Түбір мен қосымшаның жазылуы.(4 сынып)

Мерзімі: 30.01.2017 ж Сабақтың тақырыбы: Түбір мен қосымшаның жазылуы. Сабақтың мақсаты: Түбір мен қосымшаның жазылуы тақырыбымен таныстыру. Түбір мен қосымшаның жазылуы туралы түсіндіру. Түбір мен қосымшаның жазылуы туралы мәлімет беру. Оқушыларды өз бетінше түбір сөзге қосымша жаза алуға баулу. Білімділігі: Түбір мен қосымшаның жазылуын айту. Түбір мен қосымшаның жазылуын сипаттау. Түбір мен қосымшаның жазылуын түсіндіру. Дамытушылығы: Оқушылардың мәнерлеп оқу дағдыларын дамыту. Түбір мен қосымшаның жазылуын түсіндіру . Ой –өрісін, адамгершілік қасиеттерін қалыптастыру. Тәрбиелігі: Оқушыларды отансүйгіштікке, адалдыққа, батырлыққа тәрбиелеу. Көрнекілігі : АКТ, Слайдтар, тест тапсырмалары. Әдісі: Топтық жұмыс, Джигсо, сұрақ-жауап, Пікір ағашы, «Үш қадамды сұхбат» Типі: жаңа білім беру Сабақтың барысы: І . Ұйымдастыру кезеңі. Психологиялық дайындық. Шаттық шеңберін құру. Қуанамын мен де, Қауанасың сен де. Қуанайық достарым, Арайлап атқан күнге. Оқушыларды 4- топқа бөліп алу. 1 топ Зат есім 2 топ Сын есім 3 топ Сан есім 4 топ Етістік Әр топқа бағалау парақшасы таратылады. Топ басшысы өзінің топ мүшелерін смайликтер арқылы бағалап отырады . Сабақ соңында топ мүшесінің сабаққа қатысуына қарай қорытынды ұпайын шығарады, айтады. ІІ. Үй тапсырмасын сұрау: - Балалар үйге қандай тапсырма берілген еді? - 4- жаттығу . Өлеңді көшіріп жазу. Қарамен жазылған сөздердің түбірі мен қосымшасын тауып, өзгерген дыбыстарды белгілеп жазып келу. - Түбір сөздің және сөз құрамының ережелері туралы мағлұмат жазып , жаттап келу. ІІІ. Үй тапсырмасын бекіту. Көлік – көлігі күшік - күшігі Доп – добы қабық -қабығы ІV. Жаңа сабақ. Балалар сендермен бірге интербелсенді тақтадан бүгінгі тақырыпқа байланысты бейне таспаны тамашалайық. Ендеше бүгін біз «Түбір мен қосымшаның жазылуы» жайында оқып, біліп танысамыз. Оқулықпен жұмыс: 1- жаттығу . Дәурен өлең жолдарын дұрыс жазды ма? Қалай қателесті? Иықынан - иығынан еңбекі - еңбегі 4-топқа бөліп Джигсо әдісін пайдалану. Әр топ -топпен ақылдасып өлеңнің мазмұнын айтады. Түсіндірме сөздік: Түбір сөз- сөздің одан ары қарай бөлінбейтін мағыналы бөлігі. Қосымша – жұрнақ және жалғау болып бөлінеді Түбір сөзге -жұрнақ жалғанса сөздің мағынасы өзгереді. Түбір сөзге- жалғау жалғанса сөздің мағынасы өзгермейді . Сөздерге түсінік беру , жазып алу. Дәптермен жұмыс : 2- жаттығу. Сөйлемдерді көшіріп жаз. Қарамен жазылған сөздердің түбірімен қосымшасын тап. Сөзде қай дыбыс өзгерген? Топ- тобы , Бақ- бағы, Әдеп – әдептілігіне , Сабақ - сабағына, Ерлік -ерлігі 3- жаттығу. Берілген сөздерге -ы, - і қосымшасын қосып жаз. Әділдік—әділдігі, ескек -ескегі, жалқаулық- жалқаулығы, жиек -жиегі, зейінділік –зейінділігі т. б. Өзің қалаған төрт сөзбен сөйлем құрастыр. 4- жаттығу. Жаңбыр тамшысынан өшіп қалған іріптерді орнына қойып, мәтінді көшіріп жаз. Мәтін мазмұнын әңгімелеу. V. Сабақты бекіту. « Үш қадамды сұхбат» әдісін пайдаланамын. Бұл жерде мақсаты оқушылардың жан –жақты білімдерін тексеру. Әр топтың міндетін түсіндіру керек. Зат есім тобы - Сын есім тобына сұрақ қояды Сын есім тобы - Зат есім тобына жауап береді, Сан есім тобына сұрақ қояды. Сан есім тобы - Сын есім тобына жауап береді, Зат есім тобына сұрақ қояды. Етістік тобы - сұрақ- жауапқа қорытындылау және талдау жасайды. Әр топ бұрын өтілген тақырыптар бойынша үш сұрақтан қояды. Топтар бір-біріне сұрақтарын қойып болғаннан кейін Етістік тобы бүгінгі жұмысты, топтардың бір-біріне қойған сұрақтарының маңыздылығы мен жауаптардың дұрыстығына сараптама жасап, топтардың жұмысына баға береді. Пікір ағашына «Екі жұлдыз бір тілек» арқылы бүгінгі сабақтан өзіне ұнаған немесе ұнамаған тұстарын стикерге жазады. VІ. Үйге тапсырма. 5- жаттығу. Мақалдарды көшіріп жазу. Қосымша жалғанғанда дыбыстық өзгеріске ұшыраған сөздерді тауып, астын сызып келу. Ынтымақ - ырыс қазығы, Уәде –жанның азығы. Ынтымақ түбі - игілік. Қазық -қазығы, азық -азығы, түп -түбі. Түбір мен қосымшаның жазылуы туралы түсініп оқып келу.Сабақтың мақсаты: Түбір мен қосымшаның жазылуы тақырыбымен таныстыру. Түбір мен қосымшаның жазылуы туралы түсіндіру. Түбір мен қосымшаның жазылуы туралы мәлімет беру. Оқушыларды өз бетінше түбір сөзге қосымша жаза алуға баулу. Білімділігі: Түбір мен қосымшаның жазылуын айту. Түбір мен қосымшаның жазылуын сипаттау. Түбір мен қосымшаның жазылуын түсіндіру. Дамытушылығы: Оқушылардың мәнерлеп оқу дағдыларын дамыту. Түбір мен қосымшаның жазылуын түсіндіру . Ой –өрісін, адамгершілік қасиеттерін қалыптастыру. Тәрбиелігі: Оқушыларды отансүйгіштікке, адалдыққа, батырлыққа тәрбиелеу. Көрнекілігі : АКТ, Слайдтар, тест тапсырмалары.