыса бордгазет яке пичи книга) Пуктэм ужпумъёс:  А. Леонтъевлэн творчествоеныз паськытгес тодматоно; пуктэм   ужпумъёсын   ужаны   дышетоно;   кылдытоно   луонлык   писательлэн творчествоеныз тунсыкъяськыны но быдэстэм ужзэс класс азъын возьматыны.  Уроклэсь  азьло нуэм уж но  уроклы кутэм тӥрлык:  Гуртазы   пиналъёс лыдӟыса   дасяны  кулэ  А.  Леонтьевлэсь    биографиязэ,  вайыны  туспуктэмзэ, шедьтыны нылпиослы гожтэм кылбуръёссэ, гожтыса дасяны лыдӟем книгаосызъя сочинение. Дышетӥсь дася уроклы кӧня ке кылбуръёссэ; нылпиослы гожтэм веросъёсын но повестьёсын (нимаз потэм книгаосын) список, кыӵе темаослы гожъяське; вуж книгаосысь вандылыса произведениосызлы тупась суредъёс. (Нылпиослэн ужзы ӝог мед мыноз шуыса та материалэз дышетӥсь электронной вариантэн но дасяны кулэ); компьютер, проектор, экран. Урокын пинал таӵе быгатонлыкъёс басьтыны кулэ: Предметной: – пӧртэм информациен ужаны; – сётэм информацияез валаса шонер уже кутыны; – писатель сярысь презентация лэсьтыны; Личностной: ­ асваланзэ будэтыны, бордысьтыз эшъёссэ гажаны; ­ аслэсьтыд мылкыддэ валэктыны; ­ валаса уже кутыны компьютерез. Регулятивной: – уроклэсь темазэ но мугзэ ас кожаз пуктыны; – дышетӥсен ӵош ужез дунъяны; – пуктэм ужпумез быдэстыны Познавательной: – текстысь кулэ информация басьтыны, солэсь пуштроссэ валаны; – пуштросэзъя тупась суред шедьтыны; – проектлэн нимызъя монологической текст кылдытыны; ­ ог­огзэсты кылзыса анализ но огъян лэсьтыны; ­ син азяз пуктыны кыӵе луоз презентациязы; ­ будэтыны информативной компитентностьсэ. Коммуникативной: ­ будэтыны куспазы ӵошен огъя творческой ужаны быгатонлыксэ; ­ ас малпанзэ валамон, оскымон вераны; ­ мукетъёсызлэсь верамъёссэс кылзыны. Уроклэн мынэмез. Ужпумо югдур кылдытон но уроклы азьмугъёс пуктон  Экран   вылэ   потэ   куинь   нылпи   писательёслэн   туспуктэмъёссы   но   соослэн нимтулзы: А. Леонтьев, Вячеслав Ар­Серги, Г. Ходырев ­  Та   куинь   писательёс   пӧлысь     кудӥз   сярысь   верамын   та   кылъёс:  «Можга карысь  сӥё­дано  улӥсь, УАССР­ысь  культура  удысысь  сӥё­дано  ужась,  УР государственной   премиезлэн   лаурятэз,   Удмуртиысь   калык   кылбурчи, писатель,   Солэсь   нимзэ   нуллэ   Можга   карысь   нылпи художественной школа» (Пиналъёс малпало, верало ас малпамзэс). ­   Бен,   та   кылъёс   гожтэмын   Анатолий   Кузьмич   Леонтьев   сярысь.   Озьыен, кинлы туннэ сӥзем урокмес? (Урокмес сӥзём А.К. Леонтьевлы)   ­ А. К. Леонтьевлы сӥзьыса урок ӵоже лэсьтыны кулэ проект. Тодамы ваёмы ма со проект. (Проект ­  со сыӵе ужрад, сое быдэстэм бере кылдэ маке но вылез). ­ Ужалоды туннэ туркымен, котькуд группа кылдытыны кулэ А. Леонтьевлэн творчествоезъя пичияк презентация (бордгазет яке пичи книга).  Маиз возьматэмын луыны кулэ проектын? Кылзэ сак. Отын луыны кулэ таӵе бамъёсыз:  (Та куронъёс пиналъёслэн син азязы луыны кулэ. Соосты гожтоно экран вылэ, яке памятка лэсьтыса сётоно котькуд туркымлы, яке гожтоно доска вылэ). ­ туспуктэменыз вылбам;  ­ А. Леонтьевлэн  биографиез (улон аръёсыз, кытын вордскиз, дышетскиз);  ­ нылпиослы кылбуръёсын нимаз потэм книгаосызлэн списоксы;  ­  кылбуръёсызлэн темаоссы, кӧня ке кылбуръёс) ­   нылпиослы   веросъёсын   но   повестьёсын   нимаз   потэм   книгаосызлэн списоксы, темаосыз;     суредась. ­ лыдӟем книгаосызъя сочинениос; суредъёсыз. ­   Куспады   ог­огдэс   валаса   ужано   луоз,   компьютерен   вошъяськыса   ужано. Ваньзэ чаклады ке, тӥляд котькудӥзлэн презентациез аспӧртэмлыко пӧрмоз.  Туркымын кенешоно: ­ кин кыӵе бамлы материал  дасялоз; ­ кин сое компьютерен бичалоз яке  бумага вылэ гожъялоз; ­ кин сое чебермалоз: слайдлэн фонэз ласянь, букваослэн быдӟалазы ласянь; ­ кин быдэстэм ужез класс азьын  чебер валамон, оскымон вералоз. (Пиналъёс ужало. Дышетӥсь урок ӵоже туркымъёслы юрттэ, валэктэ,  кулээзъя  ӧръя ужзэс).  Уроклэн пумаз котькудӥз туркым быдэстэм ужзэ  класс азьын возьматэ. Доре уж:  А. К. Леонтьевлэсь одӥгзэ кылбурзэ учкатэк вераны дасяське. Дунъян люкет ­ Бадӟым тау, пиналъёс, ужамдылы, тӥ туннэ урокын трос  выльзэ басьтӥды  асьтэлы. (Доска вылэ ошемын ньыль куартэм писпуос, огез улын гожтэмын  «Секыт», кыкетӥез улын – «Капчи», куинетӥез улын –«Паймытӥз»,  ньылетӥез улын – «Тунсыко» кылъёс).                                                                                  Паймытӥз Секыт                    Капчи                      Тунсыко           Ӝӧк вылады котькуддылы понэмын  ньыль куарен конверт, со куаръёс вылэ  малпаськыса гожтэ, собере юнматэ куаръёстэс писпуос борды.  ­ маиз вал тӥледлы секытэз та урокын;  ­ ма сётӥськиз капчиен;  ­ кыӵе информация тӥледды золгес но паймытӥз; ­  маиз вал тунсыкоез? (Пиналъёс гожто ас малпанъёссэз, юнмато писпуос  борды, дышетӥсь лэсьтэ йылпумъян). Уроклы дасям  материал А.   К.   Леонтьев   вордӥськиз   7   января   1944   Можга   ёросысь   Пычас   гуртын. Можга   педучилищеез   йылпумъям   бераз   ужаз   школаын,   нуиз   музыка   но рисование   урокъёсты. 1967  арын   быдтӥз   Ижкарысь     пединститутэз,  ужаны кутскиз   Можгаысь   нылпи   художественной   школаын,   вал   нырысетӥ директорез.   1985   арын   дышетсконзэ   азьланьтӥз     Москваын   писательйслэн Союззылэн вылӥ курсъёсаз.  Нырысетӥ     кылбурзэ   печатлаз   Можга   ёрослэн   газетаз   педучилищеын дышетскыкуз.   «Мед   сяськаяськоз»   кылбур   бичетэз   усьтӥз   А.   Леонтьевлы сюрес   кылбуран   дуннее,   потӥз   1969   арын.   Кылбуръёсыз   потазы   газете «Пионерская   правда»   газетын,   «Мурзилка»,   «Пионер»,   «Вожатый» журналъёсын.   Писательлэн   нылпиослы   гожтэын   ог   20   книга,   тросэ   соосты кылбурчи чебермаз аслаз суредъёсыныз. Анатолий Леонтьевлэн кылбуръёсыз берыктэмын украина, грузин, киргиз, узбек но мукет калыкъёслэн кылъёсазы. Писательлэн произведениосыз Мед сяськаяськоз: Кылбуръёс. ­ Ижевск, 1968. ­ 13 с. Урамын тулыс ке: Дышетскись пиналъёслы кылбуръёс. ­ Ижевск,1972. ­ 25 с. Чагыр сюрес /В соавт. с Г. Даниловым. ­ Ижевск, 1974. ­ 160 с. Бадяр куар: Пиналъёслы кылбуръёс. ­ Ижевск,1976. ­ 31 с. Лесное чудо. ­ Ижевск,1978. ­ 32 с. Кылӥды­а, адзиды­а?: Покчи пиналъёслы кылбуръёс. ­ Ижевск,1979. ­ 32 с. Когда на улице весна: Стихи/Пер.В. Данько. ­ Ижевск,1983. ­ 64 с. Атае озьы шуиз: Кылбуръёс. ­ Устинов, 1985. ­ 28 с. Вож гужем: Пиналъёслы кылбуръёс. ­ Ижевск, 1987. ­ 40 с. Зечсэ гинэ вите сюлэм: Кылбуръёс. ­ Ижевск, 1988. ­ 88 с. Нунал ке вордиське: Кылбуръёс. ­ Ижевск: Удмуртия, 1992. ­ 136 с. Отисько кыл дуннее: Кылбуръёс/Суредъёсыз А. Леонтьевлэн. ­ Ижевск:  Удмуртия,1993. ­ 24 с. Шумпотон сяська: Нылпиослы кылбуръёс, дауркыл/ Суредаз Коньы Толя. ­  Ижевск: Удмуртия, 1994. ­ 36 с. Кырзамысь тон эн дугды, сюлмы/Суредъёсыз Л.Прозоровлэн.­Ижевск:  Удмуртия, 1998.­173 с. Кылбуръёслэн темаоссы:  Кылбуръёсаз возьматӥз пиналъёслэсь улонысьтызы пӧртэм учыръёсты,  шудэмзы, дышетскемзы, мӧйыослы юрттэмзы сярысь, возьматӥз инкуазьлэсь чеберзэ, гожъяз нылпиослэн война вакытэ секыт улэмзы но озьы ик малпаске  малпаське улон­вылон сярысь, адямилэн калыкез азьын долгез сярысь. Мынам корабле: адямилэн улон сюресэз сярысь повесть Сюрес усьтиське мынӥсьлы. Волга дурысь Булгария сярысь исторической  повесть.  Урок 24­26                                                Гондырпи Иши. Кык действиен выжыкыл             Александр Дмитриевич Вотяков.  (1­тӥ урок)  Пуктэм   ужпумъёс:  Пьеса   ­   литературной   жанр   сярысь   валанлык   сётоно, солэн тодметъёсыныз тодматоно. Урокын пинал таӵе быгатонлыкъёс басьтыны кулэ: Предметной ­ тодметъёсызъя мукет жанрен произведениос пӧлысь пьесаез висъяны; ­ пьесаез вольыт, мылысь­кыдысь валаса рольёсъя лыдӟыны; ­ быгатыны текстысь идеязэ, валтӥсь малпанзэ шедьтыны; ­ валтӥсь геройёслэсь сямзэс, ужъёссэз дунъяны; Личностной  ­ аслэсьтыз урокын ужамзэ дунъяны. Регулятивной ­ уроклы азь мугъёс пуктыны, ужан радзэ чакланы. Познавательной ­ сётэм юанъёсъя текстысь пӧртэм ивортэт утчаны, шедьтэм ивортэтэз кулэ интые кутыны; ­ текстъя анализ но огъян лэсьтыны. Коммуникативной – кылдэм учыръя вераны но гожтыны ас малпамзэ; – эшъёсэ кылзыны но ас малпанзэ усьтыны; –пиналъёсын кусыпо, ог­огзэс валаса ужаны.      Уроклы кутэм тӥрлык:  лыдӟон  книга,  компьютер,  проектор,  экран, дасям   слайдъёс,    тест   «Шонер­шонертэм»,   гуашь,   альбом   листъёс, кисточка, фломастер.       Уроклэн мынэмез. Жингыртӥз чупрес звонок, Тани нош кутскиз урок. Парта вӧзы чаль султом, Интыямы шып  пуксём. Ужаны ми кутскиськом, Визьнодмес ми сыналом. Сӥё­дано гожъясен Тани ӝоген пумиськом. Ужпумо югдур кылдытон но уроклы азьмугъёс пуктон  ­ Нош кыӵе меда сӥё­дано гожъяськисен пумиськомы но ма сярысь меда со гожъя?   Лыдӟе   доска   вылысь   кылъёсты.   Котькуд   кылысь   висъям   буквазэ кутыса пќрмытэ кыл. Кыӵе кыл пӧрмиз? (Вотяков) Визьмо, оскымон, чырткем, яратӥсь, кибашлы, кужмо, востэм! ­ Озьыен туннэ пумиськомы  Александр Дмитриевич Вотяковен  – удмурт писателен,   вакчияк   тодматскомы   писательлэн   улон   сюресэныз.   (Уроклы дасяны луоз презентация) 1­тӥ слайд  Писательлэн туспуктэмез, улон аръёсыз (1928 ­1985) 2­тӥ  слайд: Вордӥськиз Дери ёросын, Подшивалово гуртын   3­тӥ  слайд: Пичи дыръяз ик со кылбураны, кырӟаны кутскиз. Дышетскыны пыриз   вал  Ижкарысь   крезьгуръя   школае.   Отчы   усточиосты   люкаллязы.  Но дышетсконзэ  куспетӥ кариз война. 4­тӥ    слайд:  Атаез   фронтэ   кошкиз.   Саша   воргорон   интые   кылиз.   Пинал муртлы,   рос­прос   дышетскем   интые,   геры   борды   кутсконо   луиз.   1948   аре вуоно кылбурчилэн нырысетӥ чуръёсыз кылдыны кутскизы. 1958 аре потӥз «Нырысетӥ вамыш» кылбуръёсын  сборникез  5­тӥ  слайд: А.Д. Вотяковлэн  тросэз кылбуръёсызъя кылдытэмын кырӟанъёс. Азинлыко   тыршиз   нылпиослы   произведениос   кылдытон   бордын   но,   мунё театрлы «Гондырпи Иши» пьесазэ гожтӥз. 6­тӥ слайд: Солэн пичи геройёсыз умой сямоесь, эшъёсынызы тупаса улыны тыршо,   урод   сямъёсын   нюръяськыны   ӧтё.   Тросэз   кылбуръёсыз   сӥземын вордскем шаерез данъянлы. Утчан­эскерон люкет ­ Нош   али берытском доска вылын гожтэм кылъёс борды.  Вералэ, маин со кылъёс   огвыллемесь   луо?   (Со   кылъёс   возьмато   адямилэсь   сямзэ). Визьмо, оскымон, чырткем, яратӥсь, кибашлы, кужмо, востэм! ­ Бен,  А. Д. Вотяковлэн   пичи геройёсыз умой сямоесь яке урод сямъёсын нюръяськыны ӧтё. Писательлэн кыӵе героеныз тодматскомы, сое тӥ тододы мадиськонлы шонер валэктон сётӥды ке.                                                  Мӧйы пужым улын                                                  Кӧлэ толэз гуын.                                                  Тулыс ке нош вуэ,                                                  Буша солэн гуэз. ­ Шонер тодӥды, со гондыр. Усьтэ книгадэз, но лыдӟе произведенилэсь нимзэ. («Гондырпи Иши»). Текст бордын лыдӟемлэсь азьпал ужан.  ­ Азьвыл лыдӟем произведениосын ӵошатыса маин пӧртэм таиз произведение, кыӵе литературной жанрез? (Пиналъёс верало ас малпанъёсэс, пусъемын ку кыӵеез герой вераськыны кулэ, жанрез пьеса яке сценка) ­ Та произведение огшоры верос но, повесть но ӧвӧл, туннэ асьмеос лыдӟомы пьесаез.   Ма   со   пьеса?  (Нылпиос   тодазы   ваё   мае   шуо   пьеса.   Пьеса   –   со нимысьтыз театрлы гожтэм проиведение, соя спектакль пукто) ­ Пиналъёс, тӥ пӧлысь кин ке вал ини театрын? (Нылпиос ӝуто киоссэс) ­ Туннэ  асьмеос  мыномы  театре  ужасьёс  луыса.  Туркымъёслы   люкиськыса пӧртэм уж быдэстом. ­ Спектаклез возьматэмлэсь азьвыл учкисьёслы реклама лэсьтоно, со понна афиша гожтоно. Та ужез быдэстоз нырысетӥез туркым. ­ Учкисьёс вуизы театре, соослэн тодэмзы потэ, геройёс луозы спектакльын, сое тодыны луэ программкаысь. Кыкетӥ туркым лэсьтоз программка. ­   Куинетӥез   туркым   ужалоз   спектакль   пуктон   бордын.   Текст   люкемын суредъёслы   но   действиослы.   «Гондырпи   Иши»   кык   действиен   пьеса. Дасяськоды мылысь­ кыдысь лыдӟыны нырысетӥ суредзэ. ­   Курисько   на   учкыны   пьесалэн   текстэз   шораз,   малы   меда   куд­ог   кылъёс пыртылэмын   скобкаосы,   лыдӟе   со   кылъёсты   но   вералэ   ас   малпандэс (Скобкаосын верамын ма кырыны кулэ герой) ­ Литератураын со  кылъёсты ремарка шуо.  (Туркымъёс быдэсто сётэм ужзэз, быдэстэмзы бере 1­тӥ туркым доска вылэ оше афишазэ, 2­тӥез тодматэ программкаезъя шудӥсь муртъёсын,) Текстлэн лыдӟон но пуштросэз бордын ужан  3­тӥ туркымысь пиналъёс класс азе потыса мылысь­кыдысь лыдӟо пьесалэсь нырысетӥ суредзэ (дышетӥсь кылдытыны кулэ пиналъёслы луонлык пичияк декорация лэсьтыны) ­ (Физкультминутка).  Нырысетӥ суред йылпумъяськиз, катанчи пытсаськиз, луоз   антракт,   учкисьёс   ваньмыз   султӥзы,   асьмеос   но   ял   ваём   крезьгуръя ёзвимес   шутэтскытом   (Крезьгуръя   дышетӥсьлэн   возьматэмезъя   лэсьто движениос) ­   Вералэ,   пьесаын   кин   геройёсыз,   маин   соос   тунсыкоесь?  (Геройёсыз   – пӧйшуръёс, соослэн улон­вылонзы адямиослы тупа, верасько но) ­  Озьыен, кыӵе жанрлы тупа на та произведение? (Выжыкыллы) ­ Кыӵе группаысь выжыкылъёс пӧлы пыртысалды пьесаез? (Пудо­животъёс сярысь выжыкылъёс пӧлы) ­ Эскеромы, кызьы валады нырысетӥ люкетлэсь пуштроссэ, со понна тестэн ужалом. Тест «Шонер­шонертэм» № Пьесаын ортчись ужрадъёс  Шонер Шонертэм 1. Мӧйы гондыр Миша дасяське куно  пумитаны. Со выль корка пыронзэ  дасяське  пусйыны.  Гондыръёс Миша но Маша мӧйыэсь ини. Та дыре соослэн куинь кузя гондырпиоссы вал ини. Пичи гондырпизэс нимазы Пети   ӧтчаса   ветлӥз 2. 3. 4. 5. 6. 7. 8. Куное   Мишаен   Маша   доры   лудкеч. Куное лыктӥзы нюлэскысь вань пӧйшуръёс. Гондыр   Михайло   кузьмаз   Ишилы   чечы   но гармошка. Коньы ваиз куасьтэм губи. Ӟичы кузьымлы ваиз курег сӥль. 9. 10. 11. Куноос ӝок сьӧры пуксизы, сиськизы но соку ик гуртазы бертӥзы. 12. Гондыр  Миша   туж   шумпотэ,  Ишиез  кивоштӥсь солы будоз шуыса.     Доре   уж:  Гуртады   лыдӟе,   мыло­кыдо   рольёсъя   лыдӟыны   дасяське.   План лэсьтэ. Дунъян люкет: Кыӵе буёлъёсын пусйысалды пьесалэсь та люкетсэ, доска доры мыныса буёло магнитэз отчы ляке,  валэктэ быръем буёлдэс.  Гондырпи   Иши   пьесаен     тодматонэз   азьланьтоно.                 Гондырпи Иши. (Кык действиен выжыкыл)             Александр Дмитриевич Вотяков.  (2­тӥ урок. Пиналъёс люкемын туркымъёслы)  Пуктэм   ужпумъёс:  Выжыкыл­пьесаысь сётэм образъёс бордын ужано. Урокын пинал таӵе быгатонлыкъёс басьтыны кулэ: Предметной: ­ пьесаез вольыт, мыло­кыдо валаса рольёсъя лыдӟыны; ­ быгатыны текстысь идеязэ, валтӥсь малпанзэ шедьтыны; ­ валтӥсь геройёслэсь сямзэс, ужъёссэз дунъяны; Личностной:  ­   аслэсьтыз   урокын   ужамзэ   дунъяны,   пьесаысь   геройлэсь   действиоссэс   ас пыртӥз поттыса, дунъёт сётыны. Регулятивной: ­ уроклы азь мугъёс пуктыны, ужан радэз чакланы. Познавательной: ­ сётэм юанъёсъя текстысь пӧртэм ивортэт утчаны, шедьтэм ивортэтэз валаса, чакласа уже кутыны; ­ текстъя анализ но огъян лэсьтыны. Коммуникативной: – кылдэм учыръя вераны но гожтыны ас малпамзэ; – эшъёссэ кылзыны но ас малпанзэ усьтыны; – пиналъёсын кусыпо, ог­огзэс валаса ужаны. Уроклы кутэм тӥрлык: лыдӟон книга,  «Чорыг лы» схемаен карточкаос, «Фишбоун» амалэн ужан инструкция.       Уроклэн мынэмез.  Жингыртӥз звонок, Кутскиз урок. Выжыкыл дуннее Асьмемыз  ӧте. Пьеса нош азьланьске, Трос выльзэ усьтэ. Ишилэсь будэмзэ Тӥледлы возьматэ.  Гуртысь ужез эскерон ­ Азьланьтом ужмес. Нырысь гуртысь уждэс эскеромы. Вералэ, кин кыӵе план кылдытӥз нырысетӥ суредъя. (Нылпиос верало кыӵе план кылдытӥзы.  а).   Куноослэн   лыктэмзы;   б).   Иши   анаеныз   дораз   вуиз;     в).   Нунылы кузьымъёс.)  ­ «Куноослэн лыктэмзы» люкетэз лыдӟозы 1­тӥ туркымысь пиналъёс  «Иши анаеныз дораз вуиз» люкетэз ­ 2­тӥ туркымысь пиналъёс, 3­тӥ туркым лыдӟоз «Нунылы кузьымъёс» люкетэз. Куспады кенеше, ролъёсты люке но кутском лыдӟыны, лыдӟемзэс кылзэмдыя чаклалэ кин луоз самой усто лыдӟись. Мыло­кыдо, куараеныз шудыса лыдӟись басьтоз туннэ «Усто актёр» медаль. (Пиналъёс лыдӟо, сак эскеро ог­огзылэсь лыдӟемзэс, быръё усто лыдӟисез) Утчан­эскерон люкет. Текст бордын лыдӟемлэсь азьпал ужан.  ­ Иши вуиз анай­атай юртаз.  Текстысь шедьтыса вералэ кыӵе будыны сӥзизы Ишилы Коньы  (Мон кадь чырткем но бурдо.) Михайло  (Мон кадь медло со кужмо. Со луоз шудо.) Лудкеч (Мон кадь медло со шалпы.) Ӟичы (Мон кадь медло со визьмо.) Анаез Маша  (Ишимы луоз шудо.) ­ Бен кыӵе сямо будэ меда Ишимы. Учке книгаысь суредъёс шоры но вералэ ас малпанъёстэс. (Нылпиос шараяло малпанъёссэс) Физкультминутка.  Кимес кускамы поном, Ваньмы дэмен мыкырском,  Собере ми шонерском, Тазьы кимес ми чабом. Соллань­таллань берытском. Пал пыд вылэ султыса Туп сямен но тэтчалом, Пельпумъёсмес выретом. Шутэтским, эшъёс, лэся, Асьмемыз Иши возьма. Текстлэн лыдӟон но пуштросэз бордын ужан ­   Азьланьтом   пьеса   бордын   ужмес.   Лыдӟомы   нырысетӥ   действиысь   2   –тӥ суредзэ. (Дышетӥсь люке рольёсты, пиналъёс лыдӟо). ­   Пьесалэн   пуштросэз   бордын   ужмес   радъялом   «Фишбоун»   амалэн,   мукет сямен сое шуо «Чорыг лы».  (Приложение). Котькуд туркымлэн вань схемаен карточкаез. Отын ик гожтэмын инструкциез: 1) Чорыглэн йыраз гожтӥське проблема­ужпум. 2) Быжаз гожтоно проблемая огъян­вывод. 3)   Паллян   палаз   лыосаз   гожтӥськом   юанъёсты,   малы   кылдӥз   таӵе ужпум? 4) Бур палаз утчаськомы текстысь со юанъёслы валэктонъёс. ­ Малпаське, но вералэ кыӵе валтӥсь проблема кылдӥз пьесаын та люкетаз. (Иши будӥз азьтэм, ужез яратӥсьтэм, анай­атайзэ жалясьтэм).  ­ Озьыен, валтӥсь ужпум: «Малы Иши будӥз азьтэм, анай­атайзэ жалясьтэм?», гожтэ сое чорыг йыре. (Пиналъёс гожто). ­   Та   ужпумез   сэрттоды­пертчоды   туркымъёсын   ужаса.   Текстэз   выльысь лыдӟыса   ортчиськоды   но   кылдытӥськоды   ужпумъя   юанъёс,   соосты гожтӥськоды   паллян   палаз.   Собере   валэктон   гожтӥськоды   бур   полаз. Утчаськоды   текстысь   со   валэктонэз   юнматӥсь   кылъёс.  (Пиналъёс   ужало, дышетӥсь валэктэ, юрттэ)  Нылпиёослэн та выллем юанъёссы но валэктонъёссы кылдыны кулэ: 1. Анай­атаен дышетӥзы­а Ишиез дырыз дыръя кӧлэмысь султыны? – (Иши  султэ, куке мылыз потэ: « Султэме уг пот, анай, сюд тон монэ  валесам..») 2. Дышето­а анай­атаез Ишиез ужаны? ­ (Соос Ишиез кельто гуртэ. « Иземе  потэ на ай. Мон ӧй мынысал, анай. Атай, ветлэ анаен,чечы вае сарваен.  Мон пичи на, жадисько »)  3. Кингес дур басьтэ пизылы, ужлэсь палэнтэ, жаля? (Анаез тужгес но жаля пизэ. «. Я, эн пыкылы, Миша.  Визьмаськиз ке, ай ачиз, асьме сьӧры  куриськоз.»)  4. Иши зэм ик­а лыдъя ассэ пичиен? (Уг, со тодэ ини, со бадӟым. «Мон ӧвӧл  ини пичи! Мон кузё ини ачим».) 5. Будэмъяз пыӵа­а солы  анай­атаезлы гажан мылкыд? ( Соосын со лек  вераське, косэмъяське. «Мар бордам тэбиниды! Мынэ ветлэ обедозь, вае  чечы. Одӥг пидэс сюдыны тӥляд ӧвӧл кужымды. » ) 6. Валазы­а мӧйы гондыръёс асьсэлэсь янгышсэз? (Мишаен Маша валазы  асьсэлэсь янгышсэс. «Асьмеос янгыш, Маши, сьӧрпалаз ортчиз Иши.  Эркиям сое укыр. Пыдъёссэ но пельпуме со юнгес лэзья пумен»). 7. Тырмоз на­а пересьёслэн кужымзы тупатыны янгышсэс?  (Уз ни вуэ, укыр  бер валазы янгышсес «Миша агай кулэмын… Со кылле мур нюк сьӧрын») 8. Валаз­а янгышсэ Иши? (Валаз, но беромиз. «Табере мон тӥ сьӧры мыно  коть нюлэс шоры. Бергес, пие, визьмаськид…») ­ Кыӵе огазьян лэстысалды ужмылэн пумаз, малы бен Иши будӥз сыӵе йӧнтэм? Кин янгыш Ишилэн сыӵе будэмезлы?  (Нырысь ик янгышесь анай­атаен, соос укыр пизэс жалязы, нуныязы, ужлы ӧз дышетэ, бӧрысь валазы но луиз  бер) ­ Шонер верамды, пиналъёс. Ужлы пичи дырысен дышетсконо. Со уж потэ  анай­атай бордысь. Чорыглэн быжаз гожтом огазъянмес: «Нылпилэн сямыз  анай­атай бордысь потэ». Нош анай­атаез котьку но гажано, соослы  юрттоно, соослэсь адӟем кароно, дышетсконо. Доре уж:  Ма мела луиз Ишиен   азьпалан, огназ кылем бере, сое тӥ тододы гуртады пьесаысь кыкетӥ действизэ лыдӟыса.  Дунъян люкет:  Лыдӟе   сётэм   визькылъёсты   но   вералэ,   кудӥз   соос   пӧлысь   тупало   туннэ урокмылэн темаезлы.  Азьтэм муртлэн дэремез но висе. Кин уг ужа – со уг сиы. Адями уженыз чебер. Ужам дорын кос нянь но ческыт кошке. Уж адямиез ачиз дышетэ. Уж бордысь ӟечез потэ. Ӟеч уж адямиез дано каре. Ӟеч   пиез   –   атаезлы   шумпотон,   уродэз­   куректон. дышетӥсь йылпумъян лэсьтэ). Приложение  (Пиналъёс   ужало, Ужпум Юанъёс                                                        Текстысь валэктонъёс            Малы Иши будӥз азьтэм, анай-атайзэ жалясьтэм? Нылпилэн анай-атай сямыз бордысь потэ                 Гондырпи Иши. (Кык действиен выжыкыл)             Александр Дмитриевич Вотяков.  (3­тӥ урок. )  Пуктэм ужпумъёс:   Гондырпи Иши пьесаен  ужез йылпумъяно. Азьланьтоно выжыкыл­пьесаысь   образъёс   бордын   ужез.   Простой   но   сложной   планэн тодматоно. Урокын пинал таӵе быгатонлыкъёс басьтыны кулэ: Предметной: ­ простой но сложной план кылдытыны; ­ текстысь идея, валтӥсь малпан бордын ужаны; ­ валтӥсь геройёслэсь сямъёссэс, ужъёссэз дунъяны; Личностной:  ­   аслэсьтыз   урокын   ужамзэ   дунъяны,   пьесаысь   геройлэсь   действиоссэс   ас пыртӥз поттыса, дунъёт сётыны. Регулятивной: ­ уроклы азь мугъёс пуктыса, радызъя, чакласа ужаны. Познавательной: ­ сётэм юанъёсъя текстысь пӧртэм ивортэт утчаны, шедьтэм ивортэтэз валаса, чаклыса уже кутыны; ­ текстъя анализ но огъян лэсьтыны. Коммуникативной: – эшъёсэ кылзыны но ас малпанзэ усьтыны; – пиналъёсын кусыпо, ог­огзэс валаса ужаны;     Уроклы   кутэм   тӥрлык:  лыдӟон   книга,   компьютер,   проектор,   экран, дасям слайдъёс        Уроклэн мынэмез.  ­ Ӟечбуресь, пиналъёс, Ӟечбуресь,  юлтошъёс! Выжыкыл дуннее Туннэ нош вымыштом. Тӥ дасесь­а, эшъёс, Ишиен пумиськын? Шуг­секыт югдурысь Ваньмы ӵош мӧзмытскын? Ужпумо югдур кылдытон но уроклы азьмугъёс пуктон   ­  Кыӵе   шугсекытысь   мӧзмытоно  Ишиез?   (Иши   кылиз   огназ,   анай­атаез кулӥзы, нош Иши номыр карыны уг быгаты). ­   Кызьы   кылдэм   югдурысь   потоны   Ишилы?  (Иши   нырысь   ик   ачиз воштӥськыны кулэ). ­ Гуртады тӥ лыдӟиды выжыкыл­пьесалэсь 2­тӥ действизэ, озьыен, ма сярысь туннэ   вераськонмес   азьланьтомы?  (Кыӵе   улонэз   луиз   Ишилэн   анай­атаез кулэм бере) Утчан­эскерон люкет ­   Выжыкыллэсь   кыкетӥ   действиезлэсь   пуштроссэ   тӥ   умой   тодӥськоды   ни. Соин   тӥледлы   урокын   луоз   ужаны   капчи.   Ужалом   туннэ   6   туркымлы люкиськыса, уже кутомы «Куать шляпа» приёмез. Котькуд туркымлэн луоз аслаз буёлэн шляпаез, туркымъёсын пиналъёс сётэм ужъя утчалозы текстысь валэктонъёс. Тодьы шляпа  (фактъёс) Возьматыны кулэ кыӵе шуге­леке шедемын гондыр Иши. Юанъёс:  1) Кытысен   пумиськиськом   Ишиен   анай­атаез   кулэм   бере?  (Ветлэ нюлэскытӥ огназ, вуиз мур нюке) 2) Ма сое та вакытэ тужгес но сюлэмшугъяськытэ?  (Солэн туж сиемез потэ) 3) Малэсь кышказ шур дуре васькыса? (Шур пыдсысь ассэ адӟыса) 4) Мае адӥз кӧня ке кӧлэм бераз, быгатӥз­а басьтыны ма кулэ вал солы? (Адӟиз   муш   умортоез   но   ӧз   вала   отысь   чечызэ   октыны,   кошкиз сютэм) 5) Кинэн пумиськиз Иши нюлэскын? (Коньыен) 6) Жаля­а   коньы   Ишиез,   лыдъя­а   сое   пичиен?  (Коньы   сое   уг   жаля, куаретэ, нодтэм будэмед шуэ.) 7) Кыӵе   визьнод   сётэ   гондырлы   коньы?  (Мукет   гондыръёс   доры   сюрес возьматэ) 8) Быгатэ­а   Иши   соку   ик   ужаны   тӥрен?  (Солэн   ужез   уг   пӧрмы, керӟегъяське) 9) Кин ужан мылкыдзэ жутэ солэсь? (Мӧйы гондыр Михайло агай). 10) Оске­а ужам дышонэзлы Иши (Со оске, шуэ дышо) (Тӧдьы   шляпа   туркым   сётэм   юанъёсъя   вакчияк   класс   азьын   Ишиен кылдэм югдур  сярысь вераны дасяське.) Горд шляпа (Мылкыдъёс­эмоциос) Таиз   туркым   ужалоз   Ишилэсь   но   мукет   геройёслэсь   мылкыдзэс возьматон бордын. Верамдэс текстысь цитатаосын юнматэ. 1).     Кыӵе   Ишилэн   мылкыдыз   нюлэскытӥ   мыныкуз?  (Нюкъёстӥ­гопъёстӥ ветлыса  катьтэммемын ни, улэмезлы кайгыре, сюлэмшугъяське:   «Мон   шудтэм   пичи   гондыр,   сьӧд   нюлэскы   йыроми.   Кӧт   сюмаса катьтэмми, ӧвӧл нокин жалясе») 2). Возьматэ кыӵе мылкыдыз нюкысен (Отысь чир кеськыса тубе. Кӧшкема) 3). Кинэ тодаз вае   сютэм ветлонназ?  (Сиемез потыку тодаз лыкто анай­ атаез:  «Визьмасал ке атае, жалясал ке анае…»)  4).   Возьматэ   мылкыдызлэсь   воштӥськемзэ   умортоез   адӟем   бере   но   чечыез басьтыны   быгатымтэ   бере     (Умортоез   адӟем   бераз   мылкыдыз   лӧптэ: «Табере кӧттырымон чечызэс сиё ни мон.», мушъёс лекамен чечы сиыны уг быгаты но вӧсь луэмезлы чидатэк, зар­зар бӧрдэ) 5). Коньез пумитаку кыӵеен адӟиськоды гондырез?   (Гондырпимы коньыез адӟыса пайме: «Кин­о тон? Нимыд кызьы?») 6).   Нош   кыӵе   мылкыдыз   коньылэн?  (Коньы   абдра   Ишилы:   «Кин   выжые мынэмед, тыпак нодтэм будэмед») 7).  Кызьы люкиське  коньыен (Коньылы  визьнод сётэмез  понна тау  каре, йыбарттэ. 8) Гондыръёс доры вуыса, тӥрен ужез уг пӧрмы, кыӵе малпанъёсыз? (Ужамез уг луы, лушкем бӧрдэ: «Та синазькыль тӥрлыкез чик ӧй вал кутылэме») 9)   Гондыр   нылъёсты   вералэ,   соос   кыӵеен   возьматэмын  (Соос   серекъяло, мактало Ишиез: « Киыз солэн копак мырк. Ужамез ӧй вал на, дыр»). 10)  Михайло агайлэсь мылкыдзэ возьматэ (Михайло агай буйгатэ: «Ужамед тынад пӧрме» ) (Горд  шляпа   туркым  Ишилэсь   но   мукет  геройёслэсь  мылкыдзэс   возьматон бордын ужа, со сярысь класс азьын вераськыны дасяське.) Сьӧд шляпа (негатив) Пиналъёс   текстэз   выльысь   лыдӟыса   ортчо,   но   утчало   кыӵе   йӧнтэм   сямыз адӟиське  Ишилэн пӧртэм учыръёсын.   1).   Иши   арганэн   кайгырыса   нюлэскытӥ   калге  (Ужаны   ӧвӧл   дышемын, арганэн гинэ шудыны дышемын) 2). Кырӟанзэ кылзыса кыӵе алама сямзэ адӟиськоды на? (Шугсекытъёсын уг быгаты нюръяськыны, ляб сямо, ассэ  ялан пичиен лыдъя на, кинлэське жалямзэ вите, будэмын нуныяськыса). 3) Мур нюкысь кесяськыса тубе, мушъёсты уллян понна   умортоез бодыен шуккылэ  (Кышкась,   кӧшкемась,   котыр   улонысь   номыре   но   ӧвӧл адӟылэмын, номырлы но пайдалыкез ӧвӧл, лекъяськись, вог) 4)   Коньыез   уг   тодма  (Нюлэскы   ноку   но   ӧвӧл   потамын,   нокинэн   ӧвӧл эшъяськемын) 5).   Коньыен   вераськыку   кыӵеен   адӟиськоды   Ишиез  (Ас   сярысьтыз   гинэ сюлмаське, номыр но уг лэсьты югдурез воштон понна, ялан ассэ жаляса ветлэ.) 6). Тӥрен ужакуз (Уг пӧрмы ужез, соку ик бӧрдэ, ненегъяське) Пиналъёс ужало, дасясько вераны Ишилэн йӧнтэм сямыз сярысь. Ӵуж шляпа (позитив, умой ласянь воштӥськонъёс) ­ Таиз туркым возьматыны кулэ Ишилы оскыны луэмез, со шуак бырем герой ӧвӧл на шуыса. Сётэм текстэ текстъя кулэ кылъёс пыртылэ: Мон   оскисько   ______________,   со   одно   ик   ассэ   быгатоз   вормыны. Воштӥськонъёс   адӟиськыны   кутско   ___________________   пумиськыкуз.   Со коньылэсь   куре   ___________________   .   Нош   коньы   солы   возьматэ ___________________ , но со сюресэз ӧвӧл капчи. Гондыр шумпотэ но оске __________________________________________________________________   . Пуштрес быжо эшез сӥзе солы _______________________________________  _________________________________________________________________ . Иши сюлмысьтыз ____________________. ___________________ коньылы. Тани адӟиськом ни сое ужасен, Иши корез ________________ кутске. Тӥрез ____________________________________   .   Кӧня   ке   улыса,   выльысь ________________________  Кизэ шукке. Лушкем _______________ . Озьыен «     кылъёсын: адӟиськом   гондырлэн   ассэ   вормыны   дышетскемзэ.   Михайло   агайлэн кылъёсыз сое бурдъяло.  Ишилэн аслыз ачиз осконэз юнма, соин ик пьеса йылпумъяське Мон тыршо_______________________________________________ __________________________________________________________________ ___ (Ӵуж   шляпа   туркымысь   пиналъёс   пьесалэсь   2­тӥ   действизэ   уже   кутыса быдэсто сётэм текстэз). Вож шляпа (выль идеяос, ӵектонъёс)   Мар луысал Ишиен, ӧй ке пумиськысал Коньыен? Малпалэ, куспады вераське но шедьтэ мукет сюрес Ишилы та кылдэм шугсекытысь потыны. (Пиналъёс ужало, утчало выль луонлык, мукет сюрес юмокысь потыны). Лыз шляпа (дунъет сётон)  Быдэс пьесаез пуштроссэ тодады вайыса Ишилэн улонэзлы дунъет сётэ. Урод сямъёсыз яке умой сямъёсыз тросгес. Таблицаен ужалэ. Эшъёсты вераськыку  сак кылзӥськиды ке таблицаен уждэс быгатоды азьланьтыны Урод сямъёс Умой сямъёс Таблицадэс быдэстэм бере гожтэ йылпумъян текст, кутске тазьы: «Ишилэн улонэз кутскиз майбыр, анай­атаез сое ортчыт жаляса возизы…» (Пиналъёс ужало). ­ Бадӟым тау, пиналъёс, рос­прос ужаны быгатэмды понна. Та произведениен асьмеос ужаны быгытысалмы на планъя, кудӥз сётэмын произведенилэн пумаз. Ойдолэ эскером со планъёсты. (Пиналъёс учко, лыдӟо) ­ Маин та кык планъёс пӧртэмесь луо? Кудӥзъя текстэз вераны капчигес? Малы? (Одӥгез план вакчи, со сётэ котькуд суредлы гинэ ним. Нош  мукетыз план сётэмын паськытатыса, соин соя пуштроссэ вераны капчи).   ­   Кызьы   меда   нимасько   литератураын   та   кык   сётэм   планъёс?   Лыдӟе авторъёслэн сётэм валэктонзэс. (План луыны быгатэ  простой  но  сложной. Сложной планын котькуд люкет пичи люкетъёслы висъяське на. Таӵе планъя произведенилэсь пуштроссэ вераны капчигес.)  ­ Лыдӟиськон урокын уже кутыны быгатом табере та кыксэ ик планъёсты Доре уж: Асьмеос котькуд ласянь эскерим куинь урок ӵоже Ишилэсь улонзэ.  Гуртады малпаське но Гондырпи Ишилы тетрадяды дэмланъёс гожтэ. Дунъян люкет: ­  Уроклэн пумыз вуэ, кыӵе малпанъёс кылдӥзы тӥляд та пьеса­выжыкылэн ужаммы ӵоже, кыӵе вывод­йылпумъян лэсьтысалды асьтэлы. (Нылпиос верало малпанъёссэс).

Сборник конспектов уроков по удмуртской литературе для 4 кл

Сборник конспектов уроков по удмуртской литературе для 4 кл

Сборник конспектов уроков по удмуртской литературе для 4 кл

Сборник конспектов уроков по удмуртской литературе для 4 кл

Сборник конспектов уроков по удмуртской литературе для 4 кл

Сборник конспектов уроков по удмуртской литературе для 4 кл

Сборник конспектов уроков по удмуртской литературе для 4 кл

Сборник конспектов уроков по удмуртской литературе для 4 кл

Сборник конспектов уроков по удмуртской литературе для 4 кл

Сборник конспектов уроков по удмуртской литературе для 4 кл

Сборник конспектов уроков по удмуртской литературе для 4 кл

Сборник конспектов уроков по удмуртской литературе для 4 кл

Сборник конспектов уроков по удмуртской литературе для 4 кл

Сборник конспектов уроков по удмуртской литературе для 4 кл

Сборник конспектов уроков по удмуртской литературе для 4 кл

Сборник конспектов уроков по удмуртской литературе для 4 кл

Сборник конспектов уроков по удмуртской литературе для 4 кл

Сборник конспектов уроков по удмуртской литературе для 4 кл

Сборник конспектов уроков по удмуртской литературе для 4 кл

Сборник конспектов уроков по удмуртской литературе для 4 кл

Сборник конспектов уроков по удмуртской литературе для 4 кл

Сборник конспектов уроков по удмуртской литературе для 4 кл

Сборник конспектов уроков по удмуртской литературе для 4 кл

Сборник конспектов уроков по удмуртской литературе для 4 кл

Сборник конспектов уроков по удмуртской литературе для 4 кл

Сборник конспектов уроков по удмуртской литературе для 4 кл

Сборник конспектов уроков по удмуртской литературе для 4 кл

Сборник конспектов уроков по удмуртской литературе для 4 кл

Сборник конспектов уроков по удмуртской литературе для 4 кл

Сборник конспектов уроков по удмуртской литературе для 4 кл

Сборник конспектов уроков по удмуртской литературе для 4 кл

Сборник конспектов уроков по удмуртской литературе для 4 кл

Сборник конспектов уроков по удмуртской литературе для 4 кл

Сборник конспектов уроков по удмуртской литературе для 4 кл

Сборник конспектов уроков по удмуртской литературе для 4 кл

Сборник конспектов уроков по удмуртской литературе для 4 кл

Сборник конспектов уроков по удмуртской литературе для 4 кл

Сборник конспектов уроков по удмуртской литературе для 4 кл

Сборник конспектов уроков по удмуртской литературе для 4 кл

Сборник конспектов уроков по удмуртской литературе для 4 кл

Сборник конспектов уроков по удмуртской литературе для 4 кл

Сборник конспектов уроков по удмуртской литературе для 4 кл

Сборник конспектов уроков по удмуртской литературе для 4 кл

Сборник конспектов уроков по удмуртской литературе для 4 кл

Сборник конспектов уроков по удмуртской литературе для 4 кл

Сборник конспектов уроков по удмуртской литературе для 4 кл

Сборник конспектов уроков по удмуртской литературе для 4 кл

Сборник конспектов уроков по удмуртской литературе для 4 кл

Сборник конспектов уроков по удмуртской литературе для 4 кл

Сборник конспектов уроков по удмуртской литературе для 4 кл

Сборник конспектов уроков по удмуртской литературе для 4 кл

Сборник конспектов уроков по удмуртской литературе для 4 кл

Сборник конспектов уроков по удмуртской литературе для 4 кл

Сборник конспектов уроков по удмуртской литературе для 4 кл

Сборник конспектов уроков по удмуртской литературе для 4 кл

Сборник конспектов уроков по удмуртской литературе для 4 кл

Сборник конспектов уроков по удмуртской литературе для 4 кл

Сборник конспектов уроков по удмуртской литературе для 4 кл

Сборник конспектов уроков по удмуртской литературе для 4 кл

Сборник конспектов уроков по удмуртской литературе для 4 кл

Сборник конспектов уроков по удмуртской литературе для 4 кл

Сборник конспектов уроков по удмуртской литературе для 4 кл

Сборник конспектов уроков по удмуртской литературе для 4 кл

Сборник конспектов уроков по удмуртской литературе для 4 кл

Сборник конспектов уроков по удмуртской литературе для 4 кл

Сборник конспектов уроков по удмуртской литературе для 4 кл

Сборник конспектов уроков по удмуртской литературе для 4 кл

Сборник конспектов уроков по удмуртской литературе для 4 кл

Сборник конспектов уроков по удмуртской литературе для 4 кл

Сборник конспектов уроков по удмуртской литературе для 4 кл
Материалы на данной страницы взяты из открытых истончиков либо размещены пользователем в соответствии с договором-офертой сайта. Вы можете сообщить о нарушении.
28.01.2017